Morgunblaðið - 16.07.1988, Blaðsíða 56

EIGIVA
MIÐUJMN
27711
Þ 1 N G H 0 t T S S T R t f I 3
Swmr Krittinssoo. sötetjori - Poitetfur GoSmurKteson, sötem.
ÞofóKurHalláif5so(i.loi:“Unhsttfi>nBeclíhr)..simi 12320
ÁGRÆNNIGREIN
LAUGARDAGUR 16. JÚLÍ 1988
VERÐ í LAUSASÖLU 70 KR.
kartöfluuppskeru
LÉLEGAR horfur eru á kart-
öfluuppskeru hjá bændum í
Þykkvabæ í ár að sögn Yngva
Markússonar í Oddaparti. Sagði
hann að óvenjukaldur júnímán-
uður ylli því að kartöflugrös
hefðu ekki byijað að koma upp
fyrr en um mánaðamótin
síðustu. Venjulega væri byijað
að taka upp í júlí en nú yrði
uppskeran öllu seinna á ferð-
inni.
„Eftir 1983 hefur kartöfluupp-
skeran verið mjög góð og við sett-
Arnarstapi:
um því minna niður en venja er.
Hugsanlegt er þó að úr rætist
verði ágústmánuður góður,“ sagði
Yngvi.
Um borð í varðskipi
Morgunblaðið/Emilía
Krakkarnir í leikskólanum Sælukoti fóru í stutt ferðalag í góða veðrinu fyrir skömmu. Þau fengu að
fara um borð í varðskipið Ægi í Reykjavíkurhöfn og fannst það greinilega hin besta skemmtan.
Halldór Ásgrímsson sjávarútvegsráðherra:
Vænlegl að reisa álverksmiðju í
grennd við Fljótsdalsvirkiun
Forsætisráðherra
boðið til Washington
ÞORSTEINN Pálsson forsætisráðherra hefur þegið boð Ronalds
Reagan Bandaríkjaforseta um opinbera heimsókn til Banda-
ríkjanna. Fundur Þorsteins Og Reagans verður í Hvíta húsinu í
Washington miðvikudaginn 10. ágúst.
Forsætisráðherra hafði áður
þegið boð um opinbera heimsókn
til Bandaríkjanna, sem hefjast átti
16. maí síðastliðinn. Degi áður en
Þorsteinn hugðist leggja af stað
var förinni aflýst vegna efnahags-
aðgerða ríkisstjómarinnar.
Endanleg dagskrá heimsóknar-
innar í ágúst liggur ekki fyrir að
sögn forsætisráðuneytisins. I vor
hafði verið ákveðið að Þorsteinn
myndi hitta að máli, auk Banda-
ríkjaforseta, George Bush varafor-
seta og forsetaframbjóðanda
repúblíkana eða George Shultz
utanríkisráðherra í fjarveru hans.
Einnig að Þorsteinn ætti fund með
Frank Carlucci vamarmálaráð-
herra. Þá var fyrirhugað að for-
sætisráðherra heimsækti stjóm-
stöð Atlantshafsflota Atlantshafs-
bandalagsins í Norfolk og ræddi
við yfirmann hans.
Lélegar horfur á
Hagkvæmnisathugun sem aðeins tekur tillit til álvers í Straumsvík er óeðlileg
HALLDÓR Ásgrímsson sjávarútvegsráðherra telur nauðsynlegt að
kanna fleiri kosti en þann sem nú kemur til greina við byggingu
álvers. Sterklega komi til greina að byggja Fljótsdalsvirkjun og
yrði þá vænlegt að reisa álverksmiðju í grennd hennar, á Austfjörð-
um. „Það þarf að líta á þetta mál i mun víðara samhengi. Hag-
kvæmnisathugun sem einungis tekur tillit til álvers i Straumsvík og
stækkunar virkjana á Þjórsársvæðinu er óeðlileg. Á síðari árum
hefur hallað mikið á landsbyggðina og brýnt að gera einhverjar
ráðstafanir til að rétta hlut hennar. Það er brýnni þörf fyrir fram-
kvæmdir annars staðar en á suðvesturhorninu," sagði Halldór í sam-
tali við blaðið í gær.
Hrútar gera
árás á bíla
FLOKKUR hrúta stangaði bíla við
orlofshús LÍÚ á Arnarstapa fyrir
skömmu og hlutust nokkrar
skemmdir af.
Tíu hrútar gerðu atlögu að bílum
utan við orlofshúsin og vöktu fólk
af værum blundi. Hrútarnir rispuðu
§óra bíla talsvert og beygiuðu einn
þeirra að sögn lögreglu. Ekki er vit-
að hvers vegna hrútarnir hegðuðu
sér með þessum hætti.
Þijú erlend stórfyrirtæki auk
Alusuisse hafa lýst áhuga sínum á
samstarfi um nýtt álver hér á landi.
Nýlega undirrituðu þessir aðilar
samning um hagkvæmnisathugun
sem gerir ráð fyrir að álverið rísi í
Straumsvík. Niðurstaða á að liggja
fyrir 1. mars 1989.
