Morgunblaðið - 08.10.1991, Blaðsíða 18

18
MORGUNBLAÐIÐ ÞRIÐJUDAGUR'8. OKTÓBER 1991
HEIMSMEISTARAMÓTIÐ í BRIDS
íslendingarnir Þorlákur Jónsson, Björn Eysteinsson, Örn Arnþórsson og Guðmundur Páll Arnarson bera saman bækur sínar á heimsmeist-
aramótinu í brids. Björn fyrirliði er greinilega ánægður með stöðuna, en Svíarnir Sven Aake Bjerregard og Tommy Gullberg, sem silja
lengst til hægri, eru heldur þyngri á brúnina.
Þetta var alveg hræði-
lega erfiður leikur
- stundi Jón Baldursson eftir 64 af 96 spilum
Yokohama, Japan. Frá Guðmundi Sv. Hermannssyni, blaðamanni Morgunblaðsins.
ÍSLENSKA landsliðið hafði 38 keppnisstiga forustu á það sænska
þegar 64 af 96 spilum var lokið í undanúrslitaleik heimsmeistara-
mótsins í brids. Islensku spilararnir hafa haldið uppteknum hætti
og spilað brids eins og best gerist í heiminum.
„Hræðilega var þetta erfiður
leikur,” sagði Jón Baldursson þegar
hann og Aðalsteinn Jörgensen
komu út úr lokaða salnum eftir að
hafa spilað öll 64 spil mánudags-
ins. Það gerðu Guðmundur Páll
Arnarson og Þorlákur Jónsson einn-
ig, en Bjöm Eysteinsson fyrirliði
hefur látið yngri mennina spila
meira en Guðlaug R. Jóhannsson
og Örn Arnþórsson eftir að í úrslita-
keppnina var komið.
Leikir íslenskra og sænskra
bridslandsliða hafa yfirleitt verið
jafnir og spennandi og þessi er eng-
in undantekning frá þeirri reglu.
íslendingarnir byrjuðu ekki vel í
leiknum. Jón og Aðalsteinn misstu
slemm'u í fyrsta spili og skömmu
síðar misstu þeir aðra slemmu. En
Guðmundur og Þorlákur bættu það
upp með slemmu, sem Guðmundur
vann á þvingun og náðu að minnka
muninn. Staðan eftir fyrstu 16 spila
lotuna var 40—25 fyrir Svía. En í
næstu lotu sneru íslendingarnir við
blaðinu, skoruðu 38 stig gegn 24
og komust yfír, 64—63. Það voru
aðallega Björn Fallenius og Mats
Nilsland, sem fóru illa út úr við-
skiptum sínum við Jón og Aðal-
stein. Þeir lentu til dæmis í 5 grönd-
um fyrir misskilning þar sem Jón
og Aðalsteinn tóku 7 fyrstu slagina
en Guðmundur og Þorlákur unnu 5
tígla á sömu spil. Þá sýndu íslend-
ingamir yfirburði sína í þessu spili:
■ ÞRÁTT fyrir að í leikjum ís-
lendinga og Svía sé jafnan hart
barist eru spilararnir góðir kunn-
ingjar og hafa töluverð samskipti
utan bridsborðsins. Þannig mátti
sjá fyrirliðana Björn Eysteinsson
og Svante Ryman skeggræða um
spilin í undanúrslitaleiknum þegar
..þau komu á sýningartöfluna— ...
N/Enginn.
Norður
49
V 8652
♦ DG632
4ÁD4
Austur
4K654 •
VG3
♦ ÁK754
4108
Suður
410873
▼ ÁKD974
♦ 8
492
Vestur Norður Austur Suður
Guðm. Bjerreg. Þorlákur Morath
Pass 1 tígull 3 hjörtu
Dobl Dobl 5 hjörtu Pass Pass
Vestur Norður Austur Suður
Nilsland Jón Fallenius Aðalst.
Pass 1 spaði 3 hjörtu
Dobl ‘ 5 hjörtu Dobl a. pass
Báðir norðurspilararnir stukku í
5 hjörtu eftir hindrunarsögn félaga
síns, þar sem þeir bjuggust við að
AV ættu geim í spilinu. Við annað
borðið spilaði Nilsland út spaðaás
og skipti yfír í tígultíu sem austur
tók með kóng. Austur. skipti yfír í
tromp en það var of seint. Aðal-
steinn víxltrompaði spaða og tígul,
svínaði síðan fyrir laufdrottningu
og fékk 11 slagi, 650. Við hitt borð-
ið spilaði Guðmundur Páll einfald-
lega út trompi, eins og oftast er
rétt að gera eftir sagnir sem þess-
ar. Þegar Þorlákur komst inn spil-
aði hann aftur trompi og nú gat
sagnhafí ekki fengið nema 10 slagi.
