Morgunblaðið - 03.09.1991, Blaðsíða 10

10
MORGUNBLAÐIÐ ÞRIÐJUDAGUR 3. SEPTBMBBR 1991
Fyrirtæki til sölu
Sportveiðivörur
Af sérstökum ástæðum er til sölu fyrirtæki sem hefur
sérhæft sig í smásölu- og heildsölu á sportveiðivörum.
Fyrirtækið er vel búið og hefur nokkra sérstöðu. Góð
heildsölusambönd.
Matvöruverslun
Til sölu landsþekkt matvöruverslun. Verslunin er vel
búin tækjum og er í öruggu leiguhúsnæði. Ársvelta ca
160,0 millj. Gott tækifæri fyrir samhenta aðlila sem eru
tilbúnir að taka við traustu fyrirtæki.
FYRIRTÆKJASTOFAN
Varslah/f. Ráógjöf, bókhald,
skattaðstoð og sala fyrirtækja
Skipholti 5, Reykjavik, sími 622212
Sýnishorn úr söluskrá:
★ Vins’æl sólbaðsstofa, mikil viðskipti.
★ Rótgróin nýlenduvöruverslun, skipti möguleg.
★ Þekkt nuddstofa, langur biðlisti fylgir.
★ Leikfangaverslun, góð álagning. Jólin nálgast.
★ Áratugagömul blómabúð, laus strax.
★ Fataverslun á góðum stað, þekkt nafn.
★ Lítið auglýsingaskiltafyrirtæki. Engin sérþekking.
★ Innflutningsfyrirtæki með sérstakar sportvörur.
★ Myndbandaleiga á frábærum stað, góð velta.
★ Sérstakur veitingastaður, matur og dans.
★ Tvær þekktar tískubúðir, báðar á góðum stað.
★ Stór fataverslun í Hafnarfirði
★ Arðbært iðnaðarfyrirtæki fyrir laghentan.
★ Ljósritunarstofa með öllum tækjum.
★ Vélar fyrir bakarí, tilbúnar strax.
★ Verslun og viðgerðr á sjónvörpum.
★ Myndlistargallerí, spennandi tími framundan.
Höfum kaupendur að stórum fyrirtækjum.
mTTTTY7^T7?py7TVTT7|
SUÐURVERI
SÍMAR 812040 OG 814755, REYNIR ÞORGRÍMSSON.
911 RH 91 97H L^RU® Þ' VALDIMARSSON framkvæmdastjori
L I \ d\jmL\0l\J KRISTINN SIGURJÓNSSON, HRL. lóggiltur fasteignísali
Til sýnis og sölu er að koma meðal annarra eigna:
Fyrir smið eða laghentan
parhús - steinhús á tveimur hæðum á vinsælurn stað í Skerjafirði
m/5 herb. íb. 106,9 fm nettó auk geymslu 14,4 fm. Þarfn. nokkurra
endurbóta. Laus fljótl. Einkasala.
Nýlegt einbhús á Nesinu
v/sjóinn norðarmegin m/5 herb. íb. á tveimur hæðum um 135 fm.
Rúmg. bílsk. Eignaskipti mögul.
Nýlegt og gott steinhús í Hafnarfirði
ein hæð m/5 herb. íb. 129,5 fm nettó. Góður bílsk. 36 fm. Ræktuð lóð
630 fm. Útsýnisstaður. Eignaskipti mögul.
Á vinsælum stað í austurborginni
6 herb. efri hæð 122,5 fm í fjórbhúsi. Sérhiti. 4 svefnherb. Húsið er
byggt 1975 mikið endurn. Rúmg. föndurherb. í kj. Góður bílsk. Út-
sýni. Skipti mögul. á 2ja-3ja herb. séríb.
í Suðurhlíðum Kópavogs
í þríbhúsi v/Hlíðarveg 3ja herb. neðri hæð ekki stór en vel skipul.
Sérinng., sérhiti. Bílskréttur. Útsýni.
Fjöldi fjársterkra kaupenda
óska eftir íbúðum 3ja-5 herb., sérhæðum, raðhúsum og einbhúsum.
Margs konar eignaskipti mögul. Margir bjóða miklar og örar greiðslur
í peningum.
• • •
Raðhús, einbhús og sérhæð-
ir óskast í Kópavogi, í vestur-
borginni og á Nesinu.
