Morgunblaðið - 09.09.1988, Blaðsíða 32

MORGUNBLAÐIÐ, FÖST.UDAGUR 9. SEPTEMBER 1988
32
Sport Aid *88;
Heimshlaupið
á Akureyrarvelli
Rauði kross íslands stendur
fyrir svoköiluðu „Heimshlaupi
’88“ næstkomandi sunnudag,
11. september. Heimshlaupið
’88 er liður í einni mestu fjár-
söfnun, sem fram hefur farið,
það er Sport Aid ’88. Búist er
við að á bilinu 20 til 30 milljón-
ir manna um heim allan muni
leggja hjálparvana börnum um
allan heim lið með þvi að
hlaupa.
Eins og áðúr sagði nefnist §ár-
söfnun þessi Heimshlaupið ’88 hér
á landi. Fjölmörg hlaup verða hald-
in um allt ísland. Öll munu hlaup-
in hefjast á sama tíma, klukkan
15.00. Hlaupin eru ekki keppni
milli einstaklinga heldur er hinn
eini sanni sigur fólginn í því að
sem flestir taki þátt.
Á Akureyri hefur hlaupið verið
undirbúið í samvinnu Akureyrar-
deildar RKÍ, Ungmennafélags
Akureyrar og æskulýðsfulltrúa
Akureyrar. Ungmennafélagið mun
hafa með höndum framkvæmd
hlaupsins þann 11. september nk.
Hlaupið hefst á Áþureyrarvelli.
Þátttökunúmer verða seld á sama
stað frá kl. 14.00 og er verðið á
þeim 200 krónur. Forsala þátt-
tökunúmera verður hjá Akur-
eyrardeild RKÍ á Kaupangi við
Mýrarveg milli kl. 14.00 og 16.30
í dag.
Samheiji kaupir bát
til að auka kvótann
Eykur kvota smn um 300 þorskígildi
Samherji hf. hefur keypt 56
tonna trébát frá Grindavik,
Hraunsvík GK 68, sem var i eigu
útgerðarfélagsins Víkurhrauns.
Þorsteinn Már Baldvinsson fram-
kvæmdastjóri Samheija hf. vildi
ekki gefa upp kaupverð, en með
bátnum fær Samherji kvóta af
ýmsum fisktegundum, sem að
verðmæti svara til um 300 tonna
af þorski. Það mun þó ekki vera
aUur kvóti bátsins.
Þorsteinn Már sagðist vonast til
þess að báturinn yrði bundinn við
bryggju sem lengst enda kaupin til

J Laugardagskvöld
Hljómsveitin
Gautar
frá Siglufirði
leikurfyrirdansi.
Hótel KEA.
komin eingöngú með það markmið
í huga að afla Samheija aukins
kvóta. „Við eigum sæmilegan kvóta
eftir handa skipum fyrirtækisins og
erum þokkalega settir hvað það
varðar. Hinsvegar má það ljóst vera
að skipin stöðvast um leið og kvóta
þrýtur og sá tími fer vissulega eftir
aflabrögðum. Við höfum reynt tölu-
vert að kaupa kvóta, en það hefur
gengið afar illa. Það virðist ekkert
liggja á lausu. Fyrst og fremst var
minni kvóta úthlutað í ár en í fyrra
og í öðru lagi má nú flytja kvóta á
milli ára sem ekki var hægt í fyrra."
Þorsteinn sagði að Samheiji hf.
væri fyrst og fremst að huga að
framtíðinni með bátakaupunum nú.
„Fiskifræðingar og stjómmála-
menn hafa rætt um það að skipin
séu of mörg og í öllum tillögum
fræðinga kemur það fram að reynt
verði að fækka skipum og sameina
kvóta. Stjómmálamenn eru að vísu
óútreiknanlegir, en við verðum að
geta tekið eitthvert mark á þeim
og því erum við að búa okkur und-
ir það sem koma skal,“ sagði fram-
kvæmdastjóri Samheija hf.
Afhending hefur þegar farið
fram og er báturinn nú í slipp í
Njarðvíkum. Þorsteinn sagði að
frekari skipa- eða bátakaup væru
ekki á döfínni hjá fyrirtækinu að
svo stöddu.
