Morgunblaðið - 28.02.1990, Page 30

30
MORGUNBLAÐIÐ MIÐVIKUDAGUR 28. FEBRÚAR 1990
Félagsstarf til fyrirmyndar
Fræðslufundir og tæknisýningar á vegum Lagnafélags íslands
eftir Þóri Hilmarson
Lagnafélag íslands var stofnað
4. október 1986. Stofnfélagar eru
ýmsir þeir, lærðir og leikir, sem
áhuga hafa á þeim margslungna
málaflokki sem eru lagnir í mann-
virkjagerð.
Höfuðmarkmiðið félagsins er að
fjalla um alla þætti tæknilagna, s.s.
vatnslagnir, hitalagnir, loftræsti-
kerfí, slökkvikerfi og annan lagna-
búnað í mannvirki, allt frá fram-
leiðslu og sölu lagnaefnis, og til-
heyrandi stýribúnaðar, til hönnun-
ar, tæknilegra úrlausna og uppsetn-
ingar og loks þjónustu og viðhalds.
Sömuleiðis að fjalla út frá sömu
forsendum um lagnir og virkjanir
utanhúss, hvort sem eru boranir
eftir heitu eða köldu vatni, vatns-
veitur, hitaveitur, holræsi, snjó-
bræðslukerfi eða annað.
Útgáfustarfsemi
Frá upphafi hafa menn tekið
höndum saman um að gera veg
félagsins sem mestan og stuðla að
sem bestum árangri. Strax var sú
stefna mótuð um starfsemina að
halda fræðslufundi um sérstök og
afmörkuð viðfangsefni, sem síðar
gæti þróast til víðtækari starfsemi
hjá félaginu. Til að halda fyrirlestra
á slíkum fundum hafa verið fengn-
ir hæfustu menn og erindi þeirra
verið gefin út í fréttablaði og sérrit-
um félagsins.
Eins og fram kom í máli Krist-
jáns Ottóssonar, blikksmíðameist-
ara og eins af frumkvöðlum Lagna-
félags íslands, á fræðslufundi á
Akureyri 4. nóvember sl., þá hefur
margvísleg útgáfustarfsemi þegar
átt sér stað á vegum félagsins.
Má þar nefna 7 sérrit Lagna-
frétta sem eru: Varmaendurvinnsla,
Snjóbræðslulagnir, Eftirlit og út-
tekt á loftræsi- og hitakerfum,
Stjómbúnaður fyrir loftræsi- og
hitakerfi, Brunavamakerfi, Leið-
beiningar varðandi uppsetningu á
reyk-, hitageisla- og bmnalokum í
loftræsikerfí og Lagnir í fiskeldi,
auk 12 fréttablaða sem m.a. hafa
að geyma viðtöl við þekkta sérfræð-
inga um lagnamál Og ýmsa aðra
sem sýnt hafa starfsemi félagsins
áhuga.
Félagsstarfið
Sú þróun hefur einnig orðið, að
fræðslufundir félagsins hafa smám
saman og í stöðugt vaxandi mæli
orðið vettvangur fyrir söluaðila til
að kynna þá vöm sem þeir hafa á
boðstólum og fýrir hinar ýmsu
stofnanir, er lagnamálum sinna í
einni eða annarri mynd, að kynna
starfsemi sína.
Frá stofnun Lagnafélags íslands
hafa verið haldnir 8 fræðslufundir
og er óhætt að segja að starfsemi
félagsins er mjög blómleg þessa
stundina. Má geta þess, að á aðeins
fjögurra mánaða tímabili hafa verið
haldnir tveir fræðslufundir og
tæknisýningar, á Akureyri og í
Reykjavík, auk þess fræðslufundar
sem nú er fyrirhugað að halda í
mars á Hótel Loftleiðum í
Reykjavík.
Ætíð hefur verið margt um
manninn á fræðslufundum og
tæknisýningum Lagnafélags ís-
lands og em menn einhuga um að
mikið og margvíslegt gagn sé af
þeirri starfsemi. Þar geta þeir sem
að lagnamálum starfa með ein-
hveijum hætti borið saman bækur
sínar og miðlað fróðleik og reynslu
sín á milli.
Þórir Hilmarsson
„Ætíð hefur verið
margt um manninn á
fræðslufundum og
tæknisýningum Lagna-
félags Islands og eru
menn einhuga um að
mikið og margvíslegt
gagn sé af þeirri starf-
semi.“
Fræðslufiindur um
rekstur og viðhald
A næsta fræðslufundi félagsins,
sem hefst kl. 13.00 laugardaginn
3. mars á Hótel Loftleiðum, verður

