Morgunblaðið - 13.11.1990, Blaðsíða 22
22
MORGUNBLAÐIÐ ÞRIÐJUDAGUR 13. NÓVEMBER 1990
PROFKJOR OG FRAMBOÐSLISTAR
Framsóknarflokkurinn í Reykjavík:
Finnur Ingólfsson hlaut 1. sætið
FINNUR Ingólfsson, aðstoðarmaður heilbrigðisráðherra, hlaut
flest atkvæði í 1. sæti í skoðanakönnun fulltrúaráðs framsóknarfé-
laganna í Reykjavík, sem fram fór um síðustu helgi um val á fram-
bjóðendum Framsóknarflokksins í Reykjavík fyrir næstu alþingis-
kosningar. Guðmundur G. Þórarinsson, alþingismaður, varð í öðru
sæti, Ásta Ragnheiður Jóhannesdóttir í þriðja sæti og Bolli Héðins-
son í fjórða sæti.
Að sögn Jóns Sveinssonar,
formanns kjörnefndar, áttu aðal-
menn og varamenn í fulltrúaráð-
inu rétt til þáttöku í skoðanakönn-
uninni. Atkvæði greiddu 444, en
á kjörskrá voru 504. Flest at-
kvæði í 1. sæti fékk Finnur Ing-
ólfsson, sem fékk 236 atkvæði,
en næstur honum í 1. sætið kom
Guðmundur G. Þórarinsson með
175 atkvæði. Flest atkvæði í 1.
og 2. sæti fékk Guðmundur G.
Þórarinsson með 199 atkvæði.
Ásta Ragnheiður Jóhannesdóttir
fékk flest atkvæði samanlagt í 3.
sæti, en hún fékk 280 atkvæði, og
í fjórða sætið fékk Bolli Héðinsson
flest atkvæði samanlagt með 276
atkvæði. Heildaratkvæðamagn
Finns í skoðanakönnuninni var
328 atkvæði, Ásta hlaut 322 at-
kvæði, Bolli hlaut 276 atkvæði og
Guðmundur 228 atkvæði. Sam-
kvæmt reglum um skoðanakönn-
unina þurfti 50% gildra atkvæða
til að hljóta bindandi kosningu í
sæti. Kosning þeirra Finns, Ástu
og Bolla er því bindandi, en kosn-
ing Guðmundar hins vegar ekki.
Mun freista
þess að fá
prófkjörið
ógilt
- segir Guðmundur G.
Þórarinsson
„ÉG mun freista þess að fá þetta
prófkjör ógilt vegna þess að ég
lít ékki á þetta
sem neitt próf-
kjör. Það er
ekkert grín að
vera í lokuðu
prófkjöri með
vinum Finns, og
þetta prófkjör
var nánast búið
áður en það
byrjar," segir
Guðmundur G. Þórarinsson.
Hann segist telja að prófkjörið
hefði verið aðför að sér, þar sem
búið hafi verið að koma málum
þannig fyrir að stór hluti þeirra
sem þátt tóku í því hefði verið
valinn fyrirfram með það fyrir
augum að kjósa Finn Ingólfs-
son.
Guðmundur sagði að þegar far-
ið hafi verið að ræða um það
hvemig standa ætti að vali fram-
bjóðenda Framsóknarflokksins í
Reykjavík, þá hefði hann gert
formanni Framsóknarfélags
Reykjavíkur og Finni Ingólfssyni,
formanni fulltrúaráðsins, grein
fyrir því, að hann gæti ekki fellt
sig við prófkjör innan fulltrúaráðs-
ins, þar sem það væri eins og rúss-
nesk rúlletta fyrir sig.
„í kjölfar þessa ræddumst við
Finnur við, og hann fullvissaði
mig um að engin samkeppni yrði
um 1. og 2. sætið, þar sem hann
sætti sig við og stefndi að 2. sæt-
inu, og því væri engin ágreiningur
um þetta. Að því gefnu fannst
mér ekki ástæða til að rekast í
því hvar prófkjörið var, og féllst
á þetta fyrirkomulag á þeirri fors-
endu að þarna væri um drengskap-
arsamkomulag tveggja manna að
ræða. Síðan skeði það 4-5 dögum
fyrir prófkjörið, þegar teningunum
er kastað og allt orðið ljóst, að
Finnur hringir í mig og segir að
hann hafí ákveðið að stefna á 1.
sætið og beijast fyrir því. Þá er
ég kominn í lokaða stöðu, og tveim
dögum fyrir kosninguna er mér
orðið ljóst að ég er genginn í
gildru. Fjörutíu prósent fulltrú-
anna eru þegar valdir með þetta
fyrir augum, þannig að þarna er
um forgjafarkeppni að ræða, þar
sem annar aðilinn er með 160-180
atkvæði af um 500 í forgjöf. Þarna
er greinilega um skipulagða aðför
að ræða og sú vinna hefur staðið
yfir í nokkuð langan tíma. Það
kann að vera að þetta virki á
menn sem einhver sérstök sárindi
yfir úrslitunum, en það er ekki.
