Morgunblaðið - 18.11.1990, Blaðsíða 27

MORGUNBLAÐIÐ MIIMNIIMGAR SUNNUDAGUR 18. NÓVEMBER 1990
27 *
Kveðjuorð:
Ingiríður Þorsteins-
dóttir frá Grund
Fædd 4. október 1902
Dáin 29. október 1990
Mig langar til að minnast föður-
systur minnar, Ingiríðar Þorsteins-
dóttur, sem andaðist á héraðshæl-
inu á Blönduósi 29. október sl.
Ingiríður fæddist á Grund í
Svínadal í Austur-Húnvatnssýslu
4. október 1902, dóttir hjónanna
Þorsteins Þorsteinssonar bónda
þar og Ragnhildar Sveinsdóttur
sem var seinni kona hans. Inga,
eins og hún var alltaf kölluð, var
elst 5 alsystkina en þau eru Stein-
unn f. 1905. Hun á eina dóttur,
Ástu. Þóra f. 1908. Búa þær þijár
saman á Flókagötu 7 í Reykjavík.
Guðmundur f. 1910, býr á Syðri-
Grund, kvæntur Guðrúnu Sigur-
jónsdóttur og eiga þau 4 börn.
Þórður f. 1913, býr á Grund,
kvæntur Guðrúnu Jakobsdóttur.
Eiga þau 4 börn.
Inga ólst upp á Grund hjá for-
eldrum sínum og vann öll venjuleg
heimilisstörf eins og venja var á
þeim tímum. Haustið 1921 trúlof-
aðist Inga Þorsteini Sölvasyni frá
Gafli í Svínadal, Þorsteinn var
kennari að mennt og kenridi á
Hvammstanga á veturna og var
svo heima á Grund á sumrin. Þor-
steinn var mesti sómamaður vel
greindur og hagmæltur. Þau Inga
og Þorsteinn tóku að sér lítinn
dreng, Pál Eyþórsson, sem dvaldi
á Grund. Ólst hann upp á Grund
í skjóli Ingu til fullorðinsára og var
hún honum ætíð góð. Hamingja
Ingu og Þorsteins var mikil en stutt
því 27. júní 1924 dó Þorsteinn úr
lömunarveiki eftir nokkurra daga
legu. Veit ég að Inga vakti yfir
honum nótt og dag þá erfiðu sólar-
hringa og held ég að hún hafi aldr-
ei jafnað sig til fulls af þeirri miklu
sorg. Þetta var mikið áfall fyrir
Ingu og allt heimilið því eðlilega
báru þau öll rnikið traust til Þor-
steins, þar sem Þorsteinn faðir
Ingu og þeirra systkina dó 1921
og var því Þorsteinn Sölvason fyr-
irvinna heimilisins á sumrin.
Ástæðurnar voru því ekki góðar á
þessu heimili, en þau gáfust samt
ekki upp. Ragnhildur hélt. áfram
að búa á hluta jarðarinnar með
börnum sínum þó erfitt væri, dren-
girnir innan við fermingu og Þóra
mikið fötluð eftir lömunai'veiki sem
hún fékk um sama leyti og Þor-
steinn dó. En það tókst að halda
heimilinu saman með miklum
dugnaði og sparsemi. Reyndi þá
mikið á Ingu og þau systkinin öll
við að aðstoða móður sína.
Árið 1934 flutti Inga suður til
Reykjavíkur og fór þá að vinna á
Landspitalanum og vann þar alveg
óslitið til 1982. Hún hélt alltaf
mikilli tryggð við sitt æskuheimili
því alltaf kom hún norður að Grund
á hveiju sumri og tók sér yfirleitt
lengra frí en hún átti, til að geta
hjálpað til við heyskap og önnur
verk sem til féllu. Inga var dugleg,
vann öll sín verk af alúð og natni,
hún var ekki að hugsa um hvort
verkin voru hennar verk eða ekki,
hún bara gerði þau og dró þau
ekki til morguns. Man ég alltaf
hvað við krakkarnir á Grund hlökk-
uðum mikið til þegar von var á
Ingu norður. Hún kom alltaf með
gjafír handa öllum, stórum og
smáum. En ég held að hún hafi
glaðst alveg eins mikið og við sem
þáðum, því það var hennar líf og
yndi að gefa og gera öðrum gott,
mönnum og málleysingjum.
Ef allir breyttu eins og Inga
gerði þá væri veröldín öðru vísi en
hún er í dag. Eins og áður segir
vann Inga lengi á Landspítalanum
og var þar mjög vel iiðin sem eðli-
legt var þar sem hún var vel lynt,
alltaf glöð og ánægð með sitt. Hún
vann lengi á kaffistofu röntgen-
deildarinnar og sá þar um að gefa
læknum og hjúkrunarfólki kaffi
og fór það henni vel. Ég þurfti
tvívegis að liggja lengi á Lands-
pítalanum og brást það held ég
aldrei að Inga kæmi til mín tvisvar
á dag, þegar hún kom í vinnuna
og svo áður en hún fór heim á
kvöldin. Það var svo gott að fá
Ingu í heimsókn, hún var alltaf svo
glöð og bjartsýn. Síðustu 5 árin
dvaldi Inga á Héraðshælinu á
Blönduósi og leið þar ætíð vel því
þar voru allir góðir við hana sem
ég hér með þakka.
Að lokum vil ég og fjölskylda
mín öll þakka Ingu fyrir öll hennar
gæði í okkar garð og óska henni
góðrar heimkomu því það á hún
skilið.
Ragnhildur Þórðardóttir
THOMSONCiSJÓNVÖRP á
0SAMBANDSINS
V/Mikíagarð - S 685550
ARTIC SPORTKULDAGAUAR
3 litir
Kaupfélogið, ísafirði
Sportbúð Óskars, Keflavík
Borgarsport, Borgarnesi
Óðinn, Akranesi
Kaupfélagið, Húsavík
Kaupfélagið, Höfn í Hornafirði
Skógar, Egilsstöðum
Rocký, Ólafsvík
Fell, Grundarfirði
Litlibær, Stykkishólmi
Þríhyrningur, Hellu
Kaupstaður, Mjódd
Mikligarður við Sund
Klettagörðum 9, 104 Reykjavík, sími 689055
HjpPitneyBowes
^pPitneyBowes
Sýning og kynning á framleiðsluvörum hins þekkta fjölþjóðafyrirtækis PITNEY BOWES verður haldin
mánudag og þriðjudag,
19. og 20. nóvember n.k. að Skipholti 33 og verður opin milli kl. 10 og 1 7.
Helstu vörur sem kynntar verða eru: mismunandi stærðir og gerðir frímerkjavéla,
stimplagjaldsvél af nýrri gerð,
póstpökkunarvélar þ.á m. ný gerð sem hentar íslenskum fyrirtækjum, öflugur skurðarhnífur fyrir tölvuform,
vélar fyrir pósthús o.fl. OTTO B. ARNAR HF.
Verið velkomm skiphoio 33,105 Reykjavík

—