Morgunblaðið - 14.08.1987, Blaðsíða 41

MORGUNBLAÐIÐ, FÖSTUDAGUR 14. ÁGÚST 1987
41
Forstjórinn Don Johnson í
tvíhnepptum jakkafötum, með
bindi og meira að segja í sokk-
um samkvæmt traustum heim-
ildum.
Don
ábyrgðarfulli
Johnson
Don Johnson er eins og menn
þekkja leikari og kyntákn í
lögregluþát.tunum Undirheimar
Miami, sem sýndir eru á Stöð 2.
Hann hefur nú stofnað eigið fyrir-
tæki. Það heitir að sjálfsögðu Don
Johnson Co. og á að vinna verkefni
fyrir sjónvarp og kvikmyndir. Don
efndi til mikillar veislu í tilefni þess-
ara tímamóta. í stað venjulegs
skara að allskyns stjörnum úr kvik-
myndum og sjónvarpi voru hand-
ritahöfundar og fagfólk ýmiskonar
mest áberandi í samkvæmi þessu.
Þykir það benda til að Don sé ein-
hver alvara með þessu nýja fýrir-
tæki sínu. Því til frekari sönnunar
sagði talsmaður hans, að Don hefði
mætt til veislunnar með bindi - og
í sokkum. Mikill alvörumaður, Don
Johnson.
Atján ára
íslandsmeistari
Morgunblaðið
Ulfar Jónsson, 18 ára íslandsmeistari í golfi, gaumgæfir stöðuna.
Ulfar Jónsson varð í fyrra
yngsti íslandsmeistari í golfi
fyrr og síðar, aðeins 17 ára gam-
all. Sigur hans kom eðlilega
mörgum á óvart. Nú varð aftur á
móti enginn hlessa, þegar hann
gerði sér lítið fyrir og sigraði á
landsmótinu annað árið í röð á
Jaðarsvelli á Akureyri með nokkr-
um yfirburðum um daginn . En
sigrinum voru gerð góð skil í frétt-
um.
Þar kom fram að Úlfar væri á
leið til Bandaríkjanna í nám í
markaðsfræði við háskólann í
Houston í Texas. Fólki í fréttum
fannst 18 ára aldur vera óvenju-
lágur til að hefja háskólanám og
spurði Úlfar hvort hann væri stúd-
ent. „Nei ég er það ekki,“ svaraði
hann. „Ég á eftir eitt ár í stúd-
ent. Það þýðir að námið hjá mér
tekur fjögur ár til BA-prófs í
markaðsfræði í staðinn fyrir
þrjú.“ Úlfar hefur fram að þessu
numið við Flensborgarskóla í
Hafnarfirði þar sem hann á
heima, en heldur út í bytjun sept-
ember.
Tækifæri sem ég get
einfaldlega ekki
sleppt
Hann fær mjög góðan styrk frá
háskólanum út á hæfni sína í
golfiþróttinni. Hann var spurður
hvernig þessi styrkur hefði komið
til. „Ég keppti í fyrra á unglinga-
móti í Skotlandi og stóð mig
nokkuð vel. Þar var staddur Doug
Saunders, sem var með bestu
kylfingum heims fyrir svona
fimmtán árum, býr í Houston og
hefur þar talsverð sambönd í golf-
heiminum. Hann sá mig leika
þama og spurði mig hvort ég
hefði hug á að koma út. Ég var til
í það og hann talaði við þjálfarann
í golfí hjá háskólanum og sagði
honum að ég væri góður í skólalið-
ið. Þjálfarinn útvegaði mér síðan
styrk sem felur í sér niðurfellingu
skólagjalda og allt uppihald nema
matinn. Þetta er tækifæri sem ég
get einfaldlega ekki sleppt."
- Er Texas meira golffylki en
önnur í Bandaríkjunum?
„Ja, mjög margir af frægustu
golfurum heims koma frá Texas,
til dæmis Ben Hogan og Lee Trev-
ino.“
Byrjaði sem kylfu-
sveinn hjá pabba
í fréttum Morgunblaðsins kom
fram að Úlfar æfír á hveijum
degi fjóra til fimm tíma, aðeins
við að slá bolta, en tekur auk
þess reglulega hringi um völlinn
þannig að hann æfír í raun tals-
vert lengur. Aðspurður hvernig
hann gæti þetta sagðist Úlfar
ekki vera í neinni sumarvinnu.
Og þegar enn frekar var spurt
hvernig hann gæti það, sagðist
hann hljóta stuðning frá vissum
mönnum, sem hann þó vildi ekki
nefna. Þrátt fyrir þennan mikla
æfíngatíma sagðist Úlfar hafa
nógan tíma fyrir aðra hluti. Að-
spurður hvort hann stundaði
einhveijar aðrar íþróttir, sagði
hann: „Ég stunda ekki aðrar
íþróttir á sumrin, en á veturna
spila ég til dæmis körfubolta
svona tvisvar í viku til að halda
mér við.“
- Hvenær byijaðir þú að spila
golf, Úlfar?
„Ég byijaði sem kylfusveinn
hjá pabba. Þegar ég var um átta
eða níu ára fékk ég svo að prófa
sjálfur, fékk mínar eigin kylfur
og hef haft ódrepandi áhuga á
golfi síðan.“
Úlfar var að lokum spurður
hvort Texas væri lykill að atvinnu-
mennsku hans í framtíðinni.
„Það verður að koma í ljós eft-
ir fjögur ár,“ sagði hann. „Námið
gengur fyrir. Maður verður að sjá
hvað maður verður orðinn góður
eftir þennan tíma. Framhaldið
ræðst af því.“
A
•5-.W
Fimm ættliðir
Þessi mynd var tekin 4. júní sl. í tilefni af 70 ára afmæli Vil-
hjálms Magnússonar frá Hrollaugsstöðum Lauganesi. Á
myndinni eru, talið frá vinstri: Vilhjálmur Magnússon 70 ára nú
til heimilis að Grundargarði 5 á Húsavik, Hólmfríður Sveinbjörns-
dóttir 98 ára til heimilis á Elliheimilinu á Húsavík, Alexandra
Daníelsdóttir 2 ára Óðinsgötu 19 í Reykjavík, Magnús Vilhjálms-
son 41 árs Suður-Hvoli V-Skaftafellssýslu og Sigríður Magnús-
dóttir 21 árs Óðinsgötu 19 í Reykjavík.
COSPER
— Ef ég verð ekki vakinn strax kem ég of seint í skólann.
Veitingahúsið
Nýbýlavegi 26
&F/o
4-60-80
Kópavogi
Helgarmatseðill
Við bjóðum upp á þríréttaða máltíð helgina
14.08-16.08 frákl. 18.00-22.00.
Krabbasúpa m/rjómatopp og dilli
eða sniglar í hvítlaukssmjöri m/ristuðu brauði
Heilsteiktur lambavöðvi m/léttsoðnum gulrótum, bakaðri kart-
öflu og piparsveppasósu.
eða lambabuffsteik íTímian m/djúpristuðum kartöflum og gul-
rótum
Vanilluís m/bananalíkjör og ristuðum kókos
eða fersk jarðarber m/ávaxtahlaupi og rjóma
Allt þetta á aðeins kr. 1.150,- pr. mann
og að sjálfsögðu fá börn undir 12 ára aldri f rítt.
Verið velkomin í gott umhverfi
LAMB OG FISKUR
Óvæntur glaðningur fyrir frúna.
Visa, Eurocard.