Morgunblaðið - 13.02.1988, Síða 46

46
MORGUNBLAÐIÐ, LAUGARDAGUR 13. FEBRÚAR 1988
Bollu- og öskudags-
bakstur fyrir börn
Amiðvikudaginn er öskudagur,
og þá er frí í skólanum,“ sagði
Jonni. Hann var 11 ára. „Já,
svo er líka bolludagurinn eða flengingar-
dagurinn á mánudaginn?" sagði Gunna.
„Er þá frí í skólanum?" spurði Stína.
„Nei,“ sagði Jonni, „en þá skulum við
fara eldsnemma á fætur og flengja alla
Qölskylduna á nr. 12, bæði uppi og
niðri." „Já, og líka hjá henni Steinu á
nr. 20,“ sagði Gunna. Stínu brá í brún,
hana langaði ekkert til að fara inn í
einhver hús, þar sem hún þekkti fólkið
lítið, og flengja það, þar sem það lá í
rúminu. Stína var 8 ára, og hún var
hálf hrædd við að láta uppi við systkini
sín, að hún vildi ekki fara með að
flengja.
Svo kom sunnudagurinn. Mamma
bakaði bollur til að eiga til næsta dags,
og þau fengu líka bollur með sunnudag-
skaffinu, en Stína gat ekki borðað marg-
ar bollur. Hún var alltaf að hugsa um,
að nú yrði hún að fara á fætur með
systkinum sínum og flengja, og hún
kveið reglulega mikið fyrir. Krakkamir
höfðu sagt, að fólkið væri alls ekki allt
ánægt yfir að láta flengja sig. Svo hafði
Jonni sagt, að hann hefði séð einn mann
í skónum og öllum fötunum undir sæng-
inni. „Hann hefur liklega gleymt að
hátta sig kvöldið áður,“ hugsaði Stína.
Hvað átti hún að gera. Hún vildi bara
að hún yrði veik, en hvernig átti hún
að fara að því, það var ekkert að henni.
„Æ, þetta voru aumu vandræðin."
En þá datt henni snjallræði í hug. Hún
gæti látið annað vaðstígvélið hverfa, þá
gæti hún ekki farið út í rigninguna.
Þegar systkinin voru sofnuð, læddist
Stína inn í forstofu, tók annað Nokia-
stígvélið sitt, fór með það inn í svefn-
herbergi og lét það undir koddann. Svo
lagðist hún til svefns, en það var undar-
legt, hversu erfítt var að sofna.
Mamma kom inn til þeirra eldsnemma
næsta morgun. „Krakkar mínir, klukkan
er að verða 7, þið skuluð drífa ykkur á
fætur, ef þið ætlið í flengingarleiðang-
ur.“ Stína þóttist sofa, en mamma
klappaði ofan á sængina og sagði henni
að fara á fætur. Þá mundi hún allt.
„Stígvélið, skyldi mamma sjá það undir
koddanum?" En mamma sá ekkert.
Stína klæddi sig, og var lengí að því,
því næst fór hún fram í eldhús og borð-
aði súrmjólk og morgunkom með hinum
krökkunum, sem töluðu upp í munninn'
hvert á öðru, en Stína var þögul.
Mamma sagði: „Stína mín, ertu nokkuð
lasin? en Stína kvað nei við. Svo hlupu
krakkamir fram í forstofu og náðu í
regnkápumar og vaðstígvélin, og Stína
gerði hið sama, en „mamma það er
bara eitt stígvél," sagði Stína og kaf-
roðnaði. Mamma fór að leita, en hvem-
ig sem hún leitaði, fannst stígvélið ekki.
Mamma sagði: „Getur þú ekki farið í
mínum stígvélum?" Nei, í stígvélin henn-
ar mömmu færi hún ekki. „Jæja, góða,
þú um það,“ sagði mamma og Stína fór
skömmustuleg inn í herbergið sitt og
fór að lesa í bók, en hún átti erfitt með
að festa hugann við lesturinn.
Þegar mamma og pabbi fóm að borða
morgunverð ásamt Stínu og bömunum,
sem nú vom komin heim aftur, sagði
mamma allt í einu:
„Stína mín, ég fann stígvélið þitt, það
var undir koddanum þínum.“ Stína
þagði, en mamma hélt áfram: „Það er
margt undarlegt sem gerist á flenging-
Umsjón: KRISTÍN GESTSDÓTTIR
Teikningar: SIGURÐUR ÞORKELSSON
ardaginn, fólkið sefur í öllum fötunum,
jafnvel með skó á fótunum, en héma
labbar stígvélið hennar Stínu sig upp í
rúmið hennar og leggst undir kodd-
ann.“ Svo blikkaði mamma Stínu, en
Stína leit ofan í bollann sinn, og henni
fannst kakóið og bollurnar aldrei hafa
bragðast betur.
Eins og nafn þáttarins ber með sér,
em þessar uppskriftir ætlaðar bömum
— bömum á ýmsum aldri. Þau yngri
þurfa væntanlega hjálp fullorðinna, en
ættu þó að gera sem mest sjálf. Það
er tvennt sem hafa ber í huga, þegar
bakað er úr þurrgeri. Deigið þarf að
vera frekar lint, og vökvinn má alls
ekki vera heitari en svo, að þið fínnið
ekki hita þegar þið stingið fíngrinum
ofan í vökvann. Gott ráð er að blanda
til helminga vatni úr heita krananum
og kaldri mjólk. En umfram allt, krakk-
ar, gætið ykkar á heitum bakaraofnin-
um, notið alltaf pottaleppa, og kveik-
ið ekki á ofninum nema einhver full-
orðinn sé heima. Þegar við bökum úr
deigi með þurrgeri, er mjög auðvelt að
móta deigið alveg eins og leir. Þið getið
því búið til það sem ykkur sýnist úr
deiginu. Hér eru nokkrar fyrirmyndir
af köttum, en á öskudaginn er kötturinn
sleginn úr tunnunni.
