Morgunblaðið - 03.09.1991, Blaðsíða 64

NÝTTÁ ÍSLANDI
MATVÆLI
ÞRIÐJUDAGUR 3. SEPTEMBER 1991
VERÐ í LAUSASÖLU 100 KR.
^ Morgunblaðið/Þorkell
Okinn ígarð við Tjarnargötu
Ungur piltur missti stjórn á bíl sínum á Suðurgötu í gærkvöldi með þeim afleiðingum að hann hentist
gegnum girðingu og hafnaði í garði húss við Tjamargötu. Ökumanninn sakaði ekki og bíll hans skemmd-
ist lítið en nokkrar skemmdir urðu á tijám í garðinum. Bíl piltsins var ekið í suðurátt þegar bíl sem ekið
var fram úr honum var skyndilega sveigt í veg fyrir hann vegna umferðar sem kom á móti. Við það
missti pilturinn stjórn á bíl sínum sem hentist yfir á öfugan vegarhelming, í gegnum grindverkið og inn
í garðinn án þess þó lenda á þeim sem á móti kom.
spamaður af því að selja það nú.
Bæturnar nema 80% af óniður-
greiddu heildsöluverði, sem er að
sögn Sigurðar yfir 500 krónur á kíló.
„Það fengist ekki betra verð fyrir
þetta kjöt erlendis á næsta ári auk
þess sem vaxta- og geymslukostnað-
ur myndi hlaðast upp,“ segir Sigur-
geir. „Þá yrði kostnaður af söluátaki
hér mikill og því betra að selja þau
800 tonn sem til eru og hafa aðeins
nýtt kindakjöt á markaði."
Kostar ríkissjóð 13
milljónir að losna
við ærkjötið í haust
HALLDÓR Blöndal landbúnaðarráðherra segir að það muni kosta hið
opinbera um 13 milljónir króna að losna við ærkjöt sem til fellur í
haust vegna fyrirhugaðs niðurskurðar. Kostnaður við að urða þetta
kjöt hefði hins vegar orðið um 25 milljónir, að sögn Guðmundar Sig-
þórssonar skrifstofusljóra í landbúnaðarráðuneyti. Bandarískt fyrir-
tæki kaupir ærkjötið, kringum þúsund tonn, fyrir um 50 krónur á
kílóið og selur áfram til Mexíkó. Guðmundur segir að rætt hafi verið
um að selja bandaríska fyrirtækinu einnig 800 tonn af árs gömlu kjöti
fyrir ríflega 80 krónur á kílóið. Akvörðun þar að lútandi verði tekin
i vikulokin.
Guðmundur segir að þegar samið
var við bandaríska fyrirtækið Rup-
ari food hafi verið talað um sölu á
j40 þúsund kindum sem slátrað yrði
í haust, með fyrirvara um að talan
gæti sveiflast frá 35 þúsund upp í
55 þúsund.
Ríkið batt það fastmælum í bú-
vörusamningi að kaupa í haust af
bændum fullvirðisrétt sem svarar til
allt að 55 þúsund kinda. Markmið
þessa niðurskurðar er að næsta
haust fari saman þarfir innlends
markaðar og sauðfjárframleiðsla í
landinu. „Upplýsingar frá búnaðar-
samböndum eru enn að berast ráðu-
neytinu og það er ekki ljóst hve
%¥Bkið bændur fást til að láta af
hendi,“ segir Guðmundur.
Það verð sem Rupari vill greiða
fyrir ærkjötið er að sögn Guðmundar
almennt heimsmarkaðsverð. „Þó er
þetta mun betri kostur en að urða
kjötið,“ segir Guðmundur, „og hægt
er að nýta gærur, innmat og hausa.
Þetta þrennt hefur sláturhúsum ver-
ið boðið til ráðstöfunar, gegn því að
ríkið greiði 50 krónur fyrir hveija
kind sem slátrað er í stað um 60-65
króna sem húsin hafa sett upp.“
Birgðir af árs gömlu lambakjöti
virðast nú vera kringum 1.300 tonn
að sögn Guðmundar. Fyrirtækið
Rupari food vill kaupa allt það dilka-
kjöt sem til fellur og líklegt þykir
að samið verði um sölu á 800 tonn-
IBi innan skamms. Gert er ráð fyrir
að þau 500 tonn af kjöti sem í milli
ber fari til neyslu hérlendis í sept-
ember.
