Morgunblaðið - 14.03.1991, Qupperneq 13
MORGUNBLAÐIÐ FIMMTUDAGUR 14. MARZ 1991
13
Úr hörðustu átt
eftirBjörn Bjarnason
í kosningayfirlýsingu Sjálfstæð-
isflokksins, sem samþykkt var á
landsfundi hans segir: „Sjálfstæðis-
flokkurinn óttast ekki fortíð sína
eins og ýmsir keppinautar hans en
í hópi þeirra er flokkur, sem hefur
vel'ið málsvari helstefnu þessarar
aldar. Sjálfstæðisflokkurinn þarf
ekki að endurskoða stefnu sína
vegna hruns sósíalisma og komm-
únisma. Staða Sjálfstæðisflokksins
er skýr í íslenskum stjómmálum.“
Menn þurfa ekki að vera sérfróð-
ir í íslenskri stjórnmálasögu til að
átta sig á því til hvaða stjómmála-
flokks er vísað með þessum orðum.
Það er að sjálfsögðu Alþýðubanda-
lagið, en flokkurinn og forverar
hans Sameiningarflokkur alþýðu —
Sósíalistaflokkurinn og Kommún-
istaflokkur íslands hafa staðið vörð
um kommúnisma og sósíalisma.
Fyrir rúmu ári var hart tekist á um
það innan Alþýðubandalagsins,
hvort gera ætti upp við sósíalíska
og kommúníska fortíð flokksins.
Þeir höfðu betur sem höfnuðu kröf-
um um það. Nokkrir einstaklingar
lögðu þá á pólitískan flótta úr
flokknum og er einn þeirra, Össur
Skarphéðinsson, nú á framboðslista
Alþýðuflokksins í Reykjavík.
I kosningayfírlýsingu sjálfstæð-
ismanna kveður ekki við harðan tón
nema þegar fjallað er um marxista
og kommúnista, Saddam Hussein,
einræðissegg í Bagdad, og ríkis-
stjóm Steingríms Hermannssonar.
Hið sama má segja almennt um
málflutning manna á landsfundi
fiokksins og ræður þeirra Þorsteins
Pálssonar og Davíðs Oddssonar.
Davíð kvað fastast að orði þegar
hann ræddi um marxista og ríkis-
stjórn Steingríms.
Þetta er rifjað upp nú vegna við-
bragða Ólafs Ragnars Grímssonar,
formanns Alþýðubandalagsins, við
niðurstöðum landsfundarins. Hann
segir, að „hörðustu hægriöflin" í
Sjálfstæðisflokknum hafi staðið
með Davíð Oddssyni og nú dugi
„engin vettlingatök hjá vinstri
mönnum á Islandi“. Ólafur Ragnar
segir enn: „Það þarf að koma í veg
fyrir það að harða hægri klíkan í
Sjálfstæðisflokknum fái að leika sér
með ísland."
Það kemur úr hörðustu átt, þeg-
ar formaður þess flokks sem hefur
ekki þrek til að gera upp við komm-
úníska fortíð sína talar á þennan
hátt til Sjálfstæðisflokksins. Á mið-
stjórnarfundi Alþýðubandalagsins á
Akureyri síðastliðið haust kvarnað-
ist úr flokknum vegna yfirgangs
Ólafs Ragnars, sem hrósaði sér síð-
an af því að hin „breiða miðja"
væri eftir í Alþýðubandalaginu.
