Morgunblaðið - 03.06.1989, Blaðsíða 20

20
MORGUNBIíAÐIÐt LAUGARDAGUR '3. JÚNÍ 1989
Morgunblaðið/Bjami
Nýstúdentar frá Menntaskólanum í Reykjavík selja upp hvítu kollana.
Menntaskólinn í Reykjavík:
Meirihluti nýstúd-
enta sleppti prófum
MENNTASKÓLANUM í
Reykjavík var slitið á fimmtu-
daginn i 143. sinn frá flutningi
skólans til Reykjavíkur. Skóla-
slitaathöfiiin var að ýmsu leyti
óvenjuleg vegna þeirrar rösk-
unar er varð á skólastarfinu
vegna verkfalls kennara í HÍK;
ekki var unnt að greina frá
niðurstöðum prófa þar sem
bekkjarprófum er ekki að fullu
lokið, auk þess sem mikill
meirihluti nýstúdenta firá skól-
anum hafði engin próf tekið í
vor. Lítið var um verðlaunaveit-
ingar, enda eru flest verðlaun
skólans byggð á prófseinkunn-
um.
Alls útskrifast 166 nýstúdentar
frá Menntaskólanum í vor; 10 úr
fommáladeild, 40 úr nýmáladeild,
60 úr eðlisfræðideild og 56 úr
náttúrufræðideild. Vegna verk-
fallsins sleppti allur þorri nýstúd-
entanna prófum og vom einkunn-
ir þeirra því byggðar á mati á
frammistöðu þeirra í vetur. Þeim,
sem þess óskuðu, var gefinn kost-
ur á því að taka próf; nokkrir ljúka
þeim 15. júní en aðrir í haust.
Sagði Guðni Guðmundsson rektor
í ávarpi sínu við skólaslitin, að
vandséð væri, að hægt hefði verið
að finna sveigjanlegri lausn á
þeim vanda, sem skólinn hefði
staðið frammi fyrir eftir eitt
Eftir óvissu og erfiðleika sem fylgdu verkfalli kennara í vor fagn-
ar nú §öldi ungmenna stúdentsútskrift sinni.
Guðni Guðmundsson rektor
ávarpar nýstúdenta og gesti við
skólaslit Menntaskólans í
Reykjavík í Háskólabíói í gær.
lengsta verkfall í samanlagðri
kristni á íslandi.
Rektor vék að kjaramálum í
ræðu sinni og spurði meðal ann-
ars, hvort það gæti talist viðun-
andi ástand að ríkið stæði ekki
við kjarasamninga og bókanir sem
þeim fylgdu. Hann gagmýndi enn
fremur það sem hann kallaði að
ljúga upp á sig fátækt og sagði
að ef trúa ætti orðum hinna ýmsu
stétta í þjóðfélaginu, hlytu menn
að álykta sem svo, að algjör ör-
birgð ríkti í þessu velferðarþjóð-
félagi.
Guðni Guðmundsson fjallaði
einnig um gildismat í þjóðfélaginu
og gildi menntunar í því sam-
bandi. Á hátíðarstundum væri
farið hástemmdum orðum um
andleg verðmæti en reyndin væri
oftast sú, að menntun mætti ekk-
ert kosta, hvorki í húsum eða
launum. Kom hann því næst að
húsnæðismálum skólans, sem
hann sagði, að fyrir löngu væru
orðin eilífðarmál. Þar væri engin
lausn fyrirsjáanleg. í meira en ár
hefði sú bráðabirgðalausn, að
kaupa stórhýsi í grennd við
skólann, verið að velkjast milli
manna í kerfinu. Kauptilboð hefði
verið gert í fyrrahaust en eftir
sljómarskiptin hefði nýr ijármála-
ráðherra talið sig óbundinn af
gerðum fyrirrennara síns. Þá
mánuði sem núverandi ríkisstjóm
hefði setið, hefði hann síðan ekki
getað fengið viðtal við fjármála-
ráðherra um þessi mál.
Rektor rakti því næst helstu
viðburði skólaársins og afhenti
nýstúdentum skírteini þeirra.
Fulltrúar afmælisárganga Jón Á.
Gissurarson (stúdent 1929) Ólöf
Benediktsdóttir (stúdent 1939) og
Kristján Guðmundsson (stúdent
1964) færðu skólanum gjafir og
greint var frá fyrirhuguðum gjöf-
um annarra árganga.
Kirkjusókn stofii-
uð í Grafarvogi
Dómprófrsturinn í Reykjavík
séra Olafur Skúlason boðar til
fundar á mánudaginn kemur þann
5. júni í Foldaskóla í Grafarvogi
og er ætlunin að stofiia nýja sókn
í hverfinu.
Fram að þessu hafa þessar byggð-
ir tilheyrt Arbæjarsöfnuði og notið
þjónustu sóknarprestsins þar, séra
Guðmundar Þorsteinssonar, en
Afmælis-
hátíð Sjálfe-
bjargar
Sunnudaginn 4. júni verður
haldin afinælisdagskrá í
Sjálfsbjargarhúsinu, Hátúni
12, í tilefiii af 30 áira afinæli
Sjálfsbjargar, Landssambands
fatlaðra.
