Morgunblaðið - 26.02.1992, Blaðsíða 22

Morgunblaðið - 26.02.1992, Blaðsíða 22
22 MORGUNBLAÐIÐ MIÐVIKUDAGUR 26. FEBRUAR 1992 orgtmMftfeife Útgefandi Framkvæmdastjóri Ritstjórar Fulltrúar rttstjóra Fréttastjórar Ritstjórnarfulltrúi Árvakur h.f., Reykjavík Haraldur Sveinsson. Matthías Johannessen, Styrmir Gunnarsson. Þorbjörn Guðmundsson, Björn Jóhannsson, Árni Jörgensen. Freysteinn Jóhannsson, Magnús Finnsson, Sigtryggur Sigtryggsson, Ágúst Ingi Jónsson. Björn Vignir Sigurpálsson. Ritstjóm og skrifstofur: Aðalstræti 6, sími 691100. Auglýsingar: Aðal- stræti 6, sími 691111. Afgreiðsla: Kringlari 1, sími 691122. Áskriftar- gjald 1200 kr. á mánuði innanlands. I lausasölu'110 kr. eintakið. Alþýðubandalagið osr fiskveiðistefnan Iályktun, sem miðstjórn Alþýðu- bandalagsins samþykkti um síðustu helgi var athyglisverður kafli um sjávarútvegsstefnu. Þar var lögð áherzla á nauðsyn þess að skapa samstöðu um nýja stefnu í sjávarútvegsmálum. Síð- an sagði: „Komið hefur í ljós, að núverandi stefna í sjávarútvegs- málum nær ekki með fullnægj- andi hætti fram markmiðum um þjóðhagslega hagkvæmni, rétt- láta dreifingu arðs og verndun og nýtingu fiskistofna." I samtali við Morgunblaðið í gær gerði Ólafur Ragnar Gríms- son, formaður Alþýðubandalags- ins, frekari grein fyrir því hvað í þessari ályktun felst. í frétt Morg- unblaðsins af ummælum Ólafs Ragnars segir m.a. svo: „Hann sagði að flokkurinn legði megin- áherslu á að núverandi fram- kvæmd fiskveiðistjórnunarlag- anna væri í ósamræmi við 1. greinina, þar sem kveðið væri á um það að fiskimiðin i kringum landið væru þjóðareign og nýting aflaheimilda skapi ekki rétt til eignar. „Til viðbótar höfum við lagt áherslu á að í framkvæmd þurfum við að tryggja þrennt. í fyrsta lagi að fiskimiðin séu í reynd þjóðareign og þjóðin fái arðinn af þeim, í öðru lagi að atvinnuhagsmunir byggðarlag- anna séu tryggðir og í þriðja lagi að uppbygging fiskiskipaflotans og fiskvinnslufyrirtækjanna sé á þann veg að hámarksarður fá- ist."" Þessi samþykkt miðstjórnar Alþýðubandalagsins og skýring formanns flokksins á því hvað í henni felst sætir töluverðum tíð- indum. Alþýðubandalagið hefur hingað til farið sér svo hægt í umræðum um fiskveiðimál, að undrun hefur vakið. Nú er hins vegar ljóst, að flokkurinn leggur í vaxandi mæli áherzlu á það grundvallaratriði, að fiskimiðin séu eign þjóðarinnar og að þjóð- inni beri arður af þessari eign. I samþykkt Alþýðubandalagsins felst að tveir stjórnmálaflokkar, Alþýðuflokkur og Alþýðubanda- lag, leggja nú áherzlu á þetta meginatriði. Þótt skoðanir séu mjög skiptar innan Sjálfstæðisflokksins um málið er ástæða til að minna á þau ummæli sem Davíð Oddsson, forsætisráðherra og formaður Sjálfstæðisflokksins, lét falla í kosningabaráttunni sl. vor er hann Iýsti því yfir að gera yrði lagaákvæðið um sameign þjóðar- innar á fiskimiðunum virkara og skömmu síðar lýsti hann þeirri skoðun, að ástæða gæti verið til að stjórnarskrárbinda þetta lagaákvæði. Þá gaf Friðrik Sophusson, fjár- málaráðherra og varaformaður Sjálfstæðisflokksins, mjög af- dráttarlausa yfirlýsingu um sína afstöðu til málsins í ræðu á Al- þingi hinn 5. maí árið 1990. Vara- formaður Sjálfstæðisflokksins sagði m.a.: „Þar sem fiskimiðin eru takmörkuð auðlind er ljóst, að rétturinn til veiðanna er verð- mætur og eftirsóknarverður fyrir fleiri en þá, sem fengið hafa veiði- leyfi. Þessi staðreynd birtist m.a. í því verði, sem greitt er fyrir aflakvóta og umframverð fyrir skip, sem hafa -veiðiréttindi. Það liggur því beint við, að eigendur auðlindarinnar, íslenzka þjóðin, selji veiðileyfi." Þótt Morgunblaðið vilji ekki draga neinar afdráttarlausar ályktanir af orðum Davíðs Odds- sonar er þó ljóst, í hvaða átt þau hníga og ummæli varaformanns Sjálfstæðisflokksins eru ótvíræð. Það fer því ekkert á milli mála, að tveir helztu forystumenn Sjálf- stæðisflokksins vilja leggja áherzlu á lagaákvæðið um sam- eign þjóðarinnar, sem er líka