Morgunblaðið - 09.02.1991, Blaðsíða 29

2¥
Framhaldsskólinn á Laugum í Suður-Þingeyjarsýslu:
Boðið upp á nýjungar eins og
ferðamála- og íþróttadeild
FRAMHALDSSKÓLINN á Laugum í Suður-Þingeyjarsýslu var stofnað-
ur fyrir rúmum tveimur árum og leysti þá af hólmi Héraðsskólann á
Laugum, þannig að skólahald á staðnum á að baki rúmlega 65 ára
sögu. Námsframboð skólans er fjölbreytt, þar er boðið upp á 10. bekk
grunnskóla, fomámsdeild, almennt bóknám, viðskiptabraut og þá þefur
skólinn bryddað upp á nýjungum. Á síðasta ári fór af stað sérstök
iþróttadeild við skólann og nú í haust ferðamáladeild. Einnig er starf-
rækt við skólann öldungadeild og farskóli í samstarfi við Framhalds-
skólann á Húsavík.
Rými er í skólanum fyrir 120 til
150 nemendur, en heimavist er við
skólann og þar er starfrækt mötu-
neyti auk þess sem í boði er þjón-
usta með þvotta. Kennslustofur hafa
verið gerðar upp, bókasafn skólans
er gott, sérstofur eru til tungumála-
kennslu og kennslu raungreina, þar
er og tölvuver, kennslueldhús, sund-
laug og nýlegt íþróttahús með sér-
stökum þreksal.
Páll Dagbjartsson skólameistari
sagði að um þriðjungur nemenda
væri úr nágrenninu, en aðrir nem-
endur kæmu víðs vegar að af landinu,
m.a. frá Vestfjörðum, Austfjörðum,
Norðurlandskjördæmunum, Suður-
nesjum, Suðurlandi og Reykjavík.
Hann sagði skólagöngu manna
sífellt að lengjast og sækti fólk í
auknum mæli inn í skólana þegar
þrengist á vinnumarkaði. Þegar svo
væri hugsaði fólk, bæði nemendur
og foreldrar, um atvinnumöguleika
er það velur sér námsleið og í því
sambandi mætti nefna að ferðamála-
deild skólans hefur vakið mikla at-
hygli enda sæi fólk að á því sviði
væru margir ónýttir möguleikar.
Áhugi fullorðinna á hvers kyns
námi er vaxandi. í haust tóku fram-
haldsskólamir á Laugum og Húsavík
upp samstarf um fullorðinsfræðslu
undir nafninu Farskóli Þingeyinga.
Þar er öldungadeildamám og ýmis
námskeið og hafa verið haldin nám-
skeið á svæðinu allt frá Mývatns-
sveit og að Raufarhöfn. Þátttakendur
eru komnir hátt á annað hundrað.
Kostur að hafa stórt og
gott íþróttahús til umráða
Unnar Vilhjálmsson er deildar-
stjóri íþróttadeildar, en þar er um
að ræða eina af nýjungunum í skóla-
starfinu. Markmið deildarinnar er að
koma til móts við þá nemendur sem
hafa sérstakan áhuga á íþróttum og
starfi tengdu þeim. Unnar sagði að
deildin hefði nokkra sérstöðu miðað
við aðrar slíkar í framhaldsskólum
landsins, því mikil áhersla er lögð á
sérgreinar svo og verklegar kennslu-
æfingar, en nemendur deildarinnar
taka þátt í íþróttakennslu ásamt
íþróttakennurum bæði í sínum
heimaskóla, Litlulaugaskóla og í
Skútustaðaskóla í Mývatnssveit.
Nám við íþróttadeildina tekur þijú
ár og útskrifast nemendur með rétt-
indi til leiðbeinenda- og þjálfunar-
starfa sem viðurkennd eru m.a. af
ÍSÍ og sérsamböndum þess. Unnar
sagði að námið væri góð undirstaða
fyrir þá nemendur sem hyggjast
halda áfram námi og afla sér
kennsluréttinda í íþróttum. í sumar
er nemendum gert að skila 50 æf-
ingatímum, en skólinn hefur for-
göngu um að útvega nemendum störf
hjá félagasamtökum eða sveitarfé-
lögum yfir sumarið á meðan á nám-
inu stendur við margskonar æsku-
lýðsstarfsemi og er það hluti af heild-
arnámi þeirra.
