Morgunblaðið - 12.02.1992, Blaðsíða 16

16
MORGUNBLAÐIÐ MIÐVIKUDAGUR 12. FEBRÚAR 1992
Chicago-Lyric óperan:
Opnunarhátíðin
kveikja að Metro-
politansamningi
- segir Kristján Jóhannsson óperusöngvari
KVEIKJAN að því að forsvarsmerin Metropolitan-operunnar
ákváðu að fylgjast með Kristjáni Jóhannssyni, óperusöngvara, í
Chicago-Lyric óperunni í þeim tilgangi að bjóða honum hlutverk
við óperuna var að sögn söngvarans frammistaða hans í hlut-
verki Faust í Mefistofele eftir Boito á opnunarhátíð Chicago-
Lyric óperunnar í haust. Kristján hefur gert samning um að syngja
aðalhlutverkið í tveimur óperum
„Menn töluðu um að opnunar-
hátíðin hefði verið ein sú glæsileg-
asta hjá húsinu frá upphafi en
eftir sýninguna var okkur, mér
og frúnni, boðið í glæsilegt gaia-
samkvæmi á Hilton-hótelinu þar
sem við sátum til borðs með borg-
arstjóranum og óperustjóranum,“
sagði Kristján Jóhannsson, óperu-
söngvari, þegar hann var inntur
eftir opnunarhátíðinni.
í Metropolitan-óperunni að ári.
Hann kvaðst viss um að hún
hefði verið kveikjan að því að for-
svarsmenn Metropolitan-óperunn-
ar í New York hefðu ákveðið að
koma til Chicago að hlusta á sig
í Turandot. í kjölfar þess var
Kristjáni boðið að syngja aðalhlut-
verkið í óperunum Cavaleria
Rusticana og II Trovatore í Metro-
politan-óperunni í febrúar á næsta
ári.
Ardis Krainik, óperustjóri í Chicago-
Lyric óperunni, Richard Daley, borg-
arstjóri í Chicago, og Kristján Jó-
hannsson eftir opnunarhátíðina.
Djöfullinn Mefistofele (Samuel Ra-
mey) telur Faust (Kristján Jóhanns-
son) á að gera samning við sig.
Guðmundur Eiríksson sendi-
herra á skrifstofu sinni . .
Óþelló í íslensku óperunni:
Sendiherra í hlut-
verki sendiherra
. . og_ i hlutverki sendiherra á
sviði íslensku óperunnar
Rætt við Guðmund Eiríksson sendi-
herra og þjóðréttarfræðing
VART eru þess mörg dæmi í óperusögunni, ef nokkur, að sendi-
herra syngi hlutverk sendiherra í uppfærslu á Óþelló eftir Verdi.
f sýningu Islensku óperunnar á Óþelló syngur Guðmundur Eiríks-
son sendiherra og þjóðréttarfræðingur utanríkisráðuneytisins í
kórnum og kemur fram sem einn af fjórum sendiherrum Fen-
eyinga. Guðmundur er einnig stjómarformaður íslensku óperunn-
ar.
í samtali við Morgunblaðið sagð-
ist Guðmundur vera alinn upp við
söng, enda prestssonur. Hann
sagðist hafa sungið í kór á háskóla-
árum sínum í Bandaríkjunum , í
söngsveit Fílharmóníunnar eftir að
heim kom og í óperukómum sl.
fímm ár, auk þess sem hann hefur
stundað söngnám.
Aðspurður sagði hann að áhuga-
málið færi ágætlega við starfið.
Ekki væri alltaf mikill munur á
að vera utan sviðs og innan, því
bæði í samningaviðræðum og fyrir-
lestrum erlendis kæmi sviðsreynsl-
an sér vel. Söngurinn létti líka líf-
ið, því í honum gleymdust hvers-
dagsáhyggjumar.
En hvemig taka þá erlendir
starfsfélagar hans þessu? Guð-
mundur sagði þátttöku sína í
óperukómum vera kunna meðal
þeirra og þeir hefðu gaman af.
Annars væri söng- og óperuáhugi
hans ekki einstakur í þessum hópi,
því einn félaginn í Vínarborg ætti
300 ópemuppfærslur. Danskur fé-
lagi hans slær honum rækilega
við, því hann hefur um árabil verið
statisti við Konunglegu ópemna
og þar með komið fram í fjölda-
mörguni ópemm. Guðmundur
sagðist fyrir skömmu hafa troðið
upp í Glúntasöng með sænskum
félaga sínum, sem auk þess væri
sekkjapípuleikari og hefði leikið í
konunglegum veislum. Þjóðréttar-
fræðingar væru því ekki allir sem
þeir væm séðir.
Söfnun fyrir fiðlu:
Sigrún Eðvaldsdóttir
fiðluieikari finnur
fiðlu til kaups í London
Safnast hafa þrjár milljónir af níu, sem fiðlan kostar
Morgunblaðið/Ámi Sæberg
Sigrún Eðvaldsdóttir með fiðluna góðu, sem henni stendur til
boða að kaupa fyrir níu milljónir.
