Morgunblaðið - 05.09.1990, Blaðsíða 15

MORGUNBLAÐIÐ MIÐVIKUDAGUR 5. SEPTEMBER 1990
15
Hlynur Árnason
„Eitt af markmiðum JC
er að þjálfa, þroska og
auka þekkingu allra
JC-félaga.“
voru allir alþjóðlegir varaforsetar.
Starfi framkvæmdarvaraforseta
gegndi Andrés B. Sigurðsson
1984. Höfuðstöðvar Junior Cham-
ber International eru staðsettar á
Coral Gables í Florída. Einn íslend-
ingur, Jón Ögmundsson lögfræð-
ingur, starfar þar sem deildarstjóri
síðan 1986. JC ísland og nokkur
aðildarfélög hafa fengið margv-
ísleg verðlaun og viðurkenningar
á erlendum vettvangi.
Húsnæði JC íslands
JC Island hefur um margra ára
skeið leigt húsnæði undir starfsemi
sína. Lengst af var hreyfingin til
húsa að Laufásvegi 36 í Reykajvík.
Árið 1986 var ráðist í að kaupa
húsnæði undir starfsemi hreyfing-
arinnar að frumkvæði þriggja
manna, þeirra Karls J. Steingríms-
sonar, Árna Þórs Árnasonar og
Ásgseirs Gunnarssonar. Fyrir val-
inu varð húsnæðið að Hellusundi
3, Reykjavík, eitt af verslunar-
skólahúsunum gömlu. Á hveijum
fímmtudegi kl. 20 er opið hús fyr-
ir alla JC-félaga að Hellusundi.
Félaginn að loknu JC starfí
Eitt af markmiðum JC er að
þjálfa, þroska og auka þekkingu
allra JC-félaga hvern á sinn hátt,
þannig að hann verði hæfari þjóð-
félagsþegn. Eitt af því sem við
gerum er að halda þrenns konar
ræðunámskeið og margvísleg nám-
skeið í skipulagðri stjórnun. Allt
er það liður í að skapa einstakl-
ingnum aukið sjálfstraust sem
kemur honum til góða í samskipt-
um sínum við aðra. Haldin eru
fundarritunar- og fundarstjórnun-
arnámskeið og þar sem félagarnir
þjálfast í að vera stjórnendur
funda. Oft halda félögin fundi um
ákveðin málefni með framsögu-
manni þar sem tekin eru fyrir þau
málefni sem efst eru á baugi hveiju
sinni, en með því hefur margur
einstaklingurinn orðið betur með-
vitaður um sitt samfélag. Þar sem
JC hefur fengið á sig það orð að
félagar þess séu reyndir félags-
málamenn hefur verið sóst eftir
þeim á lista stjórnmálaflokkanna
fyrir hveijar kosningar. Með
hvatningu þeirri sem fólk hefur
fengið innan JC hefur það orðið
mörgum til að framkvæma draum
sinn, margir félagar hafa haslað
sér völl í viðskiptalífinu, aðrir hafa
unnið sig upp í fyrirtækjum, enn
aðrir stofnað eigin fyrirtæki, og
fjölmargir JC-félagar hafa hafið
skólagöngu (langskólanám) af
afloknu JC starfi. Ég nefni þetta
hér vegna þess að markmið okkar
er að félagar í JC hætti ánægðir.
JC ísland 30 ára
í tilefni þessara merku tíma-
móta verður haldið veglegt afmæl-
ishóf þann 29.september n.k. Nán-
ar verður hófíð auglýst síðar.
Lokaorð
Það var rétt sem þeir Erlendur
og Pétur sögðu í upphafi. Þessi
hreyfíng á fullan rétt á sér uppi á
íslandi. Það hefur sýnt sig á liðnum
þijátíu árum. JC ísland á eftir að
lifa um ókomna framtíð því JC er
hreyfing ungs fólks á aldrinum
18-40 ára og svo lengi sem ungt
fólk er framsækið og vill þroska
er full þörf á Junior Chamber á
íslandi.