Þessa „ketti“ eða það sem þið búið
til, getið þið svo skorið j sundur, sett
ijóma, krem, sultu eða ávexti inn í þá
eða jafnvel smjör og eitthvert salat. Það
eru ekki allir sem vilja ijóma. Síðan er
hægt að setja súkkulaðiglassúr ofan á
„kettina" og þá er þetta næstum því
eins og svartir kettir, sem við þekkjum
öll. í veiðihárin er best að nota.lakkrís-
reimar, en i augun litlar sælgætiskúlur,
t.d. smarties. Kettina er best að teikna
á stíft blað, klippa síðan út og leggja
ofan á deigið og skera út með kleinu-
hjóli eða hníf. Þið getið haft kettina
stærri en í blaðinu. Ef kötturinn aflag-
ast, þegar þið skerið hann út, getið þið
lagað hann til með höndunum. Það er
allt í lagi, þótt kettimir séu ekki allir
eins, við vitum að kettir eru mjög mis-
munandi. Notið bara hugmyndaflugið.
Verið óhrædd, mótið það sem ykkur
sýnist, það.verður gaman að sjá það,
þegar það kemur út úr ofninum. Gangi
ykkur vel.
Auðvelt deig í bollur, „ketti“ eða annað
7 dl hveiti
*/2 dl sykur
1 tsk. salt
1 msk. þurrger
1 egg
1 tsk. kardimommudropar
1 msk. matarolía
1 dl mjólk
1 dl heitt vatn úr krananum
2 msk. mjólk
1. Setjið hveiti, sykur, salt og þurrger í skál.
2. Setjið egg, kardimommudropa og matarolíu í mjölið
í skálinni.
3. Blandið saman í aðra skál heitu vatni úr kranan-
um og kaldrí mjólk. Setjið út í það sem er í hinni skál-
inni og hrærið saman með sleif eða setjið í hrærivél.
4. Setjið volgt vatn í eldhúsvaskinn ,jafn volgt og þið
þvoið ykkur úr), setjið skálina ofan í vatnið. Bijótið
hreina diskaþurrku saman og leggið ofan á deig-ið. Látið
þetta standa í vatninu í 20 mínútur.
5. Setjið örlítið hveiti á borð, takið deigið úr skálinni
og mótið bollur, ketti eða eitthvað annað úr deiginu.
6. Setjið bökunarpappír á 2 bökunarplötur. Raðið boll-
unum, eða því sem þið hafið mótað, á pappírinn á plötun-
um. Látið vera bil á milli.
7. Penslið bollumar með mjólkinni. Notið kökupensil.
8. Setjið heitara vatn í eldhúsvaskinn, leggið plötuna
milli barmanna á vaskinum. Leggið diskaþurrkuna einf-
alt yfír.
9. Hitið bakaraofninn í 220°C, blástursofn í 200 °C,
setjið plötuna/plötumar í miðjan ofninn og bakið í 10
mínútur.
Deig með maltöli,
kanil og hunangi
11 dl hveiti
IV2 msk. þurrger
1 tsk. kanill
1 tsk. salt
1 msk. hunang
1 msk. matarolía
1 flaska maltöl
1 egg
1 eggjahvíta
1 eggjarauða og 1 tsk. vatn til að pensla með.
1. Setjið hveiti, þurrger, kanil, salt, hunang, mata-
rolíu, heiit egg og eggjahvítu í skál.
2. Setjið maltölið í pott, hitið í 1 rnínútu. Gætið þess
að maltölið sé ekki heitara en fingurinn á ykkur þegar
þið stingið honum ofan í maltölið. Ef það er heitara þarf
að hella því í aðra skál og hræra í þar til það kólnar örlítið.
3. Hellið maltölinu út í það sem er í skálinni og hræ-
rið saman með sleif eða í hrærivél. Setjið ekki hrærivél
í samband nema einhver fullorðinn sé hjá ykkur.
4. Setjið volgt vatn í eldhúsvaskinn (jafn volgt og þið
þvoið ykkur úr). Setjið skálina ofan í vatnið. Bijótið
hreina diskaþurrku saman og leggið ofan á deigið. Látið
skálina standa í vatninu í 20 mínútur.
5. Setjið örlítið hveiti á borð, takið deigið úr skálinni
og mótið bollur, ketti eða eitthvað annað úr deiginu.
6. Setjið bökunarpappír á 2 bökunarplötur. Raðið boll-
unum eða því sem þið hafið mótað á pappírinn á plötun-
um. Látið vera bil á milli.
7. Setjið eggjarauðuna í skál, setjið 1 tsk. af vatni út
í og hrærið saman.
8. Penslið bollurnar eða það sem þið bjugguð til með
eggjarauðunni.
9. Setjið heitara vatn í eldhúsvaskinn, leggið plötuna
milli barmánna á vaskinum. Leggið diskaþurrkuna ein-
falda yfír.
10. Hitið bakaraofninn í 220°C, blástursofn í 200°C.
Setjið plötuna í miðjan ofninn og bakið í 10 mínútur.