Morgunblaðið - 13.02.1988, Page 2

- 2
MORGUNBLAÐIÐ, LAUGARDAGUR 13. FEBRÚAR 1988
Tvö leikrit á leik-
listarhátíð í Fiimlandi
Bandarískt leik-
hús hefur valið
Dag vonar til
leiklestrar
LEIKRITIN Dagur vonar eftir
Birgi Sigurðsson og Bílaverk-
stæði Badda eftir Ólaf Hauk
Simonarson verða sýnd á leik-
listarhátið í Helsinki í Finnlandi
i mai nk., að sögn Sigurðs Hró-
arssonar leikhússritara Leik-
félags Reykjavíkur. Bandaríska
leikhúsið Los Angeles Theatre
Center hefur valið Dag vonar
til leiklestrar siðar i þessuin
mánuði.
Birgi Sigurðssyni og Stefáni
Baldurssyni, leikstjóra Dags von-
ar, hefur verið boðið til Banda-
ríkjanna til að taka þátt í undir-
búningi fyrir leiklesturinn á Degi
vonar. Jill Brooke þýddi verkið á
ensku. Leiklestur er nær undan-
tekningarlaust undanfari eigin-
legrar sviðssetningar, segir í
fréttatilkynningu frá Leikfélagi
Reykjavíkur. Leikritið Bflaverk-
stæði Badda hefur verið sýnt í
vetur á Litla sviði Þjóðleikhússins
en leikritið Dagur vonar hefur
verið sýnt á annað ár í Iðnó. Sýn-
ingar á Degi vonar eru orðnar
yfir 80 talsins en fáar sýningar
hins vegar eftir, segir í fréttatil-
kynningunni.
Viðræður vinnuveitenda og VMSÍ:
Fundir um helgina
Verkamannasamband íslands
lagði fram kröfugerð sína vegna
samninga til lengri tima á fundi
með vinnuveitendum i gærmorg-
un. Ákveðið var að efna til ann-
ars fundar eftir hádegið i dag
og jafnvel búist við frekari fund-
arhöldum um helgina, ef vera
kynni að fyndist einhver flötur
á samningum milli aðila. Mikið
ber hins vegar á milli og gætir
takmarkaðrar bjartsýni á að við-
ræður beri árangur.
Tveir fundir hafa verið með
Landssambandi iðnverkafólks og
vinnuveitendum í vikunni. Vinnu-
nefnd er að störfum og hefur ekki
annar formlegur samningafundur
verið boðaður. Landssamband
íslenskra versiunarmanna og vinnu-
veitendur funduðu í vikunni. Þar
hefur vinnunefnd unnið að úr-
vinnslu á ýmsum tæknilegum atrið-
Morgunblaðið/Þorkell
Haraldur Sveinsson framkvæmdastjóri Morgunblaðsins afhendir starfsmönnum GBB-auglýsinga-
þjónustunnar Gjallarhorn fyrir bestu dagblaðsauglýsinguna.
Bestu auglýsingamar verðlaunaðar
Átta Gjallarhomum var í gærkvöldi úthlutað
fyrir athyglisverðustu auglýsingar ársins 1987
í jafnmörgum flokkum á Áuglýsingahátlð ís-
lenska markaðsklúbbsins á Broadway í gær-
kvöldi.
Athyglisverðasta dagblaðsauglýsingin var valin
Til hamingju RÚV, áfram RÚV sem GBB-auglýs-
ingaþjónustan gerði fyrir Stöð 2. Athyglisverðasta
tímaritaauglýsingin var valin Óbrengluð mynd af
tilverunni sem sama auglýsingastofa gerði fyrir Stöð
2. Athyglisverðasta sjónvarpsauglýsingin var valin
Pepsi er best iskalt sem Saga Film gerði fyrir Sanit-
as. Athyglisverðasta útvarpsauglýsingin var valin
Sherlock Holmes sem Stjaman gerði fyrir Stöð 2.
Athyglisverðasta auglýsingaherferðin var valin Stað-
greiðslukerfí skatta sem GBB-auglýsingaþjónusta
gerði fyrir Ríkisskattstjóra. Athyglisverðasta vegg-
spjaldið var valið Smokkurinn á ekki að vera neitt
feimnismál, sem auglýsingastofan Svona gerum við
gerði fyrir landlæknisembættið. Athyglisverðasta
dreifiritið var valið Ársskýrsla Heklu sem auglýs-
ingastofa P&Ó gerði fyrir Heklu. Loks var valin
óvenjulegasta auglýsingin úr framangreindum flokk-
um og þar var valin Kringvann Frillibimm sem aug-
lýsingastofan P&ó gerði fyrir auglýsingastofuna
„Kaffi ogmát“
Morgunblaðið/Þorkell
Forsætisráðherra, Þorsteinn Pálsson, og kona
hans, Ingibjörg Rafnar, buðu til kvöldverðar
í Ráðherrabústaðnum I gærkvöldi til heiðurs
Jóhanni Hjartarsyni stórmeistara. Á myndinni
heilsar forsætisráðherra skákmeistaranum og
eiginkonur þeirra, Jónina Ingvadóttir og Ingi-
björg Rafnar, fylgjast með kveðjunum.
Matseðillinn: Riddara-royal, kóngakrabba-
paté, drottningar-önd, skákterta og kaffi og
mát.