Höfundur er landsforseti JC
íslands.
MEÐAL ANNARRA ORÐA
DÓTTIR LJÓSSINS
eftir Njörð P.
Njarðvík
Suður í Alsace í Frakklandi rís
mikiil klettur upp úr grænum
hæðum og er kenndur við heilaga
Odile, verndardýrling héraðsins
(Mont Sainte Odile). Leiðin liggur
til suðvesturs frá Strassbourg um
Obernai yfir mikil vínræktarsvæði
upp í norðurhluta gróins fjallgarðs
er nefnist Vosges. Svipur landsins
er mildur þótt komið sé eina 800
metra yfír sjávarmál, og hitinn
mikill á björtum sumardegi. Uppi
á klettinum stendur veglegt
nunnuklaustur og þaðan er fögur
útsýn yfir gróskumikla dali. Það
er saga að segja frá því hvernig
þetta klaustur varð til og hvers
vegna kletturinn er kenndur við
Odile.
Blind telpa
Upp úr miðri 7. öld ríkti Ad-
alric hertogi af Alsace í Obernai
ásamt konu sinni Bereswinde, er
þá var þunguð. Er hún ól manni
sínum frumburð þeirra, þá voru
honum færðar þær fréttir að barn-
ið væri heldur óásjáleg stúlka og
blind að auki. Hertoginn brást
ókvæða við og taldi það hina
mestu smán að frumburður hans
skyldi ekki vera sonur, og þegar
við bættist að telpan var blind,
þá skipaði hann svo fyrir að barn-
inu yrði fargað þegar í stað án
þess að nokkur vissi af tilveru
þess. Þegar fortölur Bereswinde
báru engan árangur, ákvað hún
að óhlýðnast boðum manns síns
og kom telpunni undan á laun til
barnlausrar konu og bað hana að
ala stúlkuna upp sem sitt eigið
barn. Telpan vakti hins vegar
mikla athygli í þorpinu, og þar
sem óttast var að upp kæmist um
faðerni hennar, var henni komið
í nunnuklaustur. Líða svo mörg
ár að stúlkan ólst upp hjá nunnun-
um og naut ástúðar þeirra og
umönnunar.
Odile snýr heim
Nú víkur sögunni til Erhards
biskups í Ratisbonne er fékk vitr-
un. Heyrði hann rödd er bauð
honum að fara til nunnuklausturs-
ins í Palma og finna þar blinda
stúlku, skíra hana og gefa henni
nafnið Odile, og muni hún þá jafn-
skjótt öðlast sjón. Fór þá biskup
rakleiðis til klaustursins, skírði
stúlkuna og bar smyrsl á augu
hennar ásamt heilagri olíu. Brá
þá svo við að Odile fékk sjónina,
og þótti undur og stórmerki.
Nokkru síðar dreymdi Adalric
hertoga í Hohenbourg að hann
heyrði rödd er tilkynnti honum
að dóttir hans væri á lífí, hefði
verið skírð og bæri nafnið Odile.
Um morguninn var hann vakinn
af sendiboða frá Erhard biskup
er færði honum fréttir er stað-
festu drauminn. Þótti hertoga
þetta einkennileg tilviljun, en
hrærði hann þó ekki til meðaumk-
unar. Hann hélt áfram að neita
tilvist dóttur sinnar, enda skyldi
hún aldrei koma fyrir.augu hans.
Árin liðu og Odile þjáðist af
því að ná engu sambandi við fjöl-
skyldu sína, sem henni var nú
fullkunnugt um. Tók hún þá til
bragðs að skrifa Hugues bróður
sínum, en hann bað hana að snúa
heim hið bráðasta. Þegar faðir
þeirra frétti þetta, ærðist hann
af reiði, brá sverði sínu og banaði
syni sínum með eigin hendi.
