Morgunblaðið - 16.07.1988, Blaðsíða 52

52
MORGUNBLAÐŒ) IÞROTTIR LAUGARDAGUR 16. JÚLÍ 1988
foám
FOLX
■ RAMON Diaz, argentínski
leikmaðurinn, sem undanfarin tvö
ár hefur leikið með Firenze, hefur
áhuga á að leika með Inter á næsta
ári. Inter vill samn-
Frá ing við Diaz og
Brynju sænski þjálfari Fi-
Tomer orentina, Eriks-
son, vill losna við
hann og fá í staðinn Casagrande,
þannig að í fljótu bragði gæti málið
virst afar einfalt. En ráðamenn fé-
laganna flækja málið endalaust og
reyna hvorrir um sig að ná sem
bestum leikmönnum á sem lægstu
verði.
■ ANDREA Camevale, leik-
maður Napólí sem lék á íslandi á
móti íslenska ólympíulandsliðinu,
hefur samið frið við Bianchi þjálf-
ara. í vor, þegar Napólí gekk ekki
sem best í deildinni, gaf Carnevale
ásamt þremur öðrum leikmönn-
um Napólí út opinbera yfirlýsingu
þar sem lýst var yfír vanhæfni
Bianchis þjálfara. Það væri honúm
að kenna hversu illa liðinu gengi
að leika saman. Innan félagsins fór
allt í háaloft í kjölfar þessarar yfír—
lýsingar og voru fjórmenningarnir
ekki látnir leika meira það sem eft-
ir var keppnistímabilsins. „Fyrst
Napóli seldi mig ekki til Roma í
fyrra og til Juventus í ár er það
merki þess að liðið þurfi á mér að
halda. Ég sé eftir að hafa gefíð út
þessa yfírlýsingu í vor, og hef beð-
ið Bianchi afsökunar. Ég geri það
sem í mínu valdi stendur til að við
vinnum aftur í deildinni og það er
mikil samstaða um það hjá okkar
leikmönnum."
■ PREBEN Elkjær, hinn 31 árs
gamli danski leikmaður Verona,
hefur farið þess á leit við Verona
að leika með liðinu á næsta ári.
Framkvæmdastjóri félagsins vill
hins vegar selja hann, því það hefur
þegar þrjá erlenda leikmenn í lið-
inu, en það er hámarkstala erlendra
leikmanna í ítölskum 1. deildar lið-
um. Upphaflega vildi Verona selja
Berthold, en enginn hafði áhuga á
að kaupa hann. En félagið hefur
mikinn áhuga á að fá til liðs við
sig argentínska leikmanninn
Troglio, og því verður að „losna
við“ einn útlendinginn sem er fyrir
í liðinu. Elkjær varð fyrir valinu
og er nú á sölulista, en því fer verr
að hann vill ekki fara. Hann hefur
leikið með Verona í fjögur ár og á
síðasta tímabili skoraði hann sjö
mörk, og alls hefur hann skorað
32 mörk.
KÖRFUKNATTLEIKUR / ÚRVALSDILD
Valur þjálfar Tindastól
Bandaríkjamaðurtekurvið starfi hans hjá Njarðvík
Valur Ingimundarson.
VALUR Ingimundarson,
landsliðsmaður í körfuknatt-
leik, hefur verið ráðinn þjálf-
ari nýliða Tindastóls frá
Sauðárkróki. Ekkert varð úr
því að Bandaríkjamaðurinn
Daníel Dunne kæmi til Tinda-
stóls, þannig að Valurtekur
við stjórninni.
Tindastóll hefur einnig fengið
tvo nýja leikmenn til liðs við
sig. Það eru Breiðabliksmennirnir
Kristján Rafnsson og Guðbrandur
Stefánsson.
Njarðvíkingar hafa ráðið Banda-
ríkjamanninn Kris Fadness sem
þjálfara. Hann tekur við starfí
Vals, sem hefur þjálfað Njarðvík-
inga undanfarin ár.