Dagskrá dagsins er ijölbreytt.
Jóhanna Sigurðardóttir félags-
málaráðherra mun flytja ávarp.
Einnig munu forystumenn í sam-
tökum fatlaðra á Norðurlöndun-
um flytja ávörp. Opnuð verður
málverkasýning, tónlist flutt og
afhent verða heiðursmerki.
Boðið verður upp á veitingar
og veislustjóri verður Sigurður
Magnússon. Móttaka verður fyr-
ir boðsgesti milli klukkan 14 og
15. Húsið verður síðan opnað
klukkan 15 fyrir allan almenning
sem áhuga hefur á því að kynna
sér starfsemi Landssambands-
ins.
Undirbúningur að þessum
hátíðisdegi hefur verið í höndum
afmælisnefndar og í henni eiga
sæti Sigurður Magnússon, Jó-
hann Pétur Sveinsson og Hildur
Jónsdóttir.
manníjöldi þessa prestakalls er far-
inn að nálgast þrettán þúsund og
því löngu tímabært að stofna sér-
stakt prestakall í Grafarvogi segir í
frettatilkynningu frá dómprófasti í
Reykjavík.
Fundurinn hefst klukkan 20.30 og
eftir formlega stofnun safnaðarins
verður kosin sóknamefnd. Síðan
verður starfið skipulagt og kirkju-
málaráðherra, Halldór Ásgrímsson
hyggst heimila prestþjónustu nýs
sóknarprests þegar á þessu ári. Verð-
ur það því eitt af verkum nýju sókn-
amefndarinnar að velja prest fyrir
prestakallið.
Frá aðalfundi SÍF. Dagbjartur Einarsson, stjórnarformaður SÍF, setur fundinn.
Morgunblaðið/Einar Falur
AðaLfiindur SIF varar við útflutn-
ingi á flöttum ferskum fiski
Stjórnvöld minnt á loforð um jákvæðan rekstrargrundvöll
ÚTFLUTNINGUR á ferskum fiski, einkum flöttum til söltunar og
sölu í helztu markaðslöndum okkar fyrir saltfisk, markaði verulega
aðalfund Sölusambands íslenzkra fiskframleiðenda, sem haldinn var
á fimmtudaginn. Þar var samþykkt ályktun þess eftais, að flýta bæri
ákvörðun um aflamiðlun, sem fylgdist með útflutningi á öllum óunn-
um fiski. Jafnframt var samþykkt ályktun þar sem varað var við
útflutningi á ferskum fiski og félagsmenn hvattir til samstöðu og
að virða langtima hagsmuni íslenzks saltfiskiðnaðar. Dagbjartur
Einarsson í Grindavik var endurkjörinn formaður stjórnar SIF.
Dagbjartur Einarsson sagði í ar og hefði það þegar haft veruleg
ræðu sinni við setningu aðalfundar áhrif á sölu saltfísks á þessa mark-
SÍF, að helztu keppinautar okkar á
gjöfiilustu saltfiskmörkuðunum svo
sem Spáni væru ekki aðrar þjóðir,
heldur við sjálfir. Töluvert væri um
það, að héðan væri fluttur utan
flattur fískur til söltunar og sölu í
þessum helztu markaðslöndum okk-
aði.
í tengslum við þetta voru sam-
þykktar tvær ályktanir. í annarri
eru stjómvöld hvött til að flýta
ákvörðun um tillögu hagsmunasam-
taka í sjávarútvegi um aflamiðlun,
sem muni fylgjast með útflutningi
á öllum óunnum fiski. í hinni tillög-
unni er varað við útflutningi á fiski,
sem er saltaður erlendis og seldur
sem íslenzkur saltfiskur í beinni
samkeppni við íslenzkan saltfísk.
Stjóm SÍF er hvött til að leita allra
leiða til að gera það sem hag-
kvæmast fyrir framleiðendur að
salta físk á íslandi. Bent er á að
hluti af þessu máli tengist mismun-
andi tollareglum innan Evrópu-
bandalagsins og jafnframt era fé-
lagsmenn hvattir til samstöðu og
virða þannig langtímahagsmuni
íslenzks saltfískiðnaðar.
Tvær ályktanir fundarins beinast
að stjórnvöldum. Annars vegar er
þeim þakkað hið mikla starf, sem
unnið hefur verið til þess að treysta
samskipti íslendinga við Evrópu-
bandalagið. Hins vegar er ríkis-
stjómin minnt á fyrirheit sín um
jákvæðan rekstrargrundvöll fyrir
fiskvinnsluna og skorað á hana að
grípa nú þegar til markvissra að-
gerða en láta þess í stað af því að
búa fiskvinnslunni óraunhæft
rekstrarumhverfi með erlendum
lántökum og greiðslum úr Verðjöfn-
unarsjóði.
Tvær breytingar urðu á stjóm
SÍF. Magnús Björgvinsson kom inn
í stað Ólafs Bjömssonar og Gunnar
Þór Magnússon í stað Sigvalda
Þorleifssonar. Dagbjartur Einars-
son var endurkjörinn formaður
stjómarinnar.