Morgunblaðið - 11.03.1987, Síða 51

MORGUNBLAÐIÐ, MIÐVIKUDAGUR 11. MARZ 1987
51
unni. Æskuheimili og uppeldi Erlu
var því mótað af áhrifum þaðan.
Hún gerðist sjálf félagi í stúku föð-
ur síns, Einingunni nr. 14, og vann
í henni meðan hún mátti: í tengslum
við það var hún organisti í barna-
stúkunni Æskunni. Fram til hins
síðasta sendi hún kveðju sína á
fundi með góðum óskum og hvatn-
ingu. Félagar hennar þakka henni
nú samfylgdina, tryggð hennar,
þrautseigju og hetjuskap.
Þessum fáu kveðjuorðum lýk ég
svo með nokkrum ljóðlínum frá
Erlu sjálfri:
Hvert augnablik lífsins
er eilífðarinnar gjöf.
Við þræðum þau sjálf upp á
ævinnar örlagaþráð.
Láttu þín skina sem perlur
í fagurri festi,
svo endurspegli þau ást þína
von og trú.
Þó brygðist margt og bæn þín
virtist ei heyrð.
Fegurst þau glitra sem fágaði
táranna lind.
Þetta er falleg kveðja reyndrar
konu.
Halldór Kristjánsson
Elskuleg frænka er fallin frá eft-
ir langvarandi veikindi. Margt leitar •
á hugann á slíkri stundu.
Minningar um sérstaka konu rifj-
ast upp og hve margslungið lífið er.
Móðir mín og hún voru böm sam-
rýndra systra, Sigríðar og Þórunnar
Jónsdætra, og með Oddnýju móður
minni, sem á einn bróður, og Erlu,
sem var einkabam, þróaðist sérstök
vinátta þegar í bernsku, sem ætíð
hélst söm og jöfn.
Erla eignaðist stóran barnahóp,
sjö böm með fýrri manni sínum,
Valdimar Ólafssyni, og átti barna-
láni að fagna.
Mér eru minnisstæð bamaaf-
mælin á heimili þeirra í bernsku
minni. Þar var alltaf svo margt og
svo glatt á þeim bæ. í því átti Erla
stóran þátt, hún var alltaf svo kát
og ánægð.
Eftir að ég fullorðnaðist gerði
ég mér enn betur grein fyrir sér-
stöðu Erlu.' Hún var vel gefin,
músíkölsk og skáldmælt og hvatti
alla óspart til að afla sér þekkingar
og vildi alltaf miðla öðrum af sinni.
HÁÞRÝSTI-
VÖKVAKERFI
SérhæfÓ þjónusta.
Aóstoóum vió val
og uppsetningu
hvers konar
háþrýstibúnaóar.
yökvamótorar
= HÉÐINN =
VÉLAVERZLUN-SIMI: 24260
LAGER-SÉRRANTANIR-tUÓNUSTA
Og frændræknari manneskju þekki
ég ekki, alltaf mundi hún eftir öllum
og reyndi að blanda geði við fólk
eins og unnt var.
Erla var tvígift og seinni maður
hennar, Helgi Kolbeinsson, hefur
verið henni ótrúleg stoð í veikindum
hennar ásamt börnunum.
Ég minnist heimsókna þeirra á
heimili mitt nú seinni árin með sér-
stakri ánægju.
Við fráfall Erlu höfum við öll
misst mikið.
Ég votta eiginmanni hennar,
börnum, tengdabörnum og barna-
börnum innilega samúð mína og
minna.
Ingibjörg Jónasdóttir
Það er misjafnt hvað mönnum
gengur vel að safna sér sólargeisl-
um á lífsferlinum. Sumir taka ekki
eftir neinum þeirra. Aðrir sjá þá í
hvetju því sem þeir taka sér fyrir
hendur og jafnvel í mótlæti.
Erla Þórdís Jónsdóttir var dygg-
ur safnari sólargeisla og engri
manneskju hef ég kynnst sem átti
eins auðvelt með að koma auga á
björtu hliðarnar.
