Morgunblaðið - 10.02.1987, Page 21

MORGUNBLAÐIÐ, ÞRIÐJUDAGUR 10. FEBRÚAR 1987
21
Bréfstúfur til Helga
Hálf danarsonar
eftir Gísla Konráðsson
Kæri Helgi.
Þótt við séum lítið kunnugir
leyfi ég mér að ávarpa þig dálítið
kumpánlega, sem kemur til af því
að þú ert af Valjdalsætt, eins og
konan mín, og er því um mægðir
að ræða með okkur.
Þú hefur talað og ritað margt
gott um íslenska tungu og vil ég
tjá þér miklar þakkir og góðar
fyrir það. En þegar ég var að
drekka morgunkaffið í morgun
og fletta Morgunblaðinu frá því í
gær, sá ég og las grein eftir þig,
á bls. 23, sem bar yfirskriftina
Stig af stigi og líkaði mér ekki
allt, sem þar stóð. Vil ég því gera
ofurlitla athugasemd.
í greininni stendur þetta: „Ég
býst við að fá nýyrði hafi farið á
flot öllu vitlausari en prósentu-
stig. Orðliðurinn stig er þar
merkingarlaus, nema hann merki
það sama og prósent, svo þama
er komið sérdeilis ánalegt sta-
glyrði."
Þarna er ég þér ekki sammála
og vil hér með reyna að gera grein
fyrir því, að prósent og prósentu-
stig hafa í mínum huga tvær
aðskildar merkingar. Gríp ég það
sem hendi er næst til að sýna ein-
falt dæmi:
Frystihús á íslandi vinna, flaka
og frysta fisk til útflutnings. Við
skulum gefa okkur, að 40 kg af
frystum flökum í endanlegu sölu-
formi hafí fengist úr 100 kg af
hráefni (venjulega slægðum fiski
með haus). Þetta köllum við 40
prósent nýtingu. Nýting er mjög
mikilvægt atriði og því hærri sem
hún er því betra. Þá skulum við
gefa okkur til viðbótar, að tekist
hafi að auka nýtinguna úr 40 í
44 kg. Ef ég ætla mér að skýra
frá þessari aukningu segi ég hik-
laust að nýtingin hafi hækkað um
4 prósentustig. Ég get alls ekki
sagt að nýtingin hafí hækkað um
4 prósent vegna þess að það er
ekki rétt, hækkun á nýtingunni
er í þessu tilviki 10 prósent en
ekki 4.
Ég vona að þér sé ljóst hvað
fyrir mér vakir og að þú komist
að sömu niðurstöðu og ég þegar
þú lítur á málið í nýju ljósi. Ég
mun halda áfram að nota orðið
prósentustig kinnroðalaust þar til
ég verð sannfærður um að það
sé rökleysa. Ég gæti þó alveg
sætt mig við að kalla þetta pró-
sentuþrep, ef það þætti betra.
Ef við höldum áfram að skrif-
ast á um þetta mál og þau skrif
aukast stig af stigi, óttast ég það
mest að við verðum kallaðir stiga-
menn.
Annars eru orðin prósent og
prósenta út af fyrir sig efni í
alveg sérstakan málþátt.
Með kærri kveðju.
Höfundur er framkvæmdastjóri
Útgerðarfélags Akureyringa hf.
SPECK
Lensi-, slor-, skolp-,
sjó-, vatns- og
holræsa-dælur.
Útvegum einnig dælu-
sett meö raf-, Bensín-
og Diesel vélum.
SÖMFÖaMgKLOir
dJfeinisssiiRi
Vesturgötu 16,
sími 1 3280
Þú svalar lestrart>örf dagsins
ásídum Moggans!
^Apglýsinga-
síminn er 2 24 80
Auglýsing
frá Menntamálaráði íslands
um styrkveitingar árið 1987
Samkvæmt fjárveitingu á fjárlögum 1987 verða
á árinu veittir eftirfarandi styrkir úr Menningar-
sjóði íslands:
Utgðfa tónverka
Til útgáfu íslenskra tónverka verða veittir einn eða
fleiri styrkir en heildarupphæð er kr. 100.000.00.
Umsóknum skulu fylgja upplýsingar um tónverk
þau sem áformað er að gefa út.
