Morgunblaðið - 09.05.1991, Blaðsíða 72
EIMSKIP
VIÐ GREIÐUM ÞÉR LEIÐ
FIMMTUDAGUR 9. MAÍ 1991
VERÐ í LAUSASÖLU 100 KR.
Bifreiðaskoðun íslands:
Skoðunar-
gjöld lækk-
uð um 5%
STJÓRN Bifreiðaskoðunar ís-
lands ákvað á fundi i gær að
verða við tilmælum Þorsteins
Pálssonar, dómsmálaráðherra,
og lækka skoðunargjöld um 5%:
í frétt frá fyrirtækinu segir að
áætlað tekjutap vegna lækkunar-
innar sé um 10 m.kr. á ári. Áform-
aðar framkvæmdir við byggingu
fjögurra skoðunarstöðva úti á landi
verði ekki skertar en íjárþörí'inni
mætt með auknum gjaldtökum.
Sem dæmi um lækkun skoðunar-
gjalda má nefna að verð á skoðun
bifreiða undir fimm tonnum kostar
nú 2.230 krónur í stað 2.350 króna
áður.
Dómsmálaráðherra hefur stað-
fest hina nýju gjaldskrá, sem tekur
gildi frá og með 10 maí nk.
Bundinn
með snæri
og afhent-
ur lögreglu
ÖLVAÐUR maður sem gerði
sig liklegan til að taka leigubii
ófrjálsri hendi í Hafnarfirði í
fyrrinótt var handtekinn af
nærstöddum og bundinn á
höndum og fótum.
Maðurinn, sem er grænlensk-
ur sjómaður, fór úr leigubíl við
skipshlið í Hafnarfjarðarhöfn,
án þess að gera sig líklegan til
að greiða fyrir farið.
Leigubílstjórinn fór út úr
bílnum og elti manninn, sem þá
sneri við, settist undir stýri og
ók á brott. Bíllinn var í hand-
bremsu og miðaði því hægt.
Nærstaddir hlupu til, stöðvuðu
för bílsins og hringdu á lögreglu.
Til að missa ekki manninn frá
sér var gripið til þess ráðs að
binda hann með snæri á höndum
og fótum. Þannig var hann á
sig kominn þegar lögregla kom
á staðinn og tók hann í sína
vörslu.
'^•Aðalfimdur SÍF:
Háskóli Islands:
Meistara-
nám í hag-
fræði í haust
HÁSKÓLARÁÐ hefur staðfest að
kennsla til meistaraprófs hefjist í
viðskipta- og hagfræðideild Há-
skóla Islands næsta haust. Fyrir
þremur árum var deildinni skipt
í viðskipta- og hagfræðiskor, og
var þá ákveðið að stefna að því
að bjóða upp á meistaranám þegar
fyrsti árgangurinn útskrifaðist úr
hagfræðinni eftir þriggja ára
nám.
Umsækjendur þurfa að hafa lokið
fyrsta háskólaprófi, helst í hagfræði,
en þó er gert ráð fyrir að nemendur
með önnur háskólapróf geti fengið
skráningu að loknu sérstöku undir-
búningsári. í námsskipulaginu er
þannig gert ráð fyrir að hægt verði
að ljúka meistaranámi á 1 til 2 árum.
Undirstöðugreinar meistaranáms-
ins verða þjóðhagfræði, rekstrarhag-
fræði og hagrannsóknir. Kjörgrein-
arnar höfða hins vegar sérstaklega
til íslenskra aðstæðna, en þær verða
hagfræði náttúruauðlinda og hag-
fræði smárra hagkerfa.
Sjá nánar Viðskiptablað, bls. 4C.
Friðrik Sophusson fjármálaráðherra:
Ríkisskuldabréf verði gef-
in út með markaðsvöxtum
Heim úr hnattsiglingu
Morgunblaðið/Olafur K. Magnusson
Hafsteinn Jóhannsson, kafari og siglingakappi, kom
til Egersund í Noregi í gærmorgun eftir að hafa
siglt á skútu sinni Eldingu umhverfis hnöttinn.
Hafsteinn heldur á íslenskum fána sem var með
alla ferðina og er farinn að láta aðeins á sjá eftir
volk um öll heimsins höf.
Sjá frásögn á miðopnu
Getur komið í veg fyrir yfirdrátt í Seðlabanka, segir Jóhannes Nordal
FRIÐRIK Sophusson fjármálaráðherra segir að viðræður fari nú fram
milli fjármálaráðuneytisins og Seðlabankans sem gætu leitt til þess,
að horfið verði frá því að ráðherra ákveði nafnvexti ríkisskuldabréfa,
þess í stað verði skuldabréfin boðin á þeim kjörurn sem markaðurinn
tekur við á hveijum tíma. Jóhannes Nordal seðlabankastjóri segir að
með því sé hægt að koma í veg fyrir yfirdráttarlán hjá Seðlabanka.
Ávöxtunarkrafa Seðlabanka við kaup spariskírtcina hækkaði i gær,
einnig hækkaði ávöxtunarkrafa húsbréfa.
„Okkur er ljóst að raunvextir hafa
hækkað mikið fyrrihluta þessa árs
og auðvitað verður ríkið að viður-
kenna þá Vaxtahækkun sem nú þeg-
ar hefur orðið,“ sagði Friðrik Soph-
usson í samtali við Morgunblaðið í
gær. „Því hefur verið rætt um það
á milli fjármálaráðuneytisins, Lána-
sýslu ríkisins og Seðlabankans að
skuldabréf ríkissjóðs verði boðin á
þeim kjörum sem markaðurinn tekur
við á hveijum tíma, en horfið verði
frá beinum nafnvaxtaákvörðunum
ráðherra."