Erla fæddist 9. febrúar 1929 í
Reykjavík og ól þar allan sinn ald-
ur. Hún var dóttir hjónanna
Þórunnar Jónsdóttur kennara og
Jóns Alexanderssonar útvarps-
virkja. Hún gekk hefðbundinn
menntaveg og lauk síðan stúdents-
prófi frá MR 1948. Sama ára giftist
hún Valdimar Ólafssyni, flugum-
ferðarstjóra, og við tóku búsýsla
og barneignir, en þau eignuðust 7
börn á 15 árum og frekara nám
hjá henni óframkvæmanlegt á þeim
tíma. Sumarið 1965 slitu þau Valdi-
mar samvistir og sama haust hóf
hún nám í stúdentadeild Kennara-
skóla íslands. Að loknu kennara-
prófi réð hún sig til kennslu í
Kópavogsskóla. Hún stundaði starf
sitt af kostgæfni og þeirri ljúf-
mennsku sem henni var lagið, og
þrátt fyrir annir sem fylgdu þungu
heimili eyddi hún ómældum tíma í
að hjálpa þeim sem minna máttu
sín.
Okkur fyrrum samstarfsfólki
hennar er vel í minni 13. janúar
1972 en þann dag gekk hún undir
skurðaðgerð, þar sem fjarlægja átti
æxli úr andliti hennar. Öll héldum
við að þetta yrði smáaðgerð en
reyndin varð önnur. Æxlið reyndist
illkynja eins og hana hafði reyndar
grunað og taka varð auga og bein
úr vinstri hluta andlits. Margur
hefði bognað við slíkt en sólargeisl-
arnir sem Erla átti í fórum sínum
komu að góðum notum, og henni
fannst að þetta hefði getað verið
verra. Á næstu árum var hún við
sæmilega heilsu en vorið 1978 lét
hún af störfum við skólann. Margt
sjúkdómsstríðið hefur hún háð hin
síðari ár og hvernig hún mætti því
var góð kennsla fyrir þá sem mæð-
ast yfir smámunum. Hún naut góðs
stuðnings seinni manns síns, Helga
Kolbeinssonar, bifvélavirkja, en þau
giftu sig 30. desember 1967. Helgi
er hinn ágætasti maður, rólegur og
æðrulaus. Böm hennar og fjölskyld-
ur þeirra eru hið mesta efnisfólk
sem henni varð tíðrætt um.
Á yngri árum stundaði Erla nám
í píanóleik. Oft sat hún og spilaði
á píanóið og samdi lög og ljóð. Ein
kvæðabók hefur komið út eftir
hana, Maldað í móinn. Þar má lesa
lífssögu hennar og hugsanir um lífið
og tilveruna. Börnin, hjónaböndin,
skilnaðinn og ungdóminn í dag sem
henni þótti heldur vanræktur. Eitt
Ijóðið er einmitt hvatning til okkar
um að safna sólargeislum á góðum
dögum og geyma til dimmra daga
til að verma og hugga. Við hér í
Kópavogsskóla sendum Helga og
afkomendum hennar samúðar-
kveðjur.
Vel notað líf er langt líf. Ljúf er
minning um góða konu.
Jóna Möller
ÚRVALS
FILMUR
Kvnninaarverö
## Dreifing:
TOIVUSPIIHF.
simi: 68-72-70
meginþorra
þjóóarinnar
daglega!
Auglýsinga-
síminn er224 80

íslensk ritvinnsla
Fjölbreytt og vandað námskeið í notkun rit-
kerfisins ORÐSNILLD. Forritið er á íslensku
og með íslensku orðasafni.
Dagskrá:
* Grundvallaratriði við notkun PC-tölva
* Ritvinnsla með tölvum
* Ritkerfíð ORÐSNILLD
* íslenska orðasafnið og notkun þess
* Útprentun á laserprentara
* Umræða og fyrirspumir
Elfsabet Halldórsdóttir
starfsmaður hjó Rafreikni hf.
Tími: 16.—19. mars kl. 13—16.
Iimritun í símum 687500, 686700,
687434 og 30566.
Tölvufræðslan
Borgartúni 28
HRESSINGARDVÖL
#8
á Hótel Ork
GISTING í 5 NÆTUR - FRÁ SUNNUDEGITIL FÖSTUDAGS
★ Morgunverður og
hádegisverður
★ Læknisskoðun
★ Þolmæling
★ Sjúkraþjálfun
★ Nudd
★ Leirböð og víxlböð
★ Leikfimi
★ Ljós
★ Sund og heitir pottar
★ Sauna
★ Snyrtimeðferð
★ Gönguferðir
★ ALLT ÞETTA
ER INNIFALIÐ
Hveragerði sími 99-4700