Morgunblaðið - 06.04.1993, Síða 12
12
MORGUNBLAÐIÐ ÞRIÐJUDAGUR 6. APRÍL 1993
Háskólakórinn í
Seltjamameskirkju
Tónlist
Ragnar Björnsson
Strax í fyrsta takti íslensks
tvísöngslags, sýndi Mákon Leifs-
son að hann er góður kórstjóri.
Taktslag hans er skýrt, auðheyrt
var að hann hafði skoðun og hvert
hann stefndi með hveiju lagi fyrir
sig, þetta er nokkuð sem ekki öll-
um kórstjórum er gefið. Þegar
fram í sótti komu þó í ljós smá-
ágallar, sem reynslan hefur leyfi
til að benda á. Taktslagið hjá
Hákoni vill gjarnan verða nokkuð
stórt, fyrir kór. Hjá hljómsveitinni
eru það hinar löngu og breiðu lín-
ur sem gilda og þá geta stór slög
hentað. Kórinn þarf að skila skýr-
um textaframburði, nákvæmri
tónmyndun, þessu og fl. þarf kór-
stjórinn fyrst og fremst að fylgja
eftir hjá kórnum og til þess eru
stór slög óþörf og allt sem óþarft
er, er jú umfram og þar með aldr-
ei til bóta o.s.frv. Nokkuð var um
að síðari stafurinn í orði hveiju
hyrfi hjá kórnum, ekki var heldur
alltaf tekið nægjanlega utan um
upphaf orðs og hvar skal anda,
var einnig stundum svolítið tilvilj-
anakennt. En þessi atriði kennir
reynslan stjórnandanum fijótlega
og aðalatriðið er að Hákon er lof-
andi kórstjóri. Léttur og skemmti-
leg^ur blær fylgir Háskólakórnum,
en hann þarf að læra sitt og þarf
vitanlega ekki að taka það sér-
staklega fram við háskólanema.
En raddþjálfun er ábótavant,
raddmyndun kórsins er of flöt, en
efniviður er fýrir hendi í miklu
fyllri og hreinni hljóm. Hér þarf
Hákon Leifsson
kórinn að átta sig á hvert hann
vill stefna og hve mikla vinnu
hann vill á sig leggja. Að þessu
sinni var efnisskráin alíslensk,
tvísöngslög, úts. isl. þjóðlög, sálm-
ar, alþýðusöngvar, dægurlög, ætt-
jarðarlög, karlakórssöngur, nú-
timaviðfangsefni eftir Atla Heimi,
Leif Þórarinsson og Jón Leifs,
fróðleg og skemmtileg ganga
gegnum íslenskar kórgerðir, eða
stíla, þar sem langt mál mætti
hafa um hvert lag, og þar sem
margt var mjög vel gert, annað
örlítið miður. Erfiðast er að láta
einföld lög hljóma einföld, - til-
gerðarlaus, en sem hrífandi mús-
ík.
TVÆR SÝNINGAR
_______Myndlist_________
Bragi Ásgeirsson
í listhúsinu að Skólavörðustíg 15
hafa að undanfarið hangið uppi
nokkur myndverk eftir Elías Hjör-
leifsson, og stendur sýningin til
mánaðamóta. Á henni eru 27 litlar
myndir í römmum og eru þær af
ýmsum toga, en auk þess eru til
sýnis nokkrir skúlptúrar. Elías hef-
ur víða komið við um dagana og
m.a. verið búsettur erlendis um
árabil, en hvað listrænar athafnir
hans áhrærir munu þær öðru frem-
ur vera hjáverk frá amstri dægr-
anna.
En það sem sker Elías úr frá
mörgum sjálfmenntuðum mynd-
listarmönnum er að hann virðist
hafa viðað að sér talsverðri þekk-
ingu á myndlist og ýmsar mynda
hans á sýningunni bera vott um
að með honum leynist töluverðir
hæfileikar. Hann hefur einnig til
að bera ákveðna artistíska kennd,
sem kemur einkum fram þar sem
hann sækir myndefni sitt í austur-
lenzk áhrif. Ennfremur hefur hann
næmi fyrir línusamspili, sem er
afar mikilsverður hæfileiki, sem
ekki öllum er gefinn.
Þetta er með fjörlegri sýningum
sem settar hafa verið upp upp á
staðnum, þótt margar myndanna
risti ekki djúpt í sjálfu sér, og
styrkur hennar felst mikið til í
því, að gerandinn er sér meðvitað-
ur um sitthvað í hræringum tím-
anna og reynir að takast á við við-
fangsefni sín.
Rut Rebekka
Rut Rebekka sýndi nýlega í FÍM
Elías Hjörleifsson
salnum í Garðastræti 6 mikinn
fjölda af litlum olíu- og þurrpastel-
myndum. Myndlistarkonan hefur
verið mjög athafnasöm á þeim ára-
tug, sem liðinn er síðan hún kom
fyrst fram og haldið nær tug einka-
sýninga auk þátttöku í fjölda sam-
sýninga heima sem erlendis.
Á sýningunni í FÍM salnum eru
stílfærðar náttúrulífsmynd og sýn-
ir Rut Rebekka hér alveg nýja hlið
á sköpunarviðleitni sinni. Töluvert
af myndunum eru unnar á ferða-
lagi hennar um Austurland á sl.
hausti. Ekki er þó gott að átta sig
á því af myndunum sjálfum því
að þær eru öðru fremur stílfærð
hughrif þess sem augað nemur.
Og hvað Austurlandið snertir er
auðvelt að fá hugljómun á þeim
stórbrotnu slóðum.
_d,.....-...
Rut Rebekka
Verk Rutar eru fyrst og fremst
lauslegt riss úti í náttúrunni og
meira bein augnabliksáhrif en að
hún hugi að myndbyggingarlög-
málum, litrænum krafti og töfra-
brögðum sérstæðra litasambanda.
Ijeikurinn býður ekki upp á mikil
myndræn átök né óvæntar úr-
lausnir og hér er hugarflugið ei
heldur virkjað svo neinu nemi. En
þar sem greinir eitthvað af þessum
þáttum eins og t.d. í myndunum
„Hið litríka land“ (17) og „Fagri
dalur“ (37) svo og myndaröðinni
frá Skaftafelli nr. 31-34 nær hún
eftirtektarverðustum árangri að
mínu mati.
Vegna mistaka birtust þessir
listdómar ekki í tíma og eru hlutað-
eigandi beðnir velvirðingar á því.
MENNINGARDAGAR Á EGILSTÖÐUM
2-12. APRÍL
Leikfélag Fljótsdalshéraðs
sýnir
Kardímommubæinn
Hálft f hvoru
og héraðsvísnavinir
(7 apríl)
Jeppaferð í íshelli
(9. apríl)
Skíðadagur fjölskyldunnar
á Fjarðarheiði
Vélsledaferðir, rússibani,
leikjabraut, sælgætisregn o.fl.
„GLEÐIGJAFAR"
skemmta í Valaskjálf
(3. apríl)
Eyjólfur Kristjánsson og
Ingi Gunnar Jóhannsson
eftir miðnætti (9. apríi)
Einnig verða myndlistasýninar og kvikmyndasýningar á menningardögunum
HÓTEL
TILBOÐ :J—I
VALASKJALF fIu9 o9 9i*tin9 kr. 13.500,- FLUGLEIÐIR
znw QTrSrM \ka . q 07.1 i Qnn ífflim . ^
ísíma 97-11500. M Sími690200
EGILSTÖÐUM • S. 97-11500
Sími 97-11500