Morgunblaðið - 17.06.1993, Blaðsíða 36

36
MORGUNBLAÐIÐ FIMMTUDAGUR 17. JÚNÍ 1993
Um 1.000 fermetra blómaskáli opnaður við Hafnarstræti
Margvísleg starfsemi
í suðrænu umhverfi
BLÓMAHÚSIÐ, eitt þúsund
fermetra blómaskáli við Hafn-
arstræti á Höephnerssvæðinu
svokallaða, verður opnaður í
dag, þjóðhátíðardaginn 17.
júní. Hlutafélagið Glerhús
byggði skálann en að því
standa yfir 10 einstaklingar.
Skálinn er þrískiptur. í syðsta
hluta hans verður Blómahúsið, sem
áður var í Glerárgötu með blóma-
og gjafavöruverslun, veitingasalur
sem tekur 100 manns í sæti er í
miðju skálans og í norðurhlutanum
verður breytileg starfsemi sem fer
eftir árstíðum.
Oðruvísi staður
Ágúst Hilmarsson markaðsstjóri
Blómahússins sagði að í sumar
yrði í norðurhluta skálans rekin
ferðamannaverslun. „Þarna verður
hægt að efna til smærri sýninga,
vörukynninga og þá má hugsa sér
að t.d. um jól og páska yrði þarna
starfsemi sem tæki mið af þessum
árstíðum,“ sagði Ágúst.
Sjálft húsið, sem er 1.000 fer-
metrar að stærð, er flutt inn frá
Danmörku, en turna sem á því eru
hannaði Fanney Hauksdóttir arki-
tekt á Akureyri og um hönnun
innanhúss sá Tryggvi Tryggvason
arkitekt. „Við erum bjartsýnir,
þessi staður er öðruvísi en aðrir
hér í bænum og þá eigum við von
á að ferðamenn kunni vel að meta
að skoða sig um hér.“
Morgunblaðið/Rúnar Þór
Bjartsýnn
ÁGÚST Hilmarsson markaðs-
sljóri segist bjartsýnn á starf-
semi Blómahússins.
Tollgæslan fær fíkniefnahund vegna aukinna verkefna
Fleiri skipakomur og
aukning á beinu flugi
AUKNAR komur skemmtiferðaskipa og eins stóraukin flugumferð
beint frá útlöndum hefur í för með sér umtalsvert fleiri verkefni hjá
Tollgæslunni á Akureyri, en þar starfar sami mannskapur og áður.
Tollverðir fá fíkniefnahund Tollgæslunnar til liðs við sig í sumar við
fíkniefnaleit vegna aukinnar flugumferðar.
Systrakvöld
kirknanna
á Akureyri
SAMEIGINLEGT systra-
kvöld Akureyrar kir kj u
og Glerárkirkju verður
haldið í Glerárkirkju
annað kvöld, föstudags-
kvöldið 18. júní frá kl.
20 til 22.
Dagskráin verður fjöl-
breytt. Björg Þórhallsdóttir
syngur, kynnt verður nám-
skeið í andlegri leiðsögn og
systradagar á Búðum á Snæ-
fellsnesi sem haldnir verða
um aðra helgi.
Sigurður Pálsson yfirtollvörður á
Akureyri sagði að skipakomum hefði
fjölgað úr 19 í 28 milli ára og þá
kæmu 11 þotur beint frá Sviss til
Akureyrar í sumar. Þegar hefðu
komið 2 þotur í beinu flugi frá Ham-
borg og sú þriðja væri væntanleg á
laugardag. Loks mætti nefna að í
tengslum við flutninga áhafna á hin-
um þýsku togurum sem Útgerðarfé-
lag Ákureyringa á meirihluta í hefðu
komið tvær vélar frá Berlín beint til
Akureyrar.
Stóraukin verkefni
„Við merktum þessa aukningu
strax í vor og sjáum fram á stórauk-
in verkefni í sumar,“ sagði Sigurður.
Fyrsta beina flugið frá Sviss var
síðastliðið föstudagskvöld og fengu
tollverðir þá fíkniefnahund Tollgæsl-
unnar til liðs við sig. Sagði Sigurður
að áætlað væri að fá hann norður
af og til í tengslum við beint flug
frá útlöndum.
Tollgæslan á Akureyri hefur flutt
sig um set, úr Eimskipafélagshúsinu
við Oddeyrarbryggju og í húsnæði
Sýslumannsins á Akureyri við Hafn-
arstræti 107.
Fjölbreytt
dagskrá
þjóðhátíð-
ardagsins
DAGSKRÁ 17.júní hátíðahald-
anna 'á Akureyri hefst með hóp-
akstri Bílaklúbbs Akureyrar um
bæinn, en flest dagskráratriði
fara fram við Ráðhústorg.
Skrúðganga verður frá Kaupangi
að Ráðhústorgi kl. 13.30. Lúðrasveit
Akureyrar leikur, flutt verða ávörp,
danssýningar verða og. Magnús
Scheving sýnir listir sínar. Leikhóp-
urinn Norðurljósin sýna og hesta-
menn setja svip sinn á bæinn.
Aflraunakeppni verður kl. 15,
NBA-skiptimarkaður verður í mið-
bænum og verður Pétur Guðmunds-
son körfuboltakappi á svæðinu.
Síðdegis er söngvakeppni barna
10 til 14 ára á dagskrá og síðan
barnaball, en um kvöldið verður m.a.
harmonikkuball í göngugötunni.
Hin árlega bílasýning Bílaklúbbs
Akureyrar verður við Oddeyrarskól-
ann, Vélflugfélag íslands býður upp
á útsýnisflug og félagsmenn í sigl-
ingaklúbbnum Nökkva bjóða í sigl-
ingu frá Torfunefsbiyggju.