„Okkar sérstaða byggist ekki síst
á því að við höfum stórt og gott
íþróttahús alveg fyrir okkur, en það
er ekki víða sem svo háttar til því
yfirleitt þurfa skólar að deila íþrótta-
húsum með öðrum. Þetta gerir okkar
nám markvissara og nemendur fá
mikið að spreyta sig. Þeir kynnast
öllum hiiðum málsins og vita því að
námi loknu hvort þeim falli kennsla
eða hvort þjálfun henti þeim betur,“
sagði Unnar.
Sérstaða ferðamáladeildar
byggir á miklu verklegu námi
Nám í ferðamáladeild hófst við
skólann síðasta haust og er Öm Þór
Emilsson deildarstjóri þeirrar deildar,
en nemendur á fyrsta starfsárinu eru
12. Námið er sérhæft og fellur ekki
beint að hefðbundnu framhaldsskóla-
námi, þó margir áfangar séu hinir
sömu. Mikil áhersla er löefð á tungu-
málakennslu, jafnt sem hinar ýmsu
sérgreinar sem tengjast ferðaþjón-
ustu, s.s. jarðfræði, sögu og landa-
fræði, en að auki er farið yfír ýmsá
' hagnýta þætti sem tengjast þessu
sviði og einnig tæknileg atriði eins
og samgöngur, efnahagsmál, far-
miðasölu og kennslu í framreiðslu-
og hótelstörfum. Sérstaða deildar-
innar byggist einkum á því hve stór
hluti námsins er verklegur, bæði í
skólanum sjálfum og einnig munu
nemendur vera í starfsnámi sumarið
áður en þeir hefja nám á þriðja ári.
Þeim býðst m.a. að vinna á sumar-
hóteli skólans eða á öðrum ferðaþjón-
ustustöðum og hefur til að mynda
Morgunblaðið/Rúnara Þór
Nemendur á íþróttabraut Framhaldsskólans á Laugum búnir að
hnýta á sig svunturnar áður en pönnuköku- og pítubrauðsbaksturinn
hófst. Frá vinstri eru Ragnar, Sævar, Guðmundur, Kristján, Völund-
ur, Friðrik, Jóakim, Jóhann, Garðar, Baldur, Heiðar og eina stúlkan
í deUdinni hún Jóhanna, en lengst til vinstri er kennarinn Hjördís
Stefánsdóttir.
Aðstaðan hér er mjög góð
- segir Hjördís Stefánsdóttir kennari og hótelsljóri
HJÖRDÍS Stefánsdóttir kennir nemum á íþrótta- og ferðamálabraut
matreiðslu og næringarfræði að vetrinum en yfir sumarmánuðina er
hún hótelstjóri á sumarhóteli sem skólinn rekur. Hún sagði að nemend-
ur væru afar áhugasamir um námið og aðstaðan í skólanum væri mjög
góð.
Nemendur íþróttadeildar fá
kennslu í eina önn, en þeir sem eru
í ferðamáladeild tvær annir. Hjördís
sagði að í upphafí námsins væri fjall-
að um manneldismarkmiðin, áhersla
lögð á aukna neyslu koms og græn-
metis og fólki ráðlagt að draga úr
neyslu fitu og sykurs. Fjallað væri
um hollustu og lífsvenjur og næring-
argildi fæðunnar. Nemamir útbúa
máltíðir, fást við margskonar hráefni
og einnig er í náminu komið inn á
hvernig borið er á borð.
Hvað nema í íþróttadeild Varðar
sagði Hjördís að þeir myndu eflaust
í framtíðinni oft lenda í því að hafa
umsjón með stórum hópum bama
og unglinga, á keppnisferðalagi. Þvi
væri markmið námsins m.a. að búa
þá undir það með tilliti til næringar,
en ekki væri sama á hveiju þau
nærðust. Þeir fengu leiðbeiningar um
hvaða fæðutegunir væru heppileg-
astar og hvað æskilegast væri að
borða.
Nemar í ferðamáladeild fá einnig
Páll Dagbjartsson skólameistari Framhaldsskólans á Laugum. Náms-:
framboð í skólanum er fjölbreytt, en m.a. hefur verið bryddað upp
á nýjungum í skólastarfinu og tvær nýjar deildir hafið þar starf-
semi, ferðamáladeild og íþróttadeild.
verið haft samband við aðila í ferða-
þjónustu í héraðinu varðandi starfs-
námið.
Örn sagði að ferðaþjónusta væri
vaxandi atvinnugrein í dreifbýli, en
náminu væri m.a. ætlað að veita því
fólki sem áhuga hefði á að starfa
að greininni staðgóða undirstöðu.
