Morgunblaðið - 04.04.1987, Blaðsíða 66

66
MORGUNBLAÐIÐ, LAUGARDAGUR 4. APRÍL 1987

ta°*
. . . annars hugar.
TM Reg. U.S. Pat Off. — all nghts reserved
® 1987 Los Angeles Times Syndicate

Fari þetta í taugarnar á
þér gefðu honum þá eitt
undir hökuna.
Eg er svo loppinn — gæti
lögreglan ekki losað tapp-
ann fyrir mig?
Réttlætismál
Tuttugasta og þriðja mars sl.
flutti Pétur Kr. Hafstein sýslumað-
ur útvarpserindi í þættinum „Um
daginn og veginn". Margt var þar
vel sagt en ekki verður hér nema
eitt atriði gert að umtalsefni.
Hann vitnaði í grein eftir Thor
Thors, þar sem lýst var hversu
mannréttindi eru fótum troðin með
því að taka tillit til landsvæða við
vægi atkvæða í alþingiskosning-
um, og hversu fáránlegt það er að
menn í sumum kjördæmum skuli
geta komið manni á þing, og þann-
ig getað haft mikil áhrif á iands-
mál, jafnvel stjóm, þó þingmaður-
inn hafí jafnvel þrisvar til fjórum
sinnum færri atkvæði bak við sig
en annar, sem er í fjölmennara
kjördæmi. Þessu mætti til að
breyta.
Því miður eru litlar líkur á að
þetta breytist meðan stofnskrá
Sameinuðu þjóðanna er með
slíkum endemum, sem hún er nú.
Það hljóta allir að sjá hversu ógur-
legt það misrétti er, að smáþjóð,
sem er innan við þrjú hundruð
þúsund, skuli hafa sama atkvæðis-
rett innan þeirra og sjö hundruð
milljóna þjóð. Meðan þetta við-
gengst munu menn vitna til þess
sem réttlætingar á að eðlilegt sé
að mismunandi landsvæði hafí ekki
endilega sama þingmannafjölda á
bak við þingmenn.
Það hlýtur því að vera skýlaus
krafa allra réttlátra manna að ís-
lendingar beiti sér fyrir því innan
Sameinuðu þjóðanna að stofnskrá
þeirra verði breytt, þannig að
fólksfjöldi hverrar þjóðar ráði þar
atkvæðamagni hennar.
Er hugsanlegt að þeir sem vilja
koma á réttlæti hér á landi (og
annars staðar í heiminum) séu
ekki tilbúnir að berjast fyrir þessu
réttlætismáli? 7844-6838
Byggjum varaflug-
völl á Akureyri
Til Velvakanda.
Ég vil setja fram nokkrar rök-
semdir fyrir því að varaflugvöllur
verði gerður á Akureyri. í fyrsta
lagi þarf aðeins að breiðka cg
lengja flugbrautina á Akureyri en
ef Sauðárkrókur yrði fyrir valinu
þyrfti að leggja nýja flugbraut. í
öðru lagi þyrfti ekki að bæta ratar-
kerfí og aðflugstæki flugvallarins
á Akureyri mikið þó flugvöllurinn
þar yrði gerður að varaflugvelli.
Að vísu þyrfti að stækka flugstöð-
ina nokkuð sem ekki þyrfti að
kosta mikið. Stærsta vandamálið
er gisting farþega. Tökum dæmi.
Flugvöllurinn í Keflavík er lokaður
en tvær DC-8 þotur eru á leiðinni
til landsins. í stað þess að fara til
Skotlands fara þær til Akureyrar
og hótelin á Akureyri eru látin
vita að um 500 manns séu að
koma. Það er mikið atriði að hótel-
rými sé til staðar þar sem vara-
flugvöllurinn er.
Ef varaflugvöllurinn yrði á
Sauðárkróki færu miklir fjármunir
í að byggja flugstöð, gera flug-
braut o. fí. en stærsta vandamálið
yrði e. t. v. hótelrými fyrir far-
þega. Ég vona að þessar röksemdir
verði teknar til greina. Sem skatt-
greiðandi vil ég að hagkvæmnin
sé látin sitja í fyrirrúmi varðandi
stórframkvæmdir sem þessar.
Áhugamaður um flug
Þjónusta í Seljahverfi
Húsmóðir í Seljahverfi skrifar:
Agæti Velvakandi, fyrir hönd íbúa
Seljahverfis í Breiðholti vil ég koma
eftirfarandi athugasemd á frmfæri
við borgaryfírvöld. I þessu hverfí
er þjónusta í verslunarstarfsemi
mjög einhæf og ábyggilega sú ein-
hæfasta sem fyrirfinnst í þessari
borg. Víðast hvar í hverfínu eru
matvöruverslanir og sjoppur á með-
an annarri verslunarstarfsemi er
ábótavant. Til þess að uppfylla lág-
