Morgunblaðið - 07.09.1988, Blaðsíða 37

MORGUNBLAÐIÐ, MIÐVIKUDAGUR 7. SEPTEMBER 1988
37
un almennt og sagði þar meðal
annars, að rannsóknir í Banda-
ríkjunum sýndu að jafnvel 15%
þjóðarinnar væru ekki læs. Menn
segja að upplýsingaöld sé upp-
runnin og að tölvuvæddir gagna-
bankar geymi allan fróðleikinn og
ávaxti hann jafnvel með vissum
hætti. En eigi menn að geta fært
sér þekkingarforðann í nyt þurfa
þeir að búa yfir þeirri grunnþekk-
ingu að hægt sé að spyija réttra
spurninga.
Þekkingin er lykilorð okkar
tíma. Ef menn vilja búa vel í hag-
inn fyrir sig verða þeir að afla sér
mikilla og staðgóðrar þekkingar.
Heimurinn okkar er reikistjaman
Jörð. Við verðum að þekkja helstu
lögmál hennar, jarðfræði, lífríkið
og fólkið og tungumál þess og
sögu.“
Skólameistari taldi að um of
hefði dregið úr markvissri og al-
mennri landafræðikennslu í
grunnskólum.
Og víðar virðist hafa dregið úr
markvissri kennslu því að þegar
Bjöm Teitsson skólameistari bað
viðstadda sem vom milli tvö og
þijúhundmð að rísa úr sætum og
syngja saman „ísland ögmm
skorið" við undirleik Beata Joó
var salurinn að mestu hljóður.
- Úlfar
Isafjörður:
Sameiginlegt framhaldsnám
í Skóla Jóns Sigurðssonar?
ísafirði.
„JÓN Sigurðsson, forseti Al-
þingis og þingmaður ísf irðinga,
iagði til í merkri ritgerð 1842
að skóli handa kaupmannsefn-
um, stýrimannsefnum og þeim
er læra vildu handiðnir yrði
sameinaður Latínuskólanum.
Þar sem nú er í hyggju að sam-
eina Menntaskólann á ísafirði
og Iðnskólann í einn skóla er
ekki úr vegi að gefa honum
nafn þessa merka ísfirðings.
Ég hygg að í umróti okkar
daga sé skólum okkar hollt að
hafa augljós og nafnræn tengsl
við fortíð og sögu þjóðarinnar,
sem okkur hefur alið.“ Þetta
sagði Björn Teitsson skóla-
meistari í setningarræðu sinni
þegar hann setti skólann síðast-
liðinn sunnudag.
Alþingi samþykkti á liðnu vori
lög um framhaldsskóla. Á gmnd-
velli þeirra em þessir tveir skólar
nú reknir undir einum hatti en
Bjöm og Snorri Hermannsson
kennslustjóri við iðnsvið hafa ritað
menntamálaráðherra bréf þar
sem þeir fara fram á að skólamir
verði formlega sameinaðir um
áramót þegar nýju lögin taka gildi
og að skólanum verði þá gefið
nafn Jóns Sigurðssonar.
Þetta er annar veturinn sem
menntaskólinn rekur Iðnskólann
og munu 240 nemendur verða í
Við lok setningar menntaskólans söng fyrrverandi nemandi skól-
ans, Bjarney Ingibjörg Gunnlaugsdóttir, við undirleik Jónasar
Tómassonar og Beata Joó sem lék á orgel.
þessum sameinaða skóla sem er
örlítið færra en í fyrra. 122 nem-
endur em nú að hefja nám í fyrsta
sinn og em það um 25 fleiri en
á síðasta hausti. Fella varð niður
nám á 1. ári á skipstjórnarbraut
vegna ónógrar þátttöku, en áætl-
að er að innan skamms hefjist
nám til 30 tonna skipstjómarrétt-
inda.
Menntaskólinn á ísafirði er eini
skólinn á landinu sem er með
skíðabraut og er nú skíðaþjálfari
í fullu starfi í fyrsta sinn ráðinn
að skólanum. Nemendur í öld-
ungadeild verða 25 í vetur en
vegna lélegrar þátttöku var hætt
við að helja kennslu á 1. ári öld-
ungadeildar í haust. Nokkur
kennaraskipti urðu við skólann,
en búið er að ráða í allar stöður
í vetur. 38 nemendur verða í
heimavist og em þeir örlítið fleiri
en í fyrra.
Enn vantar nokkuð á að bygg-
ingu skólahússins sé fulllokið. Þó
hefur verið unnið fyrir nokkrar
milljónir að verkinu í sumar auk
þess sem hafist er handa við frá-
gang lóðar. Skólameistari lagði
áherslu á að haldið yrði áfram við
lóðina á næsta ári og bílastæði
yrðu lögð bundnu slitlagi.
Skólameistari fór í lok ræðu
sinnar nokkmm orðum um mennt-
Morgunblaðið/Olfar Ágústsson
Björn Teitsson skólameistari flytur skólasetningarræðu sína, en skólinn er nú settur i 19. sinn.
