Morgunblaðið - 26.02.1992, Blaðsíða 27
27
MORGUNBLAÐIÐ MIÐVIKUDAGUR 26. FEBRÚAR 1992
Morgunblaðið/Rúnar ^ór
Pakkar afhentir í afmæliskaffinu
Starfsfólk Útgerðarfélags Akureyringa hélt upp á 50 ára afmæli Sölumiðstöðvar Hraðfrystihúsanna í gær
og var mikið um dýrðir í kaffitímanum af þessu tilefni. Lúðrasveit Akureyrar lék nokkur lög á meðan
starfsmenn gæddu sér á tertu og síðan söng Hólmfríður Benediktsdóttir við undirleik Björns Steinars Sól-
bergssonar. Þá voru starfsmönnum færðar gjafir frá SH í tilefni hálfrar aldar afmælis samtakanna_ og
virtist þeim falla gjöfin vel í geð, en hún var m.a. svunta og spil. Gunnar Ragnars, framkvæmdastjóri ÚA,
sagði að SH væri Útgerðarfélaginu afar mikilvægt og það hefði sýnt sig að um væri að ræða gott fyrir-
komulag hvað samtökin varðar. ÚA er annað stærsta aðilarfélagið að SH með um 11% hlut af heildarstarf-
semi samtakanna.
Fyrirhugað að stofna
Samtök atvinnulífsins
Atvinnumálanefnd Akureyrar boðar
til kynningarfundar á föstudag
ATVINNUMÁLANEFND Akureyrar hefur í samráði við Vilhjálm
Egilsson framkvæmdastjóra Verslunarráðs kannað að undan-
förnu grundvöll þess að stofna á Akureyri samtök aðila seHT
standa í einhvers konar atvinnurekstri. Viðbrögð við athugun-
inni hafa verið jákvæð, þannig að ákveðið hefur verið að boða
til kynningarfundar um stofnun slíkra samtaka á Hótel KEA á
föstudag kl. 13.30. Á fundinum mun Vilhjálmur m.a. fjalla um
starfsemi slíkra samtaka.
Tilgangur fundarins er að
kanna hvort áhugi sé meðal at-
vinnurekenda á Akureyri um
myndun breiðfylkingar allra
þeirra sem á einn eða annan hátt
tengjast atvinnurekstri, til að ná
fram fram fjölmörgum hagsmun-
amálum atvinnulífsins í bænum.
Verði niðurstaða fundarins já-
kvæð er hugmyndin að mynda
undirbúningshóp til að vinna að
framgangi málsins.
Verði af stofnun Samtaka at-
vinnulífsins á Akureyri hyggjast
þau m.a. standa fyrir fundum um
atvinnumál í bænum, gefa út
fréttabréf um málefni atvinnuveg-
anna og beita sér fyrir námskeiðs-
haldi í þeirra þágu. Þá er hug-
myndin að samtökin muni beita
sér fyrir samstarfí og samvinnu
við erlend verslunarráð m.a. með
því að safna upplýsmgum um er-
lend viðskiptasambönd, vera ieið-
andi í kynningu á Akureyri m.a.
með sýningarhaldi á framleiðslu-
vörum af Eyj afj arðarsvæðinu og
kanna grundvöll þess að koma
fót söluskrifstofu fyrir eyfírska
framleiðslu, þjónustu og hugvit
bæði á innlenda og erlenda mark-
aði. Þá munu samtökin einnig
beita sér fyrir atvinnunýjungum í
bæjarfélaginu.
Leikdeild Ungmennafélags Skriðuhrepps:
Bör Börson jr. afar vel
tekið á frumsýningTi
Ytri-Tjömum.
HÚSFYLLIR var og góð stemmning í samkomuhúsinu á Melum
í Hörgárdal þegar Leikdeild Ungmennafélags Skriðuhrepps frum-
sýndi gamanleikinn Bör Börson jr. síðastliðið föstudagskvöld.
Verkið er samið upp úr skáldsögu Johans Falkberget, en Thor-
alf Sandö samdi leikritsgerðina.
Morgunblaðið/Rúnar Þór
Fákurinn
yfirfarinn
Þeir félagar, Gummi og Halli,
voru á dögunum að dytta að
mótorfák einum og ekki var
annað að sjá en það hafi farist
þeim vel úr hendi.
Alls eru 15 leikarar í sýning-
unni og þeim leikstýrði Eggert
Kaaber. Mikil og góð leiklistarhefð
er í Hörgárdal og þar hafa verið
settar upp fjölmargar leiksýningar
á undanförnum áratugum, enda
eru flestir leikara sviðsvanir og
skila hlutverki sínu með sóma.
Með aðalhlutverkið fer Þórður
Steindórsson, en hann leikur sjálf-
an Bör Börson með miklum tilþrif-
um. Hann er á sviðinu nær allan
tímann og heldur uppi stöðugum
dampi og er í einu orði sagt
sprenghlægilegur, en hefur þó
næma tilfinningu fyrir því að of-
leika ekki. Aðrir leikarar standa
einnig vel fyrir sínu, þannig að
útkoman verður mjög skemmtileg
og íjörug sýning.
Ný brú er komin á Hörgá og
bundið slitlag nánast alla leið,
ekkert ætti því að vera því til fyrir-
stöðu að Akureyringar og aðrir
nágrannar Hörgdæla drifu sig á
leiksýninguna á Melum. Þeir verða
ábyggilega ekki fyrir vonbrigðum.
