Morgunblaðið - 21.04.1993, Blaðsíða 11
MORGUNBLAÐIÐ MIÐVIKUDAGUR 21. APRÍL 1§93
Píanótónleikar
Tónlist
Jón Ásgeirsson
Bandaríski píanóleikarinn Ne-
lita True kom fram á tónleikum
í Garðabæ sl. mánudag, sem
haldnir voru á vegum tónlistar-
skóianna í Garðabæ. Kópavogi og
Reykjavík. True er prófessor í
píanóleik við Eastman-Roehester
tónlistarháskólann í New York. Á
efnisskránni voru verk eftir Will-
iam Sydemann, Mozart, Prokofíev
og Schumann.
Fyrsta viðfangsefni tónleik-
anna voru Tvö verk fyrir píanó
eftir William Sydeman. Fyrstu
tónar verksins minna á upphafs-
tónmynd í prelúdíu eftir Gershwin
en er að öðru leyti frekar sviplaus
tónlist, sem þó var vel flutt.
F-dúr sónatan K 332 eftir Moz-
art er falleg tónlist og var á marg-
an hátt vel leikin, sérstaklega
lokakaflinn, sem var skemmtilega
glettinn í útfærslu píanóleikarans.
Fjórða sónatan, op. 29 eftir Pro-
kofíev, er dramatískt verk og
hefði hægi kaflinn mátt vera
nokkuð hægari (þungstígur) en
það er svo með góða hljóðfæra-
leikara, að þeir meta oft hraðann
á annan máta, almennur hlust-
andi. í heild var sónatan mjög vel
leikin og sérstaklega lokakaflinn.
Nelita True er frábær píanó-
leikari og mikil listakona, en eins
og mörgum teknikerum hættir
henni oft til að leika um of með
„tempóin" og þannig var Carnav-
alið eftir Schumann, einum og
„keyrt áfram“. Þrátt fyrir að
ýmsir viðkvæmir staðir væru fal-
lega mótaðir, vantaði stundum þá
skáldlegu viðdvöl,_sem í einstaka
kafla glampar á. í heild var gert
Nelita True píanóleikari.
meira úr, þar sem hraðinn og
krafturinn skiptir máli og þar á
Nelita True af miklu að taka.
Voces Thules
Sönghópur sem nefnir sig
Voces Thules og samanstendur
af fimm karlsöngvurum, stóð
fyrir tónleikum á Sólon íslandus
sl. sunnudag. Á efnisskránni
voru madrigalar og íslensk þjóð-
lög og helgisöngvar. Raddskipan
kvintettsins er tveir kontratenór-
ar (Sverrir Guðjónsson og Sig-
urður Halldórsson), tenór (Guð-
laugur Viktorsson), baríton
(Eggert Pálsson) og bassi (Ragn-
ar Davíðsson). Fluttir voru madr-
igalar eftir Gastoldi, Lasso, de
Sermisy, Farmer, Morley, Ben-
net, de Prés, Monteverdi,
Jannequin, Gibbons og Banchi-
eri, sem allir eru frábærir höf-
undar og voru mikilvirkir í gerð
madrigala. íslensku þjóðlögin
voru Vera mátt góður og Vorið
langt, en helgisöngvarnir Felix
ille, Jésú, mín morgunstjarna og
0, Pater, o hominum. Tónleikun-
um lauk með miðaldakeðju-
söngnum Sumer is icumen in og
voru tónleikagestir látnir syngja
ostinato-bassastefið sem tókst
all vel.
Voces Thules er á margan
hátt ágætur sönghópur en radd-
lega eru söngvararnir mjög mis-
jafnir að styrk, svo samhljóman-
in var ekki nógu þétt og einstaka
raddir skáru sig úr. Kontratenór-
amir hefðu mátt beita sér meir
en þeir gerðu. Madrigalar eru
oftast sungnir með fullum radd-
styrk þó veikur söngur megi
einnig heyrast, til að merkja þar
við sem styrkleikaskil skulu vera
greinileg. Framburður texta var
góður, svo og leikrænar útfærsl-
ur, eins og t.d. í E1 grillo eftir
Josquin des Prés, er var sérlega
skemmtilega fluttur og Contr-
punkto bestiale alla mente eftir
Banchieri. Leikræn og gaman-
söm tónverk Banchieris höfðu
áhrif á hugmyndir manna um
gerð óperunnar og hann, ásamt
Orazio Vecci, sömdu serenöður,
sem voru háðskar (paródíur) út-
leggingar á madrigölum og al-
varlegri tónlist, þar sem auk
söngs gat að heyra hróp og köll
og eins í fyrrnefndu lagi, en
umgerð drykkjusöngsins, sem
var ágætlega fluttur af Ragnari
Davíðssyni, voru eftirlíkingar á
dýrahljóðum.