Blaðberar
óskast
Nú, þegar skólarnir eru að byija,
vantar okkur blaðbera sem geta borið
út fyrir hádegi.
Starfið hentar vel húsmæðrum sem
eldri bæjarbúum.
í boði er hressandi morgunganga,
sem borgar sig.
fltargttiiHiifcifr
Akureyri, sími 23905.
Ráðstefna norrænna iðnráðgjafa á Akureyri;
Norðurlöndin verða
að samræma aðgerðir
— segir Gunnar Guttormsson hjá iðnaðarráðuneytinu
NORRÆNIR iðnráðgjafar í strjálbýli héldu árlega ráðstefnu á Akur-
eyri síðastliðna helgi og sóttu hana 45 manns. Fjögur ár eru nú liðin
frá því að fyrsta sameiginlega ráðstefnan var haldin og er þetta í
fyrsta sinn sem hún er haldin hérlendis. Helsta viðfangsefni ráðstefn-
unnar var samstarf fyrirtækja, einkum á sviði sölu, útflutnings, vöru-
þróunar og framleiðslu. Fluttir voru fjórir fyrirlestrar um þessi efni.
Hérlendis eru sjö iðnráðgjafar
starfandi sem njóta stuðnings ríkis.
Ríkið greiðir sem svarar 20-30% af
heildarlaunum ráðgjafanna, en ann-
an kostnað greiða svæðisbundin iðn-
þróunarfélög, samtök sveitarfélaga
í viðkomandi landshlutum og hin
ýmsu fyrirtæki. í nágrannalöndun-
um er það algengast að þrír ráðgjaf-
ar séu starfandi á hverri skrifstofu,
einn með tæknilegan bakgrunn,
annar með fjárhagslegán bakgrunn
og sá þriðji sér um skrifstofuhald.
í Danmörku miðast staðsetning
iðnráðgjafa við gamla amtskerfíð
og í Svíþjóð og Finnlandi eru iðnráð-
gjafar tengdir byggðasjóðum, sem
starfa í hveiju fylki og sjá um að
fjármagna ráðgjöfína. „Það myndi
samsvara því að Byggðastofnun
yrði skipt upp á milli landshluta og
stofnaðir yrðu svæðisbundnir
byggðasjóðir til aðstoðar atvinnulíf-
inu. Eftir því sem norðar dregur,
eru meiri vandamál í uppbyggingu
öflugs atvinnuiífs því þegar afli
dregst saman standa menn ’ráð-
þrota. Þá er fólksflótti frá stijál-
býlli svæðum landanna til borga
jafnalgengur og hjá okkur. Menntað
fólk flýr stijálbýlar heimabyggðir
sínar og það fólk, sem eftir situr,
fínnur sig vanmáttugt í að taka á
vandamálunum," sagði Gunnar
Guttormsson hjá iðnaðarráðuneyt-
inu, en hann er fulltrúi íslands í sjö
manna nefnd norrænna iðnráðgjafa.
Hópnum var komið á laggimar 1984
og var fyrsta ráðstefnan haldin ári
síðar í Svíþjóð þar sem fjallað var
um nýstofnun fyrirtækja. Til við-
bótar hafa kviknað hugmyndir um
samstarf milli tveggja eða fleiri
landa og hefur Norræni iðnaðarsjóð-
urinn veitt stuðning til þeirra verk-
efna.
Eitt þeirra verkefna er notið hef-
ur stuðnings frá norrænum sjóðum
í gegnum iðnráðgjafasamstarfíð er-
„Bijótum múrana" sem Valgerður
Bjamadóttir sér um á Akureyri.
Gunnar sagði að aðdragandi þess
næði aftur um ein þijú ár þegar
hann ásamt fleiri fulltrúum komust
í kynni við konur á Norðurlöndum
er stóðu fyrir verkefni fyrir konur
sem vildu stofna fyrirtæki, og hefðu
þær gjaman viljað miðla íslending-
um af reynslu sinni. Bryt-verkefnið
er samnorrænt og er því ætlað að
treysta stöðu kvenna í atvinnulífínu.
