Morgunblaðið - 17.02.1987, Síða 4

4
MORGUNBLAÐIÐ, ÞRIÐJUDAGUR 17. PEBRÚAR 1987
Aukið flugöryggi í kjölfar Ljósufjallaslyssins:
1,5 millj. til að auka upplýsingar
milli Veðurstofu og flugmanna
Á FJÁRLÖGUM þessa árs er gert ráð fyrir 1,5 milljónum króna í
því skyni að auka upplýsingastreymi milli flugmanna og Veðurstofu
Islands, en það er í samræmi við eina af þeim tillögum i öryggis-
átt, sem Flugslysanefnd og Flugmálastjórn hafa sent frá sér í kjölfar
flugslyssins í Ljósufjöllum í apríl 1986. Að sögn Hauks Haukssonar
varaflugmálastjóra er nú unnið að því að útvega tölvur til þessara
nota í samvinnu við Veðurstofuna.
Haukur sagði að Veðurstofan
væri nú komin með nýja tengingu
við gagnanet Pósts og síma og sam-
starfsnefnd Flugmálastjórnar og
Veðurstofunnar væri að undirbúa
sendingu veðurupplýsinga í gegn-
um þetta net á einkatölvur á öllum
helstu flugvöllum landsins.
í skýrslu Flugslysanefndar og
Flugmálastjórnar vegna slyssins er
ennfremur lagt til að kannað verði
hvernig flugrekstrarbækur flugrek-
enda, upplýsingarit og annað
fræðsluefni, sem Flugmálastjóm
hefur gefið út, eru notuð í viðhalds-
þjálfun og endurmenntun flug-
manna, t.d. við hæfnispróf.
Ennfremur verði brýnt fyrir flug-
rekendum og flugmönnum, að þeir
kynni sér tiltækt fræðsluefni um
veðurskilyrði á íslandi. Þá verði
einnig kannað hvort nægilegt tillit.
sé tekið til allra þekktra skilyrða
og aðstæðna, þegar lágmarks blind-
flugshæðir eru notaðar hveiju sinni
og hvaða úrbætur eru tiltækar í því
efni. Varðandi þessi atriði sagði
Haukur að hér væri um að ræða
verkefni eftirlitsmanna hjá Loft-
ferðaeftirlitinu og flugrekstrar-
stjóra viðkomandi flugfélaga og
kvaðst hann vænta þess að þeir
myndu ganga eftir þessum atriðum
í samræmi við tillögurnar.
Varðandi síðasta atriðið í tillög-
unum, þess efnis að kannað verði
hvort ekki sé tímabært að krefjast
þess að flugvélar sem notaöar eru
í reglubundnu flugi og þjónustuflugi
eftir blindflugsreglum, verði búnar
jafnþrýstiklefum og eða hverfi-
hreyflum sagði Haukur að hér væri
hreyft hugmyndum um megin-
stefnu í uppbyggingu flugflotans í
framtíðinni. Hér væri um að ræða
dýrar flugvélar og því óvíst hversu
fljótt slík uppbygging gæti gengið
fyrir sig. Þetta væri því framtíðar-
sýn sem vissulega væri þess virði
að kanna.
VEÐUR
ÍDAGkl. 12.00:
Heimild: Veðurstofa íslands
(Byggt á veðurspá kl. 16.15 i gær)
VEÐURHORFUR I DAG:
YFIRLIT á hádegi í gær: Skammt suðaustur af íslandi er hægfara
1032 millibara hæð. Víðáttumikil nærri kyrrstæð lægð, 980 milli-
bara djúp, er skammt norðaustur af Nýfundnalandi.
SPÁ: Hægviðri og bjart veður austantil á landinu en sunnan gola,
skýjað og súldarvottur á annesjum vestantil. Hiti verður um eða
yfir frostmarki.
I/EÐURHORFUR NÆSTU DAGA:
MIÐVIKUDAGUR OG FIMMTUDAGUR: Suð- og suðuestlœg átt.
Skýjað og súld eða rigning á suður- og vesturlandi en þurrt um
norðan- og austanvert landið. Hiti á bilinu 2 til 5 stig sunnan- og
vestanlands en um og undir frostmarki annars staðar.

TL'i m r
* w’.
F T' .
VEÐUR VÍÐA UM HEIM
kl. 12.00 í gær að ísl. tíma
hiti veöur
Akureyri -3 hálfskýjað
Reykjavík 2 skýjað
Bergen 1 léttskýjað
Helsinki -6 kornsnjór
Jan Mayen -11 léttskýjað
Kaupmannah. -1 snjókoma
Narssarssuaq 7 skýjað
Nuuk -1 skýjað
Osló -9 léttskýjað
Stokkhólmur -5 skýjað
Þórshöfn -1 alskýjað
Algarve 17 skýjað
Amsterdam 3 úrk. i gr.
Aþena 16 léttskýjað
Barcelona 11 léttskýjað
Berlín 1 súld
Chicago -7 snjóél
Glasgow 3 lóttskýjað
Feneyjar 6 súld
Frankfurt 1 snjókoma
Hamborg 0 snjókoma
Las Palmas 19 lóttskýjaö
London 2 snjóél
Los Angeles 13 heiðskírt
Lúxemborg -1 slydda
Madríd 8 skýjað
Malaga 17 skýjað
Mallorca 12 léttskýjað
Miami 23 skýjað
Montreal -21 skýjað
NewYork -13 hálfskýjað
París 1 snjókoma
Róm 10 rigning
Vín 5 skýjað
Washlngton -9 alskýjað
Winnipeg -7 snjókoma
Morgunblaðið/Einar Falur
Meðgóðum viniígóða veðrinu
Eldhús stór-
skemmdist í eldi
SLÖKKVILIÐIÐ í Reykjavík var síðdegis í gær kvatt að Háaleitis-
braut 113, en þar var eldur í íbuð.
