Morgunblaðið - 23.10.1990, Síða 46

46
MORGUNBLAÐIÐ ÞRIÐJUDAGUR 23. OKTÓBER 1990
Okindin á þurru landi
Kvikmyndir
Arnaldur Indriðason
Skjálfti („Tremors"). Sýnd í
Laugarásbíói. Leikstjóri: Ron
Underwood. Aðalhlutverk:
Kevin Bacon og Fred Ward.
Tremors, eða Skjálfti, er þegar
á líður hröð og spennandi
skrímslamynd um risastóra sand-
_ orma sem skríða um neðanjarðar
'j* og ráðast á smábæjarsamfélag
einhverstaðar langt utan alfara-
leiðar í Bandaríkjunum. En hún
er líka næstum því gamanmynd
svo langt gengur hún í grínakt-
ugum persónugerðum og stæl-
ingum á gömlu skrímslamyndum
sjötta, áratugarins og er blessun-
arlega laus við að taka sig hát-
íðlega — eða þá merku kvik-
myndategund sem hún tilheyrir,
B-skrímslamyndina.
Grín- o g spennublandan
heppnast fullkomlega í Skjálfta
undir ágætri leikstjórn Ron Und-
erwoods sem gerir myndina að
ómótstæðilegri skemmtun. Fred
- - Ward og Kevin Bacon eru ómiss-
andi þáttur blöndunnar, einfeldn-
ingslegir daglaunamenn sem
hafa ekki sérlega mikið vit í koll-
inum en tekst þó alltaf að vera
einu biti á undan neðanjarðarók-
indinni. Aðrar persónur eru
viðlíka skemmtilega mótaðar
týpur og nægir að nefna skot-
vopnabijálæðinginn, en einn
sandormurinn er svo óheppinn
að bijóta sér leið inní vopnabúr
hans með hörmulegum afleiðing-
um fyrir orminn.
Skrímslið er eins og Jaws á
þurru landi, færist um með ógn-
arhraða í jarðveginum, skýst upp
á yfirborðið þegar minnst varir
og gleypir allt sem hreyfist.
Tæknibrellumar eru mjög vel
gerðar; bíll sekkur oní sandinn
eins og hann leggur sig, risastór
grafa steypist oní holu í jörðinni,
hús leika á reiðiskjálfi þegar orm-
arnir fást við undirstöðurnar og
sandormarnir eru hinar forvitni-
legustu skepnur.
En það er ekki síður spaugið
sem fær að njóta sín í skemmti-
lega skrifuðu handritinu og þar
standa sig Ward og Bacon best,
ekkert of snjallir en þó snjallari
en sandormar.
Dópsalinn, sem
féll til jarðar
Svarti engillinn („Dark Ang-
el“). Sýnd í Bíóhöllinni. Leik-
stjóri: Craig R. Baxley. Aðal-
hlutverk: ^Dolph Lundgren,
Brian Benben, Betsy Brantley,
Michael PoIIard.
Það er kannski ekki nema von
að lögreglumaðurinn og vand-
ræðaseggurinn Dolph Lundgren
í spennumyndinni Svarti en-
gillinn eigi í erfiðleikum með að
skýra fyrir yfirmönnum sínum
hverskyns glæpamann hann er
að elta. Maður trúir því varla
sjálfur.
Það er dópsali utan úr geimn-
um með hvítar linsur í augunum
og sítt hvítt hár í svörtum leður-
galla svo hann lítur út eins og
sænskur þungarokkari, sem
sprautar hreinu heróíni í dauða-
dæmd fórnarlömb sín, úr því
vinnur heiladingullinn endorfín
en eftir því er vinur okkar að
sækjast. Það er eftirsóttasta dóp-
ið þaðan sem hann kemur. Helsta
vopn hans eru fljúgandi geisladi-
skar sem "einhvern veginn eru
stilltir inná hálsæðarnar á fólki
og byssa með verulegum sprengi-
krafti, sem er stillt á að hitta
ekki aðalleikarann.
Stórfurðuleg hugmyndin á bak
við Svarta engilinn, sem gæti vel
verið svolítið galinn útúrsnúning-
ur á „The Terminator“, hefði
getað gengið upp með smá gríni
ef hún hefði ekki verið unnin í
enn eina húmorslausa B-form-
úlumyndina sem tekur sjálfa sig
mun hátíðlegar en tilefni er til.
Myndin líður líka fyrir slappan
leik aðalleikarans; Lundgren hef-
ur leikræna breidd á við viðard-
ramb í hlutverki lögreglumanns-
ins sem eltir geimveruna en með
honum er snyrtilegur FBI-maður
sem hreyfir sig ekki nema líta
fyrst í handbókina. Úr því verður
enn eitt klisjukennt og marg-
þvælt löggufélagasambandið.
Inní eltingaleikinn við eiturlyija-
baróninn utan úr geimnum er
hliðarsaga um bara þessa venju-
legu dópsala, sem drápu félaga
Lundgrens, en eru í fríi niður í
Ríó á meðan stjörnustríðið geisar
heima.
Leikstjórinn Craig R. Baxley-
(„Action Jackson“) er einmitt
rétti maðurinn til að raða upp
bílaeltingaleikjum, sprengingum
og skotbardögum sem hafa ekk-
ert nýtt uppá að bjóða en eru
atvinnumannslega framkvæmdir
þar til kemur að hinum hefð-
bundna lokabardaga í enn einni
yfirgefinni verksmiðjunni.