----» + +--
Kvennahlaup
í Kjarnaskógi
KVENNAHLAUP á Akureyri fer
fram í Kjarnaskógi á laugardag-
inn, 19. júní næstkomandi og hefst
skráning kl. 13.30.
Kvennahíaup á vegum íþrótta-
sambands íslands hefur undanfarin
ár farið fram í tengslum við kvenna-
daginn 19. júní.
Að lokinni skráningu verður sam-
eiginleg upphitun með léttum æfíng-
um áður en lagt verður af stað. Eft-
ir að hlaupinu lýkur verður boðið upp
á hressingu og séð til þess að teygt
sé á vöðvunum.
HRÍSEYJARHREPPUR
ÚtbeA
Tilboð óskast í gatnagerð í Hrísey. Helstu magntöl-
ur u.þ.b.: Uppgröftur 2.200 m3, fylling 1.800 m3,
kantsteinn 1.000 m og hellulögn 3.200 m2.
Útboðsgögn verða afhent á skrifstofu Hríseyj-
arhrepps og Verkfræðistofu Norðurlands,
Hofsbót 4, Akureyri.
Tilboð verða opnuð 28. júní nk.
Bmúlr Eylaílarðar 1990
Tilboð um úskrift
Bókin „Byggðir Eyjafjarðar 1990“ kemur út nú
síðla sumars. Bókin, sem verður í tveim bindum
alls um 1200 síður, er prýdd litmyndum af bæjum
og búendum auk texta með lýsingu á hverri jörð
og ábúendatali frá síðustu aldamótum.
Fram til júníloka 1993 verður hægt að gerast
áskrifandi að þessari bók á sérstöku tilboðsverði
kr. 10.000. Eftir 1. júlí mun bókin með virðisauka-
skatti kosta kr. 13.680.
Áskrift er hægt að gera í síma 96-24477 eða bréf-
lega til Búnaðarsambands Eyjafjarðar, Óseyri 2,
603 Akureyri. Sendir verða gíróseðlar til þeirra
er þess óska, en greiðslu verður að inna af hendi
fyrir 1. júlí 1993.
Búnaðarsamband Eyjafjarðar.
SKEMMTANIR
■ PELICAN spilar í kvöjd, 17. júní, á Lækjartorgi
ásamt fleiri hljómsveitum. Á föstudag leikur hljómsveit-
in á Hótel Stykkishólmi og þaðan liggur leiðin á laug-
ardeginum á Dalvík þar sem leikið verður í félagsheim-
ilinu Víkurröst. Sunnudags- og mánudagskvöldið 20.
og 21. júlí spilar Pelican á Gauki á Stöng.
■ TODMOBILE leikur í kvöld, 17. júní, í Kópavogi
og þar verður einnig boðið upp á Stóru börnin sem
er dóttursveit Todmobile. Á föstudag verða tónleikar
á Hótel íslandi þar sem hljómsveitin leikur ásamt
GCD. Á laugardagskvöldið er svo leikið á Hótel Ing-
hóli, Selfossi.
M SKRIÐJÖKLAR verða á ferð um Austurland um
þjóðhátíðina. í dag er barnadansleikur á Eskifirði og
um kvöldið verður slegið upp unglingadansleik. Á föstu-
dag leikur hljómsveitin á Seyðisfirði og laugardaginn
á Vopnafirði.
■ NÝ DÖNSK leikur í kvöld, 17. júní, í Hafnar-
firði. Um helgina, föstudaginn 18. og laugardaginn
19. júní, leikur hljómsveitin í Sjallanum, Akureyri.
■ PLÁHNETAN spilar í kvöld, 17. júní, í miðbæ
Reykjavíkur. Föstudaginn 18. júní leikur hljómsveitin
á Hótel Læk, Siglufirði. Laugardaginn 19. júní ligg-
ur svo leiðin í félagsheimilið Miðgarð.
■ Á PLÚSNUM föstudaginn 18. og laugardaginn
19. júní leikur hljómsveitin Hinir skuldbundnu eða
„The Commitments". Húsið er opið kl. 21-3 báða
dagana.
H SSSÓL leikur í kvöld, 17. júní, í miðbæ Reykjavík-
ur en á laugardagskvöld leikur sveitin fyrir dansi í
Þotunni í Keflavík.
■ SÓLON ÍSLANDUS. k sunnudag halda tónleika
Aðalsteinn Ásberg og Anna Pálína ásamt jasstríóinu
Skipað þeim. Flutt verða gömul og ný lög, vísnatón-
list, jass og blús. Tónleikarnir verða á efri hæðinni og
hefjast kl. 21.
■ HRESSÓ. í kvöld verður garðpartí með hljómsveit-
inni Júpíters. Föstudag er það svo rokksveitin Jötun-
uxar sem leikur fyrir gesti og á sunnudagskvöld leik-
ur svo stórsveitin Priðrik XII.
■ Á HÓTEL SÖGU laugardag leikur hljómsveitin
Karma frá Selfossi með feðgunum Ólafi Þórarins-
syni (Labba í Mánum) og Guðlaugu Ólafsdóttur í
fararbroddi. Húsið verður opnað kl. 22, aðgangseyrir
850 kr. Þeir sem leggja leið sína í Skrúð eða Grillið
fá frítt inn í Súlnasalinn.
■ STJÓRNIN verður órafmögnuð í kvöld, 17. júní,
í Sjallanum á Akureyri. Föstudaginn 18. og laugar-
daginn 19. júní leikur síðan hljómsveitin í Vala-
skjálf, Egilsstöðum.