ALMENNA
FASTEIGNASAIAH
LAUGAVEG118 SÍMAR 21150-21370
HLUTIR/OBJECTS
Stefán Geir Karlsson: „Skrúfbolti. 1991
Myndlist
Eiríkur Þorláksson
í Gallerí einn einn við Skóla-
vörðustíg stendur nú yfir sýning,
sem listamaðurinn hefur gefið hið
einfalda heiti Hlutir/Objects. í
þessu litla rými getur að líta fimm-
tán verk eða hluti, sem hver um
sig býður heim nýjum viðhorfum
til þess viðfangsefnis, sem tekið
er fyrir; þetta er sýning frá óvenju-
legum sjónarhornum, ef svo
mætti segja.
Listamaðurinn, Stefán Geir
Karlsson, hefur líka nálgast mynd-
listina eftir nokkuð óvenjulegri leið:
Hann lauk sveinsprófi í plötu- og
ketilsmíði rúmlega tvítugur, og
hlaut meistarabréf í þeirri iðn rúm-
um áratug síðar; í millitíðinni hafði
hann stundað nám í Helsingör
Teknikum og lokið þaðan prófi sem
skipaverkfræðingur. Hann hefur
því ekki stundað formlegt listnám,
en lært þess meira í handverki og
tækni. Hann tók þátt í nokkrum
samsýningum FÍM fyrir um áratug
síðan, en hélt svo fyrstu einkasýn-
ingu sína í áningarskála í Viðey
1987. Um svipað leyti gerði hann
hlut, sem nú stendur á horni Skóla-
strætis og Amtmannsstígs í
Reykjavík: Risastórt herðatré, sem
var skráð í heimsmetabók
Guiness 1989.
Þessi kynning gefur á vissan
hátt tóninn fyrir það sem fyrir
augu ber á sýningunni; verkin
byggjast á einföldum hlutum, sem
verða á vegi flestra í daglegu lífl,
en sem listamaður með gott auga
umbreytir og færir á nýjan stall
sem fullgild listaverk.
Fyrst ber að nefna óvenjulega
innsetningu, „Rúmið hans afa, (nr.
1), en sá titill vísar gestum á nægj-
usemi fyrri kynslóða (smæð rúms-
ins) sem og hinnar margrómuðu
iðjusemi (fjöldi verkfæra og
áhalda). Innsetningin samanstend-
ur af bæði hinu raunverulega og
hinu ýkta; rúmið (og rúmijölin) eru
vissulega hlutir síns tíma, og sömu-
leiðis nokkrir smáhlutir við það, en
kostuleg pennastöng, risastór tré-
nál og krækja bijóta síðan upp
þann hátíðleik, sem flauelskaðlarn-
ir í kring setja á þessa skýrt af-
mörkuðu ímynd.
Önnur verk Stefáns Geirs eru
sjálfstæðar einingar, en þó hefur
hann greinilega unnið að þeim í
nokkrum flokkum, þar sem hug-
myndatengsl eða efni hafa ráðið
nokkru um endanlega framsetn-
ingu verkanna. Flest verkin eru
unnin í tré, og vegna þess hve það
er látið halda sér gróft er efnis-
kenndin hér mikilvægur þáttur.
Dæmi um þetta eru verk eins og
„Sólúr" (nr. 8) og „Lykilsprengja"
(nr. 10), þar sem misjafnlega gróft
efnið skapar ákveðin tengsl.
„Auðnuspor" (nr. 2) er á vissan
hátt innlegg í kvennabaráttuna; en
það virðist þó ekki vera létt spor
fyrir konuna frá strauborðinu yfir
í frelsið, og hún skilur eftir brennt
svið, þannig að ekki verður
aftur snúið.
Listamaðurinn hefur einnig sett
upp tvo flokka af verkum innan
sýningarinnar; annars vegar af
töppum og hins vegar þar sem
skrúfboltar og rær skapa eining-
arnar. „Skrúfbolti" (nr. 5) er ein-
stakt jafnvægisverk; trébútamir
sem hringast um boltann búa við
nákvæmlega rétta spennu til að
haldast saman; ef hún væri minni
myndu þeir detta sundur, en
springa hver frá öðrum, væri hún
meiri. „Tapparnir" (nr. 12-15) eru
skemmtilegar yfirstærðir á dagleg-
um hlutum, sem allir þekkja og
fleygja frá sér sem hveiju öðru
rusli, en meta ef til vill öðru vísi
hvað varðar formgildið eftir að sjá
þá í þessu nýja ljósi hvað varðar
efni og stærð.