Orkuþörf álverksmiðju sem
framleiddi 90.000-120.000 tonn á
ári gæti orðið 2500 gígavattstundir
á ári, eða 300 megavattstundir.
Rætt hefur verið um að anna þörf-
inni með því að stækka virkjanir
við Búrfell og Sultartanga. Þá eru
uppi hugmyndir um virkjun jarð-
gufu við Kröflu, á Nesjavöllum og
í Eldvörpum.
Halldór segir að hugmyndir um
nýtt álver hafi aldrei komið til af-
greiðslu í ríkisstjóminni eða þing-
flokkunum. Hann telur forsendur
athugunarinnar rangar. Sjónar-
hornið sem valið hafi verið sé of
þröngt.
„Það hefur engin pólitísk afstaða
verið tekin til þessa máls. Ef nást
á eining um þetta mál er nauðsyn-
legt að allar forsendur liggi fyrir.
Ég hef aldrei lagst gegn athugun-
um, en þegar málið verður skoðað
ofan í kjölinn þarf nauðsynlega að
kanna alla kosti sem talist geta
hagkvæmir," segir Halldór.
Halldór bendir á hættuna á elds-
umbrotum og jarðskjálftum á Þjórs-
ársvæðinu. Telur hann óskynsam-
legt að stækka enn virkjanir á þessu
svæði og auka um leið skuldabyrði
þjóðarinnar. Hann gagnrýnir þá
stefnu að gengið verði út frá
Straumsvík sem gefinni forsendu.
Það bindi hendur manna varðandi
virkjunarkosti.
„Hér er um mjög viðamikið mál
að ræða. Það er ótækt að menn
standi uppi í byijun næsta árs með
þá niðurstöðu um að rétt sé að reisa
álver í Straumsvík án þess að þessi
atriði hafi verið tekin inn í mynd-
ina,“ segir hann.
„Virkjun á Fljótsdalshéraði er því
aðeins hagkvæm að hún verði í
tengslum við stóriðju. Það gefur
auga leið að ódýrast yrði að byggja
álverið í grennd hennar því raflín-
urnar eru dýrar. Austfirðingar hafa
áður lýst yfir vilja sínum að stór-
iðja verði staðsett á Reyðarfirði.
Álver með 300 starfsmönnum, eins
og rætt er um, myndi ekki valda
röskun \ byggðarlaginu,“ sagði
Halldór Ásgrímsson.
Færri mink-
ar veiddir en
refnum hef-
ur fjölgað
- segir Páll Her-
steinsson veiðistjóri
í ÁR virðist nokkru minna um
mink en meira um ref en verið
hefur, að sögn Páls Hersteins-
sonar veiðistjóra. Sagði hann
gotið breytilegt milli landshluta
og ýmist óvenjuseint eða
snemma. „Afbrigðilegum birtu-
skilyrðum er um að kenna en
sumar læðurnar hafa látið
blekkjast af óvenjudimmum
febrúarmánuði."
Refaveiðar hófust er vika var af
júní en fyrstu minkarnir voru veidd-
ir í lok aprílmánaðar. Sagði Páll
að veiðum væri að ljúka þessa dag-
ana. Nákvæmar tölur um veiðina
sagði hann ekki liggja fyrir fyrr en
á næsta ári. Ástæðuna fyrir minni
minkaveiði sagði hann óvenjukalt
vor. Refnum hefði aftur á móti
fjölgað á nokkrum stöðum undan-
farin ár, t.d. á Vesturlandi, þó menn
tækju ekki eftir því fyrr en nú.
Vatnsrennibrautin í Laugardal:
Brög'ðum beitt
við miðakaupin
NÝJA vatnsrennibrautin í Laugardal hefur sem
kunnugt er notið mikilla vinsælda meðal sund-
laugargesta, einkum af yngri kynslóðinni.
Hveijum barnamiða, sem kostar 30 krónur,
fylgja 5 ferðir í rennibrautina, en hveijar 5
ferðir umfram það kosta 100 krónur. Það er
því ódýrara að fara upp úr lauginni og ofan í
hana aftur en að kaupa sér aukaferðir í renni-
brautina.
Að- sögn stúlknanna í afgreiðslunni eru nokkur
brögð að því að krakkamir reyni að koma oftar en
einu sinni í afgreiðsluna áður en þau fara í laug-
ina, og borga þá 60 krónur fyrir 10 ferðir, eða þá
að þau segjast vera að borga fyrir fleiri en einn til
að fá auka miða og spara þannig a.m.k. 70 krónur.
Nú er verið að koma upp sérstakri bamaaðstöðu
í kjallara sundlaugarhússins, en síðan rennibrautin
kom hefur mikil örtröð verið í Laugardalslauginni
og langar biðraðir myndast á góðviðrisdögum. Að
sögn stúlknanna er ætlunin að þau vandamál sem
skapast hafa í sambandi við miðasölu í rennibraut-
ina verði leyst þegar þessi viðbótaraðstaða kemst
í gagnið.