wSB&Bma
.
Mmmmm
Heímsnýjung!
WK
Komið og kynnist nýju UNIX-
tölvunum frá IBM
IBM RISC SYSTEM/6000
Kynningar í dag, miðvikudag,
og á morgun, fimmtudag,
f húsakynnum okkar
að Skaftahlíð 24.
Skráning í síma 697700
m.a. rætt um rekstur og viðhald
lagnakerfa.
Það er málefni, sem hönnuðir og
rekstaraðilar lagnakerfa telja mjög
brýnt að krufið sé til mergjar á
fundi sem þessum þar sem lagna-
menn og aðrir er málið varðar koma
saman.
Lagnakerfi eru margs konar, eins
og áður er getið, en á þessum
fræðslufundi verður sérstaklega
rætt um loftræsikerfi í byggingum
í þessu sambandi. Loftræsikerfi eru
sum hver flókin og margslungin í
allri uppbyggingu og margháttaður
stýribúnaður er á boðstólum. Tals-
verð reynsla hefur þegar safnast
um slík kerfi hér á landi, bæði um
það sem vel hefur farið og einnig
það sem miður hefur reynst. Þess
vegna er mjög áhugavert að ræða
þessi mál á slíkum fræðslufundi
sem hér er fyrirhugaður.
Rætt verður um rekstur og við-
hald lagnakerfa, annars vegar frá
sjónarhóli verkkaupa og hins vegar
frá sjónarhóli verksala.
Á fræðslufundinum verður einnig
rætt um stýribúnað fyrir lagna-
kerfi, t.d. um mælingar og stillingar
á loftræsi- og hitakerfum, svo dæmi
sé tekið.
Flutt verða erindi um tækjabún-
að, þ.e. hlutverk og samvirkun
tækja í lagnakerfum, og um útboðs-
gögn til viðhalds á lagnakerfum.
Þetta umræðuefni er vafalaust
mjög forvitnilegt fyrir þá sem með
einhveijum hætti sinna þessum
'málum.
Framsögumenn og fleiri valin-
kunnir menn munu sitja fyrir svör-
um að framsöguerindum loknum.
Það hefur sýnt sig að einmitt þann-
ig koma ýmsir markverðir hlutir
betur fram í dagsljósið, enda geta
þá fundarmenn, sem áhuga hafa,
komið hugðarefnum sínum á fram-
færi og e.t.v. fengið svör við brenn-
andi spurningum um einstök tækni-
leg vandamál sem krefjast úrlausn-
ar.
Handbók fyrir lagnakerfi
Á fundinum verður kynnt Hand-
bók fyrir lagnakerfi, sem lengi hef-
ur verið unnið að á vegum Lagnafé-
lagsins. Verðúr handbókin til sölu
meðan á fundinum stendur fyrir þá
sem áhuga kunna að hafa á því að
eignast þessa ágætu bók. Að gefa
út sérstaka íslenska handbók um
lagnamál er mjög gott framtak, og
áhugavert verður að skoða bókina
og kynna sér það merka brautryðj-
endastarf sem hér hefur verið unn-
ið, að mestu með óeigingjörnu sjálf-
boðastarfi.
Tæknisýning
Og síðast en ekki síst verður
haldin vegleg tæknisýning á vegum
framleiðslu- og söluaðila lagnaefn-
is. Tæknisýningin hefst fyrr um
daginn, eða kl. 10.00, og stendur
síðan yfir til kl. 18.00.
Það skaðar ekki að geta þess,
að hin gullfallega Hugrún Linda
Guðmundsdóttir, fegurðardrottning
Islands, mun eftir þyí sem best er
vitað klippa á borðann ásamt form-
anni Lagnafélags íslands og opna
þannig tæknisýninguna með form-
legum hætti.
Það er einnig von bjartsýnustu
manna, að fegurðardrottningin
muni aftur gleðja augu þeirra sem
verða á sjálfum fræðslufundinum
er hefst kl. 13.00 og lýkur kl. 16.30.
Höíundur er
byggingarverkfræðingur.
„Við gerum
okkar besta“
FYRST OG FREMST
SKAFTAHLlO 24 105 REYKJAVlK SlMI 697700

