Morgunblaðið - 14.03.1991, Blaðsíða 32
MORGL'NBLAÐIB FIMMTUÐAGUR 14. MAR7/1991
Í32
Hagnaður af rekstn
Hótels KEA í fyrsta
skipti 1 mörg ár
HAGNAÐUR varð af rekstri Hótels KEA á síðasta ári og er það í
fyrsta sinn sem rekstur hótelsins skilar hagnaði um langt árabil.
Nýting á fyrri hluta ársins var þó mun minni en verið hafði árið á
undan, sem m.a. kom til vegna samgönguerfiðleika. Sumarið kom
afar vel út, var besta ferðamannasumarið í sögu hótelsins og góð
nýting langt fram á haust.
Gunnar Karlsson hótelstjóri á
Hótel KEA sagði að frá því hótelið
var endurbyggt árið 1986 hafi það
verið rekið með tapi, en mikil um-
skipti hefðu orðið á rekstrinum á
síðasta ári og skilaði reksturinn nú
hagnaði í fyrsta sinn um langan
tíma. „í okkar huga er þetta umtals-
verður árangur og miðað við þá
mánuði sem liðnir eru af þessu ári
og bókanir framundan þá er útlitið
gott,“ sagði Gunnar.
Hvítasunnukirkjan:
Æskulýðs-
samkomur
Hvítasunnukirkjan efnir til
æskulýðssamkoma í Glerár-
kirkju á morgun, föstudag, og
einnig á laugardag.
Hópurinn sem stendur að
samkomunum saman stendur af
ungu fólki frá kristilega samfél-
aginu „Veginum" í Reykjavík.
Þetta er fólk á aldrinum 14 til
30 ára og það hefur losnað úr
fjötrum áfengis og eiturlyfja og
fengið að upplifa líf með Jesú
Kristi.
Samkomumar verða í Glerár-
kirkju, sú fyrri er miðnætursam-
koma og hefst kl. 23 á föstu-
dagskvöld, en hin kl. 20.30 á
laugardag. Allir eru hjartanlega
velkomnir.
(Fréttatilkynning)
A fyrri hluta síðasta árs, frá ára-
mótum og fram í lok maí, var 18%
samdráttur í útleigu herbergja á
hótelinu miðað við árið 1989. Gunn-
ar sagði að þá hefði enn gætt sam-
dráttar í þjóðfélaginu, samgönguerf-
iðleikar hefðu einnig sett strik í
reikninginn. „Sumarið var aftur ein-
staklega gott, besta ferðamanna-
sumar sem við höfum lifað hér. Söm-
uleiðis voru haustmánuðirnir, sept-
ember til nóvember góðir, sérstak-
lega nóvember, en þann mánuð lifn-
aði mjög yfir funda- og ráðstefnu-
haldi og góð nýting þann mánuð er
fyrst og fremst því að þakka, auk
þess sem samgöngur voru góðar,“
sagði Gunnar.
Vegna snjóleysis hafa skíðamenn
lítið látið sjá sig á meðal gesta hót-
elsins, en Gunnar taldi að hótelið
hefði grætt meira á góðum sam-
göngum þessa fyrstu mánuði ársins,
en fjöidi fólks hefði verið á ferðinni
í ýmsum erindagjörðum. Febrúar-
mánuður og það sem af er þessum
mánuði eru verulega betri en á síð-
asta ári og segist Gunnar merkja
að betur gangi í atvinnulífinu en á
síðustu misserum. „Við finnum það
greinilega að betur gengur, menn
eru tilbúnir að koma út á land með
ráðstefnur og fundi í auknum mæli
og við merkjum batann einnig á því
að fundahöld taka lengri tíma, þegar
verst gekk pressuðum menn sig nið-
ur í eins dags fund, en nú eru menn
frekar tilbúnir í tveggja eða þriggja
daga ráðstefnur," sagði Gunnar.
Fiskmiðlun Norðurlands:
Kaupir þorsk frá Alaska
FISKMIÐLUN Norðurlands á Dalvík hefur tekið að sér að útvega 20
tonn af Alaskaþorski svokölluðum fyrir tvær fiskverkanir á Dalvík.
Reiknað er með að fiskurinn verði kominn til Dalvíkur eftir um þrjár
vikur.
Hilmar Daníelsson framkvæmda-
stjóri Fiskmiðlunar Norðurlands
sagði að fyrirtækið væri að útvega
þennan fisk fyrir Fiskverkun Jóhann-
esar og Helga annars vegar og hins
vegar fyrir Blika hf. „Menn ætla að
prófa þetta og sjá hvernig þessi fisk-
ur reynist," sagði Hilmar.
