Morgunblaðið - 03.09.1991, Blaðsíða 49

MORGUNBLAÐIÐ ÞRIÐJUDAGUR 3. SEPTEMBER 1991
49
Kveðja:
Þuríður Svanhildur
Jóhannesdóttir
Fædd 4. nóvember 1908
Dáin 2. ágúst 1991
Hvers vegna skrifa ég minning-
arorð um Þuríði? Ekki kynntist ég
henni fyrr enn okkrum vikum fyrir
andlát hennar. Skal það nú rakið
stuttlega. Rétt fyrir hádegi þriðju-
daginn 5. mars sl. hringdi til mín
kona að nafni Ragna Sigrún Sveins-
dóttir, lektor í frönsku við Háskóla
Islands. Gat hún þess að kona ein
sem lægi á krabbameinslækninga-
deild Landspítalans, Þuríður Jó-
hannesdóttir að nafni, ætti í fórum
sínum ljóð eftir föður minn, Svein
frá Elivogum, sem hún taldi víst
að ég vildi varðveita. Óskaði þessi
kona að hafa samband við mig sem
fyrst.
Ég brá mér gangandi upp á
Landspítala til fundar við konuna,
sem lá þar og naut geislameðferðar
við meininu, sem þjáði hana og var
staðsett í hálsinum. Hún lá á deild
12 A. Á stofunni lágu tvær konur
aðrar. Kona þessi var þá ekki þungt
haldin og vel málhress. Mér geðjað-
ist strax vel að henni. Hún var
ræðin og skemmtileg, kunni mikið
af ljóðum og fór með þau. Mörg
ljóða föður míns, sem hann orti á
yngri árum í Skagafirði, kunni hún
og vissi tildrög þeirra. Eitt ljóðið
skrifaði ég niður. Er það erfiljóð
eftir unga stúlku. Ekki hef ég fund-
ið þetta ljóð í handritum föður míns,
sem öll eru tryggilega geymd hjá
mér.
Ég færði hinni öldnu konu, liggj-
andi á sjúkrabeði, ljóðakver mín
tvö, og var hún mér afar þakklát
fyrir. Eg fann að hún hafði djúpan
skilning á ljóðum, enda komst ég
síðar að því að hún var vel hag-
mælt. Liggur talsvert af kveðskap
eftir hana í handriti, sem ég fékk
lánað til yfirlits. Vald hennar á rími
var með ágætum. Hún naut þeirrar
gæfu að vera gift manni, sem lagði
talsverða stund á ljóðagerð, honum
Þórarni Elís Jónssyni skólastjóra.
Hann segir í formála að Ijóðum
konu sinnar þetta í ljóði:
Ljóðin tær með töfra-yl
tjá svo marga strengi.
Með von og þrá og vaxtaryl
verma heitt og lengi.
Þarna er að finna, auk vísna,
mörg tækifærisljóð; eins og um
Vesturdal í Skagafirði, svo og um
Skagafjörð, hina fríðu sveit. Hún
yrkir til stúdenta MA 1950, en ein-
mitt það ár varð dóttirin Þómý,
kennari, stúdent frá þeirri mætu
menntastofnun. Hún yrkir um
Kvennaskólann á Blönduósi 1964,
er hann átti 75 ára afmæli. Þetta
er kveðja frá námsmeyjum veturinn
1925-26. Þann vetur stundaði Þu-
ríður nám í skólanum á bökkum
Blöndu. Hún stundaði nám síðar í
Kennaraskólanum einn vetur, en
varð þá að hætta námi sökum
skorts á fjármagni. Hversu grátlegt
er að slíkt skuli svo oft hafa hent
efnisfólk í námi áður fyrr.
Ég get ekki stillt mig um að til-
færá hér eitt erindi úr ljóði er Þuríð-
ur nefnir Þú varst.
Þú varst ljúfasta ljóð, er ég kunni,
þú varst lagið, sem ómaði best.
Þú varst ijóðasta rós, er ég unni,
þú varst röðull er ljómaði mest.
En allt á sér andstæðu sína. í
Ijóðinu Þú ert kveður hún þannig:
Þú ert allt, sem ég hata og hræðist,
þú ert hræsnari, prangarasál.
Þú ert válegust vofa, sem læðist,
þú ert vélræði, Já, þú ert tál.
Þuríður lék sér að rími, eins og
