Morgunblaðið - 09.05.1991, Síða 4

4
^ORGUNHlADLp./qMMTUPAqUKKð.AlAÍil^l
Borgardómur Reykjavíkur:
Fjárfestiiigarfélagið greiði Fram-
kvæmdasjóði um 20 milljónir
Fjárfestingarfélag Islands hefur í borgardómi Reykjavíkur verið
dæmt til að greiða Framkvæmdasjóði íslands um 19 milljónir króna
auk 1,1 milljónar í málskostnað vegna sjálfskuldarábyrgðar sem félag-
ið tókst á hendur fyrir láni sem Framkvæmdasjóður veitti fiskeldisfyr-
irtækinu Vogalaxi hf, sem nú er gjaldþrota og var að stærstum hluta
í eigu Fjárfestingarfélagsins. Forstjóri Fjárfestingafélagsins segir for-
sendur dómsins mjög veikar og að honum verði áfrýjað til Hæstaréttar.
Stjórn félagsins tókst á hendur
sjálfsskuldarábyrgð á láninu, sem
tryggt var í fyrstu með 5. veðrétti í
landsspildu við Vogavík, með yfirlýs-
ingu í júní 1987 þannig að ábyrgðin
félli úr gildi þegar framkvæmdum
við seiðastöð Vogalax á landsspild-
unni lyki og nýtt mat um fullnægj-
andi veðhæfni eigna Vogalax lægi
fyrir. Framkvæmdum við seiðastöð-
ina lauk að mestu haustið 1987.
Af _hálfu Fjárfestingarféiagsins
var ekki hlutast til um nýtt mat á
veðhæfni eignanna né að ábyrgðinni
yrði aflétt með formlegum hætti fyrr
en í nóvember 1989, eftir að í gang
var farin endurskipulagning á fjár-
hag Vogalax vegna rekstrarerfið-
ieika. Þá ritaði forstjóri Fjárfestinga-
félagsins Framkvæmdasjóði bréf og
bað um staðfestingu á þeim skilningi
féiagsins að ábyrgðin væri úr gildi
fallin. Framkvæmdasjóður neitaði að
fallast á það. Eftir gjaidþrot Vogalax
var landsspildan seld nauðungarsölu
og greiddist aðeins upp í kröfur á
1. og 2. veðrétti en umrætt lán hvíldi
á 5. veðrétti.
í niðurstöðum dómsins er vísað til
fundargerðar stjómar Fjárfestingar-
félagsins og sagt að af henni megi
ráða að það hafi verið skilningur
stjómarinnar þegar hún tókst
ábyrgðina á hendur að aflétta yrði
ábyrgðinni á formlegan hátt. Stjórn-
inni hafí borið að eiga fmmkvæði
að því með því að sýna fram á að
lausnarskilyrði væru komin fram,
þ.e. að fullnægjandi veð væri fyrir
hendi til tryggingar skuldbinding-
unni. Þá segir að í viðskiptum Fram-
k’væmdasjóðs og Vogalax hafi komið
fram í ágúst 1989 að ábyrgðin væri
í fullu gildi og hafí Framkvæmda-
sjóður mátt ætla vegna tengsla
Vogalax við Fjárfestingarfélagið að
stjóm Fjárfestingafélagsins hafi ver-
ið kunnugt um þann skilning for-
svarsmanna Vogalax. Þá var ekki
fallist á að með skuldbreytingu á
upphaflega láninu hafi ábyrgðaryfír-
lýsingin fallið úr gildi enda hafí kom-
ið fram að hún ætti að haldast
óbreytt þótt veittur yrði greiðslu-
frestur á iáninu en fyrsti gjalddagi
var áætlaður á árinu 1991.
Allan Vagn Magnusson borgar-
dómari kvað upp dóminn.