Þessi „breiða miðja“ sem hann kall-
ar svo nær til alþýðubandalagsráð-
herranna þriggja, forseta samein-
aðs þings, fyrrverandi ráðherra og
fáeinna einstaklinga fyrir utan
þetta höfðingjalið. Nómenklátúran
situr sem sé eftir í Alþýðubandalag-
inu, það er hástétt flokksins, starfs-
bræður þeirra sem helst standa í
vegi fyrir umbótum í Sovétríkjun-
um. Til að fela eðli Alþýðubanda-
lagsins í stað þess að horfast í augu
við fortíðina tóku þessir menn fyrst
ákvörðun um að nema stefnuskrá
þess úr gildi, síðan að breyta útliti
Þjóðviljans og þá að setja grænan
lit inn í flokksmerkið. Þessar yfir-
breiðslur duga skammt. Ólafur
Ragnar ætlar síðan að reka smiðs-
höggið með því að kalla þá and-
UÝTT SÍMANÚMER
ffilNGADEll^
stæðinga sína sem hika ekki við
að benda á rétt eðli Alþýðubanda-
lagsins „harða hægri klíku".
Nokkru áður en Júlíus Sólnes
gekk til liðs við Albert Guðmunds-
son og tók þátt í Borgaraflokknum
skrifaði hann blaðagrein um nauð-
syn þess að stofna stjórnmálaflokk
hægra megin við Sjálfstæðisflokk-
inn. Nú fetar hann í fótspor Ólafs
Ragnars og þykist sleginn ótta yfir
því að Sjálfstæðisflokkurinn hafl
„tekið afdrifaríka stefnu til hægri
í stjórnmálum“. Kannski Júlíus ætli
nú að ganga til liðs við „hina breiðu
miðju“ Ólafs Ragnars og sýna að
það dugi engin vettlingatök hjá
vinstri mönnum á íslandi gegn
Sjálfstæðisflokknum? Þegar Albert
Guðmundsson snerist gegn þátt-
töku Borgaraflokksins í ríkisstjórn
með Alþýðubandalaginu undir for-
sæti Steingríms Hermannssonar
sagðist hann ekki vilja vinna með
kommúnistum.
Sannast í þessu máli eins og svo
mörgum öðrum, að hvorki Ólafur
Ragnar né Júlíus Sólnes meta Sjálf-
stæðisflokkinn rétt. Áróðurstal
þeirra um sjálfstæðismenn hittir þá
verst sjálfa. Það bitnar hins vegar
harðast á þjóðinni, ef þeim Ólafi
Björn Bjarnason
„Sannast í þessu máli
eins og svo mörgum
öörum, að hvorki Ólaf-
ur Ragnar né Júlíus
Sólnes meta Sjálfstæð-
isflokkinn rétt. Áróð-
urstal þeirra um sjálf-
stæðismenn hittir þá
verst sjálfa.“
Ragnari og Júlíusi gefst áfram tæk-
ifæri til að „leika sér með ísland"
eftir kosningar, svo að enn sé vitn-
að í hin smekklausu ummæli for-
manns Alþýðubandalagsins.
Höfundur skipar þriðja sætið á
fra/nöoðslista sjálfstæðismanna í
Reykjavík.
Hin þekkta hljómsveit, The
Mulligans, koma beint frá
írlandi til að spila fyrir
viðskiptavini Kringlunar.
Föstudag kl. 16 og 18
Laugardag kl. 12 og 14
Allan föstudaginn og
laugardaginn verður
starfsfólk Veraldar með
sérstaka kynningu á írlandi
í Kringlunni.
Kynning á írlandi alla daga
hjá Bjarna Degi kl. 18.20 í
þættinum ísland í dag.
Taktu þátt í happdrættinu og
sendu póstkort til Veraldar,
Austurstræti 17, ogþú getur
unnið glæsilega ferð til írlands
í sumar. Það eina, sem þú þarft
að gera, er að fylla út póstkort
og senda með nafni og
heimilisfangi og skrifa á kortið
eitt írskt orð.
KRÁÍN
The Mulligans
frá írlandi
skemmta gestum og þar munu
ríkja ekta írsk pöbbamenning
fram á rauða nótt með
tilheyrandi stemmningu ásamt
sérstakri kynningu á þekktum
írskum heilsudrykkjum.
Föstudagskvöld
kl. 23.00
Laugardagskvöld
kl. 23.00.
FEHOAMIIlSTflfllN
mnQ
AUSTURSTRÆT117, SÍIVII 62 22 00