Morgunblaðið - 18.11.1990, Blaðsíða 39

MÖRGtFNBLAÐl© SUN&UDAÖUR 18. NÓVEMBER 1990
39
Við enda kirkjuskipsins blasir við stór steindur gluggi sem er um 6 metrar á breidd og 11 metrar á
hæð. Hægt er að tengja safnaðarsalina við hlið miðskipsins við kirkjuna sjálfa með því að draga frá þar
til gerða veggi og skapa rými fyrir 700 kirkjugesti.
ur kapellunnar er skreyttur steindu
gleri.
Birta eykst við altari
Gert er ráð fyrir að dagsbirta
flæði inn í miðskipið gegnum
steindan glugga í kórnum. Yfir
pappímum eða líni í lofti miðsskips-
ins verða sterkar dagsljósaperur,
sem senda mikla birtu yfír söfnuð-
inn og eiga að milda áhrif birtu frá
glugga í kórnum. Birtan úr lofti á
að vera minnst frammi við dyr en
aukast þegar nær dregur altarinu.
Á skilum milli léttra þakeininga og
miðskips verða meters breiðar
gluggaræmur og þaðan flæðir
dagsbirtan niður með úthliðum mið-
skipsins. í kjallara koma stórir
gluggar á milli útbygginganna og
litlir gluggar þar á milli.
Hönnuðimir gera ráð fyrir vön-
duðum hljómburði - endurhljómi
með ómtíma sem henti fyrir kirkju-
legar athafnir. í hliðarskipum verði
komið fyrir hljóðdeyfandi plötum
þannig að ná megi fram þeim hljóm-
gæðum sem æskileg eru í hveiju
tilfelli.
„Kirkjubyggingin á að verða
þungamiðja hverfisins. Hún á að
hafa sterka ímynd í nálægð og einn-
ig úr íjarlægð. Húsið verður áber-
andi séð frá Vesturlandsvegi og
Gullinbrú," segja arkitéktarnir.
Beggja megin kirkjunnar verðUr
plantað tijágróðri til að gera um-
hverfi hennar heilsteypt. Framan
við aðalinngang verður kirkjutorg*
ið, stórt hellulagt svæði, þar sem
gott rými verður fyrir fjölda fólks.
Bifreiðastæðin verða fyrir austan
kirkjuna, samkvæmt tillögunni, og
ef bókasafni verður fundinn staður
í kjallara hússins, verður aðkoma
að því vestan við kirkjuna.
Steypa á útveggi hússins á staðn-
um með forsteyptum holplötum í
gólfi og þaki. Veggir verða klæddir
með flísum úr íslensku nattúsu-
gijóti og miðskipið einangrað að
utan. Gert er ráð fyrir að hliðarskip
verði byggð úr timbri með burðar-
virki úr límtré, einangrað og klætt
með sléttum alucopond plötum.
Gluggar verði einnig úr timbri,
klæddir með viðhaldsfríum álgler-
listum. Þannig verði húsið allt við-
haldsfrítt að utan.
Engar kostnaðaráætlanir hafa
verið gerðar vegna kirkjubygging-
arinnar og enn er eftir að útfæra
ýmis atriði tillögunnar s.s. varðandi
hugsanlegt útibú Borgarbókasafns-
ins. Borgin veitti lóð til byggingar-
innar við Fjörgyn, skammt frá Gull-
inbrú, og verður hún áberandi tákn
byggðarinnar norðan Grafarvogs.
Alls bárust sex tillögur í verð-
launasamkeppni Grafarvogssafnað-
ar en sóknarnefnd varð sammála
um að velja tillögu Finns og Hilm-
ars bestu hugmynd að kirkjubygg-
ingu í Grafarvogi. Tillagan þótti
afar áhugaverð og nýstáríeg og
segir í niðurstöðum nefndarinnar
að skipulag kirkjunnar þjóni mjög
vel nútíma safnaðarstarfi. „Innra
fyrirkomulag ber með sér mikinn
hátíðleika. Að baki því býr hug-
myndin um hinn heilaga veg - Via
Sacra. Utlit kirkjunnar er sérkenni-
legt, frumlegt og grípandi og sterk-
ar andstæður gefa henni tígulegt
svipmót. Auk þessa bendir margt
til þess að kirkjubyggingin verði
söfnuðinum ekki fjárhagslega of-
viða,“segir í úrskurði sóknarnefnd-
ar.
Hofsós:
Hraðfrysti-
húsið hf. er
gjaldþrota
STJÓRN Hraðfrystihússins hf,
Hofsósi hefur samþykkt að óska
eftir að bú félagsins verði tekið
til gjaldþrotaskipta. Fiskiðja
Sauðárkróks hefur leigt rekstur
félagsins frá 20. ágúst síðastliðn-
um og rennur leigutiminn út um
áramót.
Stjóm félagsins segir ákvörðun
sína byggjast á því að hún telji
að hagur lánardrottna muni versna
verði dráttur á uppgjöri. Tekjur
verði minni en áfallandi kröfur og
ekki sé hægt að gera upp vanskil.
Þá verði hvorki séð hvernig unnt
sé að mæta fyrirliggjandi kröfum
eftirlitsstofnana um mjög kostnað-
arsaman endurbætur né að unnt
verði að kaupa kvóta til að tryggja
starfsemi allt árið.
Eftir skuldbreytingu og ný hlut-
afjárframlög á síðasta ári segist
stjórnin stöðugt hafa unnið að því
að styrkja eiginfjárstöðu félagsins
en ekki hafi tekist að fá frekari
hlutafjárframlög. Vonast stjórn
Hraðfrystihússins til að gjaldþrota-
skiptin, sem séu róttæk og sárs-
aukafull aðgerð, verði þáttur í að
tryggja stöðuga atvinnu verkafólks
á Hofsósi í framtíðinni eftir þá end-
urskipilagningu sem endanlegt upp-
gjör fyrirtækisins hafí í för með sér.
Minjar og saga:
Sagnfræði
og rannsókn-
ir í jarðfræði
ALMENNUR fræðslufundur
Minja og sögu verður haldinn á
þriðjudaginn kl. 17 í húskynnum
Þjóðminjasafns íslands. Haukur
Jóhannesson jarðfræðingur flytur
erindi um sagnfræði í Ijósi jarð-
fræðirannsókna.
*
Ifrétt frá Minjum og sögu segir,
að eldgos hafi haft mikil áhrif á
sögu lands og þjóðar og sé víða
getið í heimildum. Þó séu fjölmörg
eldgos, sem mjög óglöggar heimildir
eru um eða alls engar. Drepið verði
á nokkur eldgos, sem hafi haft mik-
il áhrif á búsetu manna í landinu
og heimildir séu litlar sem engar um.
Einkum verði dvalið við tvö eldgos
á Reykjanesi, Kríuvíkurelda um
1151 og Reykjaneselda, sem voru á
fyrri hluta 13. aldar.
Nýborg"#
Ármúla 23, sími 83636
Borðbúnaöur
og gjafavara