Hins vegar finnst mér að vinnu-
brögðin í þessu minni einna helst
á bófaflokk í Chicago, og þannig
er auðvitað ekki hægt að reka
stjórnmálaflokk,“ sagði Guðmund-
ur.
Guðmundur sagði að hann yrði
að kæra prófkjörið til fulltrúaráðs-
ins og stjórnar þess, þar sem full-
trúaráðið færi með framboðsmál
samkvæmt lögum flokksins.
„Mér virðist ljóst að fulltrúaráð-
ið sé vanhæft til að úrskurða um
þetta vegna þess að sjálft fulltrúa-
ráðið er með prófkjörið. Það kann
að vera að réttara sé fyrir mig að
kæra þetta til stjórnar félaganna,
en þetta á ég eftir að leggja niður
fyrir mig. A þessu stigi hlýt ég
að reikna með því að prófkjörið
verði gert ógilt, en þá fer fram
nýtt opið prófkjör í Reykjavík.“
Verkfræðing’afélagið:
Ráðstefna um
Suðurlands-
skjálfta
ERUM við viðbúin að takast á
við afleiðingar Suðurlands-
skjálfta, er yfirskrift ráðstefnu
sem Verkfræðingafélag íslands
gengst fyrir á Hótel Loftleiðum
næstkomandi miðvikudag
klukkan 14.00. Á fundinum
verður meðal annars kynning á
samstarfsverkefni Verkfræð-
ingafélags Islands og Almanna-
varna um viðbrögð eftir jarð-
skjálfta, um mat á ástandi eftir
jarðskjálfta og fleira. Ráðstefn-
ana er öllum opin.
Þórarinn Magnússon, formaður
Verkfræðingafélags íslands, setur
ráðstefnuna. Á eftir honum talar
Óli Þ. Guðbjartsson, dómsmála-
ráðherra, þá flytur Guðjón Peters-
en, framkvæmdastjóri Almanna-
varna, erindi, Ragnar Stefánsson,
jarðskjálftafræðingur, talar á eftir
Guðjóni. Næst talar Eggert Vig-
fússson, framkvæmdstjóri Al-
mannvamanefndar Selfoss og ná-
grennis, og Ingólfur Þórisson,
verkfræðingur Ríkisspítalana,
flytur erindi. Eftir kaffihlé tala
Þorvarður Jónsson, framkvæmda-
stjóri Pósts og síma, Steingrímur
Ingvarsson, umdæmisverkfræð-
ingur Vegagerðar ríkisins á Suð-
urlandi og fulltrúi Félags ráðgjafa-
verkfræðinga.
Þórarinn Magnússson, formað-
ur Verkfræðingafélags íslands,
sagðist í samtali við Morgunblaðið
vilja hvetja fólk til að sækja ráð-
stefnuna til þess að kynna sér efni
hennar. „Sumir hafa ekki viljað
nema litla opinbera umræðu um
náttúruhamfarir en Verkfræð-
ingafélagið og margir aðrir teljum
að ræða þurfi opinskátt um þetta
mál til þess að við gerum okkur
betur grein fyrir þeim vankönntum
sem kunna að vera á vömum. I
þjóðfélaginu hafa komið fram op-
inberar ábendingar um að við
væmm ekki undir náttúruhamfarir
eins og Suðurlandsskjálftann búin.
Við viljum fá fram þessa gagnrýni
og ef við erum ekki undir þetta
búin þá viljum vita hveiju er ábóta-
vant.“
Stykkishólmur:
Fjölmenni við vígslu nýja íþróttahússins
Stykkishólmi.
ÞAÐ VAR mikill dagur fyrir
Stykkishólm þegar íþróttahöllin
var vígð á laugardaginn. Fjöldi
manns, bæði gestir og Hólmar-
ar, fagnaði þessu framtaki og
var athöfnin virðuleg og
ánægjuleg. Meðan fólk streymdi
inn í húsið og tók sér sæti, lék
Lúðrasveit Stykkishólms undir
stjórn Daða Þórs Einarssonar.
Margir gestir voru komnir að
samfagna Hólmurum, m.a. tveir
fyrrverandi skólastjórar, allir þing-
menn kjördæmisins, Sverrir Her-
mannsson fyrrverandi mennta-
málaráðherra, fulltrúar frá íþrótta-
hreyfínguinni, frá menntamála-
ráðuneyti o.fl.
Sturla Böðvarsson formaður
byggingarnefndar fagnaði við-
stöddum og rakti sögu byggingar-
innar. Kom þar m.a. fram að fram-
kvæmdir hófust 22. maí 1987 er
Sverrir Hermannsson þáverandi
menntamálaráðherra tók fyrstu
skóflustunguna. Undirbúningur
hafði staðið yfir nokkuð lengi enda
undirbúningur mikill áður en til
framkvæmda kom. Ormari Þór
Guðmundssyni og Viðari Ólafssyni
hjá Verkfræðistofu Sig. Thorodds-
en var falið að vinna að forhönn-
un. Þá voru kjömir í byggingar-
nefnd Sturla Böðvarsson, Gunnar
Svanlaugsson og Davíð SVeinsson
og þá fór verkið af stað á fullum
hraða. Eftirlit á byggingarstað
hafði Erlar Kristjánsson verkfræð-
ingur bæjarins. Stærstu verkþætt-
ir hafa verið boðnir út.
