Morgunblaðið - 03.11.1987, Blaðsíða 2

2
MORGUNBLAÐIÐ, ÞRIÐJUDAGUR 3. NÓVEMBER 1987
Egilsstaðaflugvöllur:
Lægsta til-
boðið um 10
milljónum
undir áætlun
TILBOÐ í framkvæmdir við 1.
áfanga flugvallar á Egilsstöðum
voru opnuð i gær. Fimm tilboð
bárust og var hið lægsta frá Sam-
starfsfélagi tækja- og bílaeig-
enda á Héraði, en það var um
10 milljónum króna lægra en
kostnaðaráætlun gerði ráð fyrir.
Upphafleg kostnaðaráætlun við
framkvæmdir á Egilsstaðaflugvelli
í vetur var upp á 42 milljónir króna,
en síðan var framkvæmdaáætlun
breytt og var þá gert ráð fyrir um
18,6 milljónum í kostnaðaráætlun.
Tilboð Samstarfsfélagsins hljóðaði
hins vegar upp á 8,5 milljónir króna,
eða um 46% af kostnaðaráætlun. I
þessum fyrsta áfanga við Egils-
staðaflugvöll er gert ráð fyrir
uppgreftri úr hluta af flugbrautar-
stæðinu og gerð vegar frá malar-
námum í Mýneslandi, eftir
fljótsbakkanum, að flugvallarstæð-
inu.
morgunDiaoio/Juuus
Nota þurfti jámklippur til að ná ökumanni þessarar bifreiðar úr flakinu. Hann lenti i árekstri á mótum Grensásvegar og Miklubrautar.
Árekstur fjórðu hverja mínútu
MIKIL árekstrahrina gekkyfir
Reykjavik síðdegis í gær. A 39
mínútum urðu 11 árekstrar,
þar af þrir svo harðir að meiðsli
urðu nokkur á fólki. í tveimur
tilvikum þurfti lögreglan að
kalla á tækjabifreið slökkviliðs-
ins, svo unnt væri að losa fólk
úr flökum bifreiða með járn-
klippum. Sex voru fluttir á
slysadeild, en í gærkvöldi tókst
ekki að fá upplýsingar um
meiðsli þeirra.
Umferðin í borginni var fremur
róleg framan af degi. Árekstrar
frá kl. 6 um morguninn til kl.
17.42 voru 23, en ósköpin byijuðu
þegar fólk hélt heimleiðis úr
vinnu. Frá kl. 17.42 og næstu 39
mínútumar urðu 11 árekstrar, eða
u.þ.b. einn árekstur Qórðu hverja
mínútu. Harðastir vom árekstr-
amir á mótum Miklubrautar og
Grensásvegar og Hjaltabakka-
Amarbakka. í báðum tilfellum
festist fólk í flökum bifreiða sinna
og þurfti að kalla á tækjabifreið
slökkviliðsins til að ná því út. Þá
slasaðist fólk í hörðum árekstri á
mótum Listabrautar og Kringlu-
mýrarbrautar. Alls voru sex fluttir
á slysadeild eftir árekstrana þijá.
1680tonn
á 3 vikum
Verði Búnaðarbankinn gerður að hlutafélagi:
Vaxtabyrði bankans myndi
aukast um 600 milljónir
— segir Stefán Valgeirsson formaður bankaráðs Búnaðarbankans
STEFÁN Valgeirsson, formaður
bankaráðs Búnaðarbankans, seg-
ir að tillögur viðskiptaráðherra
nm að Búnaðarbankinn og Út-
vegsbankinn verði seldir í nýju
í dag
/ÞROmR
JlloroimXilntJííi '
Fer Ólafur u
til Bayer r->» ' '
Uerdingen? I ‘
blaðB
hlutafjárútboði séu rugl. Til þess
liggi ýmsar ástæður og meðal
annars sú að ef ríkisábyrgð verði
létt af Iántökum Búnaðarbank-
ans erlendis þýði það að vaxta-
byrði bankans aukist um 600
milljónir króna á ársgrundvelli.
Tillögumar gera ráð fyrir að 40%
af hlutafé bankanna verði boðin
þeim til kaups sem það geta tryggt.
Síðan verði 25% af hlutafénu selt
erlendum bönkum en 35% verði
áfram í eigu ríkisins en síðar selt
almenningi. Þessar hugmyndir hafa
verið kynntar Sambandinu og full-
trúum þeirra 33 aðila sem buðu í
hlutafé Útvegsbankans með það
fyrir augum að þeim yrði gefínn
kostur á að endumýja tilboð sitt í
nýju hlutaflárútboði.
Bankaráð Búnaðarbankans mun
eiga fund með viðskiptaráðherra á
fimmtudag. „Það hefur verið athug-
að fyrir mig, að ef ríkið er ekki
lengur ábyrgðaraðili gæti það orðið
til þess að vextir á erlendum lánum
bankans hækkuðu um 1-2% eða um
allt að 600 milljónir á ári. Þótt þetta
væri eina ástæðan gegn hlutafélagi
væri hún næg, en þar kemur margt
fleira til, eins og það að afurðalán
landbúnaðarins em að stærstum
hluta hjá Búuaðarbankanum,"
sagði Stefán Valgeirsson, formaður
ráðsins.