Þegar slökkviliöið kom á vett-
vang kl. 17.30 var sprungin rúða í
eldhúsglugga á annarri hæð húss-
ins, sem er fjögurra hæða blokk og
sáust eldtungur fyrir innan. Reyk-
kafarar fóru inn í íbúðina og réðust
gegn eldinum. Greiðiega gekk að
ráða niðurlögum hans, en miklar
skemmdir urðu á eldhúsinu, bæði á
tréverki og múr. íbúar höfðu brugð-
ið sér frá og var íbúðin því mann-
laus.
Slökkviliðið hafði í nógu að snú-
ast um helgina og í gær. Á laugar-
daginn þurfti liðið tvisvar sinnum
að fara að Nesvegi, þar sem kveikt
hafði verið í sinu og á sunnudag
var það þrisvar kallað út af þeim
sökum. Þá logaði í sinu við Haga-
mel, Stekkjarbakka og Grundar-
land. Er talið að börn hafi verið að
verki í þessum tilfellum.
Á sunnudag var slökkviliðið kall-
að að húsi við Stigahlíð skömmu
fyrir hádegi. Þar var mikill reykur
í eldhúsi. Orsök hans reyndist sú,
að gleymst hafði að slökkva á elda-
vél og hafði kviknað í viftu og skáp
fyrir ofan hana. Skömmu,síðar fór
slökkviliðið að samkomuhúsi KFUM
við Sunnuveg-Holtaveg. Nokkurn
reyk lagði frá húsinu og reyndist
eldur loga í dýnum og húsgögnum
í herbergi inn af eldhúsi. Litlar
skemmdir urðu, en reyk lagði víða
um húsið.
í gærmorgun fór viðvörunarkerfi
fyrirtækisins Málningar í Kópavogi
af stað. Orsökin reyndist sú að heit-
ur ofn var opnaður og setti hitinn
kerfið í gang. Þá var tilkynnt um
eld í húsi við Grettisgötu, en hann
var lítill og hafði verið slökktur
þegar komið var á vettvang.
Loks má nefna að eidur kom upp
í kjallara nýbyggingar Sláturfélags
Suðurlands við Sætún síðdegis í
gær. Þegar slökkviliðið kom á vett-
vang höfðu starfsmenn ráðið
niðurlögum eldsins.
Markúsarnetið í
öll dönsk fiskiskip
DANSKA Siglingamálastofnunin
hefur nú gengið frá nýrri reglu-
gerð um öryggisbúnað um borð
i dönskum fiskiskipum. Þar er
ákvæði sem skyldar öll fiskiskip
yfir 20 lestir að stærð til að hafa
björgunarnetið „Markús" um
borð frá og með 1. júlí árið 1988.
Um er að ræða 1.000 til 1.200
skip, en seljendur netsins gera
ráð fyrir því að á næstu 3 árum
verði seld um 2.500 björgunarnet
í Danmörku.
Danmörk er fyrsta landið utan
íslands, sem hefur sett ákvæði sem
þetta í reglugerð og segir Pétur
Th. Pétursson, framkvæmdastjóri
fy'rirtækisins, að þar sé um að ræða
mjög sterkt og veigamikið fordæmi
öðrum þjóðum.
Gerður hefur verið samningur við
danska fyrirtækið Grenaa Smedie
Maskinfabrik um að markaðsdeild
þess taki að sér sölu netsins í Dan-
mörku. Samkvæmt upplýsingum
frá dönsku Siglingamálastofnuninni
er um að ræða 1.000 til 1.200 físki-
skip, sem skylt verður að hafa
Markúsarnetið í. Pétur TH. Péturs-
son segir, að við þann flota megi
bæta strandgæzlu og herskipaflota
Dana, sem ákveðið hafi að taka
netið um borð í skip sín um leið og
öll gögn liggja fyrir á dönsku. Einn-
ig megi ætla að áhugi verði á
Markúsarnetinu á borpöllum og
davíðar, þegar fram í sæki. Því
megi ætla að heildarmarkaðurinn í
Danmörku verði ekki undir 2.500
netum á næstu þremur árum.
Þverárhross-
in enn ófundin
„HESTARNIR mínir eru enn
ófundnir og útlitið versnar stöð-
ugt,“ sagði Kristján Benedikts-
son á Þverá í Oxarfirði í gær.
Leitað var úr lofti á sunnudag á
Núpasveitarheiði, Sléttuheiði og í
vesturhluta Þistilfjarðar án árang-
urs. Jóhannes Árnason í Höskuldar-
nesi á Sléttu fór á einshreyfils
flugvél sinni ásamt Kristjáni bónda
og þriðja manni. Kristján sagði að
veður hafí verið bjart og stillt, en
ekki hafi viðrað vel til leitar á laug-
ardag og nú sé skyggni aftur orðið
slæmt. „Ég veit satt að segja ekki
hvað næst er til ráða. Það er hugs-
anlegt að hrossin hafi farist ein-
hvers staðar. Við vitum eiginlega
ekki hvar skal næst leita því það
er er nú þegar búið að leita hér um
allt, á svo stóru svæði, bæði á flug-
vél og á vélsleðum,"
Ekkert hefur spurst til hrossanna
sjö frá Þverá síðan 10. janúar
síðastliðinn. Um er að ræða fimm
fullorðna hesta og tvö trippi.