Sigurgeir Þorgeirsson aðstoðar-
maður landbúnaðarráðherra segir
að þrátt fyrir að greiða þurfi háar
útflutningsbætur af dilkakjötinu sé
Sölufélag Garðyrkjumanna:
Tveir stjórnarmenn
segja af sér störfum
TVEIR stjórnarmenn í Sölufélagi garðyrkjumanna hafa sagt af sér
stjórnarstörfum vegna óánægju með vinnubrögð við framkvæmda-
stjóraskipti hjá félaginu.
Á stjórnarfundi sölufélagsins í
síðustu viku var bráðabirgðaupp-
gjör fyrir fyrstu sex mánuði ársins
kynnt. Samkvæmt heimildum
Morgunblaðsins sagði fram-
kvæmdastjóri félagsins, Valdimar
St. Jónasson, starfi sínu lausu eftir
samtal við stjórnarformann að
fundinum loknum og ákvað stjórn-
arformaðurinn og fleiri félagsmenn
að leggja til að Pálmi Haraldsson
hagfræðingur yrði ráðinn í hans
stað.
Uppsögn Valdimars var kynnt á
stjórnarfundi sl. föstudag. Þá mót-
mæltu tveir stjórnarmenn vinnu-
brögðum við framkvæmdastjóra-
skiptin og sögðu af sér. Þeir stjórn-
armenn sem eftir sátu ákváðu að
ráða Pálma í stöðu framkvæmda-
stjóra.
Blaðamaður náði ekki í Örn Ein-
arsson stjómarformann vegna
þessa máls í gær.
Nýi framkvæmdastjórinn og
stjórnarformaður héldu „neyðar-
fundi“ með garðyrkjubændum í
helstu ræktunarhéruðum um helg-
ina.
marsson látinn
Jóhanna Sigurðardóttir félagsmálaráðherra um fjárlagatillögurnar:
Andvíg gjaldtöku nema gripið
verði til tekjujöfnunaraðgerða
AGREININGUR innan Alþýðu-
flokksins um fjárlagatillögur
ríkisstjórnarinnar veldur því að
mikil óvissa cr ríkjandi um hvort
ríkisstjórninni tekst að afgreiða
fjárlagafrumvarpið frá sér í dag
eins og til stóð. Jóhanna Sigurðar-
dóttir félagsmálaráðherra segir
að stefnt sé að víðtækri gjaldtöku
sem komi niður á efnaminni þegn-
um þjóðfélagsins og hún sé því
andvíg nema gripið verði til
víðtækra tekjujöfnunaraðgerða á
móti. „Það var gengið út frá því
í upphafi að ræða ekki þessi mál
út á við og ég held að það færi
betur á því að menn reyndu að
ná niðurstöðu um málið, frekar
en að ræðast við í fjölmiðlum. Ég
vona að Alþýðuflokkurinn komi
sér saman um hugmyndirnar en
það liggur ekki fyrir á þessari
stundu,“ sagði Friðriks Sophusson
fjármálaráðherra í samtali við
Morgunblaðið í gærkvöldi.
Össur Skarphéðinsson þingflokks-
formaður Alþýðuflokksins fullyrðir
hins vegar að Álþýðuflokkurinn muni
afgreiða gjaldahlið frumvarpsins frá
sér í dag. Þingflokkar ríkisstjórnar-
innar héldu fundi um fjárlagafrum-
varpið í gær. Þrátt fyrir skiptar skoð-
anir um einstakar tillögur er ekki
áberandi ágreiningur meðal þing-
manna Sjálfstæðisflokksins um
sparnaðarmarkmiðin.
Össur segir að hugmyndir um inn-
ritunargjöld á sjúkrahúsum séu
komnar út af borði þingflokks Al-
þýðuflokksins. Þingflokkurinn hafi
náð samkomulagi um allar sparnað-
artillögur að skólagjöldum undan-
skildum en sá liður sé upp á 2-300
millj. kr. Þá segir hann að tekjuhlið
frumvarpsins sé nánast frágengin
af hálfu flokksins.
