Morgunblaðið - 30.09.1988, Blaðsíða 23

MORGUNBLAÐIÐ, FÖSTUDAGUR 30. SEPTEMBER 1988
23
*
Israel:
Mótmæli við útför
Palestínuleiðtoga
Jerúsalem. Reuter.
PALESTÍNSKIR andófsmenn söngluðu slagorð og veifuðu risastórum,
palestínskum fána við útför palestínska leiðtogans Rashad a-Shawa á
Gaza-svæðinu í gær. Hermenn særðu tvo andófsmenn með plastkúlum
og palestínskur unglingur var stunginn til bana af andófsmönnum,
grunaður um að starfa fyrir ísraelsstjórn. Yfirleitt virtust hermennirn-
ir reyna að hafa hemil á sér þótt unglingar reyndu að egna þá, m.a.
með grjótkasti. Sjónarvottar töldu að 5.000 manns hefðu verið við
útför a-Shawa sem lést af hjartaslagi á þriðjudag, 79 ára gamall.
Hann var áður borgarstjóri á Gaza-svæðinu en var árið 1982 rekinn
úr þvi starfi af ísraelskum yfirvöldum, sakaður um mótþróa við stjórn-
völd.
Syrgjendur við útförina fögnuðu
er nokkrir grímuklæddir unglingar
drógu fána Palestínumanna að hún
á moskunni þar sem beðið var fyrir
a-Shawa. Fáninn er bannaður af
ísraelskum yfirvöldum. Herinn lokaði
aðgönguleiðum til Gaza-svæðisins og
fyrirskipaði útgöngubann í fjórum
flóttamannbúðum þar sem oft hafa
verið átök milli hermanna og andófs-
manna.
Dan Shomron, yfirmaður ísraelska
hersins, viðurkenndi í gær að nokkr-
ir Palestínumenn hefðu fallið fyrir
gúmmíkúlum, sem herinn hóf að
nota gegn palestínskum_ andófs-
mönnum fyrir mánuði. Þa var því
haldið fram að kúlumar gætu ekki
valdið dauða. Fulltrúar Sameinuðu
þjóðanna og Palestínumanna hafa
áður gagnrýnt notkun hersins á
gúmmíkúlum og táragasi síðustu
mánuði.
„Ég vil leggja áherslu á að reynt
er að skipuleggja aðgerðir með það
í huga að lífí fólks sé ekki stefnt í
voða,“ sagði Shomrom í samtali við
fréttamann ísraelska útvarpsins.
Hann sagði fáeina andófsmenn hafa
fallið fyrir plastkúlunum en gúmmík-
úlur og táragas hefðu sömuleiðis
valdið mannskaða. Hann sagði ljóst
að þessi vopnabúnaður, sem tekinn
var upp eftir að herinn var átalinn
fyrir að skjóta á óvopnaða Palestínu-
menn, hefði minnkað manntjón veru-
lega.
Talsmenn sjúkrahúss á Gaza-
svæðinu segja að átta Palestínumenn
hafi látist af völdum plastkúlnanna
síðan þær voru teknar í notkun.
Herinn segir að kúlunum sé aldrei
skotið af styttra færi en 70 metrum
en læknar við sjúkrahúsið segja
skotsárin sanna að færið sé oft mun
styttra. Fulltrúar SÞ og Bandaríkja-
stjómar hafa gagnrýnt ísraela fyrir
að nota skotfæri af þessari gerð.
A.m.k. 287 Palestínumenn og sex
ísraelar hafa fallið síðan uppreisn
Palestínumanna, intifada, á hem-
umdu svæðunum hófst fyrir níu
mánuðum en alls býr hálf önnur
miHjón Palestínumanna á svæðunum.
Reuter
Palestínumaður með grjót í báðum höndum frammi fyrir herflokk
ísraelsmanna í gær þegar útför paletínska leiðtogans Rashid a-
Shawa fór fram. Israelskir hermenn héldu að sér höndum og skiptu
sér ekki af hópi unglinga sem köstuðu að þeim grjóti.
*
Irak:
Státa sig
af nýju
ofurvopni
Bagdað. Reuter.
IRAKAR eru með í smíðum
nýtt ofurvopn, sem aðeins
tvær þjóðir aðrar ráða nú yfir.
Lét Saddam Hussein íraks-
forseti svo um mælt í gær
þegar hann var að útdeila
orðuin til hermanna fyrir
vasklega frammistöðu i
stríðinu við írani.
Forseti sagði ekki nánar frá
þessu nýja vopni en lagði áherslu
á, að hann væri ekki að fara
með neitt fleipur. í Persaf-
lóastríðinu beittu írakar eld-
flaugum, sem unnt er að skjóta
650 km vegalengd, og sögðu,
að þær væru heimatilbúnar en
vestrænir hemaðarsérfræðingar
segja, að um hafí verið að ræða
endurbættar, sovéskar eldflaug-
ar af gerðinni Scud-B.
A1IKLIG4RDUR
MARKAÐUR VIÐ SUND
Nú taka allir slátur
Slátursala SS er í Glæsibæ
Islátursölu SS fá allir ókeypis leið-
beiningarbækling um sláturgerð
og uppskriftir. Með bæklinginn í
höndum geta allir búið til slátur - þú
líka. Auk þess er slátur svo ódýrt og
Slátursala
hollt að bæði magann, skynsemina
og peningavitið blóðlangar í slátur.
Slátursalan er opin kl. 9—18 mánu-
daga til fimmtudaga, 9-19 föstudaga
og kl. 9-12 á laugardögum.
Allt til sláturgerðar á einum stað.
Slátursala SS Glæsibæ
sími 68 51 66