Myndin heitir „Ég kem með
friði“ í Bandaríkjunum en nafn-
inu hefur verið breytt fyrir Evr-
ópudreifingu.
Furðuleg
fjölskylda
Furðuleg fjölskylda („Some
Girls“). Sýnd í Sljörnubíói.
Leikstjóri: Michael Hoffman.
Aðalhlutverk: Patrick Demps-
ey, Florinda Bolkan, Jennifer
Conelly.
Bandaríski leikarinn Patrick
Dempsey, sem staðið hefur fram-
arlega í hópi unglingaleikara
vestanhafs, hefur af einhveijum
ástæðum fest sig í hlutverkum
kvennabósa, eins ólíklegur og
hann er í þeirri stöðu; á tjaldinu
hefur hann verið táningur með
sér mun eldri konum, hann hefur
verið hundeltur af kvenþjóðinni
sem flatbökusendill og í þessari
mynd á hann í rómantískum æf-
intýrum með þremúr systrum en
hrifnastur verður hann þó af
ömipu þeirra.
Hann leikur ungan mann sem
gistir hjá kærustunni um jólin á
gullfallegum stað i Kanada og
kynnist afar sérviskulegri fjöl-
skyldu hennar. Pabbinn er að
skrifa bók um Blaise Pascal en
stundar fræði sín allsnakinn,
móðirin er þunglynd og fjand-
samleg, kærastan tilkynnir hon-
um að hún elski hann ekki leng-
ur og tvær systur hennar reyna
við hann en það er ekkert á
móts við dauðvona ömmuna, sem
heldur að ungi maðurinn sé eigin-
maður sinn og með þeim tekst
vinátta sem nær út yfir gröf og
dauða.
Myndin gerist að mestu í stóru,
myrku og draugalegu húsi fyöl-
skyldunnar sem gefur henni for-
vitnilegt yfirbragð og hún byijar
í léttum en ekkert sérstaklega
fyndnum kómískum stíl þar til
hún breytir skyndilega um tón
og óvænt hliðarsaga um samband
mannsins við ömmuna fær meiri
og meiri tíma þar til hún tekur
algerlega yfir en er öll mjög á
skjön við grallaraskapinn sem á
undan er genginn, innileg, falleg
og alvörugefin og teygist jafnvel
út á yfirnáttúrulega planið.
Þarna vantar e.k. tengingu á
milli. Furðuleg fjölskylda virkar
best í þessum seinni hluta sem
lýsing á sérstakri vináttu drengs-
ins og ömmunnar en hefur ekki
mikið gildi sem gamanmynd í
fyrri hlutanum. Þetta er óvenju-
leg mynd og djörf að mörgu leyti
því hún þorir að vera öðruvísi en
leikstjórinn Michael Hoffman
(„Promised Land)“ hefur áður
sýnt að hann kann vel að fara
með viðkvæmar mannlegar til-
finningar. Hann hefur áður unnið
undir verndarvæng Roberts Red-
fords og Sundance-stofnunar
hans og Redford er einmitt fram-
leiðslustjóri þessarar mýndar.
ÞJOÐIN FAGNAR NYFENGNU FRELSII LEIGUFLUGI
LONDON A EGILSSTAÐA-FARGJALDI
í FRAMHALDIAF YFIRLÝSINGU STJÓRNVALDA HÖFUM VIÐ GERT NAUÐSYNLEGAR
RÁÐSTAFANIR UM LEIGUFLUG TIL LONDON OG KAUPMANNAHAFNAR, NÆSTA SUMAR.
LONDON
ll
BROTTFARARDAGAR
KAUPMANNAHOFN
BROTTFARARDAGAR
MAÍ1.8.15.22. ÁGÚST7.14.21.28. JÚNÍ5.12.19.26. SEPTEMBER4.11.18.25. JÚLÍ3.10.17.24.31. MAÍ2.9.16.23.30. ÁGÚST1.8.15.22.29. JÚNÍ6.13.20.27. SEPTEMBER5.12.19.26. JÚLÍ4.11.18.25.
0G VERÐIÐ: (NEIEKKIPRENTVILLA) 1VIKA KR. 14.700 - 2 VIKUR KR. 15.800 3 VIKUR KR. 16.900 0G VERÐIÐ: 1VIKAKR. 15.800 - 2 VIKURKR. 16.900 3 VIKUR KR. 17.700
AÐ VIÐBÆTTRI ÞJÚNUSTU 0G GISTINGU f MÖRGUM VERÐFLOKKUM SEM KAUPA ÞARF MEÐ
ÞÚ BÓKAR FLUGIÐ STRAX, ALLIR HAFA JAFNAN RÉTT TIL ÞESSARA KJARABÓTA MEÐAN SÆTAFRAMBOÐIÐ OKKAR LEYFIR.
BIRT MEÐ FYRIRVARA UMAÐ STJÓRNVÖLD TAKIEKKITIL BAKA GEFIN FYRIRHEIT UM FRELSIÍLEIGUFLUGI.
FLUGFERDIR
SGLRRFLUG
Vesturgötu 12, símar 620066 og 15331