Morgunblaðið - 11.03.1988, Qupperneq 48

48
MORGUNBLAÐIÐ, FÖSTUDAGUR 11. MARZ 1988
Valin lög úr Rokkóperunni
Jesus Christ Superstar, sem
fræg varð í upphafi áttunda ára-
tugarins, eru flutt í veitingahús-
inu Evrópu á föstudags- og laug-
ardagskvöldum. Jón Ólafsson
tónlistarmaður setti saman
klukkustundar langa dagskrá
með lögunum og sá um æfingar.
Frumsýning á Jesus Christ
Superstar í Evrópu var síðastlið-
inn föstudag og hlaut að sögn
Jóns ljómandi undirtektir.
Höfundar rokkóperunnar eru
þeir Tim Rice og Andrew Lloyd
Webber, sem samið hefur fleiri
vinsæla söngleiki. Nefna má
Cats, Evitu, Song and Dance,
Starlight Express og The Phan-
tom of the Opera, sem nú er
sýndur í Lundúnum við feikigóða
aðsókn. Sýningar á The Phantom
of the Opera eru einnig nýhafnar
á Broadway í New York.
Söngleikurinn Jesus Christ
Superstar var frumsýndur hér-
lendis fyrir fimmtán árum á sviði
Austurbæjarbíós. „Við viljum
kynna þessa tónlist fyrir þeim
sem þá voru böm,“ segir Jón
Ólafsson og bætir við að þeir sem
j egar eru aðdáendur söngleiksins
hafi eflaust gaman af að bregða
sér í Evrópu. Að sögn Jóns er
ekki reynt að setja á svið söng-
leikinn í heild eða segja söguna.
Þekktustu lög rokkóperunnar eru
hins vegar flutt af fjórum söngv-
urum og hljómsveit.
Söngvararnir eru Eyjólfur
Kristjánsson, sem syngur hlut-
verk Jesú, Stefán Hilmarsson
syngur hlutverk Júdasar, Elín
Ólafsdóttir er í hlutverki Maríu
Magdalenu og Arnhildur Guð-
mundsdóttir syngur bakraddir.
Hljómsveitina skipa auk Jóns
Ólafssonar þeir Rafn Jónsson,
Haraldur Þorsteinsson og Guð-
mundur Jónsson.
Jón Ólafsson hefur verið með-
limur Bítlavinafélagsins í tvö ár,
en hann er einnig þekktur sem
útvarpsmaður á Rás tvö. Jón tók
þátt í fyrstu útsendingu rásarinn-
ar, hefur verið viðloðandi hana
síðan og lætur nú í sér heyra
vikulega. Hann sér einnig um
tónlistarþáttinn Poppkorn í sjón-
varpinu.
Jón var við nám í píanóleik í
Hollandi síðastliðinn vetur og er
nú að bæta við sig klassískri
tækni hjá Halldóri Haraldssyni í
Tónlistarskóla Reykjavíkur.
Hann stjórnaði Verslunarskóla-
kórnum fyrst fyrir sex árum og
hefur gert það síðan með nokkr-
um hléum, en söngkonurnar í
Jesus Christ Superstar eru ein-
mitt úr kómum.
Sálin hans Jóns míns heitir ný
hljómsveit sem skipuð er sömu
mönnum og spila í uppfærslunni
í Evrópu auk Stefáns Hilmars-
sonar söngvara. Jón segir þá fé-
laga ætla að leika reglulega í
Bíókjallaranum, en veitinga-
staðnum Café Rosenberg hefur
verið breytt í öldurhús með því
nafni. Hljómplata með Sálinni
hans Jóns míns er væntanleg á
næstunni.
Bítlavinafélagið er einnig að
taka upp plötu um þessar mund-
ir í hljóðveri hljómsveitarinnar,
Glaðheimum. „Við lítum á okkur
sem sagnaritara íslenskrar bítla-
tónlistar," segir Jón. „Á plötunni
verða eingöngu íslensk bítlalög
sem nú eru flest öfáanleg. Þetta
eru lög eins og Glugginn, Gulli
á Eyrinni, Ertu með, Eg er frjáls
óg ýmis fleiri.“
Áð auki má búast við að út
komi hljómplata með tónlist eftir
Jón Ólafsson einhvern tíma á
árinu. „Rafn Jónsson trommu-
leikari ætlar að spila með mér á
plötunni,“ segir Jón. „Tónlistin
er meðal annars afurð Hollands-
dvalarinnar. Hún er alvarlegs
eðlis, ólík kátínupoppinu sem ég
spila sjálfur og af plötum
hvunndags. Þessi hljómplata er
sem sagt ekki líkleg til vinsælda.“
, . s Evrópu hlusta á söngva um superstaorn
ingahússins Evrop
SKEMMTANIR
Súpersljarnan
í Evrópu
Arnhildur Guðmundsdóttir, Elín Ólafsdóttir, Eyiólfur Krisf
, r-woltur Kristinsson og Stefán Hilm
Jón Ólafsson