Ótakmarkaðir
möguleikar
HOLZ-HER 2356 -
handfræsarans með
stiglausa rofanum
Straumnotkun 850 W
Hulsustærð 8 mm
Lausagangssnúningur
8000-24000 /mín
Þyngd 2,7 kg
Fræsidýpt - fínstilling 0,5 mm
Strokksnúningur
4 metra gúmmíleiðsla
Land með fínstillingu
Fjölbreyttir fylgihlutir
MORATERM
HITASTILLT
MORATERM blöndunar-
tæki með sjálfvirkri hita-
stillingu og öryggis-
hnapp, sem takmarkar
hitastig við 38 C.
Mora sænsk gæðavara
fyrir íslenskar aðstæður.
Fást í byggingavöruverslunum.
meiri anægja
Eitt af kortum Styrktarfélags vangefinna.
Jólakort til fjáröflunar
SALA er hafin á jólakortum félagsins. Þau eru með myndum af verk-
um listakonunnar Sólveigar Eggerz Pétursdóttur. Hefur hún gefið
félaginu frummyndirnar, 4 talsins, og verður dregið um þær 25. jan-
úar 1991 og vinningsnúmer þá birt í fjölmiðlum.
Atta kort eru í hveijum pakka og
fylgir spjald sem gildir sem
happdrættismiði. Kortin verða til
sölu á skrifstofu félagsins á Háteigs-
vegi 6, í versluninni Kúnst, Lauga-
vegi 40, Nesapóteki, Eiðistorgi 17
og á stofnunum félagsins.
Að gefnu tilefni skal tekið fram
að kortin eru greinilega merkt félag-
inu. (Fréttatilkynning)
..þegar útlitið
skiptir máli
Q/J
? O'

einfaldlega góöir
.
' ' " x; i
KÓPAVOGS