Morgunblaðið - 14.03.1991, Blaðsíða 12

12
MORGUNBLAÐIÐ FIMMTUDAGUR 14. MARZ 1991
Nám — Menntun
hjúkrunarfræðinga
eftir Sigrúnu
Gerði Gísladóttur
Grunnmenntun
Hjúkrunarskóli íslands veitti
grunnnám í hjúkrun hér á landi frá
1930 til 1986. Á þessum 56 árum
breyttist og þróaðist þetta nám
geysimikið.
Árið 1973 var sett á stofn Náms-
braut í hjúkrun við Háskóla ís-
lands. Sú ákvörðun var tekin mjög
skyndilega, og því miður var Há-
skóli íslands ekki nægilega vel und-
irbúinn í fyrstu, við að taka upp
kennslu í þessari námsgrein.
Einnig voru þá uppi margar efa-
semdir, að þetta væri farsælasta
leiðin í menntunarmálum hjúkr-
unarfræðinga.
Árið 1987 hefst nám í hjúkrun
við Háskólann á Akureyri.
Deilur um það nú, hvort rétt
hafi verið að færa hjúkrunarnámið
alveg inn til háskólanna, þjónar
ekki neinum tilgangi nú. Þetta er
búið og gert og háskólarnir sjá
núna alveg um þessa fræðslu.
Hjúkrunarstéttin í heild verður
að halda árvekni sinni gagnvart
grunnmenntuninni, vera með já-
kvæða gagnrýni og halda stöðugu
góðu sambandi við háskólana. Oft
var það gagnrýnt hvað Hjúkrunar-
skóli íslands var Iokuð stofnun og
Sigrún Gerður Gísladóttir
„En að grundvallar-
þættir hjúkrunar hafi
tekið einhverjum eðlis-
breytingum er fásinna.
Grundvallarþættir
hjúkrunar eru „að
stuðla að bættri líðan
sjúklinga, stuðla að
endurhæfingu skjól-
stæðinga og stuðla að
heilbrigði skjólstæð-
inga. Þetta hefur aldrei
breyst og mun aldrei
breytast.“
lítið í sambandi við hjúkrunarstétt-
ina.
Framhalds-endurmenntun
Hjúkrunarfélag íslands hefur
skipulagt stutt námskeið á ýmsum
sviðum hjúkrunar undanfarin ár.
Fyrir daga Nýja hjúkrunarskól-
ans, sem stofnað.ur var 1977, urðu
hjúkrunarfræðingar að leita erlend-
is til að afla sér framhaldsmenntun-
ar í hjúkrun. Nýi hjúkrunarskólinn
sá um framhaldsmenntun-endur-
menntun á ýmsum sviðum hjúkr-
unar, námstími var mislangur 1 til
Vh ár í senn. Veitt var sérfræði-
leyfi í ýmsum greinum hjúkrunar
eftir slíkt nám.
Þessi skóli var lagður niður 1990,
án þess að endanlega væri frá því
gengið hvar og hvernig ætti að sjá
hjúkrunarfræðingum landsins fyrir
viðbótar- og endurmenntun. Og er
það mikið kæruleysi af hálfu heil-
brigðisyfirvalda að samþykkja slíkt,
svo óhemju brýn, sem endurmennt-
un hjúkrunarfræðinga er íyrir
sjúkrastofnanir og heilbrigðisþjón-
ustu landsins.
Skipulag og stefnumótun á við-
bótar- og endurmenntunarnámi fyr-
ir hjúkrunarfræðinga fer nú fram
við Námsbraut í hjúkrun við Há-
skóla íslands. Að undanfömu hafa
verið kynntar fyrstu hugmyndir
hvernig þessu námi skuli háttað.
Þar er gengið út frá því að allir
þeir hjúkrunarfræðingar í landinu
sem hlutu menntun sína frá Hjúkr-
unarskóla íslands, fái ekki aðgang
að viðbótar- og endurmenntunar-
námi Háskólans, nema að endur-
taka grunnnám sitt að hluta til aft-
ur.
Einnig er í gangi tveggja ára nám
fyrir hjúkrunarfræðinga útskrifaðir
frá Hjúkrunarskóla íslands við
Námsbrautina í hjúkrun, til þess
eins að öðlast BS-gráðu í hjúkrun
(sem er grunnnám).
Höfundar slíkra tillagna eru á
miklum villigötum.
Vandséð er hvað veldur skipan
þessara mála. Við fyrstu sýn mætti
ætla að Háskóli íslands hefði svo
mikla peninga að hann væri í vand-
ræðum með að koma þeim í lóg.
Eins og sagt var í upphafi þessar-
ar greinar þjónar það engum til-
gangi í dag, að deila um hvort rétt
hafí verið að færa hjúkmnarnám á
háskólastig eða ekki.
Ekki skal heldur deilt um það
hér, hvort grunnmenntun sú sem
háskólarnir veita hafi nýst íslenskri
heilbrigðisþjónustu betur en hinar
fyrri skólagöngur hjúkrunarfræð-
inga. Slíkt þjónar engum tilgangi
heldur.
Þó verður að harma margskonar
kjánaleg ummæli hjúkrunarfræð-
inga frá Námsbrautinni um reynslu-
hefðir og trú hjúkrunarfræðinga um
langan aldur.
