Morgunblaðið - 16.03.1988, Side 23

MORGUNBLAÐIÐ, MIÐVIKUDAGUR 16. MARZ 1988
23
þeirra mundi það í svipinn en
skömmu síðar rifjaðist upp fyrir
Haraldi að þau hefðu byggt bílskúr-
inn um sumarið og þvi varð minna
um ferðalög en venjulega.
Reglusemi og öguð vinnubrögð
einkenna Harald í ríkum mæli. A
hveijum degi í áratugi hefur hann
gengið um 5 kílómetra, inn að svo-
nefndum brúsapalli fyrir neðan
bæinn Snorrastaði, sem er fyrir
austan Laugarvatn. Reyndar er fyr-
ir löngu búið að rífa þennan brúsa-
pall, en þessi gönguleið heitir ávallt
„að ganga inn að brúsapalli". Þegar
Haraldur vann við ritið íslenskir
sögustaðir dvöldust þau hjónin tvo
vetur á heimili okkar í Reykjavík.
Það var fróðlegt að fylgjast með
hvernig Haraldur gekk til verks.
Hann sagði mér eitt sinn að hann
einsetti sér að þýða fimm blaðsíður
á dag. Eg spurði hvað hann reikn-
aði með mörgum dögum í árinu.
Hann svaraði: Það eru 365 dagar
í árinu.
Haraldur er skemmtilegur við-
ræðu. Þekking hans á sögunni, ein-
stakt minni og góð frásagnargáfa
blandast þar vel saman. Ekki síst
eru mér minnisstæðar samræður
um hagræn efni í fomsögunum og
stjórnmál. Meðal annars er lifandi
lýsing hans á þingrofinu 1931 eftir-
minnileg. Hann var þá þingritari
og man orðrétt ýmis orðaskipti
manna sem hvergi hafa verið skráð
svo ég viti.
Áður en ég iæt staðar numið vil
ég minnast frásagnar í Biskupasög-
um af samræðum manna um mann-
kosti Isleifs biskups. Þar mælti fóst-
ursonur hans, Jón Hólabiskup Ög-
mundsson, hin fleygu orð um fóstra
sinn: „Hans skal eg ávallt geta er
eg heyri góðs manns getið“. Þessi
orð vil ég gera að mínum um Har-
ald og færa afmælisbarninu og
Kristínu, konu hans, eirilægar árn-
aðaróskir á þessum degi.
Þórður Friðjónsson
Störf mín að bókaútgáfu um
rúmlega tveggja áratuga skeið hafa
fært með sér kynni' af fólki með
sömu áhugamál og ég hvað varðar
sögu og sérkenni landsins. Þetta
hefur verið mér ómetanlegur styrk-
ur í starfi, sérstaklega vegna þess
að í flestum tilfellum hefi ég verið
þiggjandi og notið leiðsagnar fólks
sem hefur aflað sér yfirburðaþekk-
ingar á landinu og sögunni.
Einn þeirra manna sem lagt hafa
útgáfustarfi mínu ómetanlegt lið
er dr. Haraldur Matthíasson, eða
Haraldur á Laugarvatni eins og
hann er oftast nefndur. Kynni okk-
ar hófust þegar ég fékk spurnir af
því að hann vaéri með í handriti
árangur af áratuga athugunum og
samanburði á Landnámabók og
landinu sjálfu. Mér þótti málið svo
athyglisvert að ég bauð honum út-
gáfu á því óséðu. Það er skemmst
frá því að segja að með samstarfi
okkar að bók hans Landið og Land-
náma hófust kynni sem hafa orðið
mér ógleymanleg, bæði af Haraldi
sjálfum sem og hans ágætu konu,
Kristínu Ólafsdóttur. Verkefnið var
þeim báðum jafnkært, enda unnið
af þeim báðum frá upphafi.
Það hafði lengi verið löngun mín
að fá hæfan mann til þess að þýða
hið mikla undirstöðurit Bidrag til
en historisk-topografisk Beskriv-
else af Island eftir Kristian Kálund.
Eins og nafnið bendir til geymir
ritverkið lýsingar á íslenskum sögu-
stöðum en er auk þess almenn land-
lýsing. Þegar kynni okkar Haraldar
hófust varð mér strax ljóst að minni
löngu leit að hæfum þýðanda var
lokið. Rannsóknarstörf hans gerðu
hann öðrum mönnum hæfari til
þess að takast á við þetta mikla
verkefni. Mér var jafnframt Ijóst
að ég var ekki að biðja um neitt
lítilræði. Þýðing þessa einstæða
rits, sem teljast verður grundvallar-
rit á sínu sviði og sem allir sem um
staðfræði sögustaða hafa- fjallað
hafa orðið að leita til, og munu
halda áfram að gera, en nú í hinni
frábæru þýðingu Haraldar, var ekk-
ert áhlaupaverk fyrir hvern sem
var. Þótt Haraldur væri þá þegar
kominn á áttræðisaldur tók hann
verkið að sér og tókst á við það
af þeim krafti og eldmóði sem mun
yngri ménn hefðu mátt vera
hreyknir af. Nú sem fyrr var hann
studdur með ráðum og dáð af sinni
ágætu og einstæðu eiginkonu og
ástæðulaust er að gleyma börnum
þeirra og tengdabörnum sem alla
tíð hafa stutt við bakið á Haraldi
og með ýmsum hætti létt honum
fræðastörf og lífsstundir.