„Framkvæmdasjóði var gjörkunn-
ugt um að þau skilyrði sem ábyrgðin
byggðist á voru niðurfallin þar sem
Guðmundur B. Ólafsson, forstöðu-
maður sjóðsins, var bæði í stjórn
Vogalax og Fjárfestingaféiagsins
fram á árið 1987 og þekkti því allar
forsendur málsins,“ segir Friðrik Jó-
hannsson, forstjóri Fjárfestingafé-
lagsins. „Síðan, að mati lögfræðinga
Fjárfestingafélagsins, vora skilyrði,
sem ábyrgðin var háð, uppfyllt haust-
ið 1987 og ábyrgðin því úr gildi fall-
in. Um það var full vissa hjá Fram-
kvæmdasjóði. Við teljum dóminn
rangan og munum áfrýja málinu til
Hæstaréttar."
VEÐUR
Heimild: Veöurslofa íslands
(Byggt á vefiurspá W. 16.151 gær)
VEÐURHORFUR I DAG, 9. MAI
YFIRLIT: Yfir Norðvesturlandi er vaxandi lægð sem þokast norð-
austur. Kólna mun í veðri.
SPÁ: Norðvestlæg átt, allhvasst norðaustanlands, en hægari í
öðrum landshlutum, einkum suðvestanlands. Él á Norður- og Norð-
austurlandi, en þurrt og víða léttskýjað annars staðar. Byrjar að
þykkna upp suðvestanlands síðdegis. Fremur svalt.
VEÐURHORFUR NÆSTU DAGA:
HORFUR Á FÖSTUDAG: Breytileg átt, víða talsverður strekkingur.
Rigning eða skúrir víða um land, síst á Suðausturlandi. Hiti 5-10
stig, hlýjast suðaustanlands.
HORFUR Á LAUGARDAG: Hæg suðvestan eða breytileg átt. Skúr-
ir um vestanvert landið en þurrt og sums staðar bjart veður aust-
an til. Svipað hitafar áfram.
Svarsími Veðurstofu islands - Veðurfregnir: 990600.
N: A Norðan, 4 vindstig: ' Vindörin sýnir vind- 10 Hitastig:
10 gráður á Cels
stefnu og fjaðrirnar • Skúrir
Heiðskirt vindstyrk, heil fjöður V
er 2 vindstig. * V Él
Léttskýjað / / / / / / / Rigning = Þoka
/ / / — Þokumóða
Hálfskýjað * / * 5 5 Súld
Skýjað / * / * Slydda / * / oo Mistur
* * * 4 Skafrenningur
Alskýjað * * * * Snjókoma * * * K Þrumuveður

% H. /
VEÐUR VÍÐA UM HEIM
kl. 12.00 í gær að ísl. tíma
hiti veöur
Akureyri 10 skýjað
Reykjavik 4 rigning
Bergen 10 léttskýjað
Helsinki 12 léttskýjað
Kaupmannahöfn 11 skýjað
Narssarssuaq -r2 skýjað
Nuuk •f4 skýjað
Ósló 16 skýjað
Stokkhólmur 14 hálfskýjað
Þórshöfn 10 skýjað
Algarve 20 léttskýjað
Amsterdam 13 léttskýjað
Barcelona 9 rígning
Berlín 8 alskýjað
Chlcago 11 alskýjað
Feneyjar vantar
Frankfurt 14 skýjað
Qlasgow 13 léttskýjað
Hamborg 9 rlgning
Las Palmas vantar
London 12 skýjað
Los Angeles 16 heiðskírt
Lúxemborg 16 skýjað
Madríd 13 skýjað
Malaga 23 léttskýjað
Mallorca 17 skýjað
Montreal 9 léttskýjað
NewYork 16 skýjað
Orlando 23 hálfskýjað
París 12 skýjað
Róm 17 léttskýjað
Vin 13 léttskýjað
Washington 16 þokumóða
Winnipeg 3 skýjað
Morgunblaðið/Sigurgeir
Kom skipsfélaga til bjargar
Kristinn Óskarsson, skipveijinn sem fór útbyrðis af Sigurbára VE á
sunnudaginn dvelur nú á Sjúkrahúsi Vestmannaeyja vegna meiðsla
sem hann hlaut á fæti. Vaigarð Jónsson, skipsfélagi Kristins, sem
henti sér í sjóinn til hans og kom honum til bjargar, heimsótti Krist-
inn á sjúkrahúsið í gær. A myndinni eru þeir félagar Kristinn, til
vinstri, og Valgarð.
