Morgunblaðið - 20.02.1993, Qupperneq 18
18
MORGUNBLAÐIÐ LAUGARDAGUR 20. FEBRÚAR 1993
27 daga verkfall BSRB haustið 1984
7 0% voru til-
búnir að hefja
verkfallsátök
Tæplega 61% félaga í KÍ sam-
þykktu verkfallsboðun árið 1988
BANDALAG starfsmanna ríkis og bæja og kennarar í
Kennarasambandi Islands fóru síðast í verkfall 4. október
árið 1984 en þá hafði launalið samninga verið sagt upp frá
og með 1. september. Stóð verkfallið i 27 daga. Giltu þá
önnur lög en nú gilda um kjarasamninga opinberra starfs-
manna sem kváðu á um að ríkissáttasemjari þyrfti að leggja
fram sáttatillögu þegar verkfall væri boðað og að greidd
yrðu atkvæði um tillöguna. Var sáttatillagan felld með 70%
greiddra atkvæða og verkfall boðað með 15 daga fyrir-
vara. Voru þá bæði kennarar í KÍ og hjúkrunarfræðingar
innan vébanda BSRB.
Samningsréttur ríkisstarfs-
manna var í höndum BSRB árið
1984 en bæjarstarfsmannafélög
fóru hvert fyrir sig með samnings-
rétt fyrir bæjarstarfsmenn. Lög-
unum var breytt árið 1986 þegar
samnings- og verkfallsréttur var
færður til aðildarfélaganna.
í dag tekur því hvert einstakt
aðildarfélag ákvörðun um hvort
viðhöfð verði atkvæðagreiðsla um
verkfallsaðgerðir. Ákvörðun form-
annafundar aðildarfélaga BSRB
um að beina því til félagsmanna
að viðhafa atkvæðagreiðslu um
boðun verkfalls í síðustu viku felur
þannig ekki í sér heimild til verk-
fallsboðunar. Niðurstaða atkvæða-
greiðslu í félögunum þarf að liggja
fyrir 15 sólarhringum áður en verk-
fall á að hefjast eða í síðasta lagi
6. mars nk.
Verkfallsboðun KÍ dæmd
ólögmæt 1988
Grunnskóla- og sérskólakennar-
ar í Kennarasambandi íslands
Heimsklúbbur Ingólfs
Operukynn-
ing á Hótel
Sögn í dag
MORGUNBLAÐINU hefur
borist eftírfarandi fréttatíi-
kynning frá Heimsklúbbi Ing-
ólfs:
„Nærri eitt hundrað íslendingar
hlusta á Kristján Jóhannsson sem
Turiddu og Placido Domingo sem
Pagliaccio auk annarra heims-
frægra söngvara í Grand Metro-
politan óperunni í New York hinn
17. mars nk. Þeir ferðast á vegum
Heimsklúbbs Ingólfs og ferðaskrif-
stofu hans, Prímu hf., en Visa ís-
land stendur einnig að ferðinni.
Grand Metropolitan er talið
kröfuharðasta óperuhús heimsins
og hefur í heila öld sópað til sín
besta söngfólki heimsins svo að
jafngildir hæsta gæðastimpli óperu-
söngvara að birtast á sviði þess í
aðalhlutverki.
í dag kl. 16 fjallar tónlistarmað-
urinn Ingólfur Guðbrandsson um
óperumar tvær, Cavalería Rustic-
ana og I Pacliacci fyrir þátttakendur
í ferðinni. Hann rekur bæði sögu
hins fræga óperuhúss, sem fjöldi
íslendinga sækir nú í fyrsta sinn,
jafnframt því að skýra óperumar
og rekja söguþráð þeirra með völd-
um tóndæmum í flutningi frægustu
söngvara sögunnar á fjölum Grand
Metropolitan óperunnar."
(Fréttatilkynning)
greiddu atkvæði um verkfailsboðun
í mars 1988. Félagsmenn voru
3.040 og tóku 91% þátt í atkvæða-
greiðslunni. Var verkfallsboðun
samþykkt með atkvæðum 60,8%
félagsmanna, 36,6% vora á móti
og 5,5% skiluðu auðu. Ekki kom
þó til verkfalls þar sem Félagsdóm-
ur úrskurðaði atkvæðagreiðsluna
ólögmæta þar sem dagsetning
verkfallsdags kom ekki fram á at-
kvæðaseðli.