Ekki var hann þó fyrr búinn
að vinna það níðingsverk, en hann
var gripinn mikilli iðrun. Og þegar
Odile sneri heim, 'tók hann henni
vel og ákvað að fínna henni gott
gjaforð. En Odile vildi ekki gift-
ast. Hún kvaðst vera gefín Guði
einum og vildi fá að stofna klaust-
ur. Þegar faðir hennar tók það
ekki í mál, sá hún sér þann kost
vænstan að leggja á flótta. Ad-
alric elti hana með hermönnum
sínum, en þegar þeir voru komnir
á hæla hennar, þá opnaðist
skyndilega klettaveggur, og
hleypti henni í gegnum sig. Nú
sannfærðist hertoginn loks um að
dóttir hans væri engin venjuleg
kona, og kvaðst nú fús til að að-
stoða hana við að breyta Hohen-
bourg í klaustur.
Klaustur og kraftaverk
Meðan á byggingu klaustursins
stóð, dó Adalric. Dreymdi þá Odile
að hún sæi föður sinn í miklum
kvölum. Bað hún þá ákaft um
Guðs náð fyrir föður sinn, lagðist
fram á hellusteina og grét svo
heitum tárum að þau brenndu gat
á hellurnar. Á þeim stað stendur
nú „kapella táranna“. Hætti hún
ekki fyrr en hún heyrði rödd er
mælti til hennar að hún gæti þerr-
að tár sín, því að með þeim hefði
hún keypt föður sínum náð.
Orðspor klaustursins barst
víða, ekki síst vegna lækninga-
máttar systranna og umhyggju
þeirra fyrir sjúkum. En þar urðu
líka furðuleg kraftaverk. Vegur-
inn upp á klettinn var torfarinn,
og eitt sinn bar svo við að kerra
með byggingarefni sem tveir uxar
drógu, fór út af veginum og kast-
aðist langar leiðir niður kletta-
vegginn. En þegar komið var að,
hafði uxana hvergi sakað, heldur
bitu þeir gras á sléttunni fyrir
neðan.
í annað skipti gekk Odile fram
á helsjúkan mann er bað sárlega
um vatn að drekka. En þarna var
hvergi vatn að fá. Varð Odile þá
hugsað til Móse, laust klettavegg-
inn með staf sínum og spratt þá
óðar fram tært lindarvatn.
Þessi lind streymir enn fram
úr klettaveggnum. Við hjónin
komum þama í sumar nær 1300
árum eftir að Odile var á dögum.
Er við reikuðum um klettinn
mikla, skoðuðum kapellur og
klausturgarða, og dáðumst að
stórkostlegu útsýni, var' okkur
ofarlega í huga sagan af dýrlingi
Alsace, er hlaut viðurnefnið „dótt-
ir ljóssins". Við gengum að lokum
niður bratt einstigi að lindinni
góðu sem bunar fram úr klettinum
og talin er einkar holl fyrir augn-
sjúkt fólk, enda eiga blindir að
hafa öðlast sýn fyrir lækninga-
mátt hennar. Það var svalandi að
bera þetta tæra vatn á augu sín
í sólarhitanum. Og ekki spillir ef
satt er, að það hafi einnig áhrif
til að skerpa innri sýn.
Höfundur er rithöfundur og
dósent í íslenskum bókmenntum
við Háskóla íslands.
Þykkmjólk er mildsýrð, hnausþykk,
bragðljúf, holl og næringarrík með
BIOgarde®gerlum sem öllum gera gott.
eru þegar ný aíkvæmi líta dagsins ljós
Við fógnum tveimur nýjum afkvæmum þykkmjólkurkýrinnar góðu.
Þykkmjólk með súkkulaði og appelsínum og
treQaríkri þykkmjólk með möndlum^ hnetum, ananas, appelsínum,
rúsínum og marsípani.
Kærkomnar nýjungar - ekki síst
smáfólkið.

X
Z3
<