Morgunblaðið - 08.06.1988, Page 25

MORGUNBLAÐIÐ, MIÐVIKUDAGUR 8. JÚNÍ 1988
25
Borgaraflokkurinn
og bygging leiguíbúða
eftir Hreggvið
Jónsson
Á liðnum vetri fluttu þingmenn
Borgaraflokksins heilstæðar til-
lögur um húsnæðismál. Annars
vegar um Húsnæðisstofnun ríkis:
ins og hins vegar um húsbanka. í
þessum tillögum var jafnframt
gert ráð fyrir, hvemig ætti að fjár-
magna alla þætti húsnæðismál-
anna. Að sinni verða þessar tillög-
ur ekki raktar, en aðeins drepið á
þann hluta þeirra, sem þótti
ástæða til að hnykkja á með sérs-
takri þingsályktun. Þetta var gert
þegar ljóst var, að frumvörp okkar
fengu nánast ekki neina umfjöllun
á Alþingi eða í fjölmiðlum. Hins
vegar ber að fagna því, að félags-
málaráðherra hefur tekið undir
sumar af þessum tillögum og jafn-
framt gert þær að sínum, sem og
einn þingmanna Alþýðuflokksins.
Þá hefur félagsmálaráðherra skip-
að sérstaka nefnd um húsnæðis-
mál, sem mun væntanlega fjalla
um tillögur Borgaraflokksins.
Ungt fólk í húsnæðisvanda
Þingsályktun Borgaraflokksins
varðar ungt fólk sérstaklega og
þá sem eiga í erfiðleikum, meðal
annars vegna þess hve lág laun
þeirra eru. Víðast hvar erlendis
er einmitt tekið tillit til þessa fólks
og því byggðar leiguíbúðir, til að
kqgia til móts við það. Hver kann-
ast ekki við ungt fólk í húsnæðis-
vanda? Hver þekkir ekki dæmi
þess, að ungt fólk sem er að koma
frá námi eða er að heipa búskap
sé á hrakhólum og vanti húsnæði?
Hver þekkir ekki til einstaklinga,
sem ekki ráða við húsnæðiskaup?
Allir hafa haft kynni af fólki í
húsnæðisvanda og þeim erfiðleik-
um, sem því fylgja.
Tillagan um leign-
íbúðir lögð fram
Þingsályktun Borgaraflokksins
um leiguíbúðir er ekki lögð fram
að ástæðulausu. Við þingmenn
Borgaraflokksins fluttum þings-
ályktun um byggingu leiguíbúða
til að vekja athygli á þessum þætti
húsnæðismálanna sérstaklega og
þeim vanda, sem þar er við að
etja. Hún er á þessa leið:
„Alþingi ályktar að fela ríkis-
sijóminni að hefja þegar í stað
undirbúning að byggingu 1.050
leiguíbúða sem reisa skal á árun-
um 1989-1996, eða 150 íbúðir á
ári.
Fyrstu 150 íbúðunum skal skila
tilbúnum til afnota í árslok 1990.
Af þessum leiguíbúðum skulu 80
byggðar í Reykjavík árlega og 70
íbúðum dreift um landið, miðað
við eftirspum húsnæðislausra í
hveiju byggðarlagi.
Leiguíbúðir þessar verði ávallt
í eigu ríkisins og leiga má aldrei
vera hærri en svarar Ijórðungi
lægstu mánaðarlauna Verka-
mannasambands Islands eins og
þau em hveiju sinni.
Ríkisstjómin gerir tillögur um
fjármögnun."
Þá fylgdi tillögunni stutt grein-
argerö, sem er svohljóðandi:
„Öllum er ljóst að mikill skortur
er á leiguíbúðum hér á landi og á
sama tíma em leigukjör svo óhag-
Hreggviður Jónsson
„Tillögxir Borgara-
f lokksins um lausn hús-
næðismála eru eina
heildarlausnin, sem
lögð hefur verið fram
nú hin síðari ár. Arlegt
kák Alþingis og ráð-
leysi verður að víkja
fyrir nútímalausn
Borgaraflokksins. “
stæð að venjulegt launafólk getur
ekki staðið undir húsaleigunni
einni af tekjum sínum. Þeir sem
þó hafa tekið íbúðir á leigu gera
það flestir með lánsfé frá peninga-
stofnunum eða skyldfólki, í von
um að mikil eftirvinna geri þeim
kleift að standa í skilum með end-
urgreiðslu. Vonimar bregðast oft-
ast og flestir lenda í skuldaflækju
sem bitnar á heilsu þeirra, einnig
bömum og öðm heimilisfólki.
Það hlýtur að vera skylda Al-
þingis að ráðstafa úr sameiginleg-
um sjóðum þjóðarinnar á þann
hátt að öllum líði vel í okkar harð-
býla landi. Því er þessi tillaga
borin fram. Með samþykkt herinar
er gerð tilraun til að leysa eitt
mesta vandamái þjóðarinnar sem
snertir alla landsmenn, beint eða
óbeint, í þessu vinasamfélagi."
Árlegt kák Alþingis
Tillögur Borgaraflokksins um
