Morgunblaðið - 09.02.1991, Blaðsíða 13
MORGUNBLAÐIÐ LAUGARDAGUR 9. FEBRÚAR 1991
13
Mótmæli við grein Magnúsar
Jónssonar í Morgunblaðinu
eftírKarl Ormsson
Ég vil mótmæla harðlega ýmsu í
grein Magnúsar Jónssonar, veður-
fræðings, sem birtist í Morgunblað-
inu 10. janúar sl. Þar kallar hann
allt það fólk sem nú er milli 30 og
70 ára og byggt hefur yfir sig hús-
næði „þjófa af verstu tegund" og
uppnefnir það „Drakúla-kynslóðina
sem stal sparifé foreldra sinna“. Til
að útskýra mál mitt vil ég taka dæmi
um hjón sem fengu sína fyrstu íbúð
(42 fermetra) í félagslega kerfinu
hjá Reykjavíkurborg árið 1959. Þau
borguðu út þriðjung kaupverðsins en
urðu aldrei fullkomnir eigendur að
íbúðinni sem þau seldu 7 árum síðar
(að sjálfsögðu ekki á fijálsum mark-
aði). Þau fengu úthlutað lóð undir
raðhús og var fjárhagurinn ekki betri
en það að þau urðu að slá vinnuveit-
anda sinn fyrir lóðargjaldinu Sem var
þá ’A af verði hússins (fokheldu).
Þau urðu að selja bíiinn sinn og slá
víxla til að byija að byggja upp. Nú
hófst þrælavinna öll kvöld, allar helg-
ar, öll sumarfrí, allir aukatímar fóru
í húsbygginguna. Víxlar voru slegnir
fyrir steypunni og allar vörur fengn-
ar að láni til að létta byrðarnar. Þau
hjónin höfðu unnið bæði frá 16 ára
aldri (með námi). Aldrei frí (laugar-
dagar voru þá venjulegir vinnudag-
ar). Áfram var haldið með bjartsýn-
ina eina að vopni og vonina að kom-
ast loks í nýtt hús með börnin, sem
þá voru tvö. Það tókst að lokum að
flytja inn í húsið hálfklárað þremur
árum seinna. Þá fengu þau loksins
280 þús. kr. húsnæðislán, og borg-
uðu með því allar þær lausaskuldir
sem þau gátu. Aldrei kláruðu þau
húsið, heldur seldu það og búa í lítilli
íbúð í ijölbýlishúsi. Þau hafa verið í
góðum stöðum hjá því opinbera í
hartnær þijá áratugi og borgað alla
Karl Ormsson
„Sannleikurinn er sá að
sú kynslóð sem Magnús
tilheyrir veit ekkert
hvað kynslóðin þar á
undan þurfti að leggja
á sig til að eignast þak
yfir höfuðið.“
sína skatta og skyldur. Er þetta það
sem Magnús kallar „Drakúla-aðferð“
fólks sem hefur stolið sparifé for-
eldra sinna? Sannleikurinn er sá að
sú kynslóð sem Magnús tilheyrir
veit ekkert hvað kynslóðin þar á
undan þurfti að leggja á sig til að
eignast þak yfir höfuðið. Magnús
getur hætt að hæla krötum fyrir
húsnæðiskerfið því það hafa þeir lagt
í rúst og segja þeir sjálfir að það
verði gjaldþrota fyrir 1995, þrátt
fyrir að platað væri fé út úr öllum
lífeyrissjóðum sem mögulegt var,
þannig að sjóðsfélagar fá ekki sjálfir
lán úr sínum eigin sjóðum. Hús-
næðismálastjórn spilar sjálf með-
lífeyrissjóðina. Magnús hefði betur
kynnt sér nánar hlutina áður en hann
fór að bera út óhróður um heilar
kynslóðir sem þjófa og glæpahyski.
Magnús veit kannski ekki heldur að
það var Ólafur Jóhannesson, formað-
ur Framsóknarflokksins, sem kom
verðtryggingunni á? Þess vegna
fengu þau nafnið Ólafslög. Ég er
ekki að mæla þeim bót eins og þau
eru í framkvæmd. Það vita allir sem
vilja vita að Ólafslög eru ekki í neinu
samhengi við launakjör fólks. Ég
stend við hvert orð af þvi sem ég
hefi sagt, að okkar kynslóð og kyn-
slóðir þar á undan þræluðu myrk-
ranna á milli til að eignast þak yfir
höfuðið. Ferðalög, skemmtanir og
annar munaður þ'ekktist lítt. Það var
bara draumur sem rættist ekki fyrstu
10 árin. Félagsleg hjálp krata í hús-
næðismálum er ekki til að hæla sér
af. Á meðan þeir geta lánað alla
lífeyrissjóðina er hægt að tala digur-
barkalega. Hvað vill Magnús meira
en allt að 60—80% lán með niður-
greiddum vöxtum út á nýtt hús-
næði? Ég er furðu lostinn að lesa
svona grein eftir vel menntaðan
mann að ætla mætti, sem nefnir
heilu kynslóðirnar þjófa af verstu
tegund. Ef Magnús heldur að hann
sé að afla sér fylgis í prófkjöri krata,
eru örugglega fáir sem kjósa menn
sem fara með svona fleipur um blá-
saklaust fólk. Veðurglöggur er
Magnús en enginn er hann maður
sanngirnis svo maður noti hans orða-
lag.