Flutningur Voces Thules á ís-
lensku þjóðlögunum var nokkuð
á annan veg en venjulega og í
raun allt gott' um það að segja,
þó reynt sé að færa þau nær
írskum þjóðlögum með fjörugum
handtrommuleik. Það er ekki
fjarri lagi að uppfæra Vera mátt
góður sem danslag, en Sigríður
Valgeirsdóttir hefur bent á, að
formgerð lagsins falli að frönsk-
um miðaldadansi, „basse“-dansi,
og líklegt að orðið „bassóló“ hjá
Bjarna Þorsteinssyni sé í raun
vísbending um að svo hafí verið.
Seinna þjóðlagið, Vorið langt,
verður tæplega sagt vera dans-
lag, miklu fremur dapurleg gam-
ansemi um félagsleg áhrif af
tóbaks- og vínskorti á þeim tím-
um er skipakomur voru helst til
stijálar. Hvað sem þessu líður
var flutningurinn hressileg til-
breyting frá þunglamalegri upp-
færslu slíkra laga. Helgisöngv-
arnir voru fluttir með hefðbundn-
um hætti og fallegri hljóman og
þó sálmalagið fallega, Jésú mín
morgunstjarna, hafi verið flutt
samkvæmt rithætti í handriti,
er útlegging Bjarna Þorsteins-
sonar hljómfegurri. Þeir sem
hafa borið saman frumhandrit
og frágang Bjarna Þorsteinsson-
ar á íslenskum þjóðlögum, hafa
oft rekist á nokkurn mun, sem
vert væri fyrir tónfræðing að
athuga, en Bjarni mun í nokkrum
tilfellum hafa látið tónskáldið í
sér ráða endanlegri gerð sumra
þjóðlaga, oft til bóta fyrir söng-
menntina en miður þá gætt að
upprunaleikanum.
Borgarleikhúsið
Unnið að leik-
gerð Evu Lunu
BORGARLEIKHÚSIÐ hefur
ákveðið að færa upp á næsta leik-
ári verk, byggt á skáldsögunni
Eva Luna eftir chíleska rithöf-
undinn Isabei Allende, sem kom
út á íslensku fyrir nokkrum árum
síðan. Ekki er búið að ganga frá
hlutverkalista, en samkvæmt
heimildum Morgunblaðsins er
áætlað að Sólveig Arnarsdóttir
fari með titilhlutverk sýningar-
innar.
Sigurðar Hróarsson, leikhússtjóri
Borgarleikhússins, segir að þeir
Kjartan Ragnars-
son, Óskar Jónas-
son og Egill Ólafs-
son hafí um skeið
unnið að færa bók-
ina Eva Luna eftir
skáldkonuna Isa-
bellu Allende í
leikbúning. „Það
er engin launung
að þeir félagar
hafa um skeið
unnið að því að semja leikrit með
söngvum sem byggist á sögunni.
Búið er að fá öll tilskilin leyfi frá
Allende og umboðsmanni hennar í
Barcelona og áætlað að þetta leik-
rit verði á verkefnaskrá næsta leik-
árs. Þetta er hins vegar ekki frá-
gengið og meðan svo er í pottinn
búið er þetta aðeins ein margra
hugmynda á teikniborðinu." Sig-
urður segir að ekki sé búið að ganga
frá hlutverkalista sýningarinnar, en
samkvæmt þeim upplýsingum sem
Morgunblaðið hefur aflað sér, mun
vera afráðið að leikkonan unga,
Sólveig Arnarsdóttir, fari með hlut-
verk Evu Lunu. Sólveig fékk á dög-
unum verðlaun í Rúðuborg í Frakk-
lanai fyrir leik sinn í kvikmvndinni
Inguló eftir Ásdísi Thoroddsen.