Dvalarstyrkir listamanna
Veittir verða 8 styrkir að upphæð kr. 70.000.00
hver. Styrkir þessir eru ætlaðir listamönnum sem
hyggjast dveljast erlendis um a.m.k. tveggja mán-
aða skeið og vinna þar að listgrein sinni.
Umsóknum skulu fylgja sem nákvæmastar upplýs-
ingar um fyrirhugaða dvöl. Þeir sem ekki hafa
fengið samskonar styrk frá Menntamálaráði
síðastliðin 5 ár ganga að öðru jöfnu fyrir úthlutun.
Styrkir til fræðimanna
Styrkir þessir eru til stuðnings þeim sem stunda
fræðistörf og náttúrufræðirannsóknir. Heildarstyrk-
upphæð er kr. 220.000.00. Umsóknum skulu fylgja
upplýsingar um þau fræðiverkefni sem unnið er
að.
Umsóknir um framangreinda styrki skulu hafa
borist Menntamálaráði íslands, Skálholtsstíg 7,
101 Reykjavík fyrir 10. mars 1987.
Nauðsynlegt er að nafnnúmer umsækjanda fylgi
umsókninni.
Umsóknareyðublöð liggja frammi á skrifstofu
Menningarsjóðs að Skálholtsstíg 7, Reykjavík.
Frystíhúsið á Hólmavík. Morgunblaðið/Baldur Rafn
Mikil atvinna
á Hólmavík
Hólmavík.
Á HAUSTMÁNUÐUM leit ekki
vel út með atvinnuhorfur á þeim
stöðum við Húnaflóa sem byggja
atvinnu sína að mestu á rækju-
veiðum. Hólmavík var einn
þessara staða. Þeir bátar er fóru
frá Hólmavík til rækjuveiða gekk
mjög illa og var mjög dauft hljóð
í sjómönnum. Skelfiskveiði gekk
aftur á móti þokkalega og voru
tveir bátar á þeim veiðum fram
að áramótum.
Sjómenn hér fóru ekki í verkfall
og gátu því farið á sjó strax eftir
áramót. Þá fór heldur betur að rofa
til og í stað deyfðar var farið að
vinna alla daga vikunnar. Jafnvel
var og er unnið langt fram á kvöld.
Næturnar eru einnig notaðar til
vinnu og er þá verið að slægja fisk.
í janúar hafa tveir bátar verið á
línuveiðum og hafa þeir komið með
allt uppí 7 til 8 tonn hvor bátur
eftir sólarhringsútiveru. Skipstjór-
inn á öðrum bátnum tjáði fréttarit-
ara að mest hefðu þeir veitt norðan
undir Drangaskörðum og væri því
löng sigling fyrir bátana á miðin.
Fréttaritari spurðist einnig fyrir um
það hversu langa viðdvöl þeir hefðu
í landi. Það kom fram að um 1 klst.
tæki að landa aflanum, taka kost
og olíu. Eftir það væri aftur haldið
á miðin.
Aðeins einn bátur hefur verið á
skelfiskveiðum eftir áramót og hef-
ur hann aflað mjög vel. Veiðar hans
hafa tryggt fulla atvinnu fyrir þá
sem hafa unnið við rækjuvinnsluna.
Jafnframt hefur rækja borist að
landi, þó ekki mjög mikil og hefur
því verið fljótlegt að vinna hana.
Það má því segja að nýja árið hafi
fært Hólmvíkingum vonir um að
næg atvinna verði út árið.
—Baldur Rafn
SHARP
LJÓSRITUNARVÉLAR
Þó að tækniframfarirá venjulegum Ijósritunarvélum stefni írétta
átt er alltafþörf fyrirþærsem skara fram úr. Nýju SHARP Ijósrit-
unarvélarnar eru framúrskarandi góðar.
Þærauka framleiðni skrifstofunnar með háþróaðri tæknisem
auðvelt er að stjórna. SHARP vélarnar tryggja þér óbrigðul Ijós-
rit sem eru fullkomin eftirmynd frumrits. I Skrifbæ eru til 8 gerðir
Ijósritunarvéla á lager.
HVERFISGOTU 103 SIMI 25999