í dag er Haraldur vinur minn á
Laugarvatni áttræður og minnist
þessa áfanga í faðmi íjölskyldunn-
ar. Ég sendi honum og fjölskyld-
unni einlægar kveðjur mínar, konu
minnar og samstarfsmanna í bó-
kaútgáfunni, og árna honum allra
heilla í tilefni tímamótanna.
Englendingar eiga sér málshátt
sem þýða má einhvern veginn á þá
leið að sá sé ekki lord sem þurfi
að segja frá því. Haraldur á Laugar-
vatni þarf ekki að segja frá því að
hann sé fræðimaður ,né láta aðra
gera það. Hann er það af guðs
náð, ber það með sér hvar sem
hann fer, þrátt fyrir inngróið lítil-
læti, en fyrst og fremst er Haraldur
persónuleiki sem maður þakkar for-
sjóninni fyrir að hafa fengið að
kynnast. Lifðu heill, Haraldur.
Orlygur Hálfdanarson
Sundfélagi Akra-
ness færð g'óð gjöf
Kiwanis-klúbburinn Þyrill á
Akranesi afhenti Sundfélagi
Akraness veglega peningagjöf,
200 þúsund krónur, í tilefni 40
ára afmælis félagsins.
Félagar í Kiwanis-klúbbnum
Þyrli hafa verið iðnir við að styrkja.
ýmsa félagastarfsemi á Akranesi á
undanförnum árum og er skemmst
að minnast veglegrar peningagjafar
til' húsbyggingarsjóðs íþrótta-
bandalags Ákraness á síðasta ári.
Afhending gjafarinnar til Sund-
félagsins fór fram í beinni útsend-
ingu í útvarpi Akraness og veitti
Sturlaugur Sturlaugsson formaður
Sundfélagsins gjöfinni viðtöku úr
hendi forseta klúbbsins, Bjarna
Vésteinssonar. I stuttu ávarpi
Bjarna kom fram að þeim félögum
í klúbbnum þætti við hæfi í tilefni
af merkum tímamótum í sögu fé-
lagsins að færa þeim þcssa gjöf.
Ekki hvað síst vegna þess að félag-
ið héldi úti öflugu unglingastarfi
og sýndi í verki góðan árangur og
framfarir. Sturlaugur Sturlaugsson
formaður Sundfélags Akraness
þakkaði þessa höfðinglegu gjöf og
kvað hana koma, sér vej í félags-
hpmivli .hiisit'ut riiid tOlarl
starfinu og væri þeim hvatning til
enn meira starfs.
- JG
Háskólabíó;
Sri Chinmoy
með friðar-
tónleika
SRI Chinmoy, jógameistari, heldur
friðartónleika í Háskólabíói í
kvöld, miðvikudag, og hefjast tón-
leikarnir klukkan 20.30. Aðgangur
er ókeypis.
Á tónleikunum hugleiðir Chinmoy
frið og leikur eigin tónlist á ýmis
hljóðfæri, t.d. esraj (indverskt
strengjahljóðfæri), flautur, selló,
írska hörpu, japanskt koto, harmón-
íum og píanó. Hljóðfærin notai'
Chinmoy til að veita áheyrendum
hlutdeild í innri upplifun hans frekar
en að sína leikni í hljóðfæraleik.
Chinmoy mun m.a. hitta að máli
frú Vigdísi Finnbogadóttur, forseta
Islands, segir í fréttatijkynningu.
. in uarttiJ A áliiffití nn«v
STEINULLAR
VERKSMICUAN HF
^HÚSA
Í2J EINANGRUN
Sími: 91/22866 Bílasími: 985/24595
iM
NU BLASUM
> VIÐ
ici nycLíDi
rrriMi i| |
í veggi loft og gólf
Steinullarverksmiðjan h.f. hefur nú
hafið framleiðslu á lausull, steinull
sem blásið er í loft, veggi eða gólf.
Þess vegna getum við hjá Húsa-
einangrun boðið lægra verð og betri
þjónustu við einangrun húsa.
Lausullin er framleidd undir ströngu
gæðaeftirliti. Hún er sérstaklega
vatnsvarin. Steinull er viðurkennd
hita- og hljóðeinangrun og ein besta
eldvörn sem völ er á í timburhús.
Hringdu og við skoðum húsið þitt þér
að kostnaðarlausu.
puul fi itit«lð>!íUiJafi‘}N