Trésmiðja Stykkishólms hefur
verið aðalverktaki og séð um allt
tréverk og uppsteypu. Sigurður
Kristjánsson í Stykkishólmi hefur
verið bygingarstjóri og samræmt
alla vinnu verktaka. Næstum allir
verktakar hafa verið út Stykkis-
hólmi: Múrverk: Kristinn Finnsson,
raflagnir: Stefán Ólafsson, pípu-
lagnir: Andrés Kristjánsson, mál-
aravinna: Björn Benediktsson og
dúklögn: Eggert Sigurðsson.
íþróttahúsið er 2293 fermetrar
að stærð og 13777 rúmmetrar.
Salurinn 25x45 og með löglega
vallarstærð fyrir alla knattleiki.
Salnum má skipta í þijár knattleik-
svelli, þtjá blakvelli og sex bad-
mintonvelli.
Kostnaður við bygginguna er
137 millj. og þar af í ár 50 millj.
Uppreiknað mun þetta vera 173
millj. Meðtalinn er kostnaður við
búningsklefa sundlaugar. Ymislegt
Nemendur grunnskólans tóku
þátt í athöfninni með því að
sýna í verki hvað húsið hefði
upp á að bjóða. Á innfelldu
myndinni er byggingarnefnd
íþróttahússins: Gunnar Svan-
laugsson, yfirkennari, Sturla
Böðvarsson, bæjarstjóri og
formaður byggingarnefndar og
Davíð Sveinsson.
vantar enn af tækjum o.fl. Erfítt
hefur verið að fá ríkið til að standa
við samninga og það hefur orðið
til þess að byrðin á bænum hefur
verið meiri en gert var ráð fyrir.
„íþróttahúsið er komið,“ sagði
bæjarstjóri, „það gefur öllum Snæ-
fellingum mikið, því þar er sam-
starf gott á milli. Við trúum því
að rétt hafi verið að ráðast í þessa
framkvæmd. Það mun skapa börn-
um og unglingum aðstöðu til að
iðka heilbrigðar íþróttir, eignast
heilbrigða sál í hraustum líkama
og forða allri vímu frá byggðarlag-
inu. Við fögnum þessu og lítum
til bjartari tíma,“ sagði bæjarstjóri
að lokum.
Afhenti hann síðan Ellert Krist-
inssyni lykil að íþróttahúsinu, en
Ellert flutti ávarp og hvatningu til
æskulýðsins að nota sér þessa góðu
aðstöðu.
Séra Gísli H. Kolbeins blessaði
húsið og kirkjukór Stykkishólms
söng undir stjórn Jóhönnu Guð-
mundsdóttur. Þá gengu grunn-
skólanemendur í fallegri skrúð-
göngu í salinn og yfir í annan
enda hans..^
Margir ávörpuðu samkomuna,
m.a. Lúðvíg Halldórsson skóla-
stjóri, Reynir Karlsson íþróttafull-
trúi er flutti ávarp 'menntamála-
ráðherra sem ekki gat verið við-
staddur, Bergur Hjaltalín formað-
ur Snæfells, Alexander Stefánsson
alþingismaður, Árni Þór Árnason
færði kveðju ÍSÍ og formanns
Sveins Björnssonar og einnig
töluðu aðrir af íþróttasviðinu og
Þorgeir Ibsen fyrrverandi skóla-
stjóri í Stykkishólmi. Gunnar
Svanlaugssón fékk alla grunn-
skólanemendur til að sýna sam-
komugestum allt það sem hægt
ver að stunda af íþróttum í húsinu
og vakti það athygli. Ekki minni
athygli vakti það þegar Ágúst
Bjartmars fyrrv. Islandsmeistari
og Ellert Kristinsson léku badmin-
ton.
Margar kveðjur og gjafir bárust
og þeirra á meðal var klukka, hið
mesta gersemi, sem unnin var í
Borgarfirði eystra, gefin af Verk-
smiðjunni Vífilfelli hf., Reykjavík.
Klukkan 15 kepptu úrvalsdeild-
arlið Snæfells og Vals í körfubolta.
Snæfell sigraði í þessum vígsluleik.
Áhorfendasvæðið var alveg
troðfullt og er giskað á að yfir 450
manns hafi verið þarna.
Milli kl. 19.00 og 21.00 var svo
öllum boðið að skoða húsið. En í
húsinu er góð sríyrtiaðstaða fyrir
bæðið kynin, æfingasalur, salur
fyrir sólböð og þrekæfingar og
stórt anddyri. Gluggar eru stórir
og gott útsýni. Þá er áhorfenda-
svæði fyrir fjölda manns og sæti
með góðu móti fyrir 200 manns.
- Árni