Morgunblaðið - 16.03.1988, Blaðsíða 21
MORGUNBLAÐIÐ, MIÐVTKUDAGUR 16. MARZ 1988
21
frá Korngarði að norðan, inn Vatna-
garða, fyrir Kleppsskapt og suður
fyrir Holtaveg verði tekið frá fyrir
þróun áætlanasiglinga.
Nú eru farmstöðvar á þessu svæði
22 hektarar. í skipulagstillögu eru
sýnd svæði sem samtlas eru um 45
hektarar, en allur þessi landauki
verður til við fyllingu í sjó fram.
Samkvæmt landrýmisspá fyrir áætl-
anasiglingar endist þetta svæði leng-
ur en 30 ár.
Spá um gámaviðlegur gerir ráð
fyrir að tvær viðlegur við Klepps-
bakka og tvær við Holtabakka anni
gámaflutningum. Inn á þetta svæði
þarf að koma aðstöðu fyrir strand-
flutninga Ríkisskips, annaðhvort
með því að nýta mannvirki sem fyrir
eru, eða með nýjum mannvirkjum
sunnan Holtabakka.
Ef þróunin verður önnur en spá
gerir ráð fyrir, má til dæmis koma
fyrir viðlegum nyrst í Kleppsvík og
ef núverandi skipafélög nýta ekki
skipulagsrýmið, má þarna leysa
hugsanlega nýjungar í flutningum.
I skipulagstillögunni segir enn-
fremur að hagkvæmt gæti orðið að
fjárfesta í sérstakri viðlegu fyrir sér-
útflutning kældra og frystra fiskaf-
urða, en bent er á möguleika þess
að nýta eldri mannvirki, til dæmis
með því að breyta hluta Faxaskála
í Austurhöfn í kæli- og frysti-
geymslu. Hugsanlega aðstöðu fyrir
byggingavöru og aðra útivöru má
leysa, ef hagkvæmt er talið, á mörk-
um svæðis fyrir áætlanasiglingar,
það er annað hvort við Korngarð eða
í Kleppsvík sunnan Holtavegar.
Svæði í Kleppsvík verður samkvæmt
skipulagstillögu 28 hektarar, þar af
er um 8 hekturum ráðstafað.
Unnið er að frekara skipulagi
Sundahafnar. Tollvörugeymslan h.f.
hefur sótt um mikið landsvæði í
Kleppsvík fyrir starfsemi sína og
hugsanlega fríhafnarstarfsemi. Þá
beinast augu manna að því landi sem
Kleppsspítalinn notar nú fyrir hugs-
anlegar stjómstöðvar flutninga- og
þjónustufyrirtækja, svo sem aðal-
stöðvar skipafélaga, flutningamiðl-
ara, banka, tollyfirvalda, hafnar og
annarra sem tengjast flutningum.
Þessar aðalstöðvar eru nú aðallega
við Tryggvagötu og Hafnarstræti og
tengdust flutningum um gömlu höfn-
ina en eiga nú frekar heima í Sunda-
höfn.
Loks segir í skipulagstillögunni:
„Aukning áætlanasiglinga, efling
vörugeymslustarfsemi, tilkoma
fríhafnar og uppbygging stjómstöðv-
ar mun auka gildi Sundahafnar og
styrkja Reykjavíkurhöfn í sessi sem
flutningamiðstöð landsins."
Gamla höfnin
Af því sem hér hefur verið rakið
er ljóst að framtíðarsýn Reykjavíkur-
hafnar beinist austur á sundin og sú
spurning vaknar hvert hlutskipti
gomlu hafnaririnar verðurieftir þess-
ar breytingar. Skipulagstillaga Kvos-
arinnar gerir ráð fyrir mikilli um-
ferðaræð, Geirsgötu, meðfram Mið-
bakka gömlu hafnarinnar þannig að
ljóst er að talsverðar breytingar
verða á nánasta umhverfi þar. Gunn-
ar var því að lokum spurður hvert
yrði hlutverk gömlu hafnarinnar í
framtíðinni:
„Gamla höfnin var allt fram undir
1970 helsta flutningahöfn landsins,
eins og ég nefndi áðan. Vöruflutning-
ar fóru þá um Austurhöfnina og
Vesturhöfnin var og er enn ein
stærsta fiskihöfn landsins. Tilkoma
Sundahafnar byggist fyrst og fremst
á því að hér í Kvosinni er ekkert
landrými til athafna með þessar stóru
flutningaeiningar og í tengslum við
endurskoðun á skipulagi gamla mið-
bæjarins er orðið ljóst að Austur-
höfnin mun ekki lengur geta þjónað
sínu gamla hlutverki sem flutninga-
höfn. Á síðasta ári settum við þar
upp fiskmarkað, Faxamarkað í Faxa-
skála, og má búast við að Austur-
höfnin muni að einhvetju leyti taka
við þeirri aukningu sem þörf verður
fyrir varðandi aðstöðu fyrir fiskiskip.