100 til íslands og 13 stig.
Islenska liðið vann báðar 16 spila
loturnar sem eftir voru á mánudag.
Þá fyrri 28—10 og þá síðari 46—23.
Staðan var því 137—99. Það þykir
merki um góða spilamennsku ef lið
gefur ekki út meira en tvö stig að
meðaltali í spili. Af því sést að ís-
lendingarnir hafa verið að spila sér-
lega vel, en það sænska er rétt
yfír þessari viðmiðun. Þetta sænska
lið er það sama og vann silfurverð-
laun á Evrópumótinu í Killarpey í
sumar, skipað þeim Pio Sundelin,
Tommy Gullberg, Sven-Aake
Bjerrgard og Anders Morath auk
Fallenius og Nilsland.
ísland komst auðveldlega áfram
í undanúrslitum með því að vinna
B-lið Bandaríkjanna með yfirburð-
um, 271 stigi gegn 184. íslenska
liðið tók forystuna þegar í upphafí-
og hleypti Bandaríkjamönnunum
aldrei nálægt sér. „Þeir spiluðu ein-
föld sagnkerfi sem við þekkjum vel
og okkur leið vel við spilaborðið,”
sagði Þorlákur Jónsson um leikinn
við Bandaríkin. Þorlákur sagði að
íslenska liðið hefði spilað þokkalega
vel og einkum haft yfírhöndina í
sagnbaráttustöðum.
En Hugh Ross, fyrirliði Banda-
ríkjamannanna, var ekki eins lít-
illátur og Þoriákur þegar hann var
spurður um leikinn. „íslendingarnir
spiluðu einstaklega - vel. Þeir voru
sérstaklega erfíðir ef við teygðum
okkur um of í sögnum og refsuðu
okkur þá oft harkalega. Þeir sýndu
mikla nákvæmni í sagnbaráttu og
úrspilamennska þeirra var frábær.
Spili íslendingamir svona það sem
eftir er mótsins hljóta þeir að eiga
góða möguleika á að vinna það,”
sagði Ross.
Ross hefur ef til vill haft þetta
spil í huga:
Norður
4ÁD43
4ÁKG8
♦ Á
Vestur 4D742 Austur
49 4G852
▼ D10763 ▼ 92
♦ D10732 ♦ KG65
4 K6 Suður 4 G95
4 K1076
▼ 54
♦ 984
4Á1083
Bæði Guðmundur Páll og Steve
Weinstein spiluðu 6 spaða í suður.
Jón spilaði út- trompi gegn Wein-
stein sem hleypti því heim á tíuna,
tók ás og kóng í hjarta og tromp-
aði hjarta. Þetta var ekki besta leið-
in í spilinu og nú missti Weinstein
vald á því. Hann gaf á endanum
slagi á tromp og lauf og fór einn
niður.
Við hitt borðið opnaði Þorlákur
á 1 laufí í norður, Guðmundur sagði
1 spaða og Ferro kom inn á einu
grandi, sem sýndi hjarta og tígul
og veik spil. Hann spilaði síðan út
tígli gegn 6 spöðum sem Guðmund-
ur tók á ásinn. Hann tók ÁD í spaða
■ ÍSLENSKA liðið lét búa til
boli sem á stendur stórum stöfum
„Bridge Yokohama” áður en það
hélt til Yokohama. Þegar
íslendingarnir skarta þessum
bolum vekja þeir mikla athygli og
fjöldi fólks hefur spurst fyrir um
hvar væri hægt að kaupa svona
flíkur. Ef til vill er þarna ný
útflutningsvara á ferðinni.
■ GUÐMUNDUR Arnarson spil-
aði út ás gegn slemmu sem Svíarn-
ir fóru í og spilaði litnum áfram í
þeirri von .að gefa Þorláki stungu.
„Hann verður nú að eiga tromp
til þess,” sagði Sven-Áke Bjerreg-
ard stríðnislega um leið og hann
lagði upp. Hann og blindur voru
nefnilega saman með öll trompin
þrettán.
■ AÐALSTEINN Jörgensen og
Jón Baldursson fengu hæstu skor
íslensku paranna þegar spilin í
undankeppninni voru reiknuð út í
tvímenning og þeir spiluðu einnig
flest spilin. Öll íslensku pörin voru
fyrir ofan meðalskor en vegna
ruglings í útreikningi var ekki ljóst
hve skor þeirra var há. Hins vegar
fengu Svíamir Morath og Bjerreg-
ard langhæstu skor í heildina og
Bretamir Kirby og Armstrong
komu næstir.
