Morgunblaðið - 05.09.1990, Blaðsíða 17
MORGUNBLAÐIÐ MIÐVIKUDAGUR 5. SEPTEMBER 1990
17
Enn um Bifreiðaskoðun Islands
Athugasemd frá Neytendasamtökunum
Nýverið birtu Neytendasamtökin
yfirlit yfir hækkanir á þjónustu-
gjöldum frá Bifreiðaskoðun íslands
undanfarin tvö ár og báru saman
við sömu gjöld síðasta árið sem
Bifreiðaeftirlit ríkisins starfaði. I
ljós kom að um verulegar hækkan-
ir var að ræða. Vegna ummæla
Óskars Eyjólfssonar ijármálastjóra
Bifreiðaskoðunar íslands er nauð-
synlegt að koma eftirfarandi at-
hugasemdum að:
1) Fullyrt er’ að fyrir utan sölu-
skatt (nú virðisaukaskatt) sem
lagður var á þessa þjónustu er Bif-
reiðaskoðun Islands tók til starfa,
hafi gjaldskráin að öðru leyti hækk-
að í samræmi við verðlag. Neyt-
endasamtökin benda á að fram-
færsluvísitala hækkaði á tímabilinu
jan. 1988 til jan. 1990 um 46,2%
og almenn laun talsvert minna. Ef
virðisaukaskatturinn er dreginn frá
hækkunum, þá hækkar samt skoð-
unargjald á fólksbílum og bifhjólum
um 57,3%, á vörubílum um 214,6%,
á léttum bifhjólum um 100%, á
breyttum ökutækjum um 137% og
á sérskoðun vegna aksturskeppni
um 60,6%. Fullyrðing um eðlilegar
hækkanir standast því engan veg-
inn.
2) Bifreiðaskoðun íslands bendir
á að nú sé greitt fyrir umfang skoð-
unar og taki mun lengri tíma að
skoða t.d. stærri bíla en fólksbíla.
Neytendasamtökin telja eðlilegt að
svo sé gert. En ef ekki er um neina
raunhækkun að ræða hjá Bifreiða-
skoðun íslands eins og fullyrt er,
hversvegna hækkaði ekki þá skoð-
unargjald fólksbíla minna en sem
nemur almennu verðlagi, þar sem
skoðun stærri bíla og ýmsar sér-
skoðanir hækkuðu langt umfram
verðlag?
3) Bifreiðaskoðun íslands telur
að skoða þurfi heildarkostnað bif-
reiðaeigenda, en ekki einungis að
skoða einstaka liði gjaldskrárinnar.
Þannig þurfi ekki lengur að láta
ljósaskoða bíla á verkstæðum.
Reyndar er það nú svo, að víða úti
á landi þarf enn að fara með bílana
á verkstæði vegna þessa, en þrátt
fyrir það þurfa þessir bíleigendur
að borga sama skoðunargjald og
aðrir. Samkvæmt uppiýsingum Bif-
reiðaskoðunar eru ljósin stillt þar
ef það er hægt að gera með skrúf-
járni. Ef meira er að, þá þarf að
leita til verkstæðis. Neytendasam-
tökin fagna að sjálfsögðu þessari
auknu þjónustu, en efast þó stór-
lega um að umfang hennar sé það
mikið, að það réttlæti verulega
hækkun á gjaldskránni.
4) Af hálfu Bifreiðaskoðunar er
bent á að annar stór liður sé nú
horfinn af útgjöldum bifreiðaeig-
enda, þ.e. gjald vegna umskráning-
ar við eigendaskipti. Þó það nú
væri að Bifreiðaskoðun færi ekki
að innheimta gjald vegna þessa,
þegar Alþingi hefur ákveðið að
umskráningar heyri nú sögunni til.
5) Staðreynd er að um 39 millj.
kr. hagnað var að ræða hjá Bif-
reiðaskoðun íslands á síðasta ári.
Þetta gerist þrátt fyrir að þá var
verið að reisa lang stærstu skoðun-
arstöðina, skoðunarstöð sem raunar
var byijað að fjármagna á árinu
1988 með tæplega 9 millj. kr. fram-
lagi á þávirði á fjárlögum þess árs.
Neytendasamtökin ítreka því þá
skoðun, að gjaldskrá Bifreiðaskoð-
unar íslands hefur hækkað óeðli-
lega mikið frá því að Bifreiðaeftir-
lit ríkisins var lagt niður um ára-
mótin 1988-1989. Fullyrðingar um
eðlilegar hækkanir standast ekki
eins og rakið hefur verið hér að
framan.
En það er fleira sem þróast hefur
á verri veg frá því að Bifreiðaeftir-
litið var lagt niður. Þannig kostaði
bifreiðastjórapróf 900 kr. á árinu
1988 þegar Bifreiðaeftirlitið annað-
ist þessa þjónustu. Nú þegar önnur
ríkisstofnun hefur yfirtekið þessa
þjónustu, Bifreiðapróf ríkisins,
kostar þessi þjónusta 3.000 kr. og
hefur því hækkað um 233% á tveim-
ur árum.
Einnig hefur Neytendasamtök-
unum verið bent á að nú nýverið
hækkaði svokölluð gerðarviður-
kenning á bfi úr 12.400 kr. í 56.000
kr. hjá Bifreiðaskoðun íslands. Að
sögn Bifreiðaskoðunar er þetta
vegna aukinnar vinnu vegna nýrrar
reglugerðar um gerð og búnað öku-
tækja. Gerðarviðurkenning er skoð-
un á nýrri gerð af bifreið, sem ekki
hefur verið flutt inn áður. Þessa
auknu gjaldtöku borga neytendur
að sjálfsögðu þegar upp er staðið.
