Morgunblaðið - 03.01.1990, Blaðsíða 42

42
MORGUNBLAÐIÐ MIÐVIKUDAGUR 3. JANÚAR 1990
Einar Sigfús-
son - Minning
Fæddur 8. apríl 1951
Dáinn 23. desember 1989
Skuggi verður, þegar geisli birt-
unnar fellur á það er heftir för hans
til áfangastaðar.
Allir verða þess varir en fyrst er
myrkrið fer að fylgja manneskju er
harmur að kveðinn. Fráfall frænda
míns, Einars Sigfússonar, kallar á
minningar um sviphreinan dreng og
tíma festu mannlífsins. Ljósið við
hvert fótmál og öll huggun nærtæk
ef útaf brá.
■ Ungir bræður komu norður á stað-
inn undir fjallinu og tóku til við að
vappa um hús og bæjarhlöðin en fugl-
arnir sömu daga að velja hreiður-
stæði. Svo gægðist gróðurnálin upp
úr sinufætinum, vorið hafði tekið við
af vetri og sólin var kjur á himni.
Þessir dagar eru liðnir en veita
fótfestu, þegar stormurinn er í fang-
ið og þörf fyrir huggun frá horfnum
degi.
Einar Sigfússon hafði flest það til
að bera, sem auðveldar fólki að ná
fram ætlunarverki í lífinu, framkom-
an ljúf og kímnin laus. Hæfileikar til
náms ótvíræðir og það sannaði hann
með stúdentsprófi utanskóla á furðu
skömmum undirbúningstíma. Með því
varð leiðin að frekara námi greið að
því er virtist en skapgerð hans þoldi
ekki er gijót hrundi á veginn, sem
hann hafði hafið göngu sína eftir.
Draumar og framtíðarsýn eru með
þeim ágöllum að stöðugt breytast
aðstæður og því þarf að mæta eins
og ólagi á siglingarleið og hrakviðri
á fjöllum.
Svo hastarlegt sem það er verður
oft á tíðum einlægni og velvild til
annarra þess valdandi að mótgangur
kemur sem reiðarslag. Síst bætir úr
skák að geta kennt sjálfum sér um
en frænda mínum voru ljós þau Sann-
indi að hver er sinnar gæfu smiður.
Áð leiðarlokum hafði ský hulið sól
ailtof lengi á leið hins unga manns.
Huggunarmeðöl við gráma hvers-
dagsleikans eru jafnan hendi næst
en eftirgjaldið með afarkjörum. Þó
spyrnti Einar við fæti. Starfaði með
öðrum að málum drykkjusjúkra þegar
hann hafði sjálfur notið hjáipar og
náði handfestu á klæðafaldi Drottins.
Dauðanum mætti hann í slysi er
þungur hlutur féll á máttfarinn mann.
Því er hér komið inn á það sem
oftast er talið til ávirðinga að Einar
hafði gengist undir merki þeirra sam-
taka er hefja manneskjuna til reisnar
og sjálfstæðis. Sá sem ekki einasta
vill breyta lífi sínu og virða þær náð-
argjafir er honum hafa hlotnast held-
ur hrópar á torgum um syndir sínar
gagnvart eigin lífi — honum sé hrós.
Hitt verður nokkuð að varast,
hrópandinn gerir stundum fullmikið
úr eigin misstigum. Áróður fyrir
frelsi og betri dögum er sjaldnast
rekinn með tæpitungu og litablöndu.
Fögnuð skal flytja skorinort og í litum
án íblöndunar.
Hneykslist hinir syndlausu, aðrir
rétti hönd til hjálpar. Hér er sá kvadd-
ur sem kallaður var af velli heim um
miðjan dag og því sviptur möguleik-
um er þeir hafa er betur endist sand-
urinn í stundaglasinu.
Einar Sigfússon fæddist 8. dag
aprílmánaðar 1951. Foreldrar hans
eru Sigrún sjúkraliði Sigurðardóttir
vígslubiskups Stefánssonar og konu
hans, Maríu Ágústsdóttur heilbrigðis-
fulltrúa í Reykjavík Jósefssonar, og
Sigfús Bergmann læknir í Svíþjóð
Einarsson múrarameistara Sveins-
sonar og konu hans, Huldu Bergmann
Sigfúsdóttur. Skilnaður varð með
þeim Sigfúsi og Sigrúnu.
Uppvaxtarár Einars skiptust milli
heimilis syðra og Möðruvalla sem
urðu meira en sumardvalarstaður.
Þar fermdist Einar sem utansóknar-
barn afa síns.
Drengurinn var bjartur í ásjónu
og brosti með öllu andlitinu. Gat hins
vegar tekið þann pólinn að draga sig
út úr og vera einn ef honum mislík-
aði. Ósatt að halda fram uppihalds-
iausum fögnuði, svo er ekki og síst
á bernskuskeiði.
Árið 1976, tveimur árum eftir
stúdentspróf, kvæntist hann Önnu
Maríu Egilsdóttur. Þau eignuðust
þtjá drengi. Svavar f. 1976, Sigfús
f. 1978 og Sigurbjörn f. 1981. Anna
María og synirnir eru búsett á
Hvammstanga. Hjónabandið gekk
sundur.