Flugleiðir semja við
Olíufélagið Skeljung
SKELJUNGUR hf. átti lægsta
tilboðið í sölu eldsneytis og af-
greiðslu flugvéla Flugleiða í Evr-
ópuflugi og innanlandsflugi. Bú-
ast Flugleiðamenn við að þetta
spari félaginu um 20 milljónir
króna á ári.
Flugleiðir munu á næstunni
ganga til samninga við Skeljung
hf. um þessi viðskipti, sem nema
tæpum 300 milljónum á ári. Gera
Flugleiðamenn ráð fyrir að með
þessum hætti lækki tilkostnaður
þeirra um 20 milljónir króna. Sa-
mið verður til eins árs frá og með
næstu mánaðamótum.
„Þetta fyrirkomulag hefur gefist
vel, við höfum boðið eldsneytiskaup
út með svipuðum hætti á flugvölium
erlendis og hér heima munum við
hafa sama háttinn á að ári,“ segir
Halldór Vilhjlamsson, fram-
kvæmdastjóri fjármálasviðs Flug-
leiða.
Verkið var boðið út og voru til-
boð opnuð í síðustu viku. Öll olíufé-
lögin buðu í eldsneytisafgreiðslu á
Keflavíkurflugvelli en Skeljungur
og Olís buðu í afgreiðslu og sölu á
Reykjavíkurflugvelli. Tilboð Skelj-
ungs hf. er talið hagstæðast miðað
við að samið verði um afgreiðslu
bæði í Keflavík og í Reykjavík.
-----» » »
Jafnt hjá
Jóhanniog
Kortsjnoj
JÓHANN Hjartarson gerði jafn-
tefli við Viktor Kortsjnoj í 6. um-
ferð minningarskákmótsins um
Max Euwe. Jóhann hefur 2 vinn-
inga eftir 6 skákir og er neðstur
á mótinu ásamt Míkhail Gúrevítsj.
Jóhann hafði hvítt gegn Kortsj-
noj, sem beitti franskri vörn gegn
kóngspeðsleik Jóhanns. Þeir léku 44
leiki áður en jafntefli var samið.
Nigel Short er í efsta sæti á mót-
inu með A'h vinning eftir sigur á
Ljúbojevic. Valeríj Salov kemur
næstur með 4 vinninga en hann vann
Jan Timman.
Krístín
Magnús-
dóttirlátín
KRISTÍN Magnúsdóttir, til heim-
ilis að Einimel 11 í Reykjavík,
andaðist á Borgarspítalanum að
morgni 7. maí. Hún var á 79.
aldursári.
Kristín fæddist á Isafírði 17. júní
árið 1912 og var hún yngsta barn
hjónanna Magnúsar Magnússonar
kaupmanns og Helgu Jónsdóttur.
Kristín útskrifaðist úr Verslunar-
skóla íslands árið 1931. Starfaði
hún síðan á skrifstofu O. Johnson
og Kaaber til ársins 1938.
Kristín giftist Tryggva Jónssyni,
stofnanda og forstjóra Ora hf., árið
1938 en hann lést árið 1987. Þau
eignuðust tvö börn, Magnús, fram-
kvæmdastjóra, og Önnu Lovísu,
meinatækni.
Kristín starfaði mikið að félags-
málum og var m.a. um árabil í
stjórn sjálfstæðisfélags Nes- og
Melahverfis, stjórn Fulltrúaráðs
Kristín Magnúsdóttir.
sjálfstæðisfélaganna í Reykjavík,
flokksráði Sjálfstæðisflokksins,
stjórn Varðar og stjórn Hvatar. Var
Kristín sæmd heiðursviðurkenningu
Varðar.
Jafnframt lét hún félagsmál
kvenna mikið til sína taka og var
m.a. virkur félagi í Oddfellowhreyf-
ingunni til síðasta dags.