Smárahvammslandið:
Sambandið neit-
aði að taka við
greiðslu Kópavogs
BÆJARSTJÓRI Kópavogs,
Kristján Guðmundsson, ætlaði í
gær að endurgreiða fjármála-
stjóra Sambands íslenskra sam-
vinnufélaga, Kjartani P. Kjart-
anssyni, þær 17,2 milljónir króna
sem Sambandið var búið að
greiða eigendum Smárahvamms-
lands í Kópavogi fyrir landið,
ásamt vöxtum að upphæð kr.
1.015.186. Fjármálastjórinn neit-
aði hins vegar að taka við upp-
hæðinni á þeim forsendum að
vaxtaupphæðin væri ekki rétt.
Kristján Guðmundsson, bæjar-
stjóri Kópavogs, sagði í samtali við
Morgunblaðið að vextimir hefðu
verið reiknaðir samkvæmt auglýst-
um meðaltalsvöxtum Seðlabanka
íslands. „Ég get ekki annað séð en
það hafí verið heiðarleg vinnubrögð
af okkar hálfu að reikna vextina á
þennan hátt,“ sagði Kristján. „Þessi
viðbrögð Sambandsmanna komu
mér mjög á óvart og það er með
ólíkindum að þeir skyldu ekki a.m.k.
vilja taka við þeirri fjárhæð sem
þeir voru búnir að greiða. Fjármála-
stjóri Sambandsins ætlar að senda
mér bréf nk. mánudag þar sem
hann setur fram kröfu um að Kópa-
vogsbær greiði þá upphæð sem
Sambandið telur rétta en það er
hins vegar ekki víst að við föllumst
á að greiða hana,“ sagði Kristján.
Kjartan P. Kjartansson sagði að
hann hefði ekki haft hugmynd um
að bæjarstjórinn í Kópavogi hefði
ætlað að greiða Sambandinu fyrir
Smárahvammslandið í gær. „En ég
var það heppinn að hafa reiknað
vextina út_ um morguninn," sagði
Kjartan. „Ég sá því strax að upp-
hæðin, sem Kristján bæjarstjóri
ætlaði að greiða, var ekki rétt og
ég tók því ekki við henni til þess
að fyrirgera ekki með bráðlæti rétti
Sambandsins til réttrar endur-
greiðslu frá Kópavogsbæ. Kristján
segist hafa reiknað vextina út sam-
kvæmt auglýstum meðaltalsvöxtum
Seðlabankans en hvað þýðir það?
Eru það meðaltalsvextir samkvæmt
lánskjaravfsitölu, forvöxtum víxla
eða skuldabréfum? Ég mun skrifa
Kristjáni bréf nk. mánudag þar sem
ég fer fram á að Kópavogsbær end-
urgreiði Sambandinu fyrir Smára-
hvammslandið en hver vaxtaupp-
hæðin er sem ég fer fram á að
Kópavogsbær greiði fær Kristján
fyrstur manna að vita um,“ sagði
Kjartan.
Sjá ummæli um sölu Smára-
hvammslandsins á bls. 37
Samkomulag'
hjá ferða-
skrifstofum
og kortafyr-
irtækjum
FÉLAG islenskra ferðaskrif-
stofa og greiðslukortafyrirtækin
Visa og Eurocard náðu í gær
samkomulagi um framsetningu
verðs í hópferðum.
í fréttatilkynningu frá málsaðil-
um segpr að í ljósi fyrirhugaðs frum-
varps og framkominna hugmynda
í Verðlagsráði um afsláttarskyldu
ef greitt er með reiðufé hafi niður-
staðan orðið sú að endurútgefa
verðskrár ferðaskrifstofa þar sem
komi fram bæði venjulegt verð og
afsláttarverð. Afsláttarverðs njóta
þeir sem greiða með peningum og
ávísunum.
Verkföll rýra kaupmátt
AÐ MEÐALTALI rýrnaði kaup-
máttur þeirra sem stóðu I verk-
föllum á árunum 1981-1987 um
3%, á sama tíma og kaupmáttur
þeirra, sem ekki fóru I verk-
föll, jókst um 1,3%. Þetta kemur
meðal annars fram í grein
Snorra Snorrasonar, hagfræð-
ings Vinnuveitendasambands
íslands, sem birt er í Morgun-
blaðinu I dag.
Á árinu 1981 jókst kaupmáttur
þeirra, sem ekki fóru í verkföll,
um 0,4%, en rýrnaði hjá þeim, sem
gerðu verkföll um 6,8%, svo dæmi
sé tekið. Meðaltals kaupmáttar-
aukning allra það ár var 0,1%.
Að því er fram kemur í grein
Snorra á það við um öll árin á
þessu árabili að hjá þeim sem fara
í verkföll er kaupmáttaraukning
minni eða kaupmáttarýmun meiri
en hjá þeim sem standa ekki í
verkfallsátökum.
Snorri tekur dæmi af nærri sjö
vikna verkfalli bókagerðarmanna
haustið 1984. Verkfallið stóð í 43
daga og kauphækkunin var 17%
að meðaltal', en sé kauphækkun
á samningstímanum dreift á verk-
fallstímann, þá varð kauphækk-
unin aðeins 6,5% að meðaltali.
Aðrir launþegar sem ekki stóðu í
verkföllum fengu kauphækkanir
sem námu að meðaltali um 25%.
Hækkun framfærsluvísitölu var á
þessu tímabili um 23%, „þannig
að bókagerðarmenn tóku á sig
13,5% kaupmáttarrýmun á kaup-
taxta í samanburði við 1,6% kaup-
máttaraukningu á kauptaxta ann-
arra launþega".
Sjá grein Snorra Snorrason-
ar á bls. 12.