Heimili þeirra stóð í Vogum en
eftir samvistaslitin valdi Einar hlut-
skipti farandverkamannsins og vann
því á hinum ýmsu stöðum. HvaiTetna
varð hlýhugur hans og yfirgangsleysi
til þess að laða að góðkunningja og
vini. Óvildarmönnum kynntist hann
ekki. Hin seinni misseri var Einar
sambandslítill við sína nánustu nema
synina ef færi buðust.
Nokkru eftir hjónaskilnaðinn inn-
ritaðist Einar í guðfræðideild Háskóla
íslands. Hóf þó ekki nám.
Þó svo að öfugmæli virðist, urðu
Einari góðar gáfur allt að því fjötur
um fót. Hann hugðist hasla sér völl
og reisa merki sitt á hæð sem ber
yfir flatlendið. Þar er vindasamt og
leiðin þangað grýtt og háð farartálm-
um. Einar kaus frekar að stöðvast í
miðjum hlíðum en velja hina greiðu
leið til mýrlendis þar sem auðvelt er
að koma merki sínu niður því mjúkt
er undir.
Önnu Maríu og sonum þeirra Ein-
ars, foreldrum hans og bræðrum fjór-
um bið ég þess að minningin verði
blessuð.
Björn Sigurðsson
Það var á Þorláksmessu og jóla-
undirbúningurinn var í hámarki.
Gleðin og eftirvæntingin var mikil
fyrir hátíðina. Rétt um það leyti sem
ég hóf að skreyta jólatréð barst mér
sú fregn að æskuvinur minn, Einar
Sigfússon, hefði látist fyrr um dag-
inn. Það er stutt milli gleði og sorgar
í þessu lífi.
Við Einar hittumst fyrst í byijun
október 1967, er við lentum saman
í bekk í Menntaskólanum við
Hamrahlíð. Kynni okkar urðu fijótt
mjög náin, er við gerðumst félagar
í brids, en á þessum árum spilaði
hann mikið. Greind og útsjónarsemi
Einars kom vel fram við spilaborðið,
en hann var einn besti bridsspilari
skólans. Kímnigáfa Einars var líka
einstök og hnyttin tilsvör sérstaklega
skemmtileg. Hafði hann _ mikið dá-
læti á ýmsum persónum íslendinga-
sagnanna og vitnaði gjarnan í þær
á spaugsaman hátt.
Áð loknu menntaskólanámi var
Einar við ýmis störf, bæði tii sjós
og lands. Féllu honum best störf þar
sem hraustlega þurfti að taka til
hendinni og hópur vinnufélaga var
litríkur. Kynntist Einar ýmsum hlið-
um mannlífsins á þessum árum.
Einar kvæntist Ónnu Maríu Egils-
dóttur og eignuðust þau þijá drengi,
Svavar Má, Sigfús og Sigurbjörn.
Þau skildu eftir .fremur stutt hjóna-
band, en drengirnir voru ávallt ofar-
lega í huga Einars.
í stuttu lífi Einars skiptust á skin
og skúrir. Skúrirnar urðu þó allt of
margar. Bið ég góðan guð að blessa
góðan dreng og veita honum sólríkt
umhverfi.
Öllum aðstandendum Einars sendi
ég innilegar samúðarkveðjur.
Ólafúr H. Johnson
Skólabróðir minn og vinur, Einar
Sigfússon, lést af slysförum í
Reykjavík laugardaginn 23, desem-
ber síðastliðinn. Hann var fæddur 8.
apríl 1951 og var því einungis 38 ára
gamall þegar hann lést. Móðir Einars
er Sigrún Sigurðardóttir vígslubisk-
ups á Möðruvöllum í Hörgárdal Stef-
ánssonar og konu hans, Maríu Júlíönu
Kristjönu Ágústsdóttur, og faðir Sig-
fús B. Einarsson, læknir, Sveinssonar
J i) Ö J SMD
M UJi Uj'jJ íj\ Uj'J Uj'jJ
Frá og með 1. janúar 1990 skulu starfsmenn greiða 4% iðgjald af öllum launum
til lífeyrissjóða og atvinnurekendur með sama hætti 6%. Til iðgjaldaskyldra launa
telst m.a. yfirvinna, ákvæðisvinna og bónus.
Með auknum iðgjaldagreiðslum ávinna sjóðfélagar sér aukinn lífeyrisrétt!
Lsj. byggingamanna S Lsj.
Lsj. Dagsbrúnar og Framsóknar S Lsj.
Lsj. Félags garðyrkjumanna S Lsj.
Lsj. framreiðslumanna S Lsj.
Lsj. málm- og skipasmiða 3 Lsj.
Lsj. matreiðslumanna 3 Lsj.
Lsj. rafiðnaðarmanna 3 Lsj.
Lsj. Sóknar 3 Lsj.
Lsj. verksmiðjufólks 3 Lsj.
Lsj. Vesturlands 3 Lsj.
Lsj. Bolungarvíkur 3 Lsj.
Lsj. Vestfirðinga 3 Lsj.
Lsj. verkamanna, Hvammstanga 3 Lsj.
stéttarfélaga í Skagafirði
Iðju á Akureyri
Sameining, Akureyri
trésmiða á Akureyri
Björg, Húsavík
Austurlands
Vestmanneyinga
Rangæinga
verkalýðsfélaga á Suðurlandi
Suðurnesja
verkafólks í Grindavík
Hlífar og Framtíðarinnar
bygg. iðnaðarmanna í Hafnarf.
SAMBAND ALMENNRA LÍFEYRISSJÓÐA
Samræmd lífeyrisheild