marks þarfir íbúanna þyrfti að vera
mun ijölbreyttari verslunarstarf-
semi í hverfinu. Til að mynda er
brýn þörf á að hér verði komið upp
apóteki, bankaútibúi og pósthúsi,
eins og flest önnur hverfi hafa upp
á að bjóða.
Hér í hverfínu er verið að byggja
verslunarmiðstöð, nánar til tekið á
Kleifarseli. Af því tilefni ræddi ég
við þá aðila sem standa að þeirri
byggingu. Tjáðu þeir mér að þeir
ætluðu að leitast við að hafa sem
fjölbreyttasta verslunarstarfsemi
þama. I því sambandi ræddu þeir
við borgaryfirvöld um að þarna yrði
veitt leyfí til reksturs apóteks og
tjáðu þeir mér að borgaryfirvöld
hefðu sýnt því áhuga.
Það væri okkur íbúum Selja-
hverfís og þá sérstaklega okkur sem
búum í efsta hluta þess sönn án-
ægja að fá slíka þjónustu á þessum
stað. Því skora við á borgaryfirvöld
að sniðganga ekki þetta hverfí öllu
lengur og vonumst til að þau sýni
skjót viðbrögð hvað þetta varðar
Víkverji skrifar
HÖGNIHREKKVÍSI
„ÉG <S£T VELAn pESSARA SKREYriNGA
VEfíJ Ð' «
Víkveiji hafði varla fyrr sleppt
orðinu um daginn þegar hann
var að þusa út af fleirtölusýkinni
(nú skal það helst alltaf heita
„verðin" til dæmis) en einn af stór-
forstjórum þessa lands upplýsti í
samtali að við tiltekið tækifæri
sem hann nefndi hefðu „umræðu-
efnin" verið tvö. Hann vék líka
að umsvifum fýrirtækis síns á
undanförnum mánuðum og sagði
af því tilefni meðal annars: „Við
gerum ráð fyrir því að við flytjum
sextíu prósent af flutningunum
sem þeir voru að flytja."
Vonandi verða verðin ekki of
há fyrir flutninginn á þessum
flutningum.
xxx
Dýpstu spekina mátti aftur á
móti finna í upphafsorðum
aðsendrar greinar sem birtist hér
í blaðinu síðastliðinn þriðjudag:
Þau hljóðuðu svo: „Meðal þess
sem hin nýja íslenska kynþátta-
stefna sækir styrk sinn í, er það,
að hún þarf á engum hallmælum
að halda sér til áréttingar.“
Höfundi er mjög í mun að leiða
okkur einfeldningana hér uppi á
Fróni í allan sannleikann um stöðu
kynþáttamála í Suður-Afríku og
reynist þá jafnvel snjallari í hugs-
un en í fyrrnefndum inngangi sem
til er vitnað. Hann segir okkur til
dæmis umbúðalaust að Suður-
Afríka sé „helsta menningarl-
andið, sem eftir er á þeim slóðum
hnattarins, og það, sem einna helst
hefur borið við að virða mannrétt-
indi“.
Lokaorðin eru: „Lifi norræn
samvinna um stuðni'ng við Suður-
Afríku,“ og tekur Víkveiji vissu-
lega af heilum hug undir þau og
mun ekki liggja á liði sínu um
stuðning við þá kærleiksríku og
réttlátu menn sem ráða ríkjum í
þessu einstaka menningarlandi.
Líkt og hinn skeleggi baráttumað-
ur fyrir drifhvítri íslenskri þjóð,
sem hvetur hér okkur landa sína
til dáða, sækir Víkveiji styrk sinn
í það að hann þarf á engum hall-
mælum að halda sér til áréttingar.
Pistlahöfundur eins dagblaðs-
ins okkar, sem eftir öllum
sólarmerkjum að dæma sendir að
minnsta kosti sumar ritsmíðar
sínar frá Akureyri, sýndi okkur
ekki einasta á dögunum hvað
enskt orðalag er honum tamt held-
ur ennfremur hvað orðgnóttin er
frábær og smekkurinn.
Hið fyrrnefnda sannaði hann
með því að hefja eina klausuna
sína með hinu gullfallega og lipra
„skrifandi um“, þ.e.a.s. „writing
about“ eins og það heitir í for-
skriftinni. Og frábæran orðaforða
sinn sannaði hann okkur ekki einu
sinni heldur í tvígang með því að
hefja aðra klausu með orðunum:
„Hún var nastí auglýsingin“ og
Ijúka henni með upphrópuninni:
„Þetta kallar maður að vera
nastí."
Ástkæra, ylhýra málið. Það er
gott til þess að hugsa að starfs-
bræðurnir láta sér að minnsta
kosti annt um það.