Þriðja sýning á verkinu verður
í kvöld, þriðudagskvöld, og sú
fjórða á fimmtudagskvöld, en sýn-
ingar hefjast kl. 20.30.
-Benjamín
INNLENT
Frá fundi Gigtarfélagsins á Norðurlandi eystra sem haldinn var á Hótel KEA fyrir skömmu.
Gigtarfélagið á Norðurlandi eystra:
Fimmti hver Islendingxir fær
gigt einhvern tíma ævinnar
HELSTU baráttumál Gigtarfé-
lagsins á Norðurlandi eystra eru
að fá fastráðinn sérfræðing í
gigtlækningum við Fjórðungs-
sjúkrahúsið á Akureyri og að
koma upp varanlegri iðjuþjálfun-
araðstöðu fyrir gigtsjúka á Akur-
eyri. Þetta kom fram á fundi sem
félagið efndi til fyrir skömmu á
Hótel KEA.
Á fundinum kynnti Ingvar Teits-
son gigtlæknir iðjuþjálfun fyrir
gigtsjúka, sem hefst að Bjargi á
Akureyri 6. mars næstkomandi, en
þá mun Anna Sveinbjörnsdóttir yf-
iriðjuþjálfi hjá Gigtarfélagi íslands,
GI, koma og leiðbeina gigtsjúkum
um hjálpartæki, liðvernd og fleira
er að iðjuþjálfun lýtur. Til þessa
hafa gigtsjúkir norðanlands ekki
átt kosta á iðjuþjálfun á heimaslóð-
um, en fyrirhugað er að iðjuþjálfar
Akureyrarkirkja:
Sautjánda kirkjuvikan að hefjast
SAUTJÁNDA kirkjuvika Akur-
eyrarkirkju hefst á sunnudag,
1. mars, og verður ýmislegt um
að vera í kirkjunni af því tilefni
alla næstu viku.
Fjölskylduguðsþjónusta verður í
kirkjunni á sunnudag, þar sem
Guðmundur Einarsson fræðslufull-
trúi kirkjunnar á Norðurlandi pred-
ikar. Á mánudag taka sóknarprest-
ar á móti börnum úr 7. bekk Lund-
arskóla og á fimmtudag heimsækja
börn úr sama bekk Barnaskóla
Akureyrar kirkjuna. Þá verður á
fimmtudag opið hús fyrir aldraða,
þar sem Olöf Leifsdóttir iðjuþjálfi
ræðir um þjálfun við daglegar at-
hafnir. Um kvöldið verður kvöld-
vaka fyrir unga fólkið þar sem boð-
ið verður upp á tónlistar- og leik-
atriði.
Á þriðjudagskvöld verður kvöld-
vaka þar sem séra Pétur Sigurgeirs-
son, biskup, flytur ræðu, tónlist
verður flutt, kórsöngur, og ávarp.
Föstumessa verður á miðvikudags-
kvöld, sr. Gunnlaugur Garðarsson
sóknarprestur í Glerárkirkju predik-
ar og kór Glerárkirkju syngur.
Einar Gylfí Jónsson forstöðu-
maður Unglingaheimilis ríkisiris
flytur fyrirlestur um aðstæður ungl-
inga, hlutverk uppalenda og sam-
skipti foreldra og unglinga í Safn-
aðarheimilinu á föstudagskvöld.
Hádegistónleikar verða í kirkj-
unni kl. 12 á laugardag þar sem
Björn Steinar Sólbergsson leikur á
orgel Akureyrarkirkju nokkur verk
og lesið vei-ður úr ritningunni.
Kirkjuvikunni lýkur sunnudaginn
8. mars með hátíðarguðsþjónustu,
sr. Bolli Gústavsson vígslubiskup
predikar.
GÍ komi norður mánaðarlega á
næstunni og verði með aðstöðu á
Bjargi. Gigtsjúkir þurfa beiðni frá
Iækni til að komast að í iðjuþjálfun
og sér Ingvar Teitsson um tíma-
pantanir.
Ólöf Leifsdóttir iðjuþjálfi wð
Kristnesspítala flutti erindi um
menntun og starf iðjuþjálfa. Hún
útskýrði m.a. að með réttri beitingu
liðanna má draga úr hættu á lið-
skemmdum. Þá sýndi hún ýmis
hjálpartæki fyrir gigtsjúka og út-
skýrði hvernig iðjuþjálfar leiðbeina
fötluðum við athafnir daglegs lífs.
Frosti Jóhannsson, framkvæmd-
astjóri norræna gigtarársins á ís-
landi ræddi um kynningarátak það
sem nú fer fram á Norðurlöndunum,
þar sem m.a. er lögð áhersla á hve
gigt er algeng. Talið er að fimmti
hver íslendingur fái gigt einhvei’n
tíma á ævinni. Gigt er algengasta
orsök fjarvista úr vinnu og gigtsjúk-
dómar eru algengasta orsök fötlun-
ar í okkar heimshluta. Á Norður-
löndunum eru rösklega 20% allrar
örorku vegna gigtsjúkdóma. Þrátt
fyrir þetta er minna fé varið til
rannsókna á gigtsjúkdómum og til
lækninga gigtarsjúklinga en til
nokkurs annars sambærilegs heil-
brigðisvandamáls.