Bollu-
vertíð-
inhafín
,ÞETTA hefst fyrir alvöru
á laugardag og sunnudag en
aðal salan er svo á sjálfan
bolludaginn," sagði Hörður
Kristjánsson bakarameistari
í Austurveri, aðspurður um
undirbúning bolludagsins.
Hann sagði að þróunin hefði
verið sú að meira væri keypt af
bollum á helginni fyrir bolludag-
inn. Hörður gerði ráð fyrir að selja
um 10 þúsund bollur á mánudag.
„Það hefur heldur dregið úr bollu-
sölu í gegn um árin. Ég er með
þetta skrifað síðan 1976 en árið
1981 var toppurinn hjá okkur. Þá
seldum við um 23 þúsund bollur,"
sagði Hörður. „Annars er búið að
skemma bolludaginn fyrir okkur
bökurum eftir að stórmarkaðamir
komu. Þeir selja bollumar á kostn-
aðarverði eða jafnvel undir kostn-
aðarverði til að trekkja inn hjá
sér.“
Ófylltar og fylltar bollur
„Ég veit ekki hvert úmfangið verð-
ur núna, við eram ekki alltof bjart-
sýnir á ástandið núna,“ sagði Jón
Albert Kristinsson bakarameistari
hjá Myllunni hf. Hann sagði að
sú breyting hefði átt sér stað í
gegn um árin að áður hefði fólk
keypt meira af ófylltum bollum
og fyllt þær sjálft en nú seldist
meira af fylltum bollum.
Morgunblaðið/Ámi Sæberg
Bollurnar fylltar
BOLLURNAR fylltar með rjóma í bakaríinu í Austurveri.
14-18 milljónir vegna
þinghalds starfsstétta
FRIÐRIK Sophusson fjármálaráðherra upplýstí á þingi á
fimmtudag að ríkissjóður greiðir 14-18 milljónir króna
vegna þinghalds eða funda einstakra starfstétta. Þar er
einkum um að ræða fiskiþing, búnaðarþing, kirkjuþing,
prestastefnu, dómsmálaþing og sýslumannafundi. Halldór
Blöndal landbúnaðarráðherra og Jón Helgason (F-Sl) for-
maður Búnaðarfélagsins bentu á að ríkissjóður bæri ekki
kostnað af búnaðarþingi.
í fyrirspumatíma á fímmtudag
sagði Guðmundur Hallvarðsson að
fjölmiðlum hefði orðið tíðrætt um
kostnað ríkisins vegna þinghalds eða
funda ýmissa starfsstétta. Guð-
mundur vildi fá þessi mál betur upp-
lýst. Þess vegna hefði hann leitað
til Ijármálarráðherra eftir svöram
um hve há fjárhæð hefði verið greidd
úr ríkissjóði vegna þinghalds eða
funda ýmissa starfsstétta síðustu
fjögur árin. Fyrirspyijandi vildi einn-
ig fá nánari upplýsingar um hvaða
reglur giltu um greiðslur til þingfull-
trúa eða fundarmanna.
Upplýsingar ekki
aðgengilegar
Friðrik Sophusson fjármálaráð-
herra dró enga dul á að það hefði
reynst nokkuð erfitt að gefa eins
greinargott svar við þessari fyrir-
spurn og vert væri. Upplýsingar um
kostnað af þessu tagi væru ekki
aðgengilegar á einum stað. Hjá ríkis-
bókhaldi, þar sém útlagður kostnað-
ur ríkisins væri skráður, væru út-
gjöld ekki nægjanlega sundurgreind
til að hægt væri með góðu móti að
vinna umbeðnar upplýsingar. Fjár-
málaráðuneytið hefði því leitað til
allra ráðuneyta um upplýsingar.
Óskað hefði verið eftir því að fag-
ráðuneytin miðuðu við stærri, reglu-
bundin þing eða fundi.
Friðrik Sophusson fjármálaráð-
herra greindi frá því að landbúnaðar-
ráðuneytið hefði upplýst hann um
að kostnaður við búnaðarþing væri
greiddur af hinum félagslega þætti
í starfsemi Búnaðarfélags íslands
en ekki úr ríkissjóði. Kostnaður við
búnaðarþing væri um 4% af veltu
félagsins, eða um 4-5 milljónir
króna. Kostnaður við þinghaldið var
árið 1991 5,3 milljónir og 4,5 millj-
ónir árið 1992. Fjármálaráðherra
taldi rétt að geta þess að um 75%
af tekjum Búnaðarfélagsins væra
framlag úr ríkisjóði en sá hluti væri
ekki nýttur til félagslegra verkefna
eins og búnaðarþings.