Áætlað er að byijað verði að æfa
verkið næsta haust. í þessum leik-
búning sögunnar verða söngvar
áberandi, án þess þó að um söng-
leik sé að ræða.
-----♦ ♦ ♦
Myndlist-
arsýning
Á SUMARDAGINN fyrsta, 22.
apríl klukkan 13.30 verður opnuð
myndlistarsýning á Vesturgötu
1, annarri hæð (í Geysishúsinu).
Myndirnar á sýningunni eru unnar
af börnum og starfsfólki í sex leik-
skólum Reykjavíkurborgar.
Síðastliðinn vetur var sett af stað
tilraunaverkefni sem nefnist
„Menntun í starfi“, en meginmark-
mið þess var að efla og styrkja þátt
listgreina í upeldis- og kennslustarfi
leikskólanna. Verkefnisstjóri var
Steinunn Helgadóttir fóstra.
Sýningin verður opin frá klukkan
10- 17 virka daga og frá klukkan
11- 16 laugardag og sunnudag. Sýn-
ingunni lýkur þriðjudaginn 27. apríl.
Morgunblaðið/Emelía
Isabel Allende.
Operutónleikar í Ytri-
Njarðvíkurkirkju
Á morgun, fimmtudaginn 22.
apríl, kl. 17.00 verða haldnir
óperutónleikar í Ytri-Njarðvík-
urkirkju. Þar mun Helgi Marons-
son, tenór, syngja ásamt Kristínu
R. Sigurðardóttur og Bjarna
Thor Kristinssyni. Undirleikari
er Krystina Cortes.
Á tónleikunum verða fluttar
þekktar aríur og dúettar úr ýmsum
óperum, t.d. La Bohéme og Toscu,
eftir Puccini, Don Giovanni eftir
Mozart, Ástardrykknum og Luciu
di Lammermoor eftir Donizetti og
Don Carlos og La Forza del Destino
eftir Verdi.
Helgi Maronsson lauk einsöngv-
araprófi frá Tónlistarskólanum í
Njarðvík, kennari hans þar var
Ragnheiður Guðmundsdóttir. Krist-
ín R. Sigurðardóttir og Bjarni Thor
Kristinsson eru bæði nemendur í
Söngskólanum í Reykjavík, og er
Ragnheiður einnig kennari þeirra.
SIEMENS
■
Með SIEMENS heimilistœkjum verður lífið léttara!
Traustir umboðsmenn okkar
• Akranes: Rafþjónusta Sigurdórs, Skagabraut 6.
• Borgarnes: Glitnir, Fálkakletti 13.
• Borgarfjöröur: Rafstofan Hvítárskála.
• Hellissandur: Verslunin Blómsturvellir, Munaöarhóli 25.
• Grundarfjöröur: Guðni Hallgrímsson, Grundargötu 42.
• Stykkishólmur: Skipavík, Hafnargötu 7.
• Búöardalur: Versl. Einars Stefánssonar, Brekkuhvammi 12.
• ísafjöröur: Póllinn hf„ AÖalstræti 9.
• Blönduós: Hjörleifur Júlíusson, Ennisbraut 1.
• Sauöárkrókur: Rafsjá hf„ Sæmundargötu 1.
• Siglufjöröur: Torgið hf., Aöalgötu 32.
• Akureyri: Ljósgjafinn, Reynishúsinu, Furuvöllum 1
eru víðs vegar um landið!
• Húsavík: öryggi sf„ Garðarsbraut 18a.
• Þórshöfn: Norðurraf, Langholti 3.
• Neskaupstaöur: Rafalda hf„ Hafnarbraut 24.
• Reyöarfjöröur: Rafnet, Búðareyri 31.
• Egilsstaöir: Raftækjav. Sveins Guðmunds., Kaupvangi 1.
• Breiödalsvík: Rafvöruv. Stefáns N. Stefánss., Asvegi 13.
• Höfn í Hornafiröi: Kristall, Hafnarbraut 43.
• Vestmannaeyjar: Tréverk hf„ Flötum 18.
• Hvolsvöllur: Kaupfélag Rangæinga, Austurvegi 4.
• Selfoss: Árvirkinn hf„ Eyrarvegi 29.
• Garöur: Raftækjav. SigurÖar Ingvarssonar, HeiÖartúni 2.
• Keflavík: Ljósboginn, Hafnargötu 25.