Um er að ræða þriggja vetra nám
auk starfsnáms eitt sumar. Öm tók
fram að markmið deildarinnar væri
ekki það að mennta hótelstjóra eða
stjórnendur, en námið gæti orðið
þeim nemendum sem á slíkt nám
hyggja gott veganesti, standi hugur
þeirra til slíks náms. Nemendur ættu
að náminu loknu að vera tilbúnir til
að sinna þjónustuhlutverki því sem
ferðaþjónustunni fylgir og vita um
hvað atvinnugreinin snýst. Rætt
væri um að hvað mestur vaxtar-
broddur væri í þessari atvinnugrein
um þessar mundir og gjarnan líka
að menntað fólk skorti til að starfa
að henni. Nemendur fengju góða
undirstöðu í námi sínu og ættu að
vera tilbúnir til að takast á við
íslenskan raunvemleika eftir að þeir
hafa útskrifast.
að kynnast fínni matreiðslu, „því það
er aldrei að vita í hverju þau geta
lent seinna, þess vegna viljum við
að þau kynnist sem flestum þátt-
um,“ sagði Hjördís. „Við höfum mjög
góða aðstöðu héma, bæði er hér
kennslueldhús og einnig mötuneyti-
seldhús og það kemur sér mjög vel
því stór hluti námsins er verklegur."
Yfir sumarmánuðina er Hjördís
hótelstjóri sumarhótelsins sem skól-
inn rekur og sagði hún rekstur þess
vera góðan bakhjarl fyrir ferðamála-
deildina, en hluti nemendanna mun
starfa við hótelið í sumar. Á hótelinu
em 80 herbergi, mikil umferð er á
þessum slóðum yfír sumarið og því
iðulega mikið að gera.
Kann afar vel við mig
- segir Jón Heiðar Rúnarsson nemi
„ÞETTA ER nyög skemmtilegt
nám og það er líka afar gaman
að vera hér í skólanum," sagði
Jón Heiðar Rúnarsson nemi í
ferðamáladeiid Framhaldsskól-
ans á Laugum. Jón Heiðar er
tvítugur Akureyringur, en hann
heyrði af tilviljun af því að
kennsla á ferðamálabraut ætti
að hefjast við skólann síðasta
haust og dreif sig í að sækja um.
Eftir grunnskóla fór Jón Heiðar
í gmnndeild rafíðna i Verkmennta-
skólanum á Akureyri, einkum til
að fylgja félögunum. Hann fann sig
ekki í náminu, hætti og fór að
vinna, m.a. í frystihúsinu og einnig
var hann til sjós um tíma.
„Það var svo seint síðasta sumar
að mamma heyrði af þessu námi
og sagði mér frá því. Ég hafði sam-
band við námsráðgjafa og renndi
síðan hingað austur og leist mjög
vel á allt héma,“ sagði Jón Heiðar
um tildrög þess að hann hóf námið
í deildinni. Hann sagðist ekki hafa
starfað við ferðaþjónustu, en er
hann hafi farið að íhuga atvinnu-
möguleika framtíðarinnar hafí hon-
um vel þótt koma til greina að
starfa við þessa atvinnugrein og
því valið umrætt nám.
„Ég kann afar vel við mig hér,
það er góður andi í skólanum og
hér þarf engum að leiðast því fé-
lagslífið er fjölbreytt og alltaf eitt-
hvað um að vera. Þá er námið
skemmtilegt og ég hef sérstaklega
gaman af þeim fögum sem tengjast
Morgunblaðið/Rúnar Þór
Jón Heiðar Rúnarsson nemi í
ferðamáladeild segir námið
skemmtilegt og andann í skólan-
um einkar góðan.
ferðaþjónustunni, þessum hagnýtu
þáttum,“ sagði Jón Heiðar. Hvað
framtíðina varðar kvaðst hann vel
geta hugsað sér að læra meira á
þessu sviði og stefnir hann að fram-
haldsnámi í hótelskóla í útlöndum.
Norræna félagið
Aðalfundur Akureyrardeildar Norræna fé-
lagsins verður haldinn næstkomandi
mánudag, 11. febrúar, kl. 20.30 í Dynheim-
um, Hafnarstræti 73.
Allir velkomnir.
Stjórnin.
BEINT FLUGi
HUSAVIK - REYKJAVIK - HUSAVIK
miövikudaga • laugardaga • sunnudaga
Farpantanir:
Húsavík 41140
Reykjavík 690200
<Æ
fluqfélaq
noróurlands hf.