Sjávarútvegsráðuneytið hefur
ekki veitt félögum eða samtökum
styrki til þinghalds. Undantekning
frá þessu er Fiskifélag íslands sem
heldur árlega fískiþing. Samkvæmt
upplýsingum félagsins hefði kostn-
aður verið árið 1989 2,9 milljónir
króna, 1990 3,5 m.kr., 1991 3,6
m.kr., 1992 3,3 m.kr. Fjármálaráð-
herra sagði að í fjárlögum 1993
væri gert ráð fyrir 2 milljóna króna
fjárveitingu til Fiskifélagsins til að
kosta fískiþing. Það sem upp á kynni
að vanta þyrfti félagið að leggja til
af öðram tekjustofnum.
Dóms- og kirkjumálaráðuneytið
greindi íjármálaráðuneytinu frá því
að þing eða fundir starfsstétta á
þess vegum væru: sýslumannafund-
ir, dómsmálaþing, kirkjuþing og
prestastefna. Sýslumenn og dómarar
hefðu fengið greidda dagpeninga í
2-3 daga og ferðakostnað sam-
Kostnaður vegna þinghalds
starfsstétta
hinghatd Heödarkostn. 1992 Gretðslatil fulttrúa á dag Aðrar greiðslur Jm
Búnaðarþing 4,5 millj. kr. 4.500 kr. Dagpen. og ferðakostnaður
fMiþing 3,3 millj. kr. 3.600 kr. 3.500-7.200 ídvalaikostn. ferðakostn. greiddur
Sýslumannafundir - 0 Dagpen. og ferðakostnaður
Dómsmálaþing - 0 Dagpen. og ferðakostnaður
Kirkjuþing 3,7 millj. kr. 4.904 kr. Dagpen. og ferðakostnaður
Prestastefna 3,9 millj. kr. 0 Dagpen. og feröakostnaður
kvæmt gildandi reglum hveiju sinni.
Kostnaður vegna þessa væri bókað-
ur hjá hveiju embætti fyrir sig ásamt
öðram dagpeninga- og ferðakostn-
aði, en ekki sérgreindur. Því væri
ógerlegt að gera grein fyrir heildar-
kostnaði vegna sýslumannafunda
sem væra haldnir 1-3 daga á ári og
árlegra dómsmálaþinga.
Fj ármálaráðherra sagði að í öðr-
um fagráðuneytum tíðkaðist ekki
að viðkomandi ráðuneyti greiddi
beinan kostnað vegna þinghalds eða
funda starfsstétta. Þó hefði í sumum
tilvikum verið greidd risna við sér-
stök tækifæri og færðist sá kostnað-
ur í flestum tilvikum á risnukostnað
viðkomandi ráðherra.
Fleiri en alþingismenn fá
dagpeninga
Fyrirspyijandi Guðmundur Hall-
varðsson þakkaði fjármálaráðherra
fyrir þau svör sem honum hefði tek-
ist að afla. Hann taldi athyglisvert
að nú hefði komið í ljós að það væra
fleiri en alþingismenn sem fengju
dagpeninga. Hann hvatti til þess að
frekari upplýsinga yrði aflað. Hon-
um þótti það mjög íhugunarvert
hvers vegna kostnaður væri greiddur
vegna funda sumra starfsstétta en
ekki annarra.
Seltjarnames
Hraðahindr-
un fjarlægð
HRAÐAHINDRUN sem sett var
upp á Nesvegi í fyrravor hefur
nú verið fjarlægð, en um var að
ræða hálfkúlur úr stáli sem stóðu
12 sentímetra upp úr götunni. Að
sögn Hrafns Jóhannssonar bæjar-
tæknifræðings á Seltjarnarnesi
tóku kúlurnar að tína tölunni m.a.
í snjómokstri í vetur, og voru þær
siðustu fjarlægðar nú í vikunni.
„Það var búið að ákveða í haust
að malbika yfír kúlumar þar sem
skarð var komið í hindrunina, en
vegna veðurs hefur ekki verið hægt
að vinna það verk. Þessi hindran var
allt annars eðlis en þær hraðahindr-
anir sem hafa verið hérna, og leysti
hún meðal annars tæknilegan vanda
þar sem hægt er að hafa hana á
götum þar sem vatnsrennsli er mikið
án þess að gera ráðstafanir með nið-
urföll eins og þurft hefur að gera
varðandi hefðbundnar hindranir,"
sagði hann.