Það er létt yfír þessarri sýningu,
og það væri súr svipur sem léttist
ekki eitthvað við að skoða hana.'
Hún bendir til hins hversdaglega í
umhverfinu, hluta sem við virðum
sjaldnast viðlits, en ganga hér aftur
í öðrum efnum og stærðum, og
koma þá skemmtilega flatt upp á
áhorfendur; mannlegt umhverfi er
fullt af þessum hlutum - sem þýðir
að þar er að finna óþijótandi efniv-
ið fyrir myndlistina.
Sýning Stefáns Geirs Karlssonar í
Gallerí einn einn við Skólavörðustíg
stendur til fímmtudagsins 5.
september.
Efri röð f.v.: Júlíus Vifill Ingvarsson, fris Erlingsdóttir, Jón Rúnar Arason; Björk Jónsdóttir, Elísabet
Erlingsdóttir og Kristinn Hallsson. Neðri röð f.v.: Sigvaldi Kaldalóns f.h. Ónnu Margrétar Kaldalóns,
Elínborg Stefánsdóttir f.h. Þórunnar Guðmundsdóttur og Jón Hjartarson f.h. Ingveldar Ýrar Jónsdóttur.
Uthlutun úr söngvara-
sjóði óperudeildar FÍL
SÖNGVARASJÓÐUR óperudeildar Félags íslenskra leikara styrkir
efnilega söngnema til náms og starfandi söngvara til frekari menntun-
ar í list sinni. Sjóðurinn úthlutar nú fjórða árið í röð og auglýsir hann
væntanlega styrkveitingu í dagblöðum og óskar eftir umsóknum og
öðrum upplýsingum, svo sem hljóðsnældu. Styrkveiting er liáð því skil-
yrði að umsækjandi hafi lagt stund á söngnám um nokkurra ára skeið
og ætli í enn frekara nám erlendis.
Alls sóttu 22 manns um styrk að
þessu sinni. Voru umsækjendur allir
úr hópi okkar efnilegustu söngnema.
Til úthlutunar í ár komu kr. 600.000
og ákvað sjóðsstjórn að skipta þeirri
fjárhæð í sex hluta.
Styrk að upphæð krónur eitt
hundrað þúsund hlutu að þessu sinni
sex söngnemar. Þeir eru: Anna
Margrét Kaldalóns, sópran, sem er
að Ijúka BA-námi við New England
Conservatory í Boston. Hún stundaði
áður nám í Garðabæ. Anna hyggst
halda áfram námi sínu í tónlistarskó-
lanum í Austin í Texas.
Björk Jónsdóttir lauk sínu söng-
námi í Reykjavík. Hún mun stunda
nám á komandi vetri í Kaupmanna-
höfn.
Ingveldur Ýr Jónsdóttir, mezzo
sópran, er Reykvíkingur. Hún nam
söng í Vínarborg og New York, það-
an sem hún lauk mastersgráðu í söng
frá Manhattan School of Music. Hún
hyggur á enn frekara söngnám.
Iris Erlingsdóttir stundaði nám við
Tónlistarskólann í Reykjavík og lauk
þaðan prófi vorið 1989. Hún hyggst
halda utan til enn fekara náms.
Jón Rúnar Arason, tenór, stundaði
nám í Söngskólanum í Reykjavík og
hefur komið fram sem einsöngvari
við ýmis tækifæri. Hann mun syngja
í uppfærslu íslensku óperunnar á
Töfraflautunni eftir Mozart. Síðan
mun hann halda utan til náms.
. Þórunn Guðmundsdóttir hefur lok-
ið bachelorgráðu og mastersgráðu
frá Bloomington-skólanum í Indiana
í Bandaríkjunum. Hún er nú að vinna
að doktorsgráðu í tónlist raeð söng
sem aðalgrein.
í stjórn Sönvarasjóðs ópenideildar
FÍL eru þau Elísabet Erlingsdóttir,
Júlíus Vífill Ingvarsson og Kristinn
Hallsson.