Jóhanna Sigurðardóttir félags-
málaráðherra segir að enn sé eftir
að ræða ákveðin atriði útgjaldatil-
lagnanna og frumvarpið í heild. „Það
er ljóst að stefnt er að mjög víðtækri
gjaldtöku og ég tel mjög nauðsynlegt
að komi til einhverra jöfnunarað-
gerða til að taka versta fallið af þeim
sem eru verst staddir. Ég hefði viljað
sjá að ýmislegt sem tekið er á út-
gjaldahlið verði fært á tekjuhlið í
almennri skattheimtu fremur en að
fara út í svo víðtæka gjaldtöku. Það
hefur ekki náðst samstaða um það,“
ságði Jóhanna.
Félagsmálaráðherra sagði að
gjaldtaka á sjúkrahúsum kæmi ekki
til g^reina af sinni hálfu og sagðist
telja að ekki væru lengur áform um
að taka hana upp. Meiri óvissa ríkti
um skólagjöld en hún teldi ekki fært
að standa að þeim .jafnvel þó þau
yrðu færð í einhvem búning," eins
og hún orðaði það.
„Ég tel mjög óeðlilegt að afgreiða
útgjaldahliðina sér og taka síðan á
tekjuhliðinni. Við þurfum að sjá alla
myndina og hvemig þetta kemur við
einstaka þjóðfélagshópa. Ef verið er
að leggja gjald á efnaminni hópa vil
ég sjá ýmsar jöfnunaraðgerðir og
tala þar ekki síst um húsaleigubæt-
ur, skref í átt að áfanga að hærri
skattfrelsismörkum og skref varð-
andi fjármagnstekjuskatt," sagði Jó-
hanna. „Ef höggvið verður í tekju-
jöfnunaráhrif tekjuskattskerfisins
getur það haft afgerandi áhrif á
mína afstöðu til fjárlagafrumvarps-
ins,“ sagði hún.
13 flokksstjórnarmenn Alþýðu-
flokksins hafa krafíst þess að flokks-
stjórnin verði kölluð saman til að
ræða fjárlagatillögumar og stendur
til að fundur verði haldinn á föstudag
og laugardag.
Hannibal Valdi-
Einn litríkasti stjórnmálamaður samtímans, Hannibal Valdimars-
son, fyrrum forseti Alþýðusambands Islands, alþingismaður og
ráðherra, er látinn 88 ára að aldri. Hann var aðsópsmikill verka-
lýðs- og stjórnmálaforingi um áratuga skeið.
Hannibal Valdimarsson fæddist
13. janúar árið 1903 að Fremri-
Arnardal við Skutulsfjörð í Norður
ísafjarðarsýslu, sonur Valdimars
Jónssonar og Elínar Hannibals-
dóttur.
Hannibal varð gagnfræðingur
frá Akureyri árið 1922 og lauk
kennaraprófi frá Jonstrups Stats-
^seminarium árið 1927. Hann starf-
aði að skólamálum á ísafírði og í
Súðavík næstu árin og var skóla-
stjóri Gagnfræðaskólans á ísafírði
árið 1938 til 1954, er hann baðst
lausnar vegna starfa í Reykjavík.
Hannibal átti sæti á Alþingi frá
1946 til 1974 og var heilbrigðis-
og félagsmálaráðherra í ríkisstjórn
Hermanns Jónassonar á árunum
1956 til 1958 og samgöngu- og
félagsmálaráðherra í ríkisstjórn
Ólafs Jóhannessonar árið 1971 til
1973.
Hannibal var formaður Alþýðu-
flokksins og ritstjóri Alþýðublaðs-
ins frá árinu 1952 til 1954. Hann
var forseti ASÍ 1954 til 1971, for-
maður Alþýðubandalagsins 1956
til 1968, formaður Samtaka fijáls-
lyndra og vinstri manna frá stofn-
un þeirra árið 1969 til 1974 og
jafnframt formaður þingflokks
samtakanna.
Hann var formaður Verkalýðs-
félags Álftfirðinga árin 1930 og
1931, formaður verkalýðsfélagsins
Baldurs á ísafírði 1931 til 1938
og forseti Alþýðusambands Vest-
fjarða 1934 til 1953. Hannibal var
ritstjóri vikublaðsins Skutuls á
ísafírði frá 1934 til 1938 og aftur
1943 til 1952 og eigandi blaðsins
árið 1944 til 1952. Hann var bæj-
arfulltrúi á ísafirði árið 1933 til
1949.
Eftirlifandi eiginkona Hannibals
Valdimarssonar er Sólveig Ólafs-
dóttir.