Fiskinum vérður skipað út á morg-
un, miðvikudag, og er gert ráð fyrir
að hann verði kominn til Dalvíkur
eftir um þijár vikur.
frumsýnir söngleikinn
KYSSTU MIG KATA
eftir Cole Porter, Sam & Bellu Spewack
föstudaginn 15.mars kl. 20.30
2. sýn. laugard. 16. mars kl. 20.30
3. sýn. sunnud. 17. mars kl- 20.30
4. sýn. fimmtud. 21. mars kl. 20.30
5. sýn. föstud. 22. mars kl. 20.30
6. sýn. laugard. 23. mars kl. 20.30
7. sýn. sunnd. 24. mars kl. 20.30
MIÐASALA í SÍMA 96-24073
Miðasala opin kl. 14—18 og sýningadaga kl. 14-20.30.
Morgunblaðið/Rúnar Þór
Yfir 20 leikarar, dansarar, söngvarar og hljóðfæraleikarar taka þátt í uppfærslu LA á hinum sí-
gilda söngleik.
Leikfélag Akureyrar:
Söngleikurinn Kysstu mig
Kata frumsýndur á föstudag
Þau Ragnhildur Gísladóttir og Helgi Björnsson í hlutverkum sín-
um í söngleiknum „Kysstu mig Kata“ sem frumsýndur verður
hjá Leikfélagi Akureyrar annað kvöld, föstudagskvöld.
SÖNGLEIKURINN „Kysstu
mig Kata“ eftir þau Samuel
og Bellu Spewack verður
frumsýndur hjá Leikfélagi
Akureyrar á föstudagskvöld.
Sýningin er viðamikil og hefur
ekkert verið til sparað að búa
leiknum sem veglegasta um-
gjörð. Fjölmargir leikarar,
söngvarar, dansarar og hljóð-
færaleikarar taka þátt í sýn-
ingunni, en leikstjóri er Þó-
runn Sigurðardóttir, Jakob
Frímann Magnússon annast
tónlistarsljórn og útsetningar.
Nanette Nelms kom sérstak-
lega frá New York til að vinna
að sýningunni og Una Collins
sem gerði leikmynd og bún-
inga kom sömu erindagjörða
frá Lundúnum. Böðvar Guð-
mundsson þýddi verkið fyrir
LA, en höfundur söngtexta og
tónlistar er Cóle Porter. Lýs-
ingu hannaði Ingvar Björns-
son, en hljómsveitarsljóri er
Óskar Einarsson.
„Kysstu mig Kata“ er fjörugur
söngleikur með miklum fjölda
sígildra dægurlaga eftir Cole
Porter. Leikurinn gerist í leik-
húsi á frumsýningarkvöldi, en
leikflokkur einn er að frumsýna
einn vinsælasta gamanleik
heimsbókmenntanna „Snegla
tamin“ eftir William Shakespe-
are. Leik-, söng- og dansatriði
eru ýmist úr frumsýningunni á
„Sneglu“ eða af atburðum bak-
sviðs og í búningsherbergjum þá
um kvöldið. Leikurinn gerist á
heitu júníkvöldi, árið 1948 og
loga tilfinningar fólksins í leik-
húsinu í takt við veðrið. Ymsir
óvæntir atburðir og einkar flókin
ástarmál valda því að margt fer
öðruvísi en ætlað er þetta frum-
sýningarkvöld.
Með hlutverk í sýningunni
fara Helgi Björnsson, Ragnhild-
ur Gísladóttir, Vilborg Halldórs-
dóttir, Valgeir Skagfjörð, Björn
Ingi Hilmarsson, Eggert Kaaber,
Jón Benónýsson, Þráinn Karls-
son, Jón St. Kristjánsson, Kristj-
án Pétur Sigurðsson, Sunna
Borg, Gestur Einar Jónasson,
Guðrún Gunnarsdóttir, Berglind
Björk Jónasdóttir, Ingibjörg
Björnsdóttir, Hreinn Skagfjörð
Pálsson, Nanette Nelms, Astrós
Gunnarsdóttir, Jóhann Arnar-
son, Óskar Einarsson, Birgir
Karlsson, Karl Petersen, Sveinn
Sigurbjörnsson og Þorsteinn
Kjartansson, en þarna eru taldir
upp leikarar, söngvarar, dansar-
ar og hljóðfæraleikarar.
Brotist inn, skemmt og* stolið
UM 60 þúsund krónum í pening-
um var stolið úr Bjargi, húsi
Sjálfsbjargar, félags fatlaðra, á
Akureyri og miklar skemmdir
unnar innandyra þegar brotist
var þar inn í fyrrinótt.
Tilkynnt var um innbrotið til
lögreglu kl. rúmlega 7 í gærmorg-
un. Farið hafði verið inn um
glugga og miklar skemmdir unn-
ar, margar hurðir brotnar þannig
að þær eru ónýtar og skápar
brotnir upp. Þá höfðu þjófarnir á
brott með sér um 60 þúsund krón-
ur í peningum.
Málið var óupplýst þegar rætt
var við varðstjóra lögreglunnar
síðdegis í gær.
Morgunblaðið/Rúnar Þór
Baldur Bragason starfsmaður á Bjargi við skáp sem innbrotsþjófarn-
ir brutu upp.