Morgunblaðið - 12.07.1989, Blaðsíða 1

48 SIÐUR B
Hörmulegt slys í Bergvatnskvísl austan Hofsjökuls:
Kona og þrjár telpur
fórust er bifreið hvolfdi
A
A slysstað
Á myndinni sést Jeepster bif-
reiðin á hvolfi í Berg-
vatnskvísl. Annar mannanna
sat í bifreiðinni úti í miðri
straumharðri ánni í tólf
klukkustundir, uns komið var
til hans kaðli þannig að hann
gat fikrað sig yfir á bakkann.
HÖRMULEGT slys varð í Berg-
vatnskvísl, austur af Hofsjökli, á
sunnudagskvöld. 26 ára gömul
kona, 5 ára gömul dóttir hennar
og tvær aðrar telpur, 6 og 8 ára
gamlar, fórust þegar jeppabifreið,
sem þær voru í, livolfdi í kvíslinni.
Eiginmaður konunnar, 28 ára
gamall, komst lífs af og hjón, 41
árs gamall maður og 33 ára göm-
ul kona, foreldrar tveggja telpn-
anna sem létust. Konan sem lést
var systurdóttir mannsins. Um 36
klukkustundir liðu frá því slysið
varð þar til hjálp barst á þriðju-
dagsmorgun. Að ósk ættingja
verða nöfn þeirra látnu ekki birt
að svo stöddu.
Fólkið fór á tveimur jeppabifreið-
um frá Akureyri á laugardagsmorg-
un suður Eyjaijarðardal. Var erindi
þeirra að flytja landvörð í skála
Ferðafélags Akureyrar við Lauga-
fell, norð-austur af Hofsjökli.
Fólkið fór frá skálanum um miðjan
dag á sunnudag og kom að vaði á
Bergvatnskvísl á sunnudagskvöld.
Mikið vatnsveður hafði verið á há-
Iendinu og leysingar og því var
kvíslin vatnsmikil. Yngri hjónin,
ásamt telpunum þremur, fóru á öðr-
um bílnum áleiðis yfir vaðið en í
miðri ánni valt bíllinn og endaði á
hvolfi.
Konan komst yfir á hinn bakka
árinnar þar sem hún fannst síðar
látin. Eldri maðurinn óð út í ána og
tókst, þrátt fyrir mikinn straum-
þunga, að koma annarri dóttur sinni
yfir á hinn bakkann. Yngsta telpan
komst aldrei úr bílnum.
Yngri maðurinn komst upp á bílinn
í ánni með eina teipuna, sem lést
nokkru síðar. Þar sat hann í 12
klukkustundir, en hann komst hvergi
vegna straumþungans. Eldri konunni
tókst þá að koma til hans kaðli og
komst hann þá í land. Eftir að hafa
farið í þurr föt, fór maðurinn yfir
ána á kaðli með svefnpoka. Þá voru
kona hans og elsta telpan látnar.
Hann bjó um eldri manninn í pokan-
um og gróf inn í skafl, þar sem hann
fannst á lífi.
Yngri maðurinn fór til baka yfir
ána og bjó um sig og eldri konuna
í bílnum. Fólkið sást úr lofti snemma
aðfaranótt þriðjudags. Björgunar-
menn komu á slysstaðinn klukkan 8
á þriðjudagsmorgun. Voru hjónin
sem lifðu stráx flutt til Akureyrar
með þyrlu Landhelgisgæslunnar og
yngri maðurinn nokkru síðar.
Sjá nánari frásögn og myndir á
miðopnu.
Bush Bandaríkjaforseti í Gdansk:
Haldið tryggð við drauminn
um lýðræði og velmegun
Forsetanum fagnað af tugþúsundum við upphaf Ungverjalandsheimsóknar
(idansk í Póllandi. Keuter.