■ EFTIR undankeppnina hófst
sérstakt tvímenningsmót, Yoko-
hama Cup, fycir- þá- spilara sem
Vestur
4ÁDG2
▼ 10
♦ 109
4 KG7653
4B44
w
og spilaði laufi á tíuna og kóng
vesturs. Vestur spilaði hjarta og
Guðmundur stakk upp ás, svínaði
spaðatíunni og trompaði tígul með
síðasta trompinu í borði. Loks spil-
aði hann laufi á ásinn, tók síðasta
trompið af austri og svínaði hjarta-
gosanum til að landa slemmunni.
Þarna spilaði Guðmundur eins og
hann sæi öll spilin sem vestur hafði
reyndar sýnt honum með tilgang-
slítilli innákomunni.
Hinir fjórðungsúrslitaleikirnir
voru mjög spennandi. Leikur Brasil-
íu og Á-sveitar Bandaríkjanna var
hnífjafn frá upphafi til enda þar sem
bæði liðin skiptust á um að hafa
forystuna. Fyrir síðasta spilið höfðu
Bandaríkjamenn 5 stiga forystu. í
þessu síðasta spili fóru Bandaríkja-
mennirnir við annað borðið í 4
hjörtu, fengu á sig dobl þegar
trompið lá illa og töpuðu 500, eins
og raunar flest önnur pör með sömu
spil. En við hitt borðið voru Meckst-
roth og Rodwell samir við sig í
sagnhörkunni og voru komnir í 4
spaða á hin spilin áður en andstæð-
ingarnir vissu af. Sá samningur var
vonlaus og Bandaríkin töpuðu 13
stigum, og leiknum, á spilinu. Pól-
land vann Evrópumeistara Breta
örugglega þótt Bretarnir hefðu yfir
eftir 32 spil. Svíþjóð vann Argent-
ínu eftir frekar jafnan leik. í kvenn-
aflokki unnu báðar bandarísku
sveitirnar sína Ieiki sem og lið
Austurríkis og Kína.
í öðrum undanúrslitaleikjum er
staðan sú að Brasilíumenn hafa
skorað 162 stig gegn 139 stigum
Pólverja; síðasta 16 spila lotan fór
75—4 fyrir Brasilíu. í kvennaflokki
leiðir B-sveit Bandaríkjanna gegn
A-sveitinni, 167—106 og Austurríki
hefur skorað 155 stig gegn 137
stigum kínvereku stúlknanna.
Síðustu 32 spilin í undanúrslitun-
um verða spiluð í dag og hefst spila-
mennskan klukkan 11.30 að staðar-
tíma, eða um klukkan 2.30 aðfara-
nótt þriðjudags að íslenskum tíma.
Leiknum lýkur um klukkan 17 eða
klukkan 8 á þriðjudagsmorgni að
íslenskum tíma. Liðin sem vinna
spila 160 spila úrslitaleik á miðviku-
dag, fimmtudag og föstudag, en
liðin sem tapa spila 64 spila leik á
miðvikudag um 3. sætið á mótinu.
ekki komust áfram og aðra sem
áhuga höfðu. Helgi Jóhannsson og
Guðmundur Sv. Hermannsson taka
þátt í mótinu og eftir 12 umferðir
af 16 voru þeir í 8. sæti af um
100 pörum. Þrátt fyrir það hefur
þeim gengið erfiðleika að einbeita
sér að spilamennskunni þar sem
athyglin beinist öll að keppninni
um Bermuda-skálina.
■ RITSTJÓRN mótsblaðsins
spáði í fjórðungsúrslitaleikina og
undanúrslitaleikina. íslandi var
spáð sigri gegn Bandaríkjamönn-
um,_ og það gekk eftir. Leikur Svía
og íslendinga var talinn geta orðið
stórskemmtilegur. „Bæði lið eru í
góðu formi og framsækin. Svíþjóð
hlýtur að vera sigurstranglegra
vegna reynslu spilaranna, sem
gæti ráðið úrslitum. En ef Svíarnir
spila ekki eins og þeir geta best,
verður meiri gleði hjá íslendingun-
um sem gætu auðveldlega komið
á óvart,” segir þar.
■ HENRY Francis, ritstjóri
mótsblaðsins, fór á stúfana í gær
að afla upplýsinga um íslensku
spilarana sem eru lítið þekktir á
alþjóðlegum vettvangi. „Það er
kominn tími til að íslendingarnir
komist í mótsblaðið. Þeir þui-ftu
aðeins að vinna riðlakeppnina og
einn fjórðungsúrslitaleik,” sagði
Francis og glotfi skömmustulega.