Morgunblaðið - 04.10.1987, Blaðsíða 32

32
MORGUNBLAÐIÐ, SUNNUDAGUR 4. OKTÓBER 1987
Séra Kristján Valur Ingólfsson
Við viljum lifa í dag'-
legri iðrun og sátt
Maríusystur leggja mikla áherzlu á dreifingu bóka, bæklinga og
orða til uppörvunar. Systir Phanuela er til hægri á myndinni.
Fréttir frá lút-
erskum kirkjum
— Spjallaðvið
systur Phanuelu,
Maríusystur frá
Danmörku
Veðurblíðan faðmaði mið-
bæinn og fólk strunsaði létt og
lipurlega um götur og gang-
stéttir. Bergstaðastrætið teygði
sig frá Laugaveginum suður að
Landspítala og dæsti fagnandi
í sólskininu með Bernhöfts-
bakarí ilmandi og mannmargt
í fanginu. Þar hitti ég Friðrik
Schram guðfræðing, sem valdi
sér smákökur í poka. Komdu
og hittu Maríusystumar hjá
okkur, ef þú hefur fáeinar
mínútur, sagði hann. Og
drekktu með okkur kaffisopa.
Friðrik er forystumaður Ungs
fólks með hlutverk, sem hefur
flutt bækistöðvar sínar á Berg-
staðastræti lOa, á hornið á
Hallveigarstíg. Stemmningin
þar uppi var sú sama og niðri
á götu og í bænum, þokkafullt
annriki þrungið friði og rósemi.
Kanaan-vinir á íslandi
Systir Phanuela og systir Anne
Kristine voru í nokkurra daga
heimsókn. Þær starfa í miðstöð
Maríusystranna í Danmörku. Syst-
ir Phanuela hefur komið hér
þrisvar áður og hefur traust sam-
band við vinahóp hér, sem kallast
Kanaan-vinir. Nafnið er dregið af
bækistöðvum Maríusystranna í
Darmstadt í Þýzkalandi. í Kana-
an-vinahópnum hér er fólk úr
íjóðkirkjunni, UFMH, KFUM og
K og Hjálpræðishemum.
Kærleikur
og trúartraust
Hvert er aðalmarkmið Maríu-
systranna?
Systir Phanuela svarar. Kær-
leikurinn til Jesú, persónulegur og
djúpur kærleikur til Jesú er eitt
það mikilvægasta í lífinu. Við eig-
um að hvíla í þeim kærleika. Jesús
þráir kærleika okkar kannski
meira en verk okkar. Við erum oft
svo önnum kafin við að gera eitt
og annað fyrir Jesúm að það verð-
ur okkur mikilvægara en að elska
hann. Þessi kærleikur gerði okkur
viljugar til að ganga veg trúarinn-
ar, án mannlegra trygginga. Allt
frá byijun hreyfingar okkar. Við
byggðum móðurhúsið í Darmstadt
þannig. Og enn þann dag í dag
erum við skuldlausar. Allir hópar
Maríusystra lifa eftir þessu.
Handleiðsla
og uppörvun
Ég gæti sagt þér margar sögur
af því hvemig við erum leiddar
eftir vegi trúarinnar til að koma
öðru fólki til hjálpar. Einn daginn
þegar ein systra okkar var að taka
bensín var afgreiðslumaðurinn
með reiging og spurði hana hvort
Guð hefði nú sagt eitthvað sérs-
takt í dag. Henni fannst þá eins
og sagt væri við sig að hún skyldi
gefa honum orð, miðana, sem við
höfum prentað með uppörvunar-
og huggunarorðum. Hann leit á
einn miðann, hún vissi ekki hvem,
og sagði: Trúir þú þessu? Já, sagði
hún, ég trúi því. Næst þegar þau
sáust kallaði hann til hennar: Þetta
orð var satt, systir. Það er undur-
samlegt að fá að færa fólki von
og sannfæringu þegar það á í erfið-
leikum.
Iðrun og sættir
Afleiðing kærleika okkar til Jesú
er að við viljum lifa í daglegri iðr-
un og í sátt við okkur sjálfar,
systrasamfélagið og annað fólk.
Við ræðum um iðrun og sættir.
Systir Phanuela segir að fólk, sem
leiti sálusorgunar hjá þeim Maríu-
systrum sé eindregið hvatt til að
gera upp það sem farið hefur úr
skorðum. Hún kveður það víðs
Ijarri að nægilegt sé að gera upp
þessi mál í eigin huga, það sé held-
ur ekki nóg að ræða þau aðeins
við Guð. Fólk þurfí líka að sættast
við þær manneskjur, sem það varð
ósátt við, ef það er mögulegt.
Þetta kemur fram á ákaflega
sýnilegan máta í miðstöðvum okk-
ar í Þýzkalandi. Þar hittum við
fólk frá mörgum þjóðum. Þessar
þjóðir gætu allt eins verið ósáttar
við okkur Þjóðveija en vegna fyrir-
gefningar Jesú getum við verið
saman og átt samfélag fullt af
undursamlegum kærleika. I nokkr-
um löndum settum við upp sátta-
töflu með bæn um fýrirgefningu í
garð Þýzkalands. Við þýzkar syst-
ur biðjum um fyrirgefningu til
handa Þýzkalandi. Við þörfnumst
þess afar mikið á okkar tímum að
rétta hvert öðru höndina til fyrir-
gefningar og sátta. Móðir Basilea
hefur sagt að því nær sem við
komumst inn að hjarta Jesú því
nær komumst við hvert öðru.
Hlýöni og undirgefni
Friðrik er farinn út í prent-
smiðju og Eimý er búin að hita
kaffí. Eimý Ásgeirsdóttir er hluti
af traustu og góðu skipulagi skrif-
stofunnar, sem er sífellt reiðubúið
til að afklæðast þessu skipulagi
og gefa sér tíma til umhyggju. Þær
systir Anne Kristine og Eimý setj-
ast hjá okkur en Guðný og Kiddý,
ungar konur með hlutverk, sinna
störfum sínum í hinum enda stof-
unnar. Við systir Phanuela emm
ekki lengur öldungis sammála og
hinar tvær horfa brosandi augum
á okkur yfír rendurnar á kaffiboll-
unum.
Við emm famar að tala um
undirgefnina. Þið talið um að vera
undirgefnar og háðar öðmm, vera
eins og böm, segi ég. Er það á
stefnuskrá ykkar?
Já, svarar systir Phanuela. Jesús
var hlýðinn við foreldra sína. Hann
fór heim með þeim úr musterinu
þótt hann hefði kannski viljað vera
þar lengur. Við eigum líka að vera
undirgefín öðmm. Það nær miklu
lengra en að sýna kurteisi í dag-
legu lífí. Einu sinni kom til okkar
kona, sem átti afskaplega upp-
stökkan og erfíðan eiginmann. Við
ráðlögðum henni að sýna honum
undirgefni. Og eftir nokkum tíma
var maðurinn hennar orðinn trúað-
ur eins og hún. Ég skil ekki hvemig
þú getur látið þér lynda allt það,
sem ég geri þér, sagði hann. Þú
hlýtur að hafa eignazt nýjan og
mikinn kraft.
Við ræðum málið nánar og þær
Eimý og Anne Kristine hlæja létti-
lega. Það er ekki af kurteisi
daglegs lífs, sem við fellum talið,
heldur vegna þess að ég þarf að
hitta fólk úti á Bergstaðastræti
eftir tíu mínútur og það er skyn-
samlegast að nota þær til að skrifa
niður nokkrar alfræðistaðreyndir
um Maríusystumar.
Móöir og systir
Maríusystur em evangelísk-
Iúterskt systrasamfélag innan
lútersku kirkjunnar í Þýzkalandi.
Hreyfíngin varð til eftir stríðið
1947 undir leiðsögn móður Basileu
Schlink, sem Guð kallaði til starfs-
ins. Hún er andleg móðir syst-
ranna, sem þær geta leitað til eins
og börn til móður. Móðir Basilea
hefur skrifað bækur og bæklinga
og það er snar þáttur í starfi hreyf-
ingarinnar að dreifa ritum til
uppörvunar og leiðbeiningar. Móð-
urhús Maríusystra er í Darmstadt
í Þýzkalandi og þær starfa í 24
löndum. Þær em nú um 180 tals-
ins og koma frá 20 löndum. Hver
sú kona á aldrinum 18 til 30 ára,
sem hefur fengið köllun frá Guði,
getur orðið Maríusystir.
Þýskur biskup nýr
forseti Lúterska
heimssambandsins
Jóhannes Hanslemann biskup í
Bæjaralandi í Þýzkalandi hefur
verið kosinn forseti LH í stað
Zoltan Kaldy, ungverska biskups-
ins, sem lézt í vor. Hinn nýi forseti
segist ekki munu beita sér fyrir
breytingum í stefnu LH. Hann
segir að það sé alveg jafn mikil-
vægt að styrkja trúna í Evrópu
og Norður-Ameríku eins og að
vinna að alheimstrúboði. LH mun
halda áfram að vinna að eflingu
mannréttinda og leitast við að
draga úr mannlegri þjáningu. Jó-
hannes Hanselmann segist munu
beita sér fyrir því að styrkja enn
tengslin við lúterskar kirkjur í
Austur-Evrópu og ætlar að heim-
sækja lúterskar kirkju í Póllandi,
Tékkóslóvakíu og Rúmeníu innan
tíðar.
Kona frá Jórdaníu
einnaf
varaforsetum LH
Aida Haddad frá Jórdaníu var
kosin einn 5 varaforseta LH í stað
Jóhannesar Hanselmanns. Konur,
óvígðir karlar og æskulýðsfulltrú-
ar studdu hana til sigurs. Aida
Haddad segir að það séu ekki trú-
arleg vandamál, sem leysa þarf í
samskiptum Palestínufólks og
gyðinga í Landinu helga. Palestíu-
menn eigi ekki í útistöðum við
gyðinga heldur Síonista. Hún
hvetur kristið fólk til að heim-
sækja kristna araba þegar þeir
koma til Landsins helga.
2 nýjar kirkjur í LH
2 nýjar kirkjur hafa bætzt við
LH. Lúterska kirkjan í Malavíu,
sem telur 3.000 manns og Lippe-
kirkjan í Vestur-Þýzkalandi, sem
í eru 231.000 manns, sameinuð-
ust LH á síðasta stjómarfundi,
sem haldinn var í Viborg í Dan-
mörku á 40 ára afmæli sambands-
ins. Eftir sem áður eru aðildar-
kirkjumar samt 104. Það er vegna
þess að amerísku kirkjunum
fækkaði um tvær við sameiningu
þriggja lútersku kirknanna í eina.
Lúterska heimssambandið mun halda áfram að vinna að eflingu
mannréttinda og kristinnar trúar.
Biblíulestur vikunnar
Sunnudagur: Róm. 7—8. Afbrotin fyrirgefín
Mánudagur: II. Kor. 5.20—21. Látið sættast við Guð.
Þriðjudagur: I. Jóh. 2.2. Friðþæging okkar.
Miðvikudagur: Ef. 1.7—8. Endurlausn okkar.
Fimmtudagur: Ef. 5.1—2. Lifíð í kærleika.
Föstudagur: I. Tím. 6.12. Beijist trúarbaráttu.
Laugardagur: Jóh. 15.14—15. VinirKrists.