kjarninn í málflutningi Morgun- blaðsins um þettaf'mál. Hin pólitíska staða sýnist því vera sú, eftir að miðstjórn Al- þýðubandalagsins samþykkti ályktun sína, að Framsóknar- flokkurinn er eini stjórnmála- flokkurinn, sem í heild rígheldur í kvótakerfið. Auðvitað eru innan Sjálfstæðisflokksins sterk öfl, sem vilja viðhalda kvótakerfinu og þau njóta forystu Þorsteins Pálssonar sjávarútvegsráðherra. Sú staðreynd blasir hins vegar við, að umfjöllun formanns og varaformanns flokksins er á allt annan veg. Það er því tæpast ofmælt að segja, að vaxandi pólitískur stuðningur sé við þá fiskveiði- stefnu, að undirstrika í reynd lagaákvæðið um sameign þjóðar- innar á fiskimiðunum. I því ljósi verður að telja samþykkt mið- stjórnar Alþýðubandalagsins bæði markverð pólitísk tíðindi og sérstakt fagnaðarefni. Nú starfar sérstök nefnd á vegum stjórnarflokkanna að end- urskoðun laganna um fískveiði- stjórnun. Starf þessarar nefndar á eftir að verða mjög til umræðu, þegar líður á árið. Hins vegar hafa stjórnmálamenn, þ. á m. al- þingismenn, lítið fjallað um þessi veigamiklu mál á undanförnum mánuðum. Æskilegt er, að þeir láti meira að sér kveða í þessum umræðum á riæstunni og ekki sízt er nauðsynlegt að fram fari víðtækar umræður um málið á vettvangi Sjálfstæðisflokksins til þess að auðvelda flokksmönnum að gera upp hug sinn. Rúturnar utan vegar í hlíðinni. Suðurlandsvegi lokað vegna hvassviðris fyrir hádegi í gær: Farþegar rétt sluppi; rútunni áður en húv\ ENGAN sakaði þegar tvær rútur, hvor með um 40 nemendur úr Flensborgarskóla, fuku út af Suðurlandsvegi í Draugahlíð ofan við Litlu kaffistofuna í gærmorg- un. Önnur rútan valt á hliðina út fyrir veg þegar nemendurnir og kennari og bílstjóri höfðu nýlega forðað sér út en hin rútan hélst á réttum kili en rann hálf út fyrir veginn. Lögregla stöðvaði alla umferð um Suðurlandsveg um tveggja tíma skeið í gærmorgun en þá var þar ekki stætt í hryðj- um. AIls höfðu ökumenn sex bíla misst farartæki sín út fyrir veg vegna vindsins á Sandskeiði og í Draugahlíð en engan sakaði að heitið gæti. Við Hólmsá tókst tóm- ur 20 feta gámur á loft af palli vöruflutningabíls og fauk út fyrir veg. Lögreglu- ogslökkviliðsmenn voru sendir á staðinn þar sem rúturnar höfðu oltið en farþegar og bílstjóri leituðu skjóls í Litlu kaffistofunni. Lögreglu- og slökkviliðsmenn áttu í miklum erfiðleikum með að athafna sig á staðnum enda hviðurnár svo snarpar að engum var stætt. Var gripið á það ráð að binda taug milli þeirra bfla sem voru í hlíðinni og eftir þeim fetuðu menn sig áfram. Þegar veðrið tók að ganga niður var send rúta til að sækja þangað Flens- borgarnemendur sem ásamt fjöl- mörgum öðrum vegfarendum biðu af sér veðrið í eða við Litlu kaffistof- una. Síðustu farþegarnir rétt komnir út þegar rútan valt Símon Jón Jóhannsson, kennari í Flensborgarskóla, sagði að í tilefni vakningardaga í skólanum, en svo nefnast þeir dagar á hverjum vetri þegar bóknámi er vikið tjl hliðar fyr- ir annars konar vinnu og fræðslu- og skemmtiferðum, hefði í morgun verið farið með hóp um 200 nem- enda í fjórum rútum. Hefði helming- urinn ætlað á Þingvöll en hinn helm- ingurinn á Stokkseyri og Eyrar- bakka. Rútur þeirra síðarnefndu voru á undan og komnar upp í miðja Draugahlíðina þegar snörp hviða tók með sér bílana og þeytti þeim yfír veginn og út í kant, þar sem þær vógu salt. „Við smöluðum hópnum út og það stóð á endum að þeir síð- ustu voru komnir út þegar rútan valt. Það meiddi sig enginn en marg- ir voru „sjokkeraðir"," sagði hann. Símon sagði að eftir á, þegar allir væru komnir ómeiddir í skjól, þætti sjálfsagt mörgum úr hópnum meira spennandi og eftirminnilegra að hafa Símon Jón Jóhannsson og nokkrir nemendur hans fyrir utan Litlu kaffís Við Rauðavatn sneri lögreglan í Reykjavík þeim bílum við sem ætluðu austur yfir fjall og hinum megin fjallsins gerðu lögreglumenn frá Selfossi hið sama. j

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.