Gunnar sagði að menn litu nú
mjög til þeirra breytinga, sem em
að verða á innri markaði Evrópu-
bandalagsins. Samræming á innri
markaði þess ætti að vera lokið árið
1992 og þá myndu vissulega skap-
ast ný viðhorf á meðal þeirra ríkja,
sem standa fyrir utan bandalagið,
þar á meðal er ísland. „Ljóst er að
mikil breyting á eftir að eiga sér
stað á stöðu fyrirtækja á Norðurl-
öndum og samkeppnisstöðu þeirra
út á við og má búast við að þessar
breytingar kalli á mun víðtækara
samstarf norrænna fyrirtækja og í
því sambandi er hægt að hugsa sér
samvinnu á sviði markaðsmála,
vömþróunar og markaðssetningar
svo eitthvað sé nefnt," sagði Gunn-
ar. _
Árið 1985 ákváðu forystumenn
Evrópubandalagsins að innan sjö
ára verði bandalagið einn sam-
ræmdur innri markaður tólf ríkja,
þar sem búa yfír 320 millj. manna.
Gert er m.a. ráð fyrir að aflétta
hömlum af viðskiptum, Qárfestingu
og fjármagnshreyfíngum svo og
flutningum fólks innan ríkja banda-
lagsins. Haldin var ráðstefna um
þetta efni á vegum iðnaðarráðuneyt-
isins fyrr í vor. Þar kom fram í
máli iðnaðarráðherra að viðskipti
innan bandalagsins myndu aukast
og samkeppnisaðstaða fyrirtækja
innan og utan bandalagsins raskast
vemlega. Mun auðveldara yrði t.d.
fyrir belgískt fyrirtæki að versla við
ítalskt fyrirtæki fremur en íslenskt
þó hið íslenska sé að öðm leyti sam-
keppnisfært. „Á hinn bóginn mun
breytingin án efa verða til þess að
íslensk fyrirtæki munu í vaxandi
mæli kaupa hlut í eða stofna sölu-
og dreifingarfyrirtæki f Evrópu.
Markaðssvæði slíks fyrirtækis tak-
markaðist þá ekki við landið, sem
það er í, heldur næði það til allra
EB-ríkjanna. Kostimir fyrir íslensk-
an iðnað em því þeir að þegar hann
er einu sinni kominn inn á svæði
bandalagsins em frekari tálmanir
ekki til staðar," sagði ráðherra."
Þegar samræmdur innri markað-
ur 12 ríkja verður að vemleika árið
1992 má gera ráð fyrir að viðskipti
milli ríkja innan EB verði jafn ein-
föld og viðskipti em í dag milli
Reykjavíkur og Akureyrar. Ráð-
herra sagði að breytingin yrði ekki
minni fyrir fólkið því að dæmigerð
fjölskylda í Danmörku gæti þá átt
bankareikning í Luxemborg, verið
með heimilistryggingu hjá bresku
tryggingafélagi, fengið lán út á
húsið sitt hjá belgískum banka og
keypt sér sumarbústað á Spáni með
jaftiauðveldum hætti og hún gerir
slík kaup á Sjálandi í dag. Fjölskyld-
an getur ferðast um Evrópu með
Evrópupassa án þess að fara í vega-
bréfa- eða tollskóðun líkt og þegar
Reykvíkingar skreppa austur fyrir
fiall.
Evrópubandalagið hefur reynt að
meta áhrif hins sameiginlega mark-
aðar á efnahagsþróun í Evrópu og
samkvæmt þeirri áætlun er gert ráð
fyrir að framleiðsla innan EB aukist
um 4,5% næstu 5-6 ár eftir 1992
og á sama tíma á verðlag að lækka
um 6% og störfum að fjölga um 1,8
milljónir. Lækkun verðlags orsakast
af því að flutningskostnaður lækkar
þar sem auðveldara verður að flytja
vörur frá einu landi til annars,
pappírsvinna minnkar og samkeppni
eykst, sagði ráðherra meðal annars
í ræðu sinni.