Hann sagði einnig að hugmyndir
um að erlendir bankar keyptu hluta-
fé í Búnaðarbankanum og Útvegs-
bankanum gæti þýtt að traust
bankanna erlendis minnkaði. Bún-
aðarbankinn væri í raun aðeins á
stærð við útibú meðalbanka erlend-
is og menn yrðu að íhuga hvort
þetta, og tillögur um að hægt verði
að kaupa erlend skuldabréf fyrir
gjaldeyri, væri ekki fyrsta skrefið
í þá átt að hverfa frá krónunni.
Stefán sagði að ef fmmvarp um
breytingu Búnaðarbankans kæmi
fram á Alþingi teldi hann rétt að
flutningsmenn þess bæm ábyrgð á
því sem skakkaði á vöxtunum.
Hann sagðist hinsvegar vona að ef
til kæmi yrði ekki meirihluti á Al-
þingi fyrir þeirri breytingu.
ÞURÍÐUR Halldórsdóttir GK 94
hefur nú lokið við að veiða upp
í sUdarkvóta sinn, fyrst þeirra
skipa sem eru á sUdveiðum. Skip-
ið hefur fengið 1.680 tonn á
þremur vikum, eða frá því það
hóf veiðar 12. október síðastUð-
inn. Skipstjóri á Þuriði HaUdórs-
dóttur GK er Andrés
Guðmundsson og sagði hann í
samtaU við Morgunblaðið að 700
tonn af aflanum hefðu farið í
bræðslu og mætti þar ef tíl vUl
finna skýringuna á hversu fljótt
skipið var að fylla kvótann, þar
sem bátar hefðu að mestu verið
i biðstöðu varðandi söltunina.
Andrés sagði að veiðin hefði ver-
ið góð og hefði hann fengið aflann
að mestu í Seyðisfírði, í Norðflarð-
arflóa og Reyðarfirði. Þegar
Morgunblaðið hafði samband við
hann síðdegis í gær var hann stadd-
ur við Vestmannaeyjar á leið til
Njarðvíkur með síðasta farminn af
kvótanum, um 80 tonn. Hann
kvaðst búast við að fara fljótlega á
troll nú þegar síldarkvótinn væri
búinn.
Guðmundur Kristinn SU 404 er
einnig kominn langleiðina með sinn
sfldarkvóta og sagði skipstjórinn,
Ingvi Rafn, að hann væri nú kom-
inn með 1.540 tonn og myndi því
líklega klára kvótann í næstu ferð.
Nánast allur afli Guðmundar Krist-
ins hefur farið í söltun.
Flestir eru á móti
„skatti“ á siglingar
DRÖG sjávarútvegsráðherra að
frumvarpi tíl laga um stjórnun
fiskveiða hafa mætt nokkurrí
andstöðu, sérstaklega meðal full-
trúa sjómanna, útgerðarmanna
og verkafólks í ráðgjafarnefnd-
inni. Sjómenn og útgerðarmenn
sætta sig ekki við hækkun á
kvótafrádrætti vegna siglinga,
„8iglingaskattinum“, og fulltrúar
vinnslunnar telja helmings
hækkun á frádrættinum ekki
nægilega, meðal annars með
hliðsjón af óskum um að fá hluta
kvótans. Á sömu forsendu er
verkalýðshreyf ingin ekki sátt við
drögin.
Þessi afstaða kom að nokkru leyti
fram á fundi ráðgjafamefndarinnar
á mánudagsmorgun, en fulltrúar
verkalýðshreyfingarinnar og sjó-
manna hafa lýst andstöðu við
drögin í Morgunblaðinu. Óskar Vig-
fússon, formaður Sjómannasam-
bands íslands, segir sjómenn ekki
sigla með aflann komi hækkun frá-
dráttar til framkvæmda.
Á fundi nefndarinnar á mánudag
var einnig rætt með hvaða hætti
mögulegt verði að koma á takmörk-
un á veiði djúprækju og með hvaða
hætti gerlegt sé að koma á kvóta-
kerfi á þær veiðar. Leiðir til þessa
eru óljósar og vandmeðfamar, með-
al annars vegna mismunandi
sóknarmynsturs þeirra skipa, sem
djúprækjuveiðamar stunda. Sum
þeirra stunda veiðamar eingöngu
og önnur að hluta til, ýmist með
bolfískveiðum eða loðnuveiðum. Því
standa menn frammi fyrir því að
þurfa að ákveða frádrátt frá kvóta
vegna veiða á öðrum tegundum og
taka tillit til afla undanfarinna ára.
Samkvæmt heimildum Morgun-
blaðsins munu nefndarmenn telja
þessa leið mjög vandfama og erfiða
í framkvæmd.