Líkindi eru til að skólanum verði breytt formlega um áramót þegar ný lög um framhaldsskóla
taka gildi. Við það myndi menntaskóla- og iðnnám sameinast í einum skóla og hefur Björn ásamt
Snorra Hermannssyni, námstjóra iðnnáms, sent menntamálaráðherra bréf og gert að tillögu sinni
að ef af yrði fengi skólinn nafn Jóns Sigurðssonar forseta og þingmanns Isfirðinga.
Það nýjasta í flugvélahönnun
Úr fhigstjómarklefa Avanti. Morgunbiaðið/PPJ
íslenskir áhugamenn um þró-
un í hönnun og smíði flugvéla
fengu tækifæri til að líta eigin
augum það nýjasta í greininni
þegar ný flugvéi af gerðinni
Piaggio P.180 Avanti lenti á
Reykjavíkurflugvelli síðdegis
fimmtudaginn 1. september.
Flugvélin hafði hér viðkomu á
leið sinni til Kaliforníu í Banda-
rikjunum þar sem framkvæmdir
verða ýmsar lokatilraunir i
reynsluflugsáætlun vélarinnar.
Avanti vekur strax athygli
manna vegna sérkennilegs útlits,
en vélin er talsvert öðruvísi í lag-
inu, en þau flygildi sem í dag telj-
ast vera „venjulegar" flugvélar.
Nafnið Avanti þýðir áfram á ítölsku
og er það nafn mjög viðeigandi þar
sem þessi flugvél er hraðfleygur
fulltrúi framtíðarinnar í flugvéla-
smíði. Skrokkur Avanti er eins og
teygður regndropi í laginu, en lögun
skrokksins er höfð þannig til þess
að loftmótstaðan verði sem minnst.
Aðalvængurinn er hafður aftarlega
á skrokknum en við það skapast
aukið rými fyrir farþega auk þess
sem hreyflar vélarinnar eru langt
fyrir aftan og hávaði og titringur
í farþegarýminu verður minni en
gengur og gerist. Til að minnka
álagið á lárétta stélfletinum og
skapa meiri lyftikraft að framan
hafa hönnuðir Piaggio valið þann
kostinn að setja lítinn væng, eða
vængling, fremst á skrokknum.
Aðferðimar sem Piaggio notar
við smíði Avanti eru langt frá því
að vera hefðbundnar en fyrirtækið
hefur að mestu haldið sig við hefð-
bundin smíðaefni, ál og aðra
málma, til þess að vélin verði sem
léttust. „Plast“, eða kol- og gler-
trefjaefni eru notuð í minna mæli
við smíði Avanti en búast mætti
við, eða aðeins um tuttugu af
hundraði af þyngd vélarinnar án
hreyflana.
Avanti er kraftmikil flugvél, knú-
in tveimur 850 ha. Pratt & Whitney
skrúfuhverflum sem knýja fimm
blaða ýtiskrúfur af nýjustu gerð.
Farflugshraði Avanti er um 400
sjómflur á klst. og er hann svipaður
því sem gerist hjá hægfleygum þot-
um, en eldsneytiseyðsla þotnanna
er mun meiri. Ákjósanlegasta far-
flugshæð Avanti er 41.000 fet sem
er há miðað við flestar skrúfuþot-
ur, en þetta mun eflaust breytast
á komandi árum. Þróuninni í smíði
flugvélahreyfla og loftskrúfa hefur
fleygt ört fram á síðustu árum og
stefnir allt í þá átt að skrúfuhverfl-
ar verði mun afkastameiri og spar-
neytnari en hefðbundnir þotuhreyfl-
ar sem eru í notkun í dag.
Með markaðssetningu Avanti
hyggst Piaggio reyna að ná hluta
af sölu sk. einkaþotna, eða fyrir-
tækisflugvéla, en vélin mun hafa
víðtækara notagildi, m.a. við flug-
prófanir aðflugsbúnaðar flugum-
ferðarstjómarmiðstöðva, sjúkra-
flug, landmælingaflug o.m.fl. í far-
þegaútgáfu mun Avanti hafa rými
fyrir sex til tíu farþega, eða svipað
því sem var í Cessna Citation II
þotunni sem Þotuflug hf. gerði út
á sínum tíma. Áætlað verð Avanti
er um þijár milljónir og sjöhundruð
þúsund dalir eða um eitt hundrað
sjötíu og fjórar milljónir króna.
Mikill áhugi er ríkjandi fyrir
Avanti-vélinni í flugheiminum og
bíða menn spenntir eftir því að
reynsluflugsáætlun hennar ljúki.
Þegar eru fyrstu tólf Avanti vélar
langt komnar á framleiðslulínu
Piaggio og ætti fyrsta vélin að verða
afhent snemma á næsta ári.
Vegna viðkomu Avanti á íslandi
notaði einn af ritstjómm hins
þekkta bandaríska flugtímarits Fly-
ing, Russell Munson, tækifærið til
að ljósmynda vélina á flugi yfir
Reykjavík. Munson kom hingað
gagngert til þess að taka þessar
myndir og fór aftur til síns heima
síðdegis á föstudag með fulla tösku
af áteknum fílmum. — PPJ
Piaggio Avanti er knúin tveimur 850 ha. skrúfuhverflum með fimm
blaða ýtiskrúfum.
Flugvél framtíðarinnar í flugtaki frá Reykjavíkurflugvelli.