Eins og áður hefur komið
fram hefur Sigrún Eðvaldsdótt-
ir fiðluleikari undanfarið verið
að leita sér að fiðlu við hæfi. í
síðustu viku var Sigrún í Lon-
don í fiðluleit og fann þá fiðlu,
sem henni leist vel á. Verslunin
hefur nú lánað henni fiðluna
til reynslu í tvo mánuði. Verðið
er níu milljónir. Síðan í desemb-
er hafa safnast þrjár milljónir
í Fiðlusjóð Sigrúnar, sem stofn-
aður var af velunnurum henn-
ar, til að standa straum af þess-
ari dýru fjárfestingu.
í viðtali við Morgunblaðið sagði
Sigrún að um væri að ræða fiðlu,
sem hefði verið smíðuð 1720 af
Josef Guarneriusi, sem er einn af
fleiri fíðlusmiðum í þessari víð-
frægu fíðlufjölskyldu. Sigrún
sagði að á fiðlunni væm ummerki
eftir son hans, sem var enn fræg-
ari en faðirinn. „Tónninn í henni
er frekar dökkur og djúpur, en
hún er líka björt og þetta hæfir
mér mjög vel, svo mér líður eins
og hún sé mín.
Fiðlur eru metnar sem safn-
gripir og þessi er nýviðgerð. Ann-
ars væri hún helmingi dýrari. Og
ég er heppin, því hún hefur ekki
verið til sölu áður.“
Hvemig fannstu fiðluna?
„Ég var búin að leita í Banda-
ríkjunum, en fann hana í London
í síðustu búðinni, sem ég ætlaði
í, og var orðin þreytt og rugluð
eftir langa leit og sorgmædd, því
ég hélt ég fynndi aldrei þá sem
mér líkaði og væri á viðráðanlegu
verði. Mér var tekið opnum örm-
um í búðinni, því ég hafði beðið
bandarískan vin minn, sem þekkir
til, að hafa samband við hana.
Það þýðir ekki að koma bara sem
einhver stelpa utan af Islandi, því
þá er manni ekki sýnt mikið. Ég
sagði þeim hvaða verð ég væri
að hugsa um og þeir röðuðu upp
tíú fiðlum. Mér leist strax vel á
þessa fiðlu og fannst hún mörgum
flokkum fyrir ofan hinar, en
fannst óþægilegt að þeir gáfu
hvorki upp verð né uppruna. Ég
hugsaði svo málið um kvöldið.
Daginn eftir fór ég aftur í búð-
ina, spilaði á fiðluna allan daginn
og fann að hún átti við mig. Ég
útskýrði svo fyrir þeim hvernig
málum væri háttað og þá fyrst
töluðu þeir við mig. Þarna vilja
þeir láta mann hugsa um fiðlurn-
ar, án þess að hugsa um of um
verðið. Eftir á sá ég að þetta er
rétti sölumátinn."
í maí heldur Sigrún tónleika í
Litháen og síðar spilar hún fiðlu-
konsert eftir Mozart á Janasek-
hátíð í Tekkóslóvakíu.
Safnað.fyrir Sigrúnu
Morgunblaðinu hefur borist
fréttatilkynning frá Áma Tómasi
Ragnarssyni, fyrir hönd Fiðlu-
sjóðs Sigrúnar. Þar segir meðal
annars:
„Einhveijum kann að finnast
að dýr fiðla sé óþarfa munaður,
ekki síst á erfiðleikatímum. Þá er
á að benda að mikil list er aldrei
of mikill munaður, hún er mannin-
um ávallt nauðsynleg og honum
aldrei mikilvægari en einmitt á
erfiðleikatímum. Sigrún er nú á
besta aldri til þess að rækja list
sína. Til þess hefur hún bæði
metnað og atorku; til þess þarf
hún einnig gott hljóðfæri.
Margir aðilar hafa lagt fé í
Fiðlusjóð Sigrúnar og fyrir það
ber að þakka. Alls hafa nú safn-
ast og fengist loforð fyrir um 3
milljónum króna. Enn er þó langt
í land með að Sigrún geti haldið
fiðlunni, sem hún hefur að láni.
í dag stendur Fiðlusjóður Sigr-
únar fyrir sérstöku söfnunarátaki
og hafa forráðamenn Gulu línunn-
ar ásamt fleiri aðilum verið svo
vinsamlegir að ljá liðsinni sitt við
söfnunina. Tekið verður á móti
fjárframlögum í Gulu línunni,
síma 626262 klukkan 18-23 í
kvöld, en einnig er hægt að leggja
inn á tékkareikning Fiðlusjóðs
Sigrúnar nr. 2400 í aðalbanka
Búnaðarbankans.