Morgunblaðið - 30.09.1987, Blaðsíða 19

MORGUNBLAÐIÐ, MIÐVIKUDAGUR 30. SEPTEMBER 1987
19
Morgunblaðið/Jón G. Gunnarsson
Steinþór Hafsteinsson, Sveinbjörn Steinþórsson og Stefán Ólafsson
úr stjórn skiðadeildar Sindra á Höfn við efnið sem fara á í lyftuna.
Austur-Skaftaf ellssýsla:
Skíðalyfta smíðuð í Bergárdal
Höfn, Homafirði.
FRAM til þessa hefur heldur lítið
farið fyrir skíðaiðkun meðal íbúa
A-Skaftafelissýslu, enda sýslan
eitt snjóléttasta hérað landsins.
En sl. vetur tóku nokkrir áhuga-
samir skiðamenn sig til og
smíðuðu skiðalyftu. Efnið i hana
kom úr ýmsum áttum, hásing af
jeppa, vél úr lyftara og koppur
af línu- og netaspili, o.s.frv.
í mars sl. var farið með lyftuna
upp á Bergárdal i Nesjum sem er
skammt frá Höfn og hún sett niður
í um 400 m hæð. Þá var enginn
vegur upp í fjallið svo lyftan var
„spiluð" upp, þ.e. dregin fyrir eigin
vélarafli á blökkum.
Ljóst var að til þess að fólk kæmi
upp á dal þyrfti veg. Síðla vetrar var
því haft samband við landeiganda,
Þorleif Hjaltason í Hólum, og tók
hann strax vel í það að leggja veg
á Bergárdal. Að fengnu leyfi frá
Náttúruvemdarráði var svo hafist
handa við vegagerðina, og nú hillir
undir jeppafæran veg í uppundir 400
m hæð á dainum. Framundan er svo
að gera veginn færan öllum almenn-
um farartækjum.
Að sögn skíðaáhugamanna finnst
mörgum þetta uppátæki hin mesta
vitleysa og telja að hér verði aldrei
iðkuð skíðaíþrótt að ráði. Á dalnum
er nægur snjór á vetuma og auðvelt
að komast í 800 m hæð og er það
framtíðardraumurinn að lyftur teygi
sig þangað upp. Skíðaíþróttin er flöl-
skylduíþrótt hin besta og við reynum
að hlúa að henni segja þeir félagar
í skíðadeild Ungmennafélagsins
Sindra á Höfn.
Þetta er þó_ ekki fyrsta tilraun til
slíkrar starfsemi á svæðinu, því frá
1975 hafa menn verið að prófa sig
áfram. Háð hefur starfínu að snjóa-
lög í neðstu hlíðum eru mjög óstöðug
og standa stutt við. Aðalmálið hefur
því verið að komast hærra. Nú er
það að takast, því þótt rigni á lág-
lendinu þá festir snjó í 300—400 m
hæð.
Sú lyfta sem nú er á dalnum er
300 m löng toglyfta. Þess má svo
geta í lokin að útsýni af Bergárdal
er einstætt, jafnvel mun betra en hið
rómaða útsýni af Almannaskarði.
JGG
MATAR- OG
KAFFISTELL
12 mismunandi
gerðir

KostaII BODA
KRINGLUNNI, SÍMI 689122
BANKASTRÆTI 10, SIMI 13122
<
Vcirardckk sem shmnhst snúnmg
Áhugamenn um bíla og akstur kannast við Pirelli. Einn helsta framleiðanda hjólbarða
fyrir kappakstursbifreiðar í heiminum í dag.
Við framléiðslu fólks- og
vörubílahjólbarða slær Pirelli
hvergi af kröfunum. Þess vegna
velja menn Pirelli.
EIGUM FYRIRLIGGJANDI
VETRARDEKK FRÁ PIRELLI í
EFTIRTÖLDUM STÆRÐUM:
FYRIR FÓLKSBÍLA:
175x70x13
185x70x14
FYRIR VÖRUBÍLA:
12 R 22,5
13 R 22,5
SÉRPÖNTUM EF ÓSKAÐ ER
Suóurlantlsbraut 16 Simi 91-691600