Morgunblaðið - 27.04.1990, Blaðsíða 17

MORGUNBLAÐIÐ FÖSTUDAGUR 27. APRÍL 1990
17
Enn um Fæðingar-
heimili Reykjavíkur
eftir Elínu G.
Ólafsdóttur
Á borgarráðsfundi þann 3. apríl
sl. var lögð fram tilkynning frá borg-
arstjóra um munnlegt samkomulag
við „einkalæknana" sem meirihlutinn
leigði tvær neðstu hæðri heimilisins
nú nýverið. Samkomulagið gerir ráð
fyrir að Fæðingarheimilið geti nú
fengið 6-7 rúm á 2. hæðinni til af-
nota fyrir sængurkonur.
Mögnuð stjórnviska
meirihlutans
Mögnuð er sú stjórnviska að leigja
húsnæðið fyrst undir einkarekstur;
húsnæði sem fæðingarhjálpina í
Reykjavík bráðvantar og ekki er
deplað auga þrátt fyrir hávær mót-
mæli borgarbúa. Fara svo bónveg
nú til þessára sömu lækna og fala
af þeim hluta af sama húsnæði örf-
áum vikum síðar! Ja, það væri eitt-
hvað sagt ef þarna værum við konur
í stjórnsýslu á ferð.
Állt fyrir það ber útaf fyrir sig
að fagna þeim votti af sinnaskiptum
sem orðið hefur hjá meirihlutanum
í Reykjavik í þessu dæmalausa máli;
lítið er betra en ekki neitt. Hitt verð-
ur þó jafnframt að taka fram:
— Þetta er ekki besta lausnin
miðað við aðstæður, þ.e. mikið álag
vegna blessunarlega margra fæðinga
í borginni. Besta lausnin er að fá
allt húsið undir starfsemina eða nýtt
fæðingarheimili sem uppfyllir allar
lágmarkskröfur.
— Þetta er því ekki framtíðarlausn
á aðstöðu fyrir fæðandi konur í borg-
inni, langt í frá.
— Það mun kosta töluverða útsjón-
arsemi að nýta þetta viðbótarrými
svo vel sé. Eg sagði viðbótarrými,
en um það hvort svo sé í raun má
jafnvel deila. Miðað við þau maka-
iausu þrengsli sem eru á Fæðingar-
heimilinu nú þyrfti sannarlega að
auka rýmið á 3. hæðinni þannig að
það sem við bættist á 2. hæðinni
kæmi í staðinn fyrir fækkun rúma
uppi og stækkun á annarri aðstöðu
þar. Til dæmis þyrfti nauðsynlega
að stækka móttökuherbergi sem
minnir meira á skáp en herbergi og
aðstöðu fyrir starfsfólk. Setustofan
á 3. hæð er einnig afar lítil og engin
setustofa er á 2. hæð.
Hvar eiga blessuð
börnin að vera?
Til umhugsunar einnig. Hvar eiga
blessuð nýfæddu börnin að vera ef
verið er að tala um fjölgun rúma.
Enginn möguleiki er að stækka barn-
astofuna uppi á 3. hæð, þar sem
þegar eru of mörg börn fyrir. Hug-
myndin með okkar tillögu um að fá
allt húsið undir fæðingarþjónustu var
auðvitað að fá aukið rými bæði fyrir
konurnar og börnin, þar með nýja
barnastofu.
Fæðingarstofurnar sjálfar þyrfti
einnig að stækka miðað við aðstæður
og álag, en það er ekki inni í dæm-
inu miðað við þessa lausn.
Svona mætti iengi telja, en verður
ekki gert nú.
Annað til umhugsunar. Mér skilst
að bæði Heilbrigðiseftirlitið, Vinnu-
eftirlitið og Sýkingavarnarstjóri
Borgarspítalans hafi gert úttekt á
húsinu í ljósi núverandi starfsemi og
staðla um hana. Eg tel mikilvægt
að skýrslur um málið, ef til eru,
komi í dagsljósið þannig að fólk geti
betur 'attað sig á því hvað konum
í Reykjavík er boðið upp á varðandi
fæðingarþjónustu.
Eru kröfur uppfylltar?
Því tilfæri ég þetta að í mínum
Elín G. Ólafsdóttir
„Almenningur í borg-
inni vill ekki láta spara
í trygginga-, heilbrigð-
is- og menntakerfinu.