í þessari sléttubandavísu:
Dulinn kvíða auka á
árin, líða stundir.
Hulin víða trega tjá
tárin, svíða undir.
Fleira skal eigi til tínt í minning-
argrein um hina látnu af ljóðum
hennar.
Margt manna var við útför Þuríð-
ar, sem fór fram frá Fossvogs-
kirkju. Sr. Sigurður Helgi Guð-
mundsson prestur í Víðistaðapre-
stakalli í Hafnarfirði jarðsöng.
Hann er af svipuðum slóðum og
hin látna, frá Hofí í Vesturdal.
Æviatriði hinnar látnu hafa verið
tíunduð í minningargreinum á útf-
arardegi hennar, svo að ég læt
þeirra ógetið hér. Einn afkomenda
Þuríðar er þjóðkunnur maður: Ei-
ríkur Hauksson söngvari og kenn-
ari. Afi hans, Eiríkur Stefánsson
kennari (f. 1904), fæddist á Refs-
stöðum, minni gömlu eignarjörð,
þar sem faðir minn bjó til æviloka,
árið 1945.
Að lokum langar mig til að ljóðið
sem Þuríður las mér eftir föður
minn, og getið er fyrr í grein þess-
ari, komi hér í fyrsta sinn fyrir al-
mennings sjónir. Það er á þessa leið:
Um vísdóm Drottins vitnar allt í heimi,
þótt vér ei alltaf skiljum tilgang hans,
því ótal margt í alheims víðum geimi
er yfirvaxið skynjun dauðlegs manns.
Þú gafst mér, Drottinn, dóttur hjartakæra;
hún dvaldi hjá mér aðeins litla stund.
Þú veittir henni viskuljósið skæra,
Hún vernidi allt með sinni blíðu lund.
Já, hún var yndi og eftirlæti manna,
sem ekki þekkti heimsins svik né tál.
Og hún var ímynd alls hins fagra og sanna,
með óflekkaða, fagra, hreina sál.
En nú er slokknað blómið lífs míns bjarta,
sem breiddi ljós á æviferil minn,
og sorgin beiska svíður mínu hjarta,
því sár er alltaf vinamissirinn.
En þó að lífsins brostin séu böndin
og byrgðar moldu holdsins leifarnar,
í dýrðarsölum Drottins lifír öndin;
ó, dóttir kær, við hittumst aftur þar.
Ég er þakklátur fyrir að hafa átt
þess kost að kynnast, þó ekki væri
nema stutt, slíkri ágætiskonu sem
Þuríður var. Hún gleymist mér ekki.
Eiginmanninum aldna, svo og börn-
um hennar og öðrum afkomendum,
sendi ég kæra kveðju. Þau hafa
mikið misst, þau eiga líka mikið að
þakka. Mér fínnst að erfiljóðið hér
að framan sé einnig um hana.
Auðunn Bragi Sveinsson
frá Refsstöðum.
SKRIFSTOFUTÆKNI
Skrifstofutækni er markvisst nám þar sem þú lærir tölvugreinar og viðskiptagreinar í
skemmtilegum félagsskap. Sérstök áhersla er lögð á notkun tölva í atvinnulífinu. Námið
tekur 3-4 mánuði og að því loknu útskrifast nemendur sem skrifstofutæknar.
Vandað nám og námsgögn sem hafa verið að þróast síðastliðin 5 ár. Reyndir leið-
beinendur. Einn nemandi um hverja tölvu. Greiðslukjör t.d. skuldabréfalán til allt að
tveggja ára. Sjón er sögu ríkari. Komdu til okkar í Borgartún 28 og líttu á aðstöðuna og
námsgögnin eða hringdu í síma 687590 og fáðu sendan bækling.
JJu
þ jJAALlJi jjj fíJj; 1 33 fí, J

11 daga aukaferðtilPortúgal2.-13. október. Verðfrá kr.

Draumur golfarans: október er frábœr tftui til golfiðkunar.
Tíu frábœrir golfoellir. Hópafslátturfyrir 10 ogfleiri.
^Mhval ÚTSÝN
í Mjódd: sími 60 30 60; vib AusturvöU: sími 2 69 00;
í Hafnarjirbi: sími 65 23 66; vid Ráðhústorg á Akureyri: sími 2 50 00
— og hjá umhoðsmönnum um land allt.