Höfundur er raftækja vörður.
í
J spurt og svarað
Lesendaþjónusta MORGUNBUVÐSINS
SKATTAMAL
MORGUNBLAÐIÐ aðstoðar að venju lesendur sína við gerð
skattframtala með þeim hætti að leita svara við spurningum
þeirra um það efni.
Lesendur geta hringt í síma Morgunblaðsins, 691100, milli
klukkan 11 og 12 á morgnana og spurt um umsjónarmann þátt-
Gjafir til líknarmála
Ástríður Einarsdóttir spyr:
Ég hef alltaf gefið mikið til
líknarmála og í góðgerðarstarf-
semi ýmiskonar, en aldrei feng-
ið frádrátt á skattinum vegna
þess. Fá ekki fyrirtæki afslátt
ef þau gefa til liknarmála?
Svar:
Engin heimild er til að veita
frádrátt vegna framlaga til
líknarmála í framtölum ein-
staklinga. Frá tekjum lögaðila
og þeim tekjum manna sem
stafa af atvinnurekstri eða
sjálfstæðri starfsemi má draga
einstakar gjafir til menningar-,
mannúðar- og líknarmála að
uppfylltum vissum skilyrðum.
Afföll af húsbréfum
Björn spyr:
Mig langar til að vita hvernig
á að færa afföll af húsbréfum í
greinargerð um vaxtagjöld?
Svar:
Afföll sem eru tilkomin vegna
lána sem tekin eru til öflunar
íbúðarhúsnæðis færast í greinar-
gerð um vaxtagjöld hlutfallslega
miðað við afborgunartíma lán-
anna. Hlutfallsleg fjárhæð af-
fallanna skoðast sem gjaldfallin
vaxtagjöld og færist í dálk 10
sem sérstök færsla á greinar-
gerð um vaxtagjöld.
Þar sem spurt er sérstaklega
um húsbréf án þess að geta um
það hvort um er að ræða hús-
bréf sem fengin eru sem greiðsla
vegna sölu fasteignar eða hvort
er um að ræða húsbréf sem feng-
in eru vegna greiðsluerfiðleika
eða nýbyggingar þykir rétt að
skýra út þær reglur sem gilda
um afföll í þessu sambandi.
Afföll af húsbréfum geta ver-
ið þannig tilkomin að viðkom-
andi gefur út fasteignaveðbréf
sem hann er sjálfur skuldari að.
Fasteignaveðbréfinu fær hann
skipt í húsbréf sem hann síðan
selur með afföllum. Þannig til-
komin afföll af húsbréfum mætti
færa sem vaxtagjöld hlutfalls-
-'lega miðað við afborgunartíma
fasteignaveðbréfsins.
í þeim tilfellum sem afföllin
eru vegna sölu á húsbréfum sem
viðkomandi hefur fengið í hend-
urnar sem greiðslu á fasteign
koma afföll ekki til álita sem
vaxtagjöld sem gætu myndað
stofn til vaxtabóta.
HÓIíUI UUi Wl R VÖIOJ-HELGAFELLS
I nnla Ihvkiu' % a.
á eínstöhu i mtí
Stóru
œvintýmbókin:
Aðeins 50 eintök sett
á markaðinn í dag.
Nú er tækifæri
fyrir þá sem misstu
af bókinni síðast!
Venjulegt verð 3.088,-
Tilboðsverð: 595.-
Þetta eru alls ekki venjulegar ferðasögur heldur
hressilegar frásagnir af upplifun Jóhönnu Kristjóns-
dóttur að því er snertir fólk og framandi staði, meðal
Fíladans og Dulmál
framandi fólk dódófuglsins
Venjulegt verð 1.984,- Venjulegt verð 2.384,-
Tilboðsverð:495. - Tilboðsverð:495. -
Dœmi um nokkur sértUboð
á bókarnarkaðnum:
Ég og lífið Venjulegt Tilboðs- verð verð Af- sláttur
- ævisagaGuðrúnarÁsmundsdóttur Bergnuminn ... 2.624,- 495,- 81%
- skáldsaga Eysteins Bjömssonar Smásögur ... 2.312,- 495,- 79%
- eftir Svövu Jakobsdóttur Bryndís ... 1.748,- 695,- 60%
- ævisaga Bryndísar Schram Rússlandsdeildin .... 2.312,- 495,- 79%
- skáldsaga John le Carré Launráð ... 2.384,- 495,- 79%
- skáldsaga eftir Ken Follett ... 1.344,- 295,- 78%
annars í löndunum við Persaflóa.
Mörg hundruð bókatitlar á einstöku verði bjóðast nú á
bókamarkaði Vöku-Helgafells í forlagsversluninni að
Síðumúla 6 í Reykjavík.
Hér gefst einstakt tækifæri til þess að bæta eigulegum verkum í
bókasafh heimilisins - bókum af öllum gerðum við allra hæfi.
Opiðlaugardag JrákL10-16
ogsunnudag fnákL12 -16.
HELGAFELL
Síðumúlo 6 • simi 688300
HVÍTA HÚSIÐ / SÍA