í Örfirisey höfum við byggt upp
birgðageymslur fyrir olíustöðvar,
sem munu halda áfram að gegna því
hlutverki jafnframt því sem land
hefur verið aukið fyrir fískvinnslu
og þjónustufyrirtæki tengd útgerð-
inni. Við Ingólfsgarð hafa varðskipin
og rannsóknarskip haft aðstöðu og
svo verður áfram. Það má því búast
við að gamla höfnin muni í framtí-
ðinni nýtast sem fiskihöfn fyrst og
fremst og að Austurhöfnin muni þá
aðallega nýtast fyrir ýmsar tilfall-
andi skipakomur, sem aðeins þurfa
viðlegu og litla þjónustu aðra en þá,
að fólk komist á milli skips og
bryggju.
Að auki get ég nefnt að raddir
hafa verið uppi um að hagnýta hluta
af gömlu höfninni að einhverju leyti
i sambandi við skemmtibáta, eða
frístundasiglingar. Um 100 trillur
eru að jafnaði í gömlu höfninni og
Snarfari er með aðstöðu fyrir um
160 hraðbáta inni við Elliðavog.
Áætlað er að um aldamót verði þörf-
in fyrir viðlegupláss skemmtibáta um
1.000 talsins. Slík höfn tekur yfir
sjávarflöt sem er jafnstór allri gömlu
höfninni og verður því að byggjast
annars staðar. Gerð slíkrar aðstöðu
er ekki á verkefnaskrá hafnarstjórn-
ar og yrði þvi að greiðast af viðkom-
andi einstaklingum, félagasamtökum
þeirra eða opinberum sjóðum. En af
þessu má sjá að gamla höfnin verður
alls ekki lögð af í framtíðinni þótt
hlutverk hennar breytist eitthvað
með tilkomu nýrrar og fullkomnari
hafnaraðstöðu við Sundahöfn, verði
ef til vill „geðprýðishöfn" eins og
orðhagur hafnarstjórnarmaður eitt
sinn nefndi skemmtibátahafnir,“
sagði Gunnar B Guðmundsson hafn-
arstjóri að lokum.
HÖRUNÐSÁR REFSI-
RÉTTARPRÓFESSOR
eftirEinarS.
Hálfdánarson
Eitthvað hefur prófessor Jónatan
lagt meiri merkingu í stutt greinar-
korn borgarstjórans í Reykjavík en
efni stóðu til. Auðvitað efast enginn
um að Jónatan kunni lögfræði. Þó
það nú væri; maðurinn hefur skrif-
að heilt tonn af bókum um efnið
og kemur sjálfsagt næstur Guðrúnu
frá Lundi að afkastagetu í skrifum.
En sitthvað er hæfni og hæfi, eða
hvað, prófessor Jónatan?
Jónatan ætlar að halda fast í
þetta sem hann á eftir af persónu-
réttindum, þ.e. skoðana- og tjáning-
arfrelsið. Atvinnufrelsinu var hann
búinn að fórna (því sem Hæstiréttur
hafði skilið eftir af því) þegar hann
gerðist „nauðugur saksóknari". Og
svo undrast hann ásókn frá mönn-
um sem vilja láta hann starfa fyrir
sig; hefur engan frið. Sei sei.
Þó er það skemmtilegasta líklega
eftir hjá Jónatani. Hann er búinn
að leggja línuna um samstarf emb-
ættismanna hjá ríkinu með því að
gerast prófdómari við embætti
ríkislögmanns. Hver verður fenginn
til að fara yfír úrlausnina í Haf-
skipsmálinu? Skipulagsstjóri? Yfir-
lögfræðingur verðlagsstjóra? For-
stjóri Landhelgisgæzlunnar? Eða
kemur krókur á móti bragði — sjálf-
ur ríkislögmaðurinn.
Höfundur er lögfræðingvr og
löggiltur endurskoðandi.
Licona
N
Ý LÍNA í EVRÓPSKUM JAKKAFÖTUM - SMOKINGUM OG
STÖKUM JÖKKUM - PU ÆST AÐEINS HJÁ OKKUR.
. Austurstræti 22