Þess má að lokum geta, að í
Svíþjóð kostar skoðun á fólksbíl
1.622 kr. ísl. miðað við gengi í
dag. Þessi skoðun er því 45% dýr-
ari hér á landi.
F.h. Neytendasamtakanna
Jóhannes Gunnarsson, for-
maður.
Frumflutmngur
________Tónlist___________
Ragnar Björnsson
Fyrstu tónleikar í tónleikaflokki
á vegum Menningar- og lista-
stofnunar Hafnarfjarðar, að því
er mér skildist af ávarpi Gunnars
Kvaran sellóleikara, voru haldnir
í menningarstofnuninni sl. sunnu-
dagskvöld. Vogað nokkuð virðist
að hefla tónleika með frumflutn-
ingi nýs verks, þ.e. ókunnum hlut
dembt yfir óupphitaða áheyrend-
ur, en að þessu sinni heppnaðist
það. „Hafnarkvartettinn" eftir
Þorkel Sigurbjörnsson er skrifað-
ur sl. sumar að beiðni Guðnýjar
Guðmundsdóttur og Gunnars
Kvaran. Þorkell • notar nokkuð
óvenjulega hljóðfæraskipan, tvær
fiðlur og tvö selló, sem gefur verk-
inu strax sérstakan lit. Verkið er
mjög vel skrifað, hver hugsun
skýr og framvinda hugmyndanna
eðlileg og segjandi manni eitt-
hvað, sem er meira en stundum
verður sagt um nýjar tónsmíðar.
Klassískar eða sígildar eru vinnu-
aðferðir Þorkels í Hafnarborgar-
kvartettinum, temun fæðast í
breytilegum myndum út frá sama
stofni og úrvinnsla þeirra mynda
þá þætti sem góð tónsmíð þarf
að standa saman af. Undirrituðum
fannst þó það að, að þátturinn,
sem fluttur var, hefði átt að vera
sá fyrsti af fleirum. Flytjendur
ásamt Guðnýju Guðmundsdóttur
og Gunnari Kvaran voru banda-
rískir, Ronald Neal fiðluleikari og
Gayane Manasjan sellóleikari. Hér
var um framúrskarandi hljóð-
færaleikara að ræða sem fluttu
nýtt blóð inn í samleikinn og varð
til þess að kvöldið varð eitt af
eftirminnilegustu kammermúsik-
kvöldum. Agæti amerísku gest-
anna kom greinilega í ljós í Tríói
Mendelssohns í d-moll op. 40 en
Þorkell Sigurbjörnsson
Halldór Haraldsson fékk það hlut-
verk að leika hið erfiða píanóhlut-
verk Tríósins. Eftir hlé fluttu þau
Guðný, Ronald, Gayanne, Gunnar,
og nú bættist við Unnur Svein-
bjarnardóttir víóluleikari, C-dúr-
kvintettinn op. 163 eftir Fr. Schu-
bert, vafalítið merkasta kamm-
ermúsíkverk hans, sem hann lauk
við tveim mánuðum fyrir andlátið.
Ekki er ætlunin að reyna að lýsa
þessum stórfenglega kvintett
Schuberts, melódískri fegurð og
andstæðum fyrsta þáttar, himn-
eskri fegurð annars þáttar, form-
festu skertsósins, það væri þó
helst að setja mætti út á lauslæti
í formi og stíleinkennum lokaþátt-
arins. En hvað getur maður sagt
þegar Brahms var sammála Schu-
bert um blöndun ýmsra stílteg-
unda. Þótt spilið hafi ekki alltaf
verið alveg hnökralaust var flutn-
ingurinn þó þannig á þessum
langa kvintett að maður hefði
ekki viljað missa af einni nótu.
Tónleikarnir voru helgaðir
minningu Sverris Magnússonar.
Yestnorræna þingmanna-
ráðið fundar í Færeyjum
ÁRLEGUR fundur Vestnorræna
þingmannaráðsins stendur nú
yflr í Þórshöfn í Færeyjum.
Vestnorræna þingmannaráðið
var stofnað í Nuuk í Grænlandi
1985 til þess að stuðla að nánara
samstarfi Færeyja, Grænlands og
Islands m.a. á sviði menningar-,
viðskipta- og samgöngumála, auk
annars samstarfs. Ráðið er ályktun-
arhæft og hefur tillögurétt til land-
anna þriggja, eins eða fleiri. Ráðið
er skipað einum fulltrúa frá hveij-
um þingflokki f löndunum.
Vestnorræna þingmannaráðið
heldur fundi einu sinni á ári til
skiptis á íslandi, Færejjum og
Grænlandi og var síðasli fundur
ráðsins haldinn í Stykkishólmi.
Núverandi formaður ráðsins er
Karin Kjölbro, þingmaður Þjóðveld-
isflokksins í Færeyjum, en formað-
ur íslandsdeildar ráðsins er Árni
Gunnarsson, alþingismaður.
Fund ráðsins í Færeyjum að
þessu sinni sækja auk Árna Gunn-
arssonar, Birgir Isleifur Gunnars-
son, Málmfríður Sigurðardóttir,
Ásgeir Hannes Eiríksson og Hregg-
viður Jónsson.
Þú svalar lestrarþörf dagsins
ásíöum Moggans!
=3
<
meirí háttar
0STA
THB0Ð
stendur til 15. sept.
á kílóastykkjum af brauðostinum góða
Verð áður:
Kr.777.90 kflóið
Tilboðsverð:
kr. 661-
kflóið
15% lækkun!
S/vjjö^