Að sjálfsögðu hafa orðið geysi-
miklar framfarir í hjúkrun — jafn-
hliða öðrum breytingum innan heil-
brigðisþjónustunnar, allt hefur
þetta komið skjólstæðingum okkar
til góða.
En að grundvallarþættir hjúkr-
unar hafí tekið einhveijum eðlis-
breytingum er fásinna. Grundvall-
arþættir hjúkrunar eru „að stuðla
að bættri líðan sjúklinga, stuðla að
endurhæfíngu skjólstæðinga og
stuðla að heilbrigði skjólstæðinga.
Þetta hefur aldrei breyst og mun
aldrei breytast.
Gagnvart viðbótar-endurmennt-
unarnámi hjúkrunarfræðinga verða
menn að geta horfst í augu við stað-
reyndir, það að Háskóli íslands og
Háskóli Akureyrar eru stofnanir
sem nú og framvegis hafa miklu
minna rekstrarfé milli handa en
þeir telja þörf á.
Þessar stofnanir Verða því að
sinna frumskyldum sínum, sem er
að sjálfsögðu að sinna síauknum
þörfum hinna hátæknivæddu
sjúkrastofnana um viðbótar-endur-
menntunarnám hjúkrunarfræðinga.
Persónulegar óskir hjúkrunar-
fræðinga um val á menntun og
menntunarieiðum skipta ekki máli.
Hugrhyndir eins og þær að hjúkr-
unarfræðingar endurtaki grunn-
menntun sína eru meira í ætt við
hégóma en hjúkrun, slíkar hug-
myndir hljóta að víkja, því engin
leið er að verja þá sóun á fjármun-
um sem slíkt hefur í för með sér,
svo brýnt sem það er, að nýta alla
krafta og fjármuni til að bæta heil-
brigðisþjónustuna.
Höfundur er formaður
Vestfjarðadcildar
Hjúkrunarfélags íslands.
Svissnesk hátíð á
Holidaylnn
í tilefni af fyrstu kynningu á SWISS LINE á íslandi
bjóða Hótel Holiday Inn og NIKO HF. upp á svissneska hátíð í Setrinu
laugardaginn 16. mars n.k.
Setrið mun skarta sínu fegursta og bjóða gestum
upp á 7 réttaðan kvöldverð að svissne$kum hætti undir
handleiðslu matreiðslumeistara hússins; Asgeirs Erlingssonar.
Hátíðin hefst með fordrykk kl. 19:00.
- -Æ.
A!%L^GGRJN
Wpínkle cr '
iristia
SKINCQDE formen
Kynntar verða snyrtivörur frá
SWISS LINE og SKINCODE for men.
SWISS LINE er glæný húðsnyrtilína
sem verið er að markaðssetja
víðsvegar í Evrópu um þessar mundir.
Allir gestir fá sérstakar gjafir frá
SWISS UNE og SKINCODE í
tilefhi kvöldsins.
Tískusýning á hinum glæsilega HANRO nátt- og
undirfatnaði frá CLÖRU Laugavegi 8. Einnig verða
hin heimsþekktu úr frá CHRISTIAN DIOR kynnt.
Sýningastúlkur frá MODEL 79 sýna.
Hljómsveit Edflu Borg leikur léttan jass fyrir
matargesti og síðan fyrir dansi á 4. hæð hótelsins
fram á nótt
Verð kr. 6.500,-
Innifalið: Fordrykkur, 7 réttaður kvöldverður
ásamt tHheyrandi borðvínum.
Blaðaummæli:
"En hver er besti veitingastaðurinní Reykjavík í dag?
Er það Setrið?Já líklegast, allavega má fullyrða
að hvergi í Reykjavík er boðið uppá eins góða franska
matargerð og þar."Sigmar B. Hauksson, DV 2.3. '91.
Borðapantanir í símum: 689000 og 84168
Islendingur skák-
meistari Minnesota
St. Paul, Minnesota. Frá Guðbjörgu R.
Guðmundsdóttir blaðamanni Morgunblað-
ins.
Benedikt Jónasson hafnaði í
fyrsta sæti í úrslitakeppni um
skákmeistara Minnesota-fylkis
fyrir skömmu. Hann deildi efsta
sætinu með Rússanum Ed Zel-
kind. Mótið stóð yfir í tvo daga
og Benedikt var með þrjá og
hálfan vinning af fimm skákum.
Benedikt, sem er íslenskum ská-
kunnendum eflaust mörgum kunn-
ur, hefur dvalið hér vestra undan-
farin tvö ár og óhætt að segja að
á þeim tíma hafi honum vegnað vel
á skákmótum.
Hann lenti í 3. sæti í úrslita-
keppni um skákmeistaratiltil Min-
nesota-fylkis í fyrra og á síðasta
ári vann hann St. Cloud mót, þar
sem bandaríski stórmeistarinn E.
Mednis var á meðal þáttakenda.
Benedikt fór með sigur af hólmi á
opna Minnesota mótinu í fyrra og
vann lokamót á svokölluðu Budget
Paper-móti.
Benedikt sagðist íhuga að taka
þátt í opna New York mótinu sem
verður haldið nú um páskana. En
síðan væri fjölskyldan að flytja heim
til íslands í sumar og þar myndi
hann væntanlega halda áfram að
tefla.