Jóhannes Nordal sagði mikilvægt
ef ríkissjóður eigi að ná ákveðnum
markmiðum um sölu á spariskírtein-
um og öðrum verðbréfum ríkisins,
að hann fylgi þeim vöxtum sem virð-
ist nauðsynlegt að bjóða til að mark-
aðurinn taki við bréfunum. „Það
hefur verið tilhneiging til þess að
reyna að stýra vöxtunum með því
að hafa vexti af ríkisverðbréfum
lægri en þeir vextir eru sem gilda á
markaðnum á hverjum tíma og það
hefur aðeins haft þau áhrif að þessi
bréf hafa ekki selst og ríkissjóður
hefur orðið að leysa sín vandamál
með skuldasöfnun hjá Seðlabankan-
um. Það er auðvitað hlutur sem
gengur ekki upp og veldur hreinni
peningaþenslu."
Hann sagði um framkvæmdina,
að væntanlega yrði reynt að ákveða
nafnvexti spariskírteina nálægt því
sem vextir eru á markaðnum. „Hins
vegar getur auðvitað verið um að
ræða mismunandi mikil afföll ef
breytingar verða á almennum ávöxt-
unarkjörum," sagði Jóhannes.
Hann sagði að trúlega yrði breyt-
ingin gerð þegar nýir flokkar verða
gefnir út. Spariskírteini eru nú með
6% vöxtum og þyrfti að bjóða með
miklum afföllum ef þau ættu að
fylgja markaðnum. „Ég reikna með
að stefnt verði að því að gefa út
nýja flokka," sagði hann. ♦
Sala á ríkisvíxlum hefur aukist
um tvo milljarða króna frá því að
forvextir á þeim voru hækkaðir úr
11% í 14,5% síðastliðinn mánudag.
í gær hækkaði Seðlabankinn
ávöxtunarkröfu við kaup spariskír-
teina úr 7,85% í 8,15% og á verð-
bréfamörkuðum hækkaði ávöxtun-
arkrafa húsbréfa úr 8,4% í 8,5-8,6%.
Vænst er ákvörðunar um vexti nýrra
spariskírteina á mánudag.
Sveiflujöfnunarsjóður fyrir-
tækja í stað verðjöfnunarsjóðs
Ný lög samþykkt fyrir SÍF
Á AÐALFUNDI SIF í gær var samþykkt með miklum meirihluta
ratkvæða að skora á sjávarútvegsráðherra að taka í haust til endur-
skoðunar lög um Verðjöfnunarsjóð sjávarútvegsins með það að leiðar-
ljósi að sjóðurinn verði lagður af en í staðinn verði myndaður sveiflu-
jöfnunarsjóður innan fyrirtækjanna, sem lúti skattareglum.
Samkvæmt nýjum lögum SÍF
segir meðal annars að sá, sem óski
inngöngu í félagið, skuli senda
stjórn þess skriflega beiðni þar um.
Hafi félagsstjórn ákveðið að verða
við inngöngubeiðni öðlast umsækj-
andi full félagsréttindi þegar hann
hefur undirritað aðildarvottorð að
SIF, þar sem hann skuldbindur sig
til að hlýða lögum félagsins og sam-
þykktum. Nú þegar hafa framleið-
endur, sem standa á bak við 97%
af saltfiskframleiðslunni í fyrra,
undirritað aðildai’vottorð að SÍF,
að sögn Dagbjarts Einarssonar
stjórnarformanns SÍF.
Inntökugjald er 50 þúsund krón-
ur fyrir hvern nýjan félagsmann en
ábyrgð félagsmanna er takmörkuð
við inneign þeirra í sjóðum SÍF.
Samkvæmt nýju lögunum ber
félagsmönnum að afhenda SÍF allar
saltfiskafurðir sínar til sölumeð-
ferðar jafnóðum og þær eru fullbún-
ar og þeim er ekki heimilt að selja
sjálfir, hvorki innanlands né erlend-
is, eða fela öðrum sölu þeirra af-
urða, á hvaða stigi sem er, án sam-
þykkis stjórnar SIF. Ef félagsmaður
brýtur gegn þessu ákvæði varðar
það sektum til SÍF og stjórn SÍF
hefur heimild til að ákveða sekt,
sem má vera allt að 20% af and-
virði þeirra afurða, sem seldar voru,
eða boðnar til sölu í heimildarleysi,
auk þess sem heimilt er að víkja
hinum brotlega félagsmanni úr SIF.
Heimilt er að skuldajafna sektir við
inneign viðkomandi félagsmanns.
Knattspyrna:
Sigur á
Júgóslavíu
ÍSLENSKA drengjalandsliðið í
knattspyrnu, skipað leikmönnum
yngri en 16 ára, .vann sigur á
Júgóslavíu, 2:1, í gær í loka-
keppni Evrópumóts drengja-
landsliða. Júgóslavar gerðu
fyrsta markið en íslendingar
svöruðu með marki Helga Sig-
urðssonar úr vítaspyrnu. Jóhann
Steinarsson gerði svo sigurmark-
ið í síðari hálfleik, eftir góðan
undirbúning Helga.
Sjá íþróttir bls. 69-71.