Morgunblaðið - 14.08.1987, Blaðsíða 19

MORGUNBLAÐIÐ, FÖSTUDAGUR 14. ÁGÚST 1987
19
Umfangsmesta peningafölsun
sem um getur í Svíþjóð afhjúpuð
Glæpaf lokkur hreiðraði um sig á bóndabæ
í nágrenni Lundar
eftirPétur
Pétursson
Nýlega komst upp um pen-
ingafalsara sem höfðu komið
sér fyrir á bóndabæ einum
hér nálægt Lundi og prentað
a.m.k. 600 10.000 krónu seðla,
sem sennilega eru komnir í
umferð þar sem engin leið er
að finna þá nema með sér-
stökum aðferðum. Þetta er
viðamesta peningafölsun, sem
um getur í seinni tíð, að sögn
bankastjóra Seðlabankans.
Aður höfðu sænskir peninga-
falsarar verið afhjúpaðir í
Þýskalandi eftir að hafa
prentað eitthvað af 100 krónu
seðlum, án þess þó að nokkuð
umtalsvert magn hafi verið
komið í umferð.
Fölsunin var svo vel gerð, að
ekki var nokkur leið, fyrir venjulegt
afgreiðslufólk, að sjá að um eftirlík-
ingu var að ræða. Lögreglan prófaði
sjálf að láta nota þessa fölsku seðla
í tilraunaskyni og hvergi hafði af-
greiðslufólk neitt að athuga við
seðlana.
Komst upp af
misgáningi
Lögreglan fór að hafa áhuga á
því sem fram fór á bóndabænum,
sem um nokkurt skeið hefur verið
í eyði, eftir að sá sem hafði hann
á leigu framdi sjálfsmorð. Við at-
hugun á staðnum kom ýmislegt í
ljós sem vakti grun lögreglunnar.
Eiginkona hins látna vissi um starf-
semina en við yfírheyrslur hefur
komið fram að hún hafði ekki þorað
að hafa samband við lögregluna af
ótta við hefndaraðgerðir af hálfu
höfuðpaursins. Þá hafði einnig ver-
ið brotist inn í bæinn og eitthvað
af peningum stolið, sem reynt var
að koma í umferð þrátt fyrir það
að þeir væru ekki fullkomin eftirlík-
ing og sennilega hefur glæpaflokk-
urinn aldrei ætlað að setja þá
peningaseðla á „markaðinn". Lög-
reglan fann síðar mikið magn af
prentuðum peningaseðlum, sem
hafa verið prufur, því að þeir voru
gallaðir, en eitthvað af þeim hefur
samt komist í umferð og átt sinn
þátt í því, að allt komst upp. Falsar-
amir grófu þetta niður skammt frá
bænum með hjálp nágranna sem á
og rekur gröfu. Hann sá ekki hvað
um var að ræða, en honum var
sagt að þetta væri drasl af háa-
lofti. Þegar lögreglan hafði sam-
band við hann, og bað hann að
grafa upp peningana, hélt hann
fyrst að um gabb væri að ræða.
Að tilvísan hans fundust prufu-
prentanir og ýmiss útbúnaður, sem
notaður var við framleiðsluna.
Höfuðpaurinn, sem er 29 ára
gamall útlendingur, var búinn að
forða sér úr landi, þegar falsið
komst upp. Við yfírheyrslur hefur
komið fram að hann hafði það mik-
ið tangarhald á öðrum, sem vom í
vitorði og þeim, sem tengdust þessu
á einn eða annan hátt, að enginn
þorði af ótta við hann, að hafa sam-
band við lögregluna og segja frá.
Þessi maður virðist vera meiriháttar
glæpamaður með ýmislegt á sinni
könnu, svo sem skipulögð rán í
verslunum og lagerum. Virðist hann
einnig hafa aðgang að flutninga-
kerfí, sem kemur þýfínu í verð,
bæði á innlendum og erlendum
mörkuðum. Nýjustu fréttir herma
að það sé búið að taka hann fastan
í Júgóslavíu.
Allt í gamni
Prentarinn, sem sá um tæknilegu
hliðina, hefur ekki komið áður við
sögu hjá lögreglunni. Hann hefur
fasta atvinnu í Malmö og segist í
raun aldrei hafa komið nálægt
sjálfri prentuninni, heldur aðeins
gert mótin og síðan gefíð ráðlegg-
ingar. Hann segist aldrei hafa trúað
á fyrirtækið og tók þátt í þessu
meira af gamni en alvöru í byijun.
Hann segist aldrei mundu hafa tek-
Komist hefur upp um umfangsmestu peningafölsun sem um getur
í seinni tíð í Svíþjóð á bóndabæ nálægt Lundi.
ið þátt í þessu ef hann hefði vitað
að þetta væri framkvæmanlegt.
Þegar hjólin voru svo farin að snú-
ast var of seint fyrir hann að draga
sig út úr félagsskapnum. Falsið er
svo fagmannlega gert að lögregla
og bankamenn eru yfír sig undr-
andi. Hópurinn prentaði ekki aðeins
seðla heldur einnig fölsk ökuskír-
teini, sem átti m.a. að nota til að
ná út peningum af reikningum í
bönkum. Jafn vel gerðar eftirlíking-
ar af ökuskírteinum hafa aldrei
áður sést hér, enda svo um hnútana
búið að erfitt, ef ekki ógemingur,
á að vera að gera nákvæmar eft-
irlíkingar. Vitað er að höfuðpaurinn
reyndi að komast í samband við
bankastarfsfólk til þess að fá það
til að skipta fyrir sig fölskum seðla-
búntum í einu lagi yfir í öruggan
gjaldmiðil, en það hafði ekki tekist
áður en allt komst upp.
Höfundur er fréttaritari Mbl. í
Lundi ÍSvíþjóð.
EINMITT NUNA
ER RÉTTITÍMINN
#*. %
Hitastig lofts og sjávar eins og við Norðurlandabúar viljum hafa það -
með nægu sólskini fyrir alla.
Aðstaða til íþróttaiðkana á sjó og landi eins og amerískir atvinnumenn
vilja hafa hana - á heimsvísu.
Skemmtistaðir og listviðburðir þar sem allir finna eitthvað fyrir sig - að
sjálfsögðu.
En! Florida býður upp á fleira en baðstrendur og skemmtanalíf.
Farið ekki á mis við DISNEY WORLD - SEA WORLD - CYPRESS
GARDENS og CAPE CANAVERAL.
ATHUGIÐ: í fyrra seldist upp í fyrstu ferðirnar á örfáum dögum. Ef við
lítum á verðið mætti ætla að það sama gerðist nú.
Lítum á tvö dæmi:
A. 11 DAGAR: Quality Inn, Orlando í 3 nætur og Colonial Gateway Inn,
St. Pete Beach í 7 nætur. Verð: 22.010 kr.*
B. 21 DAGAR: Quality Inn, Orlando í 6 nætur og Colonial Gateway Inn,
St. Pete Beach í 14 nætur. Verð: 26.530 kr.*
* Verðið er meðalverð fyrir tvo fullorðna og tvö böm (2-11 ára) saman í herbergi og tekur gildi 15. sept.
Boðið er upp á fríar áætlunarferðir frá flugvelli og til St. Pete Beach.
Allar nánari upplýsingar færðu á söluskrifstofum Flugleiða, hjá umboðsmönnum og ferðaskrifstofum.
Söluskrifstofur Flugleiða: Lækjargötu 2, Hótel Esju og Kringlurmi.
V
Æ

FLUGLEIÐIR

Metsölubladá hverjutn degi!
Uppiýsingasími 25100.