lausn húsnæðismála em eina
heildarlausnin, sem lögð hefur
verið fram nú hin síðari ár. Árlegt
kák Alþingis og ráðleysi verður
að víkja fyrir nútímalausn Borg-
araflokksins. Það er kominn tími
til, að menn hugsi hlutina upp á
nýtt, þjóðin vill það.
Höfundur er þingmaður Borgara-
flokksins fyrir Reykjaneskjör-
dæmi.
Norrænt kvennaþing í Osló:
Búist er við um
10 þúsund konum
DAGANA 30. júli til 7. ágúst
verður haldið norrænt kvenna-
þing á háskólasvæðinu Blindern
í Osló. Gert er ráð fyrir að um
10.000 konur víðs vegar af Norð-
urlöndum mæti til þingsins og
verður fjölbreytt dagskra alla
daga þess.
Héðan halda um 750 konur og
að sögn Guðrúnar Ágústdóttur,
starfsmanns norræna kvennaþings-
ins, em uppi áform meðal sveitarfé-
laga að styrkja þær til utanfarar-
innar. Þá hafa verkalýðsfélög heitið
sínum konum styrk og þeim tilmæl-
um hefur verið beint að fjármála-
ráðherra að hann veiti þinginu lið-
sinni sitt með því að draga ekki
laun af þeim konum sem starfa hjá
hinu opinbera meðan á þinginu
stendur. Þess má og geta að félags-
málaráðherra stofnaði sjóð til
styrktar þessu málefni og hafa
mörg fyrirtæki látið fé af hendi
rakna í þann sjóð, að sögn Guðrún-
ar Ágústdóttur. Menntamálaráð-
herra hefur ákveðið að styrkja
framlag íslenskra listakvenna til
þingsins með 450.000 kr. Eimskip
hefur boðist til að flytja listaverk
íslenskra kvenna á þingið og Flug-
leiðir styrkir þetta verkefni líka.
„Það verða alls kyns uppákomur
alla daga þingsins frá 9-5, það er
að segja fyrirlestrar, kynningar,
leiklist og tónlist og svo verður á
svæðinu friðartjald," sagði Guðrún.
„Það má segja að Oslóarborg verði
undirlögð þessa átta daga því víðs
vegar um borgina verða alls kyns
uppákomur, til dæmis tónleikar,
myndlistarsýningar, leikrit, kvik-
myndir, dans og söngur og margt
annað. Svo má geta þess að 30.
júlí verður sjónvarpað beint frá
dagskrá þar sem íslenskar ballet-
konur koma fram og sýna ballet
sem Auður Bjamadóttir samdi. Það
væri gaman ef Ríkissjónvarpið sæi
sér fært að senda út þessa dag-
skrá. Einkum þegar það er haft í
huga að nýlega vann íslenski dans-
flokkurinn til verðlauna hér í Nor-
egi," sagði Guðrún.
„Þetta verður ógleymanleg ferð
þar sem konur á Norðurlöndum
skiptast á skoðunum og kynnast
hver annarri. Mér flnnst andinn í
þjóðfélaginu afar jákvæður gagn-
vart þessu. Ég fínn fyrir velvilja í
garð íslenskra kvenna," sagði Guð-
rún að lokum.
Jurtahandbókin — maí-
bók Bókaklúbbs AB
Jurtahandbókin nefnist bók
maímánaðar í Bókaklúbbi Al-
menna bókafélagsins. Er hún
þýdd af Óskari Ingimarssyni.
Jurtahandbókin veitir alhliða
upplýsingar um umhirðu 259
innijurta árið um kring.
Um hveija jurt er fjallað á tveim-
ur blaðsíðum, um birtu-, raka- og
hitaþörf hennar, áburðargjöf og
umpottun, hvaða áburð skuli nota
og hvemig bregðast skuli við sjúk-
dómseinkennum.
Jurtahandbókin er handbók um
hvers konar vanda sem ræktandi
innijurta getur staðið andspænis. í
henni eru fulltrúar fyrir alla flokka
stofuplantna: blóm- og blaðplöntur,
kaktusa og aðra þykkblöðunga,
pálma og burkna og margs kyns
blómlauka og einærar plöntur, sem
rækta má í pottum og kerum innan-
húss. í bókinni er einnig skrá yfír
íslensk nöfn jurtanna.
Höfundar bókarinnar eru fjórir:
David Longman, Tom Gough, John
Pilbeam og Norman Simpson, allir
sérfræðingar hver á sínu sviði.
í Jurtahandbókinni em yfír 500
litmyndir og 800 teikningar. í allt
er bókin 560 síður.
(Frétt&tilkynning)

Erþörf á frekari [ a i
g^MnguíIandkynnin,n,
Sérblöð
Á LAUGARDÖGUM

A uglýsingar íLesbók með ferðablaði
þurfa aðhafa borist auglýsingadeild fyrir
kl. 16.00 áföstudögum, vikufyrir
birtingu og ímenningarblaðið fyrir kl. 16.00
á miðvikudögum.
Y _ bl^O allra landsmanna