GÍFURLEGT Qölmenni tók á móti þeim George Bush Bandaríkjafor-
seta og Lech Walesa, leiðtoga Samstöðu, þegar þeir komu til hafiiar-
borgarinnar Gdansk (Danzig) i gær, en þar var Samstaða, hin óháðu
verkalýðssamtök Póllands, stofhuð. Bush liélt ræðu þar sem hann
hvatti Pólverja til þess að halda tryggð við draum sinn um lýðræði
og velmegun. „Bandaríkin standa með ykkur,“ sagði hann við fjöld-
ann, en honum var svarað þúsundradda á móti: „Verið með okkur,
verið með okkur!“ Bush hélt í gær til Búdapest, höfúðborgar Ungveija-
lands, og var ákafl fagnað af tugþúsundum.
Við komu sína til Ungverjalands
fagnaði Bush þeim breytingum, sem
átt liafa sér stað í landinu á undanf-
örnum árum og hvatti Ungverja til
að halda áfram á sömu braut.
Ræðuna hélt Bush á Kossuth-torgi
Nagorno-Karabakh:
Herínn í ýtrustu viðbragðsstöðu
MovLirn Roufoi’
Moskvu. Iteutor.
AÐ MINNSTA kosti tveir hafa fallið og tugir manna særst í nýjum
átökum Armena og Azerbajdzhana í sjálfstjórnarhéraðinu Nagorno-
Karabakh. í frétt frá TASS sagði að herinn liefði verið boðinn út til
héraðsins og væri hann nú í „ýtrustu viðbragðsstöðu".
TASS sagði að tveir Azerbajdz-
hanar, sem eru í minnihluta í hérað-
inu, hefðu verið drepnir af hópi Arm-
ena í útjaðri þorpsins Kirkidzhan
skammt frá Stephanakert, sem er
höfuðborg Nagorno-Karabakh.
19 hermenn særðust í grennd við
Stephanakert í gær þegar múgur
vopnaður gijóti og byssum réðist á
þá, en flestir særðust þegar heima-
gerðri sprengju var kastað að þeim.
Þetta er í fyrsta skipti á árinu,
sem greint er frá dauðsföllum í Nag-
orno-Karabakh af völdum þjóðernis-
ólgu.
I fyrra létust að minnsta kosti 90
manns í þjóðernisátökum, en Armen-
ar krefjast þess að héraðið, sem er
undir stjórn Azerbajdzhan, verði á
ný hluti Armeníu.
í miðborg Búdapest, en það var einn
heisti vígvöllur byltingarinnar gegn
kommúnistum 1956.
Hellirigning var þegar Bush kom
á torgið og reif hann þá niðurskrif-
aða ræðu sína í tvennt, sagðist ekki
vilja að áheyrendur rigndi niður og
flutti þess í stað stutta ræðu blaða-
laust. Forsetinn kom auga á holdvota
konu nærri púlti sínu og snaraðist
Bush þá niður og lánaði henni frakka
sinn.
Talið er að í dag muni Bush bjóða
Ungveijum samskonar efnahagsað-
stoð og hann bauð Pólveijum.
Þrátt fyrir beiðni pólskra stjórn-
málamanna um mun hærri íjár-
hagsaðstoð Vesturlanda en Bush
bauð, lét hann ekki undan þeim
þrýstingi og ítrekaði þá stefnu að
Pólvetjum yrði hjálpað „til að hjálpa
sér sjálfir". Sést það vel á því að 100
milljónir Bandaríkjadala eiga að
renna í Pólsk-bandaríska framtaks-
sjóðinn, sem á að veita lán til at-
hafnamanna í einkageiranum.
Fyrir útifundinn snæddi Bush
heima hjá Walesa og Danutu, konu
hans, en við borðið fór verkalýðsleið-
toginn fram á 10 milljarða dala fjár-
Reutcr
Tugþúsundir hylltu þá Lech
Walesa, Samstöðuleiðtoga, og
George Bush Bandaríkjaforseta
í Gdansk í gær.
festingu Vesturlanda í Póllandi. „Við
viljum ekki lán,“ sagði Walesa við
blaðamenn eftir matinn, en Bush
mun ekki hafa tekið þessu ilia.
Stjórnmálaskýrendur telja Pól-
landsför Bush hafa verið samfellda
sigurgöngu, en honum hefur verið
gífurlega vei tekið. Að sögn Walesa
var útifundur Bush í Gdansk hinn
fjöhnennasti, sem hann man eftir í
þau 20 ár, sem hann hefur búið þar.