Fólk vill að vel sé hlúð
að þeim sem minnst
mega sín.“
huga er efi um að hægt sé að upp-
fylla fyllstu kröfur um öryggi í fæð-
ingu bæði á Landspítala og Fæðing-
arheimilinu við núverandi aðstæður.
Jafnframt dreg ég í efa að hægt
verði að uppfylla kröfur sem gera
verður til fæðingarstofnana ef hola
á konum niður á neðri hæðina án
annarra nauðsynlegra aðgerða.
Fólk þarf að gera sér ljsot að það
verður að bæta til muna fæðingar-
þjónustu í borginni og til þess þarf
að veija milljónum. Konur eiga
heimtingu á að uppfylltar séu lág-
markskröfur um aðbúnað og eiga
ekki að sætta sig við annað en bestu
aðstöðu í þeim efnum. í því ljósi
þurfum við að velta fyrir okkur
hvort þarna er ekki á ferð bráða-
birgðalausn sem varla verður viðun-
andi og hvort ekki er nauðsynlegt
að gera kröfur um nýtt fæðingar-
heimili í Reykjavík.
Almenningur vill ekki láta
spara í heilbrigðiskerfinu
í lokin vil ég ítreka að almenning-
ur í borginni vill ekki láta spara í
trygginga-, heilbrigðis- og mennta-
kerfinu. Fólk vill að vel sé hlúð að
þeim sem minnst mega sín. Fólk vill
að borgaryfirvöld reki þá stefnu í
þessari ríku borg. Þess vegna eigum
við að hafa metnaðarfulla stefnu í
þessum málum í borgarstjórn. Við
eigum að setja ríkisvaldinu stólinn
fyrir dyrnar þegar það' sparar og
klipur við nögl í þessum málaflokk-
um.
Við eigum að krefjast fullkom-
innar þjónustu fyrir fæðandi konur
í Reykjavík. Við eigum að hvetja
ungt fólk til að eiga börn með því
að bæta þjónustuna og ef ríkið
bregst, eins og það raunar gerir nú
í æ ríkara mæli, þá eigum við að
taka forystuna og borga það sem á
vantar til að hér í borg verði boðið
upp á fyrsta flokks fæðingarþjón-
ustu.
Konur upp á náð
og miskunn karla
Það er ólíðandi að konur skuli
ævinlega vera eins og þurfalingar,
upp á náð^og miskunn karlanna í
valdakerfinu. Jafnvel svo augljós
þörf sem hér um ræðir er látin víkja
fyrir eiginhagsmunum fárra karla.
Það er ekki ásættanlegt að láta
kúldur og kotungsbrag ríkja í þessum
málaflokki, heldur ber að sýna stór-
hug, að byggja stórt og búa vel að
nýjum borgurum og foreldrum
þeirra. Það er málið gott fólk!
Höfundur er borgarfulltrúi
Kvennalistans í Keykjavík.
Appelsínuhúð - ekki lengur vandamál
Maria Galland no. 81
Slimming Vector frá
Maria Galland er mun
auðveldara í notkun en
áður hefur þekkst um
sambærilegar vörur.
Frábær árangur á stutt-
um tíma.
Sölustaðir:
Clara Laugavegi/Kringl-
unni, Gloría/Njarðvík,
Soffía/Hlemmi, Apótekið
/Vestm.eyjum, Topptískan
/Aðalstræti, Hygea/Lauga-
vegi, Apótek Garðabæjar,
Stúdíó Hallgerður, Snyrti-
stofan Rós/Engihjalla.
Snyrtistofa Sigr. Guð-
jóns./Eiðistorgr.
13 ferðaskrifstofur kynnaþjónustu sína og sumaráætlun fyrir árid '90.
F E
A V E I S L A
Farklúbbur Félags íslenskra ferðaskrifstofa
efnir til ferðaskrifstofukynningar í Kringlunni í dag
< 4
Allir KVIKK veitingastaóirnir
og veitingastaóurinn MYLLAN í
Kringlunni veita
farklúbbssmeólimum
20% afsláttafvörum sínum.
Kynningin veróur opin
föstudag kl. 10-19
og laugardag kl. 10-16
T
FÍF
Fullkomið greiðslukort og meira til.