~
'

. : .*/. ... :. . . -- - .-

eftir Birgi Þorgilsson
í dag leikur íslenska landsliðið í
handknattleik sinn fyrsta leik í
heimsmeistarakeppninni í hand-
knattleik í Tékkóslóvakíu.
Eins og svo oft áður ætlast lands-
menn til þess að landslið okkar
verði í röð fremstu þjóða í þessari
keppni. Þegar ekki vinnast tveir
leikir í handknattleik gegn einni af
fremstu íþróttaþjóða heims, Hol-
lendingum, tala menn um að nú
hafi „strákarnir okkar“, eins og
Iandsliðsmenn okkar í handknatt-
leik eru oft nefndir þegar vel geng-
ur, brugðist þjóðinni illilega. Slík
viðbrögð eru mannleg og í mörgu
tilliti skiljanleg, en við skulum
minnast þess, að það eitt að öðlast
rétt til þátttöku í heimsmeistara-
keppni er mikið afrek, ekki síst
þegar í hlut á ein minnsta þjóð
heims. Með því að ná þeim áfanga
hafa landsliðsmenn okkar í hand-
knattleik unnið þjóð sinni ómetan-
Iegt gagn og borið hróður lands og
þjóðar víðar en flestir aðrir Islend-
ingar. Þessa staðreynd hefi ég oft
sannreynt í starfí mínu á sviði land-
kynningar og ég veit að svo er með
marga aðra sem vinna að útflutn-
ingsmálum. Að sjálfsögðu eigum
við að halda áfram að gera miklar
kröfur til þessara ungu og glæsilegu
afreksmanna okkar, en um leið
skulum við muna alla þá glæstu
sigra sem þeir hafa nú þegar unn-
ið. í hníijafnri íþróttakeppni afreks-
þjóða getur svo ótal margt ráðið
úrslitum um endanlega niðurröðun
og árangur í einstökum leikjum,
atriði sem enginn mannlegur mátt-
ur getur ráðið við á stað og stundu.
I mínum huga hefur landslið
okkar í handknattleik staðið sig
með miklum ágætum í öllum lands-
leikjum síðan það komst í hóp þeirra
bestu — aðeins misjafnlega vel. Á
Birgir Þorgilsson
„En við skulum minnast
þess, að þ^ð eitt að öðl-
ast rétt til þátttöku í
heimsmeistarakeppni
er mikið afrek.“
ykkur, ungu landsliðsmenn, hvílir
ennþá einu sinni mikil ábyrgð. Ekki
aðeins að „tapa eða vinna með sama
hugarfari" á leikvelli, heldur einnig
að vera áfram fyrirmynd þeirrar
íþróttaæsku, sem nú er að alast upp
í okkar ágæta landi.
Gangið svo vel og drengilega
fram í leikjum ykkar í Tékkóslóv-
akíu og snúið heim aftur enn betri
og heilli menn. Tugþúsundir Islend-
inga bíða nú spenntir úrslitanna,
en jafnframt sannfærðir um að þið
munið „gera ykkar besta“.
Höfundur er ferðamálastjóri.