Sturla Örlygsson, leikmaður
Njarðvíkurliðsins, hefur ákveðið
að að leika ekki með Njarðvík
næsta vetur. Hann hefur ekki
ákveðið með hvaða félagi hann
ætlar að leika. Aðrir leikmenn
Njarðvíkurliðsins eru ekki á för-
um.
KÖRFUKNATTLEIKUR
Strák-
arnir
stóðusig
vel gegn
Spán-
verjum
DRENGJALANDSLIÐIÐ íkörfu-
knattleik, skipað leikmönnum
16 ára og yngri, sem er nú á
keppnisferðalegi í Portúgal,
stóðu sig vel í fyrsta leik sínum
í gærkvöldi. Þeir veittu Spán-
verjum, sem eru taldir með
besta liðið í móti í Aceiro,
harða keppni. Máttu þola tap,
70:76.
Eg er ánægður með leik
strákanna. Þeir byrjuðu vel og
komustyfir, 20:15. Spánverjarjöfn-
uðu, 25:25, og komust yfír, 32:40,
fyrir leikshlé. Við náðum að jafna,
61:61, og eftir það skiptust liðin á
að hafa forustu. Við vorum með
knöttinn þegar 40 sk. voru til leiks-
loka, og Spánverjar yfir, 70:72.
Náðum ekki að skora og Spánverjar
skoruðu síðustu fjögur stig leiks-
ins,“ sagði Jón Sigurðsson, þjálfari
drengjaliðsins, í samtali við Morg-
unblaðið í gærkvöldi.
Strákamir komu á óvart, því að
fyrirfram var búist við að þeir yrðu
auðveld bráð fyrir Spánvetja. Jón
Amar Ingvarsson úr Haukum var

Morgunblaðið/Einar Falur
DrengjalandsliAidi sem er nú í keppnisferð í Portúgal.
besti leikmaður vallarins - setti 30
stig. Marel Guðlaugsson, Grindavík,
kom næstur á blaði með 14 stig
og þeir Aðalsteinn Hrafnkelsson,
ÍR og Nökkvi Már Jónsson,
Keflavík, settu átta stig.
„Allir strákarnir léku vel og voru
landi sínu til sóma,“ sagði Jón.
Aðrir leikmenn í drengjaliðinu, eru:
Sigurður Jónsson, Haukum, Hjörtur Harð-
arson, Keflavík, Heiðar Guðjónsson, Hauk-
um, Bergur Hinriksson, Grindavik, Kristinn
Jónasson, Keflavík, Birgir Guðfinnsson,
Keflavik, Eggert Garðarsson, ÍR og Arnar
Grétarsson, Haukum.
Strákamir leika gegn portúgalska
landsliðinu í dag, en það lagði
meistaralið Portúgal, skipað eldri
leikmönnum, 73:71.
Þessi æfingaferð er liður í undir-
búningi fyrir Evrópukeppni dren-
gjalandsliða, sem fer fram í Belgíu
í apríl næsta vor. ísland leikur þar
í riðli með Belgum, Hollendingum
og Frökkum.
SIGLINGAR
íslandsmót
unglinga
Islandsmót unglinga í sigling-
um á Optimist-bátum og Top-
per-bátum fer fram á Fossvogi
um helgina. íslandsmótið fer nú
fram í tólfta sinn.
Keppt verður eftir núgildandi
reglum SÍL og IYRU. Alls verð-
ur keppt á 60 bátum og eru
þátttakendur á aldrinum 10 til
18 ára. Keppni hefst kl. 10.00
í dag, laugardag, og sunnudag.
Eftir mótið verður ákveðið
hvaða keppendur taki þátt í
Norðurlandamóti unglinga sem
fram fer í Danmörku.
foám
FOLK
■ GRAHAM Souness, fram-
kvæmdastjóri Glasgow Rangers
keypti í gær enska landsliðsmann-
inn Gary Stevens frá Everton fyr-
ir eina milljón punda. Souness hef-
ur þar með varið 7 milljónum punda
til kaupa á nýjum leikmönnum
síðustu tvö ár. Stevens, sem er 26
ára varnarmaður, sagði mjög
spennandi að fara til Rangers. Þar
fengi hann einnig að komast í kynni
við evrópska knattspyrnu en skozk
lið eru ekki útilokuð frá Evrópu-
keppni eins og ensku liðin.
GOLF / OPNA BRESKA MEISTARAMOTIÐ
Nick Price
með forystu
Severiano Ballesteros einu höggi á eftir
Nick Price frá Zimbabwe hefur
forystu eftir tvo fyrstu hring-
ina á Opna breska meistaramótinu
í golfi sem fram fer í Lytham St.
Annes í Englandi. Spánveijinn Seve
Ballesteros, sem hafði forystu eftir
fyrsta dag keppninnar, er í öðru
sæti með 138 högg. Price lék á 67
höggum í gær og er nú fimm högg-
um undir pari vallarins, 137 högg.
Ballesteros lék á 71 höggi í gær,
en á 67 höggum á fímmtudag.
Price, sem býr í Bandaríkjunum en
er ríkisborgari í Zimbabwe, er
fæddur í Suður-Ameríku en á enska
foreldra. Hann er 31 árs og hefur
aldrei unnið stórmót. Hann gerir
sér nú vonir um að sá draumur
gæti ræst.
Veður var mjög óhaggstætt til golf-
iðkunnar í gær vegna hvassviðris
og setti það marga keppendur út
af laginu.
Röð efstu manna að loknum öðrum
keppnisdegi er þessi:
Nick Price, Zimbabwe........137 (70 67)
Severiano Ballesteros, Spáni ....138 (67 '71)
CraigfStadler, Bandaríkjunum.140 (72 68)
Nick Faldo, Bretlandi.......140 (71 69)
Andy Bean, Bandaríkjunum....141 (71 70)
Fred Couples, Bandaríkjunum .142 (73 69)
Sandy Lyle, Bretlandi.......142 (73 69)
Bob Tway, Bandaríkjunum.....142 (71 71)
Don Booley, Bandaríkjunum...143 (70 73)
Isao Aoki, Japan............143 (72 71)
Brad Faxon, Bandarikjunum....l43 (69 74)
Howard Clark, Bretlandi.....143 (71 72)
Gary Koch, Bandaríkjunum....143 (71 72)
Andrew Sherborne, Bretlandi..l43 (71 72)
Peter Senior, Ástralíu......143 (70 73)
Ekluardo Romero, Arg:entínu....l43 (72 71)
Wayne Riley, Ástralíu.......143 (72 71)
Chip Beck, Bandarikjunum....143 (72 71)
Reuter
Nick Price frá Zimbabwe hefur forystu á Opna breska meistarmótinu í golfí
eftir tvo hringi.
■ DANSKI landsliðsmaðurinn
Klaus Berggreen, sem hefur leikið
með Tórínó á Ítalíu, hefur verið
seldur til Como.
■ HAMBURGER hefur áhuga á
að kaupa danska landsliðsmanninn
Preber-Elkjær Larsen frá Ver-
ona.
■ GYORGY Mezey, var endur-
ráðinn landsliðsþjálfari Ungveija-
lands í gær, en hann sagði starfi
sínu lausu eftir HM í Mexikó 1986.
Mezey, sem tekur við af Laszlo
Balint, er fimmti þjálfari ung-
verska landsliðsins frá HM. Hann
hefur verið þjálfari landsliðs Kuwa-
it.
■ CESAR Menotti, fyrrum
landsliðsþjálfari Argentínu, skrif-
aði í gær undir átján mánuða samn-
ing við argentínska félagið River
Plate. Menotti fékk fyrir það 3.3
millj. kr. í vasann.
■ CARL Lewis náði bestum
tíma í ár í 100 m hlaupi, þegar
hann hljóp á 9.96 sek. í Indiana-
polis í gær, en þar hefst úrtökumót
Bandaríkajanna fyrir ÓL í Seoul
í dag. Þetta er annar besti tími
Lewis, sem hljóp á 9.93 sek. þegar
Ben Johnson setti heimsemt sitt,
9.83 sek., á heimsmeistaramótinu
í Róm í fyrra.