Morgunblaðið - 29.10.1987, Blaðsíða 35
MORGUNBLABIÐ, FIMMTUDAGUR 29. OKTÓBER 1987
35
Reuter
Malajar lesa forsíðu dagblaðsins The Star í Kuala Lumpur í gær. Á
forsíðunni er greint frá því að 55 menn hafi verið settir í gæsluvarð-
hald af pólitískum ástæðum. Útgáfa dagblaðsins The Star hefur
verið bönnuð og kom blaðið ekki út i morgun.
Filippseyjar:
Þrír bandarískir
hermenn myrtir
Manila, Reuter.
ÞRÍR Bandaríkjamenn, þar á
meðal tveir hermenn, og einn
Filippseyingur voru myrtir í gær
i nágrenni bandarískrar her-
stöðvar vestur af höfuðborginni
Manila á Filippseyjum.
Blaðafulltrúi Clark-herstöðvar-
innar, Thomas Boyd majór, sagði
að mennimir hefðu verið skotnir
hver í sínu lagi á einni klukkustund
þar sem þeir voru á ferð í þorpi í
nágrenni herstöðvarinnar. „Þetta
er í fyrsta skipti sem eitthvað þessu
líkt gerist hér um slóðir," sagði
Boyd. Hann sagði að verið væri að
yfirheyra vitni en of snemmt væri
að segja nokkuð um tildrög morð-
anna.
Clark-herstöðin er önnur af
tveimur stærstu herstöðvum
Bandaríkjamanna í landinu. Menn-
imir voru myrtir á meðan á
heimsókn aðstoðarutanríkisráð-
herra Bandaríkjanna, Michaels
Armacost, til Manila stóð. Banda-
ríska sendiráðið í Manila tilkynnti
fyrr um daginn að Victor Raphael,
bandarískur hermálafulltrúi á
Filippseyjum hefði verið kvaddur
heim. Raphael hefur verið sakaður
um óviðurkvæmileg afskipti af að-
gerðum filippseyska hersins þann
28. ágúst á þessu ári á meðan á
byltingartilraun stóð.
Reuter
Victor Raphael (til vinstri), bandarískur hermálaráðgjafi á Filippseyj-
um, sést hér deila við foringja í her Filippseyjinga um aðgerðir á
meðan á byltingartilrauninni seint i ágúst stóð. Raphael hefur nú
verið kvaddur heim til Bandaríkjanna, sakaður um klúður við niður-
bælingu uppreisnarinnar.
Malaysía:
Forsætísráðherra
bannar útífundi
55 menn hnepptir 1 gæsluvarðhald og dagblöð bönnuð
Kuala Lumpur, Malaysíu, Reuter.
DATUK Seri Mahathir Moham-
ad, forsætisráðherra Malaysiu,
bannaði i gær öll fundahöld og
kröfugöngur i landinu. Bannið
tekur einnig til útifundar, sem
flokkur Mahathirs hafði ráðgert
að halda á sunnudag og margir
höfðu óttast að myndi leiða tíl
óeirða.
„Stjómin vill viðhalda friði og
stöðugleika. í krafti ráðherravalds
míns ætla ég að banna alla úti-
fundi. Útifundurinn á sunnudag
verður ekki haldinn," sagði Mahat-
hir í ræðu á þinginu í Kuala
Lumpur.
Nokkur spenna ríkti í Malaysíu
eftir að lögreglan sagði að 55 menn
hefðu verið hnepptir í gæsluvarð-
hald, þar á meðal félagar í flokki
Mahathirs, Sameinaða þjóðarsam-
bandi Malasíu (UMNO), sem er
valdamestur í þrettán flokka sam-
steypustjóm landsins. UMNO
ætlaði að fagna því á sunnudag að
41 ár er liðið frá því að flokkurinn
var stofnaður. Höfðu skipuleggj-
endur útifundarins spáð því að um
hálf milljón manna myndu sækja
fundinn. í Malaysiu búa sextán
milljónir manna. Mahathir lét þess
ekki getið hvenær banninu við úti-
samkomum yrði aflétt.
Spenna milli malaja og fóiks af
kínverskum uppmna hefur aukist
mikið undanfarið. Spennan er eink-
um rakin til þess að menntamála-
ráðuneytið hyggst ráða kennara
sem ekki tala kínversku til stjómun-
arstarfa í kínverskum skólum.
í síðustu viku gekk maður einn
berserksgang og skaut einn mann
til bana og særði tvo í hverfi í
Kuala Lumpur þar sem kynþátta-
óeirðir bmtust út í maí árið 1969
með þeim afleiðingum að mörg
hundmð manns biðu bana.
Mahathir réttlætti í gær að 55
menn hefðu verið handteknir og
sagði að þessir menn hefðu hvað
eftir annað fjallað um viðkvæm
málefni. Þessir menn hefðu efast
um rétt malaja og vakið spumingar
um búsetu kynþátta og trúarvanda-
mál. Mahathir gagnrýndi sérstak-
lega stjómarandstöðuflokkinn
Lýðræðislega umbyltingarflokkinn.
Leiðtogi flokksins og háttsettir
embættismenn hans vora settir í
gæsluvarðhald.
Lögreglan kvðast hafa handtekið
mennina 55 samkvæmt lögum um
þjóðaröryggi. í þeim kveður á um
að hneppa megi menn í gæsluvarð-
hald án réttarhalda. Þetta em
mestu fjöldahandtökur í Malaysíu
frá því að Mahathir varð forsætis-
ráðherra árið 1981.
Einnig vom kínverskir kennarar,
endurbótasinnar og félagar í hinni
Kínversku fylkingu Malaysíu, sem
tekur þátt í stjóm landsins, hand-
teknir.
Mahathir ákvað einnig að banna
útgáfu þriggja dagblaða og sakaði
þau um að slá upp viðkvæmum
málum. „Við emm þróunarríki og
við emm að reyna að bæta efnahag
okkar. Ef við náum ekki stöðugleika
mun ringuleið ríkja," sagði Mahat-
hir á þinginu.
ígrúúgS
Notaðir bílar á sérstöku haustverði!!
1. MAZDA 626 diesel árg. '84 Verð áður 390.000 Verð nú 320.000
2. MAZDA 626 4 dyra 1.6 I árg.’80 140.000 110.000
3. MAZDA 929 4 dyra árg. ’82 290.000 230.000
4. MAZDA 929 4 dyra árg. '79 110.000 80.000
5. Nissan Sunnyárg. '82 200.000 160.000
6. Daihatsu Charade árg.’80 130.000 110.000
7. Lada 1300 árg. ’82 110.000 60.000
8. Volvo 144 árg. '73 80.000 50.000
9. Fiat 127 árg. ’82 110.000 90.000
10. Chevrolet Impala árg.’78 300.000 190.000
11. Mitsubishi Lancer árg. ’80 190.000 170.000
12. Nissan Sunny árg. ’82 200.000 150.000
Góð greiðslukjör!
Opið
laugardaga frá kl. 1-5
